رواية زواج في زواج الفصل السادس 6 بقلم جمانه السعيدي
ميار...اليوم الثاني مارحت للدوام
حتى خدودي صارن حمر احس كلي طاقه ماكو مشاكل وقيل وقال
رجع اياد اتصل ثاني يوم يطمن عليه
ميار...هلو استاذ
اياد..شلون صرتي
ميار...الحمد لله كلش كلش زينه انت لازم تاخذ مكافئه
آياد.. ليش
ميار..لكيت الحل اني هليومين بااحسن مايكون مرتاحه نفسيا وجسديا
اياد...سهله هلمره الاستشاره مجانيه مرة اللأخ بفلوس
ميار..ولله تستاهل
اياد..انتبهي النفسج باجر اداومين انشاء الله
ميار...اي مو بس اداوم اخلص الشغل كله وحدي هلكد ما نشيطه
اياد...اي عفيه
ميار...شكرا استاذ تسمعني وتدعمني معنويا
اياد...لاتشكريني اني الي لازم اعتذر منج اني دمرت حياتج بهاي الزواجه
ميار...الحياة تجارب الإنسان لازم يشوف الموزين حتى يقدر الاشياء الزينه
جمانه السعيدي
اياد...اي ولله صدك اني هسه يله عرفت عمري ضاع حرامات وياا مروه كان لازم اكون حازم وياها من البدايه
استغلت حبي
وضيعت كلشي حلو جانت بس تزعل اركض وراها اصالحها وهذا الشي خلالها تتفرعن عليه شوفي هلمره عفتها شلون كامت تحوس تريد بس ترجع
ميار...نتحمل ولله كريم (كل مر سيمر) انشاء الله
شكرا لان تسئل عني
اياد...ادللي
ميار...فعلا من احجي وياا اياد احس براحه نفسيه فضيعه
بليل اتصل عليه كرم شعجب ذكرني
أكرم...هاا ترجعين اجي اخذج
ميار...همزين سئلت شعجب
أكرم...ليش انتي وين رايحه وتردين اسئل
هياتج بيت اهلج
ميار...بس اني زعلانه ليش تغلط عليه علمود مروه
اني ما مسؤله عن مشكلتها اختك وانت حل مشاكلها
أكرم...لا خلف الله عليج بعد لا تسعين بهذا الموضوع شكرا
هي راح ترجع البيتها وحدها
ترجعين اجي اخذج
امي اشرتلي اي خل يجي ياخذج
أشرت الامي ابات اليله
كالت لا روحي وتعاي غير يوم
ميار...يله تعال منتضرتك
اجا أكرم ورجعت وياا بليل ثاني يوم
رجعت واشوف البيت مخبوص خبص
مروه رايحه جايبه ملابس جديده وحافه وجها وصابغه شعرها جمانه السعيدي
وجاي اجهز بنفسها
بس وصلنا كالت الااكرم اخذني البيتي اريد ارجع
خوما اعوف بيتي تجي وحده تاخذه
اكعد بيتي واسكت غصبا ما عله اياد
ميار...اني فرحت اي خل اخلص منها شكد خبيثه الخاطر الله النهار كله ادور مشاكل وخاله كورها وكوري
تغار اذا شافتني اني وأكرم متفاهمين
وامها مساندته تشجعها على المشاكل
من اغسل المواعين وتشوفني شلون اتعب
تاكل هي وابنها وتعرف مواعينها على الكاونتر ما تغسلهن
من تشوفني اطبخ تكعد تعدد الأكلات الي تريدهن عبالك اشتغل عدها
اي تعاي انتي اوكفي واطبخي قابل شبيج
من انضف الطرمه وابنها يوصخه ماتكول عيب من زوجة خالك توها نضفت لا جنها ما تشوف
اذا اكلها ليش هيج توصخون مو توني نضفت
تكول بيت ابوي لو بيت ابوج بكيفنا
همزين راح ترجع خل اخلص منها ومن شرها
اخذها أكرم البيت اياد
رجعت وحدها نست التهديد والوعيد
خافت اياد يعوفها ويزوج غيرها
عاشت ايدك اياد تعرف شلون تربيها صح
رجع اكرم كال دكينا الباب بس شافنا اياد سلم بس عليه
ما سلم على مروه
دخلتها هي وجنطها ورجعت
ام اكرم...ما يستاهلها بس هي تلح ما تقبل تصبر
جان رفعنا علي قضيه وبهذلنا احواله تبهذل
واذا طلكها شنو قحط زلم
ميار....اذكرت امي شلون اتصبرني وتكول تحملي اكيد هذا الوضع مراح يستمر
وشلون عمتي تحرض مروه على اياد تريد تهجم بيتها
التفت عليه عمتي وكطعت صفنتي
وانتي المحروسه ميار وين رحتي يادكتوره راجعتي يمها
ميار...على شنو
عمتي...علمود الحمل هاي صار خمس اشهر من ازوجتي
نريد طفل مو صار يومين بيت اهلج
ليش مارحتي للدكتوره تشوفين موضوع الحمل
ميار...انشاء الله بلجمعه نروح اني واكرم
عمتي...أكرم شبي شنو هو الي يحبل لو انتي
انتي روحي وحدج خل امج تأخذج وشوفي شنو المشكله
نريد جهال
خوما ماخذينج نباوع عليج
ميار.. اباوع اكرم واكف وساكت ولا حجه اي كلمه
ثاني يوم رحت للدوام
وصلت قبل استاذ اياد شويه واجا
ابتسمت صباح الخير
اياد...صباح الخيرات شلونج اليوم
ميار...اني زينه انت شلونك نزل عليك زلزال البارحه
آياد...هههه هههه هههههه وين لكيتي هذا التعبير
صدك زلزال
لا تخافين عليه مقرر اعلمها الادب من جديد
ميار...الله يسعدكم
بكلبي اكول ولله انت تستاهل احسن وحده
وهاي مروه لاثوبك ولا توالمك بس مبين حظك مثل حظي اغبر
بيوم الجمعه رحت بيت اهلي وحجزت عند دكتوره نسائيه
امي اخذتني جمانه السعيدي
طلعت الصبح من البيت وأكرم بقى نايم
الدكتوره سوتلي كل الفحوصات واكدتلي ماكو اي سبب يمنع الحمل لازم أكرم يراجع ويشوف المشكله وين
رجعت لبيت اهلي اتصلت بااكرم
ميار...هلو أكرم اني اجيت من الدكتوره
أكرم...اي
ميار...تكول كلشي مابيج خل زوجج يراجع
أكرم...تاكل خره شنو اراجع اني شبيه واراجع اني سليم ١٠٠/١٠٠
ميار...مراح تخسر شي اذا راجعت
أكرم...مااراجع ازوج وحده ثانيه ومااراجع
ميار...هذا شلون حجي
أكرم...هذا الي عندي فهمتي لو لا
طبك التليفون بوجهي
ياربي حيوان ابد مايعرف الذوق والاحترام ابن امه
العصر رجعت البيت عيالي اول مادخلت سئلتني عمتي
عمتي...هااا شكالت الدكتوره لو مارحتي
ميار...كالت كلشي تمام خل زوجج يراجع يم الدكتور بس أكرم ما يقبل
عمتي...طبعا مايقبل ابني رجال ما ناقصه شي
خاف ببج الصوج وجذبين
ميار...ماكو داعي للجذب اذا تردين تعالي وياي وشوفي بعينج
ليش اجذب اني اريد طفل لعد المن مزوجه
عمتي....خلاص ننتضر شهر بعد ونشوف بلكت يصير
طفل
ميار...دخلت الغرفتي اني ليش متحمله هاي العائله المريضه ولله ذوله عدهم عقد جاي يطلعونها عليه
شنو الحل مااعرف
جمانه السعيدي
من رجع اكرم درت وجهي مااحجي ويااا
أكرم...شبيج
ميار....انت الي شبيك ليش هيج تعاملني اني زوجتك مو اشتغل عندك
أكرم...انتي منو يمج ليش ادورين مشاكل
ميار...اني ادور مشاكل محد صابره بكدي انت تعاملني
عبالك مشتريني بفلوسك
امك ما طايقتني عبالك خدامه
ترا اني عندي اهل وموضفه وماناقصني شي
اني لو ادور مشاكل من اول شهر رجعت الاهلي على هاي المعامله الزفت الي تعاملني انت واهلك
كل النهار انت برا تجي المغرب تتعشى وتطلع
ترجع الساعه ثنتين بليل ومرات اكثر من هيج وقت
وتريدني كاعده انتضرك واضحك وسولف
اني طايح حضي بلدوام
من ارجع امك تستلمني هي واختك شغل بدون رحمه
وانت تجيني تكمل عليه
اني زوجتك تعرف شنو زوجتك
راعي نفسيتي شويه
انت حتى ما تعزمني نطلع برا حتى الاهلي ما تاخذني ااجر تكسي واروح
ماجيبلي هديه ما تكول مشتاقلج
أكرم...خلصتي اني شنو شايف منح كل وقتج برا البيت
بلدوام وترجعين للشغل لو نايمه
ولا كعدت يوم وجبتيلي الريوك
ميار...اكعد الصبح وياي واني اسويلك ريوك
اني اطلع بثمانيه وانت تكعد الساعه ١١ تتريك وتطلع
شلون اتريك وياك
ويوم الجمعه اكعد حتى اروح الاهلي وانت تبقى نايم
اكرم...اهووو اني جبت هاي اللغوه النفسي لو باقي بلا زواج احسن
ميار...اني الي حطمت نفسي بهاي الزواجه
كلشي ما مفتهمه من حياتي
أكرم...بله بدون كلام زايد اذا ما يعجبج ولي البيت اهلج
اني ماعايز دوخه
ميار...اروح الاهلي عادي اذا تبقى انت وأهلك هيج تتصرفون وياي
على الاقل اكسب راحتي بمكان ماامك خالتني كدام عينه طول الوقت
أكرم...انجبي لا تحجين على امي
ميار...انت وامك محمليني منيه على شنو
اليوم اكلك تعال وياي للدكتوره بمكان ماتكول اي
تكول ازوج ومااروح افحص
شنو تزوج انت منو يحملك شايف نفسك عليه ليش
ايجوز تعرف نفسك عقيم وضام عليه
راسا صار عصبي ووكف وضربني راشدي فر راسي فر
حسيت اكو شي طك فجي
ميار...تضربني
أكرم...واكسر راسج كومي كومي ولي البيت اهلج
لا بارك الله بيج حيه تبين ناعمه وهي السانها شطوله
ميار...اني الي بعد مااريد ابقى هنا ولا دقيقه وحده
كمت لميت ملابسي وشغلاتي المهمه ومستمسكاتي
وطلعت بليل
الساعه بتلاثه ولا اهتز ولا كال الدنيا ليل وين رايحه وحدج على الاقل اوصلج البيت اهلج
اسحب بجنتطي وامشي ودموعي تجري
شكد مشيت وماكو سياره تشيلني
سيارت تمر بس محد يوكفلي بعدين وكفلي رجال جبير
يسوق تكسي قديمه كلش
