رواية زواج في زواج الفصل الخامس 5 بقلم جمانه السعيدي
ميار...بليل كاعده بغرفتي واجتني مروه
من شفتها كلت الله يستر بيش جايتني هلمره
مروه....اكول عيني ميار يعني انتي شنو افتهمتي من كلام اياد ناوي يرجعني لو لا
ميار...مو كتلج كال لا تدخلين هاي مشاكل شخصيه
مروه...وليش سكتي ليش ما بقيتي تلحين علي الحد ما تعرفين هو شنو ناوي
ميار...ترا اني مو صديقته مجرد موضفه زغيره جوه ايده
مااكدر ادخل وياا هيج نقاشات تخص حياته
اني وصلتله كلامج مثل ما وصيتيني بلضبط
مروه...باجر ارجعي احجي وياا مره ثانيه كوليله مافهمت شنو قصدك
وضحلي اكثر يمته ترجع زوجتك
ميار...موجاي اكلج مايقبل ادخل
مروه...شكد فاهيه الخاطر الله الله يساعد أكرم عليج
بابا تلحلحي احجي وياا اسئلي
خلي يفهمج شنو قصده يمتى يرجعني
ميار...كلت بكلبي هاي قافله ومايفيد وياها الكلام ابد
شلون راح اخلص من هاي المشكله
مروه...باجر ارجعي احجي ويااا فهمتي لو لا
ميار...ميخالف
مروه...مو كلمتين وديرين وجهج ابقي لحي علي منا لمن يقتنع
ميار...ميخالف
مروه...اي حبيبتي زوجة اخوي الحبابه
ميار..... بقيت منتضره أكرم اريده يفهم مروه اطلعني من هاي المشكله بينها وبين زوجها
لان ما تاخذ كلامي بلكت تفهم من أكرم وتحل عني
الساعه ثنتين وخمس دقايق رجع اكرم
دخل سلم عليه
ميار..جوعان تريد اكل
أكرم...لا اكلنا حلويات اني وجماعتي
ميار...اريد احجي وياك بموضوع
أكرم...باجر لان اني تعبان
ميار..كلمتين مو اكثر مروه تريدني ادخل بينها وبين اياد اني حجيت وياا اياد بس ماقبل يكول لا تدخلين بينا
بس مروه ما تقبل تفهم تكول ارجعي احجي وياا
مره ثانيه جمانه السعيدي
أكرم.. اي وين المشكله شكو بيها اذا حجيتي ويااا حاولي تصلحين بينهم
ميار...اي مو حاولت بس هو مايقبل
أكرم...ارجعي حاولي مره ثانيه وثالثه ورابعه منا لمن يقتنع
ميار..واني شنو دخلي بلموضوع شنو اكعد اتوسل بي
هي زوجته تتصل علي وتحل المشكله بينهم
اني شنو علاقتي بمشاكلهم
أكرم...شدعوه شصار اذا حاولتي تدخلين وتحلين المشكله
ميار...شنو اكعد اتوسل بي خوما اتوسل بي
اني الي عليه حجيت ويااا الباقي عليها هي تتصل بي وتحاول تحل المشكله بينهم
لو انت اخوها روح احجي وياا وحاول تفهم شنو المشكله وتحله
أكرم...انتي شايفه نفسج الضاهر انطيناج اكبر من حجمج
انت شنو اصلا ونطلب منج هيج طلب
وحده فاهيه كلشي ما تفتهمين ولي من خلقتي
حاسبه نفسها شخصيه مهمه
وهي ما تسوه فلسين بسوك النسوان
ولي من خلقتي اريد انام
جمانه السعيدي
ميار...شكد انقهرت من سمعته دموعي راسا نزلن
دار وجه ونام واني هلكد مااحترك كلبي ما يجيني نوم
الله لا يوفقك لا انت ولا اهلك
اني ليش تورطت وياا هيج عائله وواحد انكس من الثاني
طبعا أكرم كلشي ماخاسر عليه
مجرد اكل واشرب بلبيت كلشي يخصني من ملابس
وعطور ومكياج اني اشتري من الراتب
ونص الراتب الاهلي
حتى سفره اني وياا ما طالعين من ازوجنا لليوم
ولا حتى عزمني على مطعم
اهم شي يطلع وياا جماعته واني مو مهم
الصبح كوه كمت من الفراش بدلت وطلعت للدوام حتى ما تريكت
وصلت كلش تعبانه مانايمه زين وما متريكه
بس شافني اياد
اياد..صباح الخير
ميار...صباح الخير
اياد...شكووو اليوم وجهج اصفر مبينه تعبانه
ميار..مابي شي
اياد...ليكون بسببي
ميار....اتحسرت لا ماكو شي
راح قفل باب الغرفه وجاب كرسي خلا كبال المكتب مالتي وكال احجيلي شكو شصاير
ميار...ماكووو بس مطلوب مني اقنعك ترجع مروه
بلكوه بلمروه لازم ترجعها ولا اني اكون موخوش جنه
والكل يغلط عليه
تعبت ولله تعبت مو بس من هذا الموضوع من حياتي كلها
لان امشي صح وماادور مشاكل الكل صاير ضدي
ليش ماادري
اياد.. مبينه تعبانه اليوم اجازه روحي ارتاحي
ميار...وين ارتاح بس ارجع هسه كبل اشتغل بلبيت من غير
التحقيق ليش اياد مايرجع مروه
ابقى اشتغل هنا ارحم الف مره
اياد...كومي عوفي الشغل تعاي اوصلج الاهلج روحي نامي ورتاحي وبنهاية الدوام ارجعي البيت اكرم
اذا سئلوج عليه كولي ابد ما يقبل يرجع مروه
وجاي يفكر يزوج وحده ثانيه تصونه وتحافظ علي
ميار...ياااا ياااا انت شكاعد تكول
اياد..مثل ماكتلج فهمتي كولي هيج وعوفي الباقي عليه
يله كومي اخذج البيت اهلج
ميار..لا ما يحتاج اخذ تكسي واروح
اياد...براحتج واذا تردين باجر لا تجين ارتاحي
اكلج اتصلي على أكرم وكولي اني مريضه وأخذت اجازه ورحت ببت اهلي ابقى يومين
ريحي راسج من أكرم ومروه
جمانه السعيدي
ميار...والشغل هنا شلون
اياد...مالج شغل اجيب مصطفى يساعدني
يله بسرعه روحي نامي وارتاحي
ميار...شكرا استاذ الله يحفظك فعلا انت انسان محترم
اخذت جنطتي واجرت تكسي ورحت بيت اهلي
امي من سافتني استغربت
امي...هااا يمه ياستار مو من عوايدج
مروه...اخذت اجازه اربد انام وابرد راسي
امي..خوما زعلانه
ميار...لا مو زعلانه بس اريد انام ممكن
امي...اي ممكن روحي نامي ورتاحي
ميار...طلعت دشداشه من خواتي وغسلت وجهي ونمت
نمت عبالك صار سنيين مانايمه
من رجعن خواتي من الدوام كعدني من شافني فرحن بجيتي تغدينا اني وياهن
اتصلت على اكرم وكتله اني تعبانه اخذت احازه
واني هسه بيت اهلي وباجر هم ابقى بيت اهلي بعد باجر من اطلع من الدوام ارجع للبيت
أكرم...براحتج
كال هيج وقفل التليفون بس ما سئلني انتي من شنو تعبانه اخذج للطبيب
محتاجه فلوس وكانما ما صدك
الساعه اتلاثه ونص الضهر اتصلت عليه مروه
ميار... هاج رحمه ردي عليها كولي ميار تعبانه ونايمه
فعلا ردت عليها رحمه بس ما قتنعت بكلام رحمه
قفلت تليفوني ونمت عبالك صار سنيين ما نايمه
الاذان المغرب يله كعدت
صليت وكعدنا نتعشى فتحت تليفوني ماكو اي اتصال من اكرم
ولا حاول يسئل عني
بس اياد متصل مرتين عليه
شويه واجتني رساله على والواتس
جنت كاعده اشرب جاي وامي وخواتي يمي كاعدات
اياد...شلون صرتي اتصلت عليج بس تليفونج مغلق
ميار...الحمد لله من رجعت من الدوام لسه نايمه
عبالك ميته مو نايمه
اياد...هسه احسن تحتاجين شي اجي اخذج للمستشفى
ميار...لا الحمد لله زينه مامحتاجه شي
اياد...باجر لا تجين مجازه ارتاحي
ميار... شكرا استاذ الله يحفظك وينطيك الصحه والعافيه
ويكفيك شر الناس الي تكرهك
اياد...احلى دعاء اذا تحتاجيني شي اتصلي عليه
ميار...تسلم
ميار...مااعرف ليش احس براحه من احجي ويااا
بسيط ويتفاهم حساس
مو مثل أكرم عبالك مطي لا فهم ولا احساس
اكو واحد زوجته تكول تعبانه من الصبح لسه مايرفع التليفون يسئل عنها
بقينا اني واخواتي سوالف وضحك ولله تونست
وغيرت جوا
رجعت اتصلت عليه مروه
ميار...هله مروه
مروه...سمعت مريضه سلامتج
ميار...شكر
مروه.. حجيتي وياا اياد
ميار...ولله لو انتي تحجين وياا احسن
مروه...ليش سمعتي شي
ميار...ايجوز هذا الكلام هيج يعني بس حجي
مروه.. ليش شكال فهميني
ميار...اتصلي علي واحجي ويااا
مروه.. اهووو لا تشلعين كلبي احجي
ميار...يكول بعد ماارجع مروه اريد ازوج وحده تفهمني وتقدرني
مروه...شنو شنو شنو هو ويكول هيج عليه
واحد معيدي كلشي ما يفتهم مخربط ماعنده شخصيه
هو وين يحلم ياخذ وحده مثلي
صوجي مارفعت علي قضيه اني مروه يزوج عليه
اذا مااسود عيشته مااسمي بت امي
خل يصبرلي واحد غبي كلشي مايفهم
اني عرفته عنده وحده ووين هو يكدر هلكد يعوفني بيت اهلي اريد اعرف هاي منو الي تريد تأخذه مني
ميار...اذاني اطورشن من صياحها قفلت التليفون
كلشي عدها عرك وصياح وهوسه
ما تعرف التفاهم ابد
