رواية انها كالخمر العتيق تذهب العقل الفصل الثامن 8
'
نزلت لمستواها وهي تقومها:حرام عليك يبه اسمع سحاب مستحيل تسوي هالشي
أنعمت عيونها تمامًا وصفعها صفعة اخرى لكن هالصفعة ما كانت مؤلمة أكثر من كلماته القاسيةٍ.. أوقعتها على الأرض انجرح خدها من التصاقه بالسجاد ولكن هالجرح ما كان وقعة مثل وقع جرح الكلمات
قربت وقومتها بغضب:قومي لا بارك الله فيك يا الشيطانه ايًا السوسة فكرنا مقعدين بينا ادمية طلعتي أخس من الشيطان الرجيم
اتجهت الخادمة وهي تمد شنطتها سحبتها بداهة ورمتها امامها بإمر:البسي عباتك و اطلعي !
احنا ما نبي وحدة تجييب لنا المصايب
بلعت ريقها و جسَدها يرتجف:وين اروح ؟
قام من مكانه بغضب وستنطق كلمته:روُحي لجهنم الحمراء والا اقولك كلمي هذا الى من شوي قال اسمك وبكل قوة عين تنكرين انتي خنتي الثقة الى عطيتك اياها اخوي بقبرة ماهوب راضي عليك !!
سحاب:وابوي ماراح يرضيه ترميني لا تنسى وصيته انت ظلمتني ظـلمتنييي ؟؟
نزلت دموعها بحرقة:يبه وش ما صار ان شاءالله سحاب كلمت بس ما توصل فيك انك ..
قاطعتها بغضب شديد:انتي اسكتي !
ما تستاهل تسامحها على هالفعل الشنيع
كانت تجهزت أمامهم وتحديدًا تحت نظرات الشر من عمها"ناصر" الى شافته شخص ثاني مستحيل تنسى كلماته الى كانت أشبه بالسكين هالشخص الى ظهر على حقيقته امامها...
'
" بدر "
ركب سيارته بشكل سريع بعد ما وصله خبر أن احد أصحاب ابوه والى بالنسبة له عم وغالي على قلبه مريض ويحتاج الدواء،
تنهد بعد ما وصله صوته:.محمد ابوك وش أخباره خفت حالته ؟ أنا على الطريق
محمد:الله يخليك يا بدر استعجل ابوي اول مرة يتعب بهالشكل الله يخليك!!.
اغلق فورًا وهو ينطق:يارب أنت الشافي اشفيه،
'
" ملاك "
رمت نفسها على السرير بتعب بعد هاليوم الشاق و ناظرت ليدها الى توجعها وزفرت:والله ماراح انسى انك لويت ذراعي،
وراح تندم على هالحركة وراح تتذكرها يا عبدالله!!.
استعدلت من سمعت صوت الباب ودخوله:بيضتي وجهي اليوم وصلتي الفلوس
ناظرت لجهة اليسار بعدم اهتمام:وهذا الى مفرحك
عاصم:الا وش صار على عبدالله هذا !
ملاك:شفته وتكلمنا وما يقدر يسوي شي
عاصم:اعطيني التسجيل ؟
ضحكت بسخرية:جدي هالتسجيل أمانة انا مو انسانة سيئة ما راح اوصل لحدّ ابدًا هالتسجيل
عاصم:انتييي مريضة ولا وش اقولك هالشي بيخليني افتك منه مدى الحياة،
عقدت حاجبها:بس لو وصل هالتسجيل والمعلومات عنه والحقائق راح يموت واحد بعزّ شبابه ؟.
أظن انت عارف مين هالناس وربي راح يسألك عن هالشي السيء وروح الأبرياء!!.
+
