رواية المننتقم العاشق الفصل العاشر 10 بقلم اميرة موسي
لحد ما دخل عليها علي، جريت علي ناحيته همس ونزل على الارض جانبها بيقومها
علي: همس حبيبتي مالك بتعيطي ليه
همس بتعيط وبس، علي: قومي معايا ي حبيبتي يلا؛ قامت همس مع علي على السرير وقعد جانبها علي ،
علي:مالك ي حبيبتي احكيلي اي مزعلك
همس كانت دموعها بتنزل وسرحانه؛ اتكلم علي تاني: همس ي حبيبتي ردي عليا
همس بدموعها : احضني ي علي خدني في حضنك؛ شد علي همس في حضنه، استخبت همس جوه حضنه ومسكت في هدومه جامد،
علي بحزن: في اي ي حبيبتي اي للي حصل بتعيط كل ده لي،
همس: مفيش انا بس تعبانه شويه وانت عارفني بعيط علي كل حاجه
علي: تعبانة. مالك. تعالي نروح لدكتور قولتلك
همس: لا انا كويسه بس خليك جانبي ولا انت عندك شغل
علي: يولع الشغل انا عندي اهم منك ي همس اوعي تفتكري عشان الشغل واخدني منك مش بقعد معاكي زي الاول ناسيكي لا طبعا انا لسه علي بتاع الاولمفيش شغل ولا التزامات هتاخدني منك يعني،
حضنت همس علي وقالت له انا بحبك اوى ي علي؛
علي: وانا بموت فيكي ي قلب علي،
نامت همس في حضن علي وهي بتحاول تداري دموعها
تاني يوم 
تاني يوم في اوضه همس؛
علي بيصحي همس عشان تفطر معاه
علي: همس ي حبيبتي يلا عشان تفطري معايا، همس نايمه من التعب مش حاسه بحاجه ، قرب علي منها:همس يلا اصحي بقا
فضل علي يصحي همس لحد ما صحت من النوم و نزلت تحت معاه، همس كانت قاعده ومش بتاكل وسرحانه ،! بص علي عليها مش بتاكلي لي ي حبيبي
همس: مش مركزه
علي علا صوته: همس ردي
همس اتخضت وبصت نحيت علي واتكلمت بصوت واطي ورقيق اوي: نعم ي علي
علي: ما بتاكليش لي ي حبيبتي
همس: باكُل اهو
علي: مش واضح يعني انك بتاكلي هو انتي زعلانه عشان بابا ماما سافرو عشان الشغل
همس اصلا ماكنتش واخده بالها انهم سافرو لشغل من كتر ما هي مش بتشوفهم؛ بس فكرت في بالها وردت: ايوة
علي: ي حبيبتي متزعليش انا جانبك وهاخدك بنفسي افسحك انهارده معندكيش حد يقولك انتي كبرتي ،
همس: انا تعبانه ي علي ممكن نروح بكره
علي: ي حبيبتي اللي يريحك انا معاكي في اي حاجه ي قلب علي
خلص الفطار وقام علي من عالاكل ورن علي هناء،
علي: الو
هناء: ازيك ي حبيبي ي علي وهمس عامله اي
علي: كويسين ي نانا بس همس تعبانه شويه ممكن تيجي تقعدي معاها لحد ما اروح الشغل تقدري تيجي،
عرفت هناء همس زعلانه ليه وزعلت علشانها وردت
هناء: طبعا يحبيبي شويه وهكون عندك
علي: تمام هستناكي
بعد شويه وصلت هناء الفيلا وجريت عليها همس حضتنها
همس بدموعها : وحشتيني اوى ي نانا
هناء؛: وانتي كمان ياقلب نانا ممكن تبطلي عياط
طلعت همس من حضن هناء: ومسحت دموعها : حاضر
سلمت هناء علي على وبعد كده وصى هناء علي همس،ووعدهم ان هيخلص ويجي يخرجهم، بعد ما علي مشي راح الشغل، اتكلمت هناء مع همس: حبيبتي ادخلي الاوضه هشيل الاكل واجي
همس: اوكي ي نانا دخلت همس الاوضه شويه ودخلت هناء وراها
قعدت هناء جانب همس علي السرير واخدتها في حضنها
هناء: مالك ي حبيبتي علي قالي انك تعبانه
همس: مفيش ي نانا ان كويسه
هناء: بتكدبي علي نانا
همس: مش بكدب انا قلت اني تعبانه عشان تيجي واشوفك
هناء: ي حبيبتي انا معاكي دايما لما تكوني عايزه تشوفيني رن عليا انتي معاكي رقمي مش تقلقي اخوكي
همس: حاضر ي نانا ممكن انام شويه عشان مرهقة من ايام الامتحانات
هناء: ماشي ي حبيبتي
غطت هناء همس وطلعت تشوف شغل الفيلا لحد ما همس تنام دا اذا نامت من الوجع والزعل يعني
همس فضلت تعيط لحد مانمت فعلا بس من العياط
الايام بتعدي وهمس كل يوم بتعب اكتر لحد ما في يوم قررت تروح لي مراد البيت عشان مش بيرد؛
فكرت همس شويه وبعد كدا رنت على علي وقالتلو هتيجي امته،
علي: حبيبتي ساعه وهكون عندك
همس: تمام
رنت همس على فاطمه واتكلمت معاها وقالتلها تعالي نطلع مشوار مع بعض، طبعا فاطمه وافقت لان هي بتحب همس، وصلت فاطمه الفيلا وطلبت من هناء تاخد همس ويطلعوا
هناء: ماشي ي حبايبي روحو بس اخركم خمسه المغرب اوكي يعني لحد ما علي يجي
فاطمه وهمس: اوكي ي نانا مع السلامه
فاطمه وهمس مع بعض ماشين لحد ما اتكلمت فاطمه: همس مالك ي حبيبتي شكلك متبهدل كدا لي
همس: انا كويسه ي فاطمه ممكن بس عشان اخر فتره ماكنتش باكل
فاطمه: ماكنتش بتاكلي لي
سكتت همس وفكرت ان ممكن فاطمه تساعدها تشوف مراد
همس: فاطمه ممكن اطلب منك طلب
فاطمه:طبعا ي همس
همس: احكيلك علي حاجه بس متقوليش لحد
فاطمه: حاضر مش هقول لحد وعد
همس: انا بحب واحد
فاطمه برقت عينيها بتحبي اي
همس: بحب واحد
فاطمه: بتحبي ازاي تعرفيه منين
همس: حكت لي فاطمه لما اتعرفت علي مراد وحبته ازاي
فاطمه: همس ي حبيبتي بس هو مش عايزك
همس كانت بتعيط وهي بتتكلم: بس انا بحبه عشان خاطري ي فاطمه تعالي معايا هشوفه مره واحده بس
فاطمه: همس انا خايفه يعمل حاجه فينا
همس بسرعه: لا متخفيش كان عمل فيا عشان خاطري بقا
فاطمه: همس صدقيني مينفعش
بعد فتره اقنعت همس فاطمه ان هي مش هتتاخر وهتستناها تحت لحد ما همس تشوف مراد
عرفت فاطمه مكان بيت مراد بسهولة عشان هي من الحاره الشعبيه وبتعرف تتعامل معاهم
وصلت فاطمه وهمس قدام البيت وطلبت فاطمه من همس ماتتاخرش وهي هتستناها عشان لو حد جه ولا حاجه ترن علي همس
لانها فهمت من الحاره ان مامته مش هنا واخته طبعا دروس وباباه في الشغل
طلعت همس شقه مراد وقلبها بيدق،
خبطت همس علي الباب، شويه والباب اتفتح فتحة صغيره مراد فتح الباب وقال: ادخل ي حمدي
فلاش باك قبل ما همس توصل الحاره
رن مراد علي حمدي وعرفو انه لواحده انهارده اجازه يجي يقعد معاه، حمدي قاله عشره دقايق وهكون عندك
باك
فتحت همس الباب ودخلت، اتكلمت وهي خايفه وبتترتعش: دا انا همس
مراد اول لما سمع صوتها حس ان الدنيا وقفت هنا فضل واقف شويه مش عايز يلف ويشوفها
عشان ميضعفش
بس اتفأجا مراد بهمس اللي حضنته من ضهره واتكلمت بوجع: وحشتيني اوى ي مراد
مراد غمض عنيه باشتياق ووجع اه لو يلف وياخدها في حضنه
استجمع مراد نفسه ولف ليها ونزل ايديها واتكلم بهدوء عكس مشاعره اللي جواه اللي عايزه تنفجر : انتي اي اللي جابك
همس بوجع واشتياق: جيت علشانك عشان انت وحشتني
مراد قلب دق جامد مكنش عارف يقول اي
مراد: ازاي و مفيش بينا حاجه عشان اوحشك واظن قولت الكلام دا قبل كدا..
قربت همس من مراد ومسكت وشه باديها: هو انت بطلت تحبني امته
فضل مراد بابص عليها وهو شايفها منهاره علشانه بس زق ايديها بعنف: قولتلك ابعدي عني اي مابتفهميش وبعدين انا حابيتك امته عشان انساكي ،
لف مراد وايده وراء ظهره:اتفضلي اطلعي برا ياريت متجيش هنا تاني
انهارت همس من العياط وصوت عياطها كان عالي، لف مراد شاف حالتها قلبه وجعه ؛ شدها مراد لحضنه بعنف وقوه والاهم بحب و باشتياق ضلوعها كانت هتنكسر من قوه ضمته ليها حضنها مراد جامد ومسكت همس في هدومه وفضلت تعيط وهي بتتكلم: علشان خاطري خليك معايا
مراد: شششش
حضنها مراد جامد حضنهم لبعض طال وقت كبير لان شوقهم لبعض اكبر من اي وقت في الدنيا مراد كان عايز الزمن يوقف في الوقت ده حاسس انه مش هيشوفها تاني
هما الاتنين حاضنين بعض باشتياق وحب وعشق مش قادرين يبعدو عن بعض، بعد مراد عنها ومسك وشها بايده وقرب من خدودها واخد دموعها بين شفايفه وهمس
كانت مستسلمه ليه ومغمضه عيونها ، لسه هيقرب اكتر بس فجأه زقها بعيد عنه، همس بصتله بصدمه
مراد: اطلعي برا
همس: مراد في اي
مسك مراد ايد همس وطلعها برا الشقه وقفل الباب، فضلت همس تخبط علي الباب وتعيط: مراد افتح ي مراد عشان خاطري متسبنيش محدش بيحبني غيرك عشان خاطري افتح انا اسفه لو زعلتك مراد فضلت همس تخبط علي مراد اللي قاعد وراء الباب ودموعه نازله غصب عنو ما ينفعش يقرب ودي عيله مش عارفه حاجه وغير كدا هيحب مين دا اخوها الشخص اللي اتحرش بحبيبته وقتلها،
فضلت همس تخبط لحد لما فاطمه قلقت عليها وطلعت تشوفها لتقتها قاعده علي الارض منهاره قومت فاطمه همس
فاطمه: همس حبيبتي مالك قاعده كدا لي هو مراد مش موجود
اطمن مراد ان في حد معاها، اتكلمت همس بوجع ودموعها نازله زي الشلال وشهقاتها عاليه : لا جوه خبطي عليه ي فاطمه عشان خاطري خليه يدخلني لو بتحبني عشان خاطري
فاطمه: قومي معايا ي همس يلا حبيبتي مينفعش تقعدي كدا
همس: عشان خاطري خليه يفتح انا بحبه مقدرش استغني عنه . مراد قلبه هينفجر من الوجع ودموعه نازله مش قادر يبعد عنها ومش هينفع يقرب
فاطمه: هعملك اللي انتي عايزه بس يلا من هنا عشان ممكن حد يجي يلا عشان خاطري انا ؛ يلا اخوكي لو عرف هيموتك يلا بقا
قومت فاطمه همس بالعافيه ونزلت تحت، مراد لم ملاقاش صوت اتاكد انها مشيت، نزلت همس تحت ومشت لحد الشارع الرئيسي من كتر العياط ماكنتش شايفه قدامها اغمي عليها صوتت فاطمه بصوت عالي: همس ي همس
حاولت فاطمه تفوق همس مش عارفه فضلت تعيط وتندا على همس وتفوق فيها ؛ وهمس مش بترد عليها
لحد ما طلعت التلفون ورنت على هناء، لحد ماردت هناء
اتكلمت فاطمه و دموعها نازله: نانا هناء همس اغمى عليها في الشارع مش عارفه اعملها اي
هناء بصدمه: لي اي اللي حصل انتو فين ي فاطمه
فاطمه: احنا في الشارع الرئيسي
هناء بدموع: ابعتي اللوكيشن خلي بالك منها ي فاطمه حولي تخليها تقوم لحد مانيجي
فاطمه: بعتت لها اللوكيشن وقالت بس ونبي ماتتاخري
هناء بسرعه: حاضر حاضر مش هتاخر بس انتي اهدي وحولي تفوقيها يلا سلام
قفلت هناء مع فاطمه وطلعت تجري من الفيلا وركبت اول تاكسي قابلها
بعد شويه وصلت هناء عند فاطمه وهمس و لاقيت في ناس مالمومين حوليها
دخلت وسط ناس، كانت همس قاعده علي كرسي وفاطمه بتشربها مايه، وطت هناء علي همس: همس حبيبتي مالك ي حبيبتي اي للي حصلك يلا نروح
قومت هناء همس وفاطمه سعدتها لحد ما ركبوا التاكسي وبعد شويه كانوا قدام المستشفى دخلت همس المستشفى تكشف وبرا كانت مستنيها فاطمه وهناء،
بصت هناء علي فاطمه، واتكلمت: فاطمه انتوا كنتوا فين و اي اللي حصل وليه اغمي عليها
اتوترت فاطمه وردت: كنا ماشين عادي ي نانا
هناء" مالقتوش غير المكان دا تمشوا فيه وبعدين وهمس اغمي عليها لي
فاطمه: هي قالتلي انها ماكنتش بتاكل ممكن عشان كدا تعبت
هناء: فعلا يحبيبتي ماكنتش بتاكل منو لله اللي كان السبب
بعد شويه وصل علي بعد ما هناء رنت عليه
علي بقلق : في اي ي نانا
هناء: اهدي يحبيبي هتكون كويسه
علي: انت عارفه انها تعبانه مكنتيش تخليها تطلع
هناء: حبيبي احبسها يعني لازم تطلع وتشوف الناس
بعد شويه الدكتور طلع، علي جري نحية الدكتور: طمني ي دكتور اختي كويسه
الدكتور عارف علي وعيلته،
الدكتور: اهدي ي علي هي هتكون كويسه ان شاء الله
علي: اومال اغمي عليها لي
الدكتور: اكلها ضعيف دا الل عملها هبوط في الدورة الدمويه و نفسيتها مش مظبوطه لازم تبعد عن اي ضغط نفسي وتهتموا باكلها اكتر
علي: عايزين نشوفها
الدكتور: شويه لما تفوق وهبعتلك الممرضه تدخلك
علي: تمام
الدكتور: علي لو اي حاجه محتاجها تعالي المكتب انا موجود
علي: شكرا ي حسام مش عارف اشكرك ازاي
حسام: متقولش كدا همس اختي الصغيره وبعدين دا شغلي عن اذنكم
علي: اتفضل
بعد ما حسام مشي، قعد علي وفاطمه وهناء جنب الاوضه
بعد شويه همس فاقت ودخل علي وفاطمه وهناء يشوفها
شد علي كرسي وقاعد جنب همس،
علي: الف سلامه عليكي يقلب علي مالك يحبيبتي الدكتور بيقول نفسيتك وحشه فيكي اي !
همس كانت ساكته لحد ما قربت هناء عليها و اتكلمت: سيبها ي علي دلوقتي اهم حاجه تكون بخير الف سلامه عليكي ياقلبي
فاطمه بدموعها: الف سلامه عليكي ي همس ياريت انا مكانك
اتكلمت همس بالعافيه وهي حزينه وتعبانه: الله يسلمكم انا بخير وان. وانتي يييي فاطمه متعيطيش عشان خاطري انا كويسه اهو
علي: محدش هعيط بس انتي قومي لينا بالسلامه
همس: حاضر كنت عايزة انام شويه ممكن
هناء: كُلي حاجه ي حبيبتي الاول
همس: لم اقوم ي نانا هاكُل ممكن انام
علي: خلاص سيبها براحتها انا بنفسي هاكلها لما تقوم
طلعو كلهم من الاوضه وعلي حجز اوضه لي هناء وفاطمه يناموا فيها عشان يكونوا جنب همس
لما طلعو من الاوضه فضلت همس تعيط ومنمتش مش قادره تصدق ان مراد مش معاها وشويه ودخل عليها علي، مسحت همس دموعها بسرعه،
علي: القمر اخباره اي
همس: الحمدلله
علي: يلا عشان تاكلي
همس: ماليش نفس ي علي
علي: حبيبتي انتي تعبانه لازم تاكلي هزعل منك لو مكلتيش
بعد ما علي اقنع همس انها تاكل و علي فضل قاعد مع همس وشويه ودخلت فاطمه وهناء وقعدوا كلهم و هي بتاكل،
تاني يوم همس كانت لسه في المستشفى وكلهم حوليها شويه وتلفون علي رن
علي: الو
احد المشرفين في المصنع : علي بيه في ناس جايه من برا وطلبين حضرتك ضروري تابع،...
علي: تمام نص ساعه وهكون عندك
بعد ما ففل علي مع المشرف ،
علي: همس حبيبتي طلبيني في الشغل عايزني ضروري مش هتاخر عليكي متزعليش منى انتي عارفه ان بابا وماما مش هنا وانا شايل كل حاجه
همس: مش زعلانه ي علي انت طول الوقت معايا انا كنت هنام شويه فانت روح الشغل ولم تيجي نقعدوا سوء نكون انا قومت من النوم وانت لازم تشوف شغلك بس خلي بالك من نفسك
علي: تمام يعيوني انا ماشي لو احتاجتي اي حاجه كلميني
همس: حاضر
بعد ما مشي علي طلبت همس من فاطمه وهناء يسيبوها تنام شويه وفعلا اول ما طلعوا راحت همس في النوم لانها بقالها كتير مش بتنام
وصل علي المصنع واتكلم مع الناس للي جاي من برا تشوف علي والشغل،
شويه ودخل مراد على علي المكتب وكان قاعد لوحده لما الناس مشيت
دخل مراد واتكلم مع علي في امور تخص الشغل شويه وتلفون علي رن استاذن علي من مراد استنى لحد مايرد علي المكالمه
علي: الو
حسام: ازيك ي علي
علي: الحمدلله بخير اخبارك اي انت
حسام: بخير الحمدلله اخبار همس
علي: بخير الحمدلله هو انت مش في المستشفى ولا اي
حسام: لا ما انا رنيت علشان كدا انا خدت اجازه انهارده عشان الولاد فابعتذز مش هقدر اجي لي همس المستشفى النهارده بس بعتلها دكتور غيري
علي: مفيش مشكله عادي ولا يهمك اتبسط انت سلام
حسام: سلام
مراد اول لم عرف ان همس في المستشفى كان هيغمي عليه
علي: مراد كمل
مراد كان في دنيا تانيه خالص
علي: مراد مراد
انتبه مراد لي صوت علي
مراد: معلش سرحت شويه
علي: مفيش مشكله نكمل بس بسرعه عشان همس في المستشفى ولازم اروح ليها
مراد: حاضر
فكر مراد شويه وبعد كدا قرر يعمل حاجه مراد عمل نفسه مش قادر يقوم وقعد علي كرسي تاني جري عليه علي بخوف ولهفه: مراد مالك انت كويس
استغرب مراد طريقه علي بس ماعلقش.؛
مراد: انا كويس بس دوخت شويه
علي: اي حكايه الدوخه ده حتي همس هي كمان اغمي عليها امبارح جانب الشارع بتاعكم كانت مع فاطمه في الحاره
اتصدم مراد ورد بحزن عشان هو السبب : الف سلامه علي اخت حضرتك
علي؛ الله يسلمك تعالي معايا انا ماشي رايح المستشفى تعالى انت كمان اكشف انت كمان شوف صحتك
فكر مراد شويه وبعد كدا وافق مع انه مش طايق علي
راكب مراد مع علي العربيه و وصلوا المستشفى
علي: انا هشتري حاجه لي همس من جنب المستشفى من هنا وانت انزل اكشف
مراد: تمام
دخل مراد المستشفى وسال علي اوضه همس لحد ما عرف مكانها،
استنى مراد لما المكان اللي فيه اوضه همس فضي و دخل عليها براحه، اول لما مراد دخل وشاف همس نايمه علي السرير قرب مراد منها ودموعه نزلت غصب عنو علي حبيبته لانه هو السبب في شكلها المتبهدل ووشها الخاسس وضعف جسمها وووووو
