رواية زواج في زواج الفصل الرابع 4 بقلم جمانه السعيدي
ميار...كنت اتحمل فوك طاقتي مااعرف ليش صابره ومتحمله
كنت أكول اكيد بيوم من الايام راح يتغير هذا الوضع
اكيد مروه ترجع البيتها
وزهراء تزوج وعمتي تنهد شويه
وأكرم من راح يشوفني صامده ومتحمله راح يحبني ويقدرني
اني امي معلمتني على القناعه مو بس اني اني وخواتي
امي مربيتنا على الصبر و التحمل
من اروح الاهلي واشكي من عيالي امي ما تقبل
تكول ماكو شي يدوم للابد
اكيد راح يتغير الحال
اصبري لا اضيعين كلشي
الشغل ما يموت احد لو بيتج وحدج هم تشتغلين
خوما تعوفين بيتج خايس
اذا اطلكتي الناس راح تشمر الصوج عليج
الناس الها الضاهر احنا من سئلنا عليهم الناس كلها تحمد بااخلاقهم
محد حجا عليهم لان الناس تشوف الضاهر
بس ماعايشه وياهم
خلصي شغلج وادخلي وقفلي باب غرفتج
هسه يصير عندج طفل غصبا ما عليهم يغيرون معاملتج وياهم
امي كانت تصبرني تنطيني طاقه اتحمل
ابد مايوم كالت تعاي اكعدي هنا لا تسكتين احجي ودافعي عن نفسج
دائما تكول اتحملنا من العيال أشكال اللوان
انتي تخلصين نص الوقت بلدوام
من ترجعين طولي بالج شويه واسكتي حتلو عمتج تحجي اسكتي لا تردين الكلام عليها
حقها ابنها تعبت وربت وكبرت ما معقوله تسلمج كلشي بين يوم وليله جمانه السعيدي
هذا الكلام خلاني اتحمل كلشي واسكت
وانتضر يتغير وضعي للأحسن
استاذ اياد طلب مساعده تكون وياا بلغرفه لان الشغل هواي وما يلحك علي
رشح ام حسن بما انو هي اقدم وحده تشتغل بلدائره
وعدها خبره بلعمل
بوقتها ام حسن جانت منتظره تطلع للحج
بعد عشر ايام وتطلع للحج
بدت ام حسن تشتغل وياا استاذ اياد من داخل غرفته
غرفة استاذ اياد
بقا يومين وام حسن تطلع دز عليه استاذ اياد
ميار...نعم استاذ
اياد...ام حسن بعد يومين وتطلع للحج عندج استعداد
تاخذين مكانها هنا تساعديني لمن ترجع
ميار. اكيد بس مصطفى يبقى وحده على الحسابات
خاف مايكدر
اياد...لا اكو موضفين ثنيين جدد راح يستلمون الشغل من الأسبوع الجاي
ميار...هاي هي
من رجعت للبيت حجيت الاكرم اني راح اشتغل وياا اياد بنفس الغرفه منا لمن ترجع ام حسن من الحج
طبعا كلهم بلبيت حاقدين على اياد
لان لبس مروه ومارجع صالحه بلعكس خلص الاجازه هلهره بيت اهله هاي اول مره يعوفها هلكد بيت اهلها ومايجي يصالحها
وهي من سمعت تشيل روحها ودكه بلكاع
هي ما تريده يتصل بااهله ولا يسئل عنهم
كون بس هي وبس لان هي محور الكون
الإنسان دائما ينطي النفسه الحق كله وغيره لا
عمتي وبناتها متمسكات ب اكرم وما يقبلن يعوفنه يعيش حياته
بس اياد لا لازم يعوف اهله ويهتم بس بمروه
وأهله ابد ما يوصلهم ولا يسئل عنهم
يردن ااكرم بس الهن والنسيب اياد هم الهن هنا وبس
أكرم طلع واحجا كدام امه وخواته اني راح اشتغل وياا اياد
بنفس الغرفه
بليل كملت شغلي ودخلت غرفتي ارتب واكوي ملابس
جان مااشوف غير مروه جايه عليه
مروه...هااا مشغوله اسادعج بشي
ميار...لا ماعندي شي بس اكوي الملابس ذني واخلص
مروه...اريد اطلب منج طلب
ميار...اي كولي
مروه.. سمعت اكرم يكول راح تشتغلين وياا اياد مساعده
ميار...اي فتره بسيطه تقريبا عشرين يوم
مروه...اريد اطلب منج طلب
ميار...اي تفضلي اذا اكدر ليش لا جمانه السعيدي
مروه...اي تكدرين اريدج تلينين كلب اياد عليه اني وعلاوي بس مو تكولين مروه كالت
انتي احجي ويااا
يعني كلام حلوه تخلي يحن علينا ويجي يأخذنا
شو كطع فد كطعه حتى من استلم الراتب ماذكرنا
النوب سمعت رايح الاهله
اكيد الراتب هلمره انطا الامه
ميار...يعني شلون شراح اكول
ردت عليه بعصبيه لا تصيرين ثوله
مروه...لا اسفه مو قصدي بس صرت عصبيه شويه
اقصد كولي مرتك حبابه وطيبه لو ادور العالم كله
ما تلكه مثلها ابد وابنك كل الوقت يبجي عليك رجعهم للبيت ولا تخلي المشكله تكبر
والشيطان يدخل بينكم
هاي بت عمك ومراح تلكه مثلها يعني من هذا الكلام
بس مو تكولين مروه كالت
ابد لا اجيبيني بلطاري فهمتي لو لا
هااا وكولي اخذلها وياك هديه زينه قطعه ذهب
علمود تصالحها
كولي خطيه مروه اضوج كاعده بلبيت طول النهار انت بلشغل دير بالك عليها طلعها وونسها
اقترحي علي من يجي يرجعني مو ياخذني للبيت كبل
ياخذني للمول نتونس ونتعشى وبعدين نرجع للبيت
ومثل ما كتلج لاتكولين مروه كالت
كولي اني اشوفها خطيه مسكينه هي وابنك
رجعهم للبيت انت شلون متحمل صار شهر كاعد بلبيت وحدك
مروه...هااا اعتمد عليج ادبريها لو لا
ميار...تحجي واني صافنه عليها شكد حياله دخيل الله
من شافت اياد لبسها وما يسئل عنها
حست خلاص راح تفقده بدت تتحايل علي حتى يرجعها
من البدايه وصيري محترمه واحتفظي بيتج
مروه.. هااا شكلتي ليش صافنه
ميار...اي احاول
ردت عليه بعصبيه زمخت عليه
مروه...شنو تحاولين لا ما تحاولين تنفذين فهمتي لو لا
لا ولله اسود عيشتج هنا فهمتي لو لا
احاول حلكها اعوج شنو تحاولين
لا تكعدين اتنكين على راسه لمن يقتنع ويجي يصالحني
فهمتي لو لا
ميار...طلعت وطبكت الباب بعصبيه
بقيت صافنه عليها ولله خطيه اياد شلون متحملها
شلون عايش وياها مثل الحيه ناعمه ولدغتها توجع
اني الصراحه اريد اخلص منها لان من اجت كعدت بيتنا
الشغل عليه كثر والمشاكل كثرت
كاعده وتوز بعمتي عليه
اضوج من يجي أكرم ونسد الباب
لو أكرم يطلب مني شي واجيبه ويكول شكرا
اني كل كلمة وياا وكتله عيوني هااا حبيبي
هي من تسمعني تتخبل
اطلع المشاكل من جوه الكاع
اكيف ترجع البيتها واخلص منها
بس اياد ما يستاهل اغشه لازم يعرف الحقيقه
هي تريده يجي يعتذر ويرجعها
اصلا هي الي لازم تروح تعتذر منه ويشرط عليها تغير اسلوبها يله ترجع
ولو الي مثل هاي مستحيل تتغير
الصوج من امها مقويتها علي لو امها تكلها شويه تهدي
زوجج خوش انسان لا يضيع من ايدج
بس شكووول مروه الخايسه الحيه تاخذ اياد الذهب
واني اخذ كرم
هاي مروه تستاهل واحد مثل كرم كون يلعبها تلعب
حتى تمشي عدل جمانه السعيدي
كملت كوي الملابس طلعت اغسل
جان اسمع مروه تحجي وياا امها
تكلها اذا مااجا صالحني بذني اليومين اروح اسويله سحر
واكفخه كفخ
مكيف ماخذ الراتب الامه
واني عايفني هنا لا يسئل عني ولا يريدني
اله اخلي يجي يتوسل بيه ويحب رجلي بس كون ارجعله
حيوان مايعرف قيمة النعمه الي بايده
اني يعوفني اياد ومايسئل عني بسيطه اني اعلمه
ميار...ثاني يوم من رحت أداوم كان أول يوم اليه اداوم بمكتب استاذ اياد
لكيته جاي قبلي
ميار...صباح الخير استاذ
اياد...صباح الخير ليش ماتكولين ابو علاوي
ميار...مااريد يسمعوني اكول ابو علاوي ويكولون مثلي انت استاذ وتستحق هذا اللقب
اياد...ولله انتي الي محترمه
ميار...شكرا
بدينا نشتغل واني افكر بكلام مروه اكول لو اسكت
اكول مثل ماهي كالت لو احجي الحقيقه
ابين نوياها ضده لو اسكت
خاف تنكلب الايه عليه وتحاربني بلبيت
وراح يصيرون كلهم وياها ضدي بس شنو ذنبه اياد
يرجع هاي الحيه البيته
لازم احجيله الحقيقه وهو يتصرف بعد
اني اسوي الي عليه واريح ضميري والباقي علي
الساعه ١١ طلبنا اكل
وكعدنا ناكل كل واحد على مكتبه
ميار...استاذ عندي حجي اريد اكوله
اياد...اي كولي اسمعج بس مايكون بخصوص مروه
لان مروه تعبتني حيل
من يوم ازوجته لليوم وهي ما غيرت طبعها
واعرف امها مشجعتها على هذا الشي هلمره مقرر اعوفها بيت اهلها منا لمن تتادب
لو ما ابني جان طلكته وخلصت ما تستاهل الاحترام
انانيه مايغزر بيها شي
ميار...الكلام فعلا عن مروه بس اني اريد احذرك منها
اياد...شلون يعني
ميار...البارحه اجتني حتى اقنعك ترجعها وكالت لحي علي
حتى يرجعني وخل يجبلي هديه ذهب ويااا
اياد...هههه ما تتغير ابد نفس طبعها
ميار...مو هنا المشكله المشكله اكبر
اياد..شلون يعني مافهمت
ميار...احلف ماتحجي هذا الكلام انت عزيز عليه
واني مااريدك تتذى
اياد...كولي خوفتني
ميار...سمعته تحجي وياا امه تكول اذا مايرجعني اسويله سحر واكفخه حتى يرجعني
اياد....هههه ههههه هههه
ميار...شو تضحك
اياد..عبالج هاي اول مره
من اول اسبوع بزواجنا لكيت السحر بلكنتور
وهي نكرت هي مسويتلي سحر بس اني متأكد هي
لان امي فقيره تصلي وتصوم وماعدها هاي السوالف ابد
وحذرتها من هاي الشغله اعرف هي عدها هيج سوالف
ميار...الله عليك لا تحجي ترا يسودون عيشتي
من غير هاي وهاي همه كارهيني
والنهار كله مشاكل بس اني اسكت وامشي الامور
اياد...حتى اكرم
ميار....اتحسرت حتى اكرم أكرم اكثر واحد مااذيني
ماديرلي بال ويدور حجج عليه حتى نتعارك
وخال اذنه يم امه
وشما يغلط واجي اعاتبه يحول اللوم كله عليه
اطلع اني الغلطانه مو هوووو
عيشتي سوده وياهم لو مااخاف الناس تكول اطلكت قبل السنه جان اطلكت وشردت من هذا البيت
ميار...باوع عليه نضره بعمري مراح اكدر انساها
اياد..اني اسف
ميار...ليش
اياد..اني ورطتج بهاي الزواجه بس ماجنت اعرف أكرم هيج جنت متصور راح يحافظ عليج ويصونج
ميار...اني اول ماشفته كلت هو وبس
اول شهر بعرسنا ماانام من الفرحه بعدين طلع الوجه الحقيقي
ماتعرف حقيقة الناس لمن تعاشرهم
اياد...اني اسف مره ثانيه
ميار...لا تتأسف ماكو انسان ملاك على الارض اكيد كلنا بينا عيوب بس واحد يكمل الثاني
جمانه السعيدي
اياد..اني وياج تورطنا بهاي العائله
ميار...انت تكدر تغير وضعك رجال تكدر كلشي تسوي
بس اني اول لقب راح احصله مطلقه
محد راح يكول الناس الي عايشه وياهم ما ينحملون
راح يكول ماكدرت تحفظ بيتها وزوجها
اياد....ولله اني هسه ضجت عليج اكثر ما ضايج على روحي
اني بيش ورطتج
ميار...لا تخاف ماكو وضع يبقى مثل ماهو اكيد راح يتغير بيوم من الايام
اياد..انتي شجاعه
ميار...وين الشجاعه لو شجاعه جان وكفتهم عد حدهم
عوفك مني شناوي تسوي بموضوع مروه
اياد...لا تخافين ماتكدر عليه اني شايل خرزه ضد السحر
ماكو سحر يااثر عليه
شوفي هاي
طلع مداليه مفاتيح وبيها جلده مكتوب عليها ايه الكرسي
صاير على شكل مربع داخله شي
اياد...داخل هاي الجلده خرزه ضد السحر والاعمال الشيطانية من اول زواجي من لكيت السحر بلكنتور
طلعته شمرته ورحت اشتريت هاي الخرزه وأخذتها الشيخ
يقرأ عليها بعدين غلفتها حتى لا تتوصخ
ميار...انت مأناوي ترجعها
بهاي اللحظه دخلو علينا مراجعين ورجعنا نشتغل
كملنا شغل وطلعنا كل واحد رجع البيته
بس وصلت للبيت بلباب لكيت مروه واكفه
مروه.. هاا حجيتي ويااا
ميار...أشرت براسي بمعنى اي
مروه.... اي شكال
ميار...كال لا تدخلين بحياتنا مشاكلنا احنا نحلها بينا
وسد الموضوع
بقت واكفه بمكانها لان مافهمت هذا الرد معني اي لو لا
ميار..دخلت بدلت ملابس وطلعت اتغديت
ونصفت المطبخ
اسمعها تتناقش هي وامها
محتارات بلرد يعني شنو يرجعها لو لا
