رواية اصفاد العشق والهوس كاملة وحصرية بقلم سارة احمد
هلو يا سكاكر عاملين ايه وحشتوني جدا كلكم سكره سكره عايزه اقلكم أنا فيتكم كتير علي جروب الفيس والانستا بجد في عظمه بتحصل كل الاخبار والاقتباسات ورغي كتير تعالو هناك والينكات ع الصفحه الرئيسيه ع الواتباد
دومتوا بخير يا حبيباتي
+
الحيــــــــــــــــــــاة :
رحلة قصيرة نحن نعبرها
نبكي أحياناً .. ونضحك أحياناً .. ونحزن أحياناً
نلتقي فيها أحباباً .. ونودع آخرين
وقد تتجمد مشاعرنا
فلا يكون لصوت مشاعرنا أي صدى
بل ... هنالك أوقات نشعر فيها أنها النهاية
ثم ... نكتشف إنها البداية
وهنالك ... أبواب نشعر أنها مغلقة
ثم نكتشف ... أنها المدخل
لحياة جديدة وأمل آخر نتمناه
اتعلموووون يااااااااسااااااااااادة
هكذا هي الحيــــــــــــــــــــاة :
تحمل في طياتها الكثير من الأقدار
حلم يتحقق ... وحلم يتعثر ... لقاء بلا موعد
وفراق بلا سبب ...
لا البدايات التي تتوقعها ولا النهايات التي نريدها
وتستمر .............. الحيــــــــــــــــــــاة ......
5
.....................................
+
ليله حزينه تحمل بها من الكأبه ما لم يحمله دهرا من الزمن ، الزمن الذي خط ع وجهه علامات القهر والخذلان ، ليله حتي السماء اسدالت غيومها بحزن علي هذا المكلوم ، كان يسير وكأنه يخطو ع جمر يحرقه ، يتخبط ف جميع الاتجاهات ، حتي أخذته أقدامه الي ذلك المبني الذي كان ولحد الامس فقد مقر عمله ومصدر رزقه ، والليله سوف يدلف إليه ولا يعلم هل سيخرج ام لا ، يلعن الظروف والسبب الذي حمله ع هذا الفعل ، تقدم وهو يقدم خطوه وياخر آخره ، وصوت دقات قلبه تطرق بعنف كطبول الحرب؛
دلف الي أحد المكاتب وحدق الي هذا الجهاز الذي لا يعلم عنه الكثير ، اقترب وهو يدعو الله أن يستطيع ارجاع هذه المعلومات قبل اكتشاف اختفائها ؛ ولكن لم يحالفه الحظ ودق جرس الانذار بمجرد لمسه لجهاز الكمبيوتر بطريقه خاطئه ، ووجد مجموعه من العساكر والضباط أمامه بسرعه وتم القبض عليه بطريقه مهينه جدا !!
كبله العساكر والقو به أرضا يأن من الالم والمهانه
6
هتف سامح : شوف يا اخي خيرا تعمل شرا تلقي اهو الصول خليل اللي كلنا كنا بنعامله احسن معامله !
اقترب منه ودنا منه وهدر : بتشتغل لحساب مين يا جدع انت ؟!
نظر له الصول خليل بحزن عميق وهز رأسه بيأس: مش لحساب حد يا بيه ؛
قبض ع ياقه سترته وصاح : أمال المعلومات اللي سرقتها دي كانت لصالح لمين !مين اللي طلبها منك ؟!
اخفض وجهه أرضا والتزم الصمت بقهر ...
2
رفع الضابط يده للاعلي وقبل الي تنزل ع وجه الصول خليل تمسكت به يد قويه بقبضه حديدي وهتف: مش من حقك تمد ايدك عليه يا سامح باشا !!
رفع سامح وجهه الي هذا الغاضب وهتف : جري ايه يا جلال ؟ ده كان بيسرق معلومات تودي البلد ف داهيه !
نظر جلال الي هذا الرجل طيب القلب الذي طلما اعتبره ف مكانة والده وهتف: ماشي ! يتقدم لتحقيق بس مش من حقك تمد ايدك عليه يا سامح
نزع سامح يده من قبضة جلال ورد : اللي تشوفه يا سياده المقدم !!
8
خرج سامح بغضب شديد وخلفه الجميع وقف جلال أمام خليل ومد يده ساعده ع النهوض وقال : ليه يا عم خليل ؟!
غمغم خليل ودموعه محبوسه ف مقلتيه : مقدر ومكتوب يا ابني ! لو كنت عايز تسعدني سيبني الليله دي ؛وهجيلك بكره الصبح بس انا لازم أخرج الليله دي !!
قطب حاجبه بدهشه وقال: اسيبك ازاي ! انت عارف اني مقدرش اسيبك ! طيب انت قولي انت حد بيهددك عشان تسرب المعلومات ده ؛ لازم تقول يا عم خليل عشان اعرف اساعدك لو فضلت ع سكوتك ده مش بعيد تتعدم !!
صمت خليل صمت قاتل حتي فقد جلال الامل وقال : يا عم خليل أنا عايز اساعدك اتكلم !
رفع عينيه التي تشبه الجمرتين وغمغم : كتر خيرك يا سياده المقدم كل واحد بيمشي ف طريق بتوصله وانا اخترت طريقي ووصلت !!
نظر له جلال ورد: مش ممكن تكون كده أنا عارفك !
5
دلف أحد العساكر وقال سياده اللواء محمد السعيد طلب سيادتك ف مكتبه
اوما جلال وقال بحزن : تعالي خده للحجز يا عسكري !
تقدم العسكري وسحب خليل من ذراعه تحرك معه بهدوء وهو يحدق الي جلال وهتف: غصب عني يا ابني !
.......................................
ف أحدي المستشفيات ...
3
خرج ايهم من مكتبه وسار ف الممر حتي وجدها أمامه نظر الي ساعه يده الماركه وتمتم : هو الشفت بدا ؟؟
فتاه فاتنه بشعرها البني الذهبي الناعم على كتفيها في موجات أنيقة، يشبه شلالاً من العسل الذهبي ينسدل برشاقة على ظهرها، كل خصلة تتألق بلمعة ذهبية كقطع من الذهب الخالص وعينيها الرماديه العميقه تلمع كجوهوتين بمحيط ثائر لا يهدي ولا ينام بقوامها المثالي بخصر نحيل ولكن امتلاء اماكن الانوثه يخطف الأنفاس ....
10
هتفت وهي تقترب منه : بدأ من ساعه يا دكتور اللي شاغل بالك ؟!
رفع حاجبه وتمتم: الشغل اتراكم وانا مستني صاحبتك لو مش عايزه تشتغل اشوف غيرها يا زاد !!
اشاره له بيدها وقالت : لا طبعا هتيجي ؛ بس عايزه اطلب منك طلب اخوه كده !
رفع حاجبه بدهشه وغمغم: طلما اخوه يبقي عايزه إذن !
8
- لالا أنا عايزه اقلك أن وتين مختلفه شويا عن اي بنت ممكن تقابلها ؛ هي بتخاف اوي واكتر حاجه تخاف منها المسئوليه والمواجهة ، عشان كده عايزك تدبسها ف اي حاجه عشان تكمل ف الشغل ومتهربش !!
اقترب من مكينه القهوه واردف: هي صاحبتك دي معقده ولا ايه ؟!
التقت كوب القهوه منه وردت : لآ هي بس مقفول عليه زياده مش بتعرف تتعامل اوي وبتخاف زي ما قلتلك !
هزه رأسه وتمتم: خام يعني ؟!
ارتشفت من كوب القهوه واردفت : لا !! وحياتك يا ايهم ده الماده الخام اللي بيطلعوا منها الخام !
غمزها ايهم وهتف: الله !طب ما حلو اوي كده ؛
12
- ايهم !!
هتفت بها زاد بتحذير
رفع ايهم يده ورد : خلاص يا شوشو بهزر خليها تيجي وانا هعرف اتعامل معها !
....................................
صباحا ف المستشفى ..
6
كانت تسير ف الممر بين الغرف ف المرور الصباحي حتي تنهي عملها قبل انتهاء المناوبة المسائيه ...
+
دلفت الي أحد الغرفه بابتسامه ساحره بشوشه تشفي العليل وقالت : هااا عامل ايه دلوقتي يا راجل يا عجوز ؟!
ابتسم لها بحنان ورد: الحمد لله يا دكتوره شهرزاد حد يصبح بالجمال ده ويفضل تعبان ربنا يحميكي لشبابك يا بنتي طلتك تشفي العليل ..
ضحكة الصبيه برقه وقالت: والله انت اللي صباحك سكر محلي يا عم صالح ؛
ألقت نظره ع تقريره اليومي وهتفت : لا احنا صغرنا عشرين سنة اهو ؛ صحتك زي الفل يا راجل يا طيب
اقتربت منه وقالت : اطمن ع دقات قلبك بقا لتكون واحده راحت كده ولا كده !!
ضحك الحج صالح ورد : الله يسعد ايامك يا بنتي !
8
انهت الكشف سريعا وربتت ع كتفه وقالت: لالا أنا كده هدور ليك ع عروسه قلبك حديد يا عم صالح ،
غمغم الحج صالح: ربنا يطمنك يا دكتور شهرزاد ؛
1
خرجت من الغرفه وسارت بتجاه الغرفه التاليه شهقت بفزع عندما سحبتها يد قويه بجانب أحد الزوايه صاحت وهي تحاول التملص وضرب هذه الشخص حتي صاح وهتف : اهدي يا مجنونه أنا حسام !
نظرت له بدهشة وهتفت بغضب : ايه الهزار البايخ ده خضيتني يا حسام !!
ابتسم لها بحنان وغمغم: أنا آسف يا روحي مكنتش اعرف ان قلبك خفيف اوي كده ؟!
حاولت ترتيب شعرها وردت : انت اللي عقلك خفيف ؛ وبعدين ايه اللي جابك دلوقتي ؟!
اقترب منها وتمتم: وحشتيني اوي يا زاد !
وضعت يدها ع صدره تمنعه من الاقتراب منها أكثر وهمست : اهدي يا حسام وابعد شويا احنا في المستشفى وانا ف وقت الشغل !
6
وضع يده على يدها ورد : طيب اعمل ايه وانتي كده مشغوله عني دايما هو أنا مش خطيبك وليه حق عندك ؟! ممكن تقولي لي اخر مره خرجنا فيها سوا كانت امتي ؟!
عضت ع شفتيها بحرج ف هو معه كل الحق وقالت : حقك عليا يا حبيبي انا عارفه والله أنا مقصره اوي خلاص النهارده تعالي نخرج نعمل اي حاجه ؟!
10
ابتسم بفرحه وهتف : بجد طب تعالي نروح سينما ونتعشي بعدها !
هزت راسها وردت : تمام الساعة خمسة حلوه !
اقترب منها وتمتم: مفيش احلي منك انت يا حلاوه المولد !!
دفعته برفق وهمسة: اهدي يا حس وهدي الفولت يا هندسه ؛
ضحك بمرح ورد: حاضر الصبر حلو برضو يلا هعدي عليكي الساعه خمسه تمام يا قلبي !
- ماشي يا حبيبي
انصرف إلى اخر الممر ووقفت تراقبه بعيون لامعه بحب ...
...............................
ف مقر الأمن الوطني
دلف أحد العساكر وقال بفزع : الحق يا جلال بيه الصول خليل واقع ف الحجز محطش منطق !
فز جلال من مكانه وهتف وهو يخرج من مكتبه : مات !!!
7
- لا يا بيه لسه بس متلج وحالته متاخره !
صاح جلال وهو يدلف الي الزنزانة: اتصل ع الإسعاف بسرعه يا عسكري !!
جث أمامه ووضع يده ع عنقه تفقد نبضه وهتف : بسرعه نبضه ضعيف !
+
بعد مرور وقت قصير وصلت سيارة الإسعاف وتم نقل الصول خليل الي اقرب مشفي ومعه حراسه مشدده دلف به الي الاستقبال..
+
ف نفس وقت خروج شهرزاد من المشفي بعد انتهاء مناوبتها المسائيه جحظت عينيها برعب وهي تنظر إلي جسد الصول خليل وهتف : عم خليل يا نهار اسود !
اقتربت من الفراش وقالت : ايه اللي حصل عم خليل ماله ؟!
جذبها جلال من ذراعها بعنف وهتف : انتي تعرفيه ؟!
نظرت له بدهشة وسحبت ذراعها وهتفت : انت مين يا حيوان ؟! ازاي تمسكني كده انت مجنون !!
جحظت عينيه وضغطه ع فكيه بغضب وهدر: رد عليا تعرفيه ولا لا ؟! ولمي لسانك بدل ما اقطعه وادهولك ف ايدك !!
دفعته بقوه وصاحت : ايوه اعرفه ده عم خليل جاري وأبو خطيبي !!
نظر له وقال: انتي دكتوره هنا ؟!
15
- هو البعيد اعمي ولا عنيك دي منظر بس ؟!
قطب حاجبه بذهول وهتف : انتي ايه لسانك ده مبرد ردي عليا زي الناس يابت !!
- ايوه دكتوره هنا يلزم خدمه ؟! وسيبني عايز اطمن ع عم خليل !
نظر الي آثارها وتمتم: يخربيتك قطر من غير فرامل !!
دلفت الي غرفه الكشف وكشفت عليه وهي تنحب بصمت لا تصدق فالعم خليل هو من تولي تربيتها وتعليمها هي واخيها بعد وفاة والدها من خمسة عشر عاما ، ولم يبخل عليها قط باي شي منحها حبه وعطف ابوي خالص حتي تخرجت من كلية الطب واخيها من كلية تجارة وتمت خطبتها ع ابنه المهندس حسام ...
13
بعد مرور وقت قصير خرجت شهرزاد وهي تمسح دموعها اقتربت من أحدي الممرضات وقالت: خلي بالك يا انصاف عم خليل زي ابويا بالضبط !
اومات الممرضه وردت وهي تشير إلى عينيها : ف عيني يا دكتوره شهرزاد "
اقترب منها جلال وقال : هاا يا ست الدكتوره ؟!
نظرت له بحنق وردت : عنده ذبحه صدريه ووضعه خطير !!
أشار لها بيده واردف: اعملي اي حاجه لزم يقوم !
هزت راسها وهتفت: انت مين اصلا !! وايه اللي حصل وصله لكده ؟!
12
- أنا المقدم جلال التهامي والصول خليل متهم ف قضية تسريب معلومات مهمة جدا تخص أمن الدولة
نظرت له بذهول مخلوط بالغضب وردت : انت اكيد مجنون عمي خليل مستحيل يعمل كده ؟!
قبض ع ذراعها بعنف وهتف: بقلك ايه ! لمي لسانك الطويل ده انا ف ديابه بتنهش ف دماغي ، ومش فاضي للهري ده نفذي اللي بقلك عليه من سكات اعملي اي حاجه الرجل اللي جوه ده لازم يفوق عشان التحقيق !!
نفضت ذراعها بعنف وهتف: اوع كده انت بني ادم همجي أنا لو بعمل حاجه أنقذه بيها فده عشان خاطره هو مش تحقيق أو غيره !
دفعته بقوه وتحركت الي غرفته حتي تدق على والدتها تخبرها بما حدث وأنها سوف تتأخر اليوم ..
....................................................
10
ف احد احياء القاهره الشعبية ف منطقة السيده زينب تسير وهي تتهاد ف خطواتها بدلع وغنج أنثوي فطري وصلت أسفل البنايه التي تسكن بها صديقتها المقربة وقفت ونظرت الي شرفة غرفتها وجدتها مغلقه نفخت بضيق وغمغمت: ااف هي مجاتش من المستشفى لحد دلوقتي ولا ايه ؟!
اخرجت هاتفها ونظرت إليه وقالت : الساعه اتنين اكيد جات !!
عبثة بهاتفها ووضعته ع أذنها لحظه وقالت : ايوه يا زاد انت مش ف البيت ؟!
صمتت برهه وردت : يا خبر امتي الكلام ده ؟!
صمتت تستمع اليها وقالت : وحسام سمع ولا ايه ؟!
طيب تحبي اجيلك يا قلبي ؟! لالا اقفلي أنا هجيلك !
أغلقت الخط وتحركت الي المستشفي التي تعمل بها صديقتها ...
7
بعد مرور وقت تارجلت من السياره أمام المستشفى ودلفت الي الاستقبال و سالت عن مكان الدكتوره شهرزاد وذهبت الي مكتبه دقت الباب ودلفت وجدت صديقتها غافيه وتضع راسها ع المكتب شعرت بالشفقه عليها واقتربت منه وقبلتها ع راسها وقالت : ياعيني عليكي يا زاد فرهدت من السهر !!
ثم لكزتها بخفه وهمسة: زاد حبيبتي قومي ؛
تململت زاد وهمسة بين نومها : شويا كمان والنبي ؛
ضحكت وتين وقالت : يا زاد انتي ف المستشفى مش ف بيتكم عند نعناعه قومي بقا !!
رفعت زاد راسها وفركت عينيها وقالت : اااه يا دماغي يامين يوديني عند نعناعه دلوقتي تحضر لي فطار متين من أيدها واكل وانام "
ضحكت وتين وقالت: حد قالك تذاكري وتجتهدي وتطلعي دوك وكمان جراحه دانتي جباره !!
فركت جبينها وقالت : معاكي حق ! مكنش عندي صاحبه فاشله تفشلني معاه ؛ المهم ايه جايه ليه يا موكوسه ؟!
هزت راسها باستنكار وردت: لا بجد انتي نسيتي بقا ؟!
عضت ع لسانها وقالت : اسفه افتكرت ؛
نظرت حولها وغمغمت: بس انتي شايفه حالة عم خليل صعبه جدا ومش هقدر اسيبه واروح معاكي !!
جلست وتين وردت : اه صح ايه اللي حصل لعم خليل يا زاد ؟!
هزت راسها ونفخت بضيق وقالت : ذبحه صدريه يا قلبي وحالته خطيرة !
ربتت ع يدها وقالت: متخفيش يا زاد أن شاء الله هيقوم بالسلامه طب حسام عرف !!
هزت راسها بالنفي وردت: لا لسه ومش عارفه أقوله ازاي انتي عارفه هو مرتبط بابوه ازاي طول عمره !!
نهضت وتمسكت بحقيبة يدها وقالت : لا لازم تبلغيه , وانا لازم امشي عشان الحقي الوقت أنا اتاخرت ، ولسه ع ما يعجبني حاجه واشتريها ادعيلي انا مش عارفه سمعت كلامك ليه أنا مش عايزه اشتغل اصلا ،،
10
نهضت زاد وضمتها بحب وتمتمت: يا بت لازم تشتغلي وتخرجي بره الأربع حيطان اللي حابسه نفسك بينهم ؛ صدقيني ده هيساعدك كتير وبعدين انتي هتشتغلي معايا هنا ؛ يعني مش لوحدك أنا معاكي يا قلبي ، يلا ربنا معاكي واختاري لابس يظهر جمالك ويبينك sexy woman كده ف نفسك ؛؛
5
ضحكت وتين وقالت: حاضر يا منحرفه !
خرجت وتين ومسكت زاد هاتفه حتي تدق ع حسام لحظات وقالت : الو يا حسام !
نهض من تحت السياره ورد : الو يا قلبي انا اتاخرت عليكي ولا الوقت سرقني ؟!
غمغمت زاد : لا يا حبيبي لسه بدري ع معادنا أنا اتصلت عشان اقولك
قاطعه بسرعه: اوع تكوني هتعتذري ازعل منك يا زاد ؟!
- يا حسام خد نيبك صبر يا اخي بصراحه عم خليل هنا ف المستشفى !
فز حسام بخوف وهتف : ليه حصل ايه ماله ابويا يا زاد ؟!
أغمضت عينيها وقالت: تعالي يا حسام هو تعبان شويا بس متخفش ان شاء الله سليمه !!
اغلق معها الهاتف وهو يهم بتغير ملابسه والذهاب الي المستشفي بسرعه ...
....................................
2
خرجت زاد من مكتبه حتي تطمن ع عم خليل والتقيت بالدكتور ايهم ف الممر نظر لها بعبث وقال : ايه ده يا شوشو انت بنهار ليه ؟!
رمقته بغيظ وردت : شوشو انتي بتكلم رقاصه ف الشارع الهرم يا بني ؟!
ضحك بمرح ورد: والرقاصه كانت احلي منك يعني طيب انتي تضربي اجدعها رقاصه ع عينه يا ملبن انت !
لكزته بخفه وقالت: احترم نفسك شويا احنا ف مستشفى وبطل بكش بقا ؛
ضحك بجاذبية وقال : احنا نعرف بعض من امتي يا بت يا شوشو ؟!
- من اولي جامعه يا خفيف .
- شوفتيني في السنين دي كلها كام مره محترم نفسي ؟!
ضحكت بغلب وقالت : ولا مره الحقيقه !!
غمز له بطرف عينه وقال: امال مالك النهارده بقا ؛ وخدها جد ليه ؟ ولسه هنا ليه أنتي مش شيفت بالليل اصلا ؟!
11
اشاره الي العنايه المركزه وقالت : عمي خليل ابو حسام هنا ف العنايه عنده ذبحه مقدرتش اروح قبل ما اطمن عليه ؟!
اوما ايهم وهتف: ألف سلامه عليه طيب وصحبتك اللي قلتي هتيجي تشتغل مجتش ليه أنا الشغل كله اتراكم ع بعض ومجبتش حد عشان خاطرك !
4
هزت راسها وردت : لا متجبش حد هتجي بكره واسمها وتين الرفاعي !
غمز له بطرف عينه بعبث وقال : وياتري حلوه زي اسمها ؟!
اشاره له وقالت : ايهم وتين بت غلبانه وملهاش خالص ف اي حاجه !!
صفر بعبث وقال: هو ف احلي من كده ؟
- ايهم !!
- خلاص يا ستي بهزر وبعدين انتي عارفه مليش ف الخام أنا احـب
قطع صوت ايهم صوت حاد أجش : هو انتي بتشوفي شغلك ولا واقفه هنا تضحكي وتتمرقعي ؟!
ووووو
............
يتبع
