رواية الحب الحرام الفصل الخامس 5 بقلم نور ربيع
# الحب الحرام
البارت الخامس 
استغفر الله العظيم 
في منزل جنات تحديدأ في غرفتها
جنات كانت سرحانه في الماضي اللي مش بيفرق عقلها نهائي من وقت ما تحسنت ورجعت على البيت
و كل ذكرى مع فهد مش بتفرق عقلها مش قادره تنسى التاريخ اللي تعرفت فيه ع فهد
جني اختها دخلت و قعدت جنبها ع السرير و قالت بابتسامة: جنتي عامله ايه دلوقتي طمنيني عليكي يروحي
جنات بعدم تركيز: الحمدلله
اخدت بالها جني: مالك سرحانه في اي يا جنات؟
بصيتلها وركزت فيها جدا ثم قالتلها: كبرتي يا جنى اوي
جنى ابتسمت: انا عندي دلوقتي 15 سنه يا جنتي اه كبرت فعلاً
جنات بصدمه وحزن: ياااه انا غبت كتير كدا
جني بحزن شديد: غبتي فعلاً كتيير اووي اووي يا جنات انتي متعرفيش الدنيا كانت عامله ازاي من غيرك احنا كنا بــ نعاني حقيقي
قامت جنات بصت في البيت في كل مكان و بقت تمشي في كل حته فيه و دموعها بتنزل منها بحزن شديد وحسره ع نفسها و كل ذكره وحشه معاهم في قلب البيت. و بصت في النتيجة اللي ع الحيطة. لقيت فعلاً فات عليها كتير جدا من العمر في غيابها وقت الغيبوبه
جنات بدموع وصدمه: يااا خبر احنا في 2025/12 مايو معقول … الصدمه فعلاً قهرتها جداً من جواها و حزنها وجع قلبها و مش قادره تستوعب اي شئ حواليها و بقت تبكي بــ كسره جواها ع حالها
جني قربت منها حضنتها بدموع وحزن: حبيبتي ليه بتعيطي طيب دلوقتي اهدي احمدي ربنا انك انتي واقفه ع رجليكي و في احسن حال
جنات بعيط شديد: انا تعبانه اوي يا جني تعبانه اوي و مصدومه مصدومه من كل حاجه حواليا …كملت بوجع وقهره في قلبها: و اكتر حاجه وجعه قلبي وصدماني الماضي اللي فعلاً دمرني ودمر حياتي
بصتلها وقالتلها بدموع وحزن: حقك عليا يا جنات عارفه ان بابا و ماما كانو قسيين عليكي جداً اخر فتره قبل خمس سنين بس متزعليش نفسك يعمري حقك عليا انا حقك علي قلبي يروحي
جنات لنفسها بوجع شديد: الدنيا كلها مزعلاني ي جني الدنيا كلها كسرتني وصدمتني مش بس ماما و بابا انا انا مش فاهمه اي اللي حصل في حياتي ده مش فاهمه هو جرى اي بالظبط اااااااه يااا قلبي معقول معقول ده واقع يااااااه حكايتك صعبه اوووووي يا جنات 
ـــــــــــــــــــــــــــــــــــــــــــــــــــــــــــ
دخلت وقفلت باب غرفتها وقعدت على السرير وهي بتبكي جامد مش قادره تنسى اول مره خالص لما عرفت فيها فهد وشردت في الماضي وراحت في عالمها الماضي
جنات بملل شديد: يا ربي يا ربي ايه الملل ده الواحد زهق جدا من بعد ما قعدت من المدرسه … اتنهدت بخنقه جواها من قعدتها في البيت طول الوقت " فتحت التليفون وفتحت نت ودخلت على جروب بوستات
بدات تقرا البوستات اللي نازله وكان جروب عباره عن بنات واولاد
جنات: أحياناً قد نمر بظروف تعكر علينا صفو الحياة وتسلب منا سعادة طالما حلمنا بتحقيقها ويصبح الحزن رفيقنا والكلام الحزين يملئ عقولنا ولكن علينا أن نؤمن بأنّ كل هذا مقدر ومكتوب وأنه لم يحصل إلا لهدف أو عبرة معينة فهذه هي الحياة وهذه هي مشقتها. وتقلباتها… داست وعملت التفاعل على الكلام الولد كان منزل البوست ودخلت على بوست تاني
أصعب وأشد الأحزان هو أن تتذكر أيام السعادة والهناء عندما تكون في أشد حالات التعاسة والشقاء والألم. إن الدموع هي مطافئ الحزن الكبير. غالباً ما تأتي الدموع من العين بدلاً من القلب. كثيراً ما تكون حقائق الحياة مزيجاً من الدموع والابتسامات. أشد الناس كآبة من لا يعرف سبب كآبته. إذا سألوك يوماً عن إنسان أحببته فلا تقل سراً كان بينكما، ولا تحاول أبداً تشويه الصورة الجميلة لهذا الإنسان الذي أحببته اجعل من قلبك مخبأً سرياً لكل أسراره وحكاياته فالحب أخلاق قبل أن يكون مشاعر. لا تشكون إلى خلق فتشمته شكوى الجريح إلى الغربان والرخم. لا يمكنني أن أصل بآمالي وتطلعاتي إلى الأعلى لأن مع كل استقبال هناك وداع
جنات باعجاب في البوستات والكلام و قائلاه بحزن: الكلام ده جاه في وقته بجد ليا هو بيحكي اللي جوايا فعلا … كملت قراءه في البوستات كانت بتعمل تفاعل مع كل بوست بتقراه وكانت معجبه في كل بوست وبدات تتعجب مع مرور الوقت في الشخص ده اللي بينزل بوستات
( السلام عليكم ورحمه الله وبركاته يا بنات انا عايزه انصحكم في حاجه بجد البوستات الحزينه او الاغاني اللي انتوا بتقراوها او الاغاني اللي انتوا بتستمعوها ابعدوا عنها بلاش تقراوا فيها او تقربوا ليها كلها احزان واوجاع وهتدمر نفسيتكم جدا. هتوديكم لعالم ثاني عالم الحزن والهم ما فيش احسن من القران انكم تستمعوا ليه والله ما في احسن من كلمه حلوه تيجي كده من القران وتديكي امل للحياه وغير انك انتي بتشيلي حسنات. القران في حاجات جميله جدا زي مثلا {فَصَبْرٌ جَمِيلٌ ۖ عَسَى اللَّهُ أَنْ يَأْتِيَنِي بِهِمْ جَمِيعًا ﴾ أيه كمان جميله جدا ﴿ فاستجاب له ربه فصرف عنه كيدهن أنه هو السميع العليم ﴾ أيه كمان: قال الله تعالى: "وَلَقَدْ نَعْلَمُ أَنَّكَ يَضِيقُ صَدْرُكَ بِمَا يَقُولُونَ" (سورة الحجر الآية 97) إيه ﴿وإذا سألك عبادي عني فإني قريب أجيب دعوة الداع إذا دعان فليستجيبوا لي وليؤمنوا بي لعلهم يرشدون﴾ [البقرة: ١٨٦] كلنا بتمر علينا ايام صعبه تمر بنا أيام صعبة نفشل فيها يضعف الجسد يتألم القلب نبكي كثيرا " بصو قد ايه يعني كل كلمه بتطلع من القران الكريم بتاع ربنا جميل جدا احسن من الاغاني احسن من البوستات الوحشه وكلام الحب والمعصيه واللي احنا بنقع فيها وكل ده راجعوا نفسكم يا بنات وشوفوا انتوا بتعملوا ايه وتراجعوا عن الغلط كلنا بنغلط وبنسمع اغاني وبنقرا في حاجات حزينه واوجاع وحاجات بنتفرج عليها بناخد عليها ذنوب ودي توصلنا للذنب وتوجع في قلوبنا لكن نرجع تاني فيها ايه يعني وان الله غفور رحيم ربنا يغفرلنا جميعا ويهدينا)
ــــــــــــــــــــــــــــــــــــــــــــــــــــــــــ
باقي الفلاش.....
فاطمه بعصبيه وزعيق: انتي زبالة انا زهقت منك خلاص يا جنات ليل نهار ليل نهار قاعده على ام التليفون ده ولا في منك فايده ولا ليكي ستين لازمه ابدا
جنات بــ كسره من كلامها: ماما انا مش زبالة ليه بتقوليلي كده انا بشر زيكم من دم ولحم وبحس فيها ايه يعني لما انام لبعض الظهر ما فيش حاجه هتتعمل انا بروق البيت وبيفضل زي ما هو مترتب الاكل ما جتش يعني على مره انتي تعمليه ولا جنى
فاطمه بقسوه: هو ده اللي انتي فالحه في بس بذمتك انتي مش مكسوفه من نفسك وانتي نايمه كده وطول الوقت قاعده على التليفون ما اعرفش بتعملي ايه في اي مش مكسوفه من زمايلك اللي من سنك اللي طلعوا كليات ولا اللي اتجوزوا وبقى عندهم عيال وانتي زي ما انتي قاعده مبلطه مش نافعه في حاجه ولا نافعه في تعليم ولا نافعه في شغل البيت ولا اي حاجه ولا حد عايز يعبرك بشكلك الاهبل ده احنا زهقنا منك خلاص وجبنا اخرنا
جواها اصبحت مكسوره اكتر وقلبها كان واجعها جدا وحاسه ان نبض قلبها هيقف من كتر وجع قلبها على نفسها وحاسه بالحسره والكلام اللي نازل عليها زي الرصاص وحاسه بالخزلان كل اللي حواليها بالفعل مكسوفه جدا من الكلام اللي بتقوله ليها مامتها لكنها في الواقع هي متعوده على كده لانهم هما دايما قاسيين عليها من وقت ما سقطت في الثانويه العامه وشايفين انها افشل واحده.( البنت انثى غاليه ما تستاهلش ان كل ده يحصل فيها مش عشان خاطر بقت قاعده في البيت وماسكه التليفون وطول الوقت نايمه تبقى هي بنت فاشله او زباله او بتعمل حاجه غلط لا والله العظيم يعني البنت اللي طول الوقت قاعده في بيتها دي وحقفه نفسها في اوضتها وطول الوقت نايمه او قاعده على التليفون دي بتبقى اكتر واحده مكسوره بس ما حدش حاسس بيها لوالدتها ولا باباها ولا اختها ولا اخوها ولا اي حد. حاسس باللي جواها قربونا من بناتكم فضلا والله العظيم هتخسروهم وهتندموا اوعى تقسى عليهم قربوا منهم خديهم في حضنكم لو مره بس وافهموهم عشان ما تندموش بعد كده وتقول يا ريت شوفي بنوتك هي عايزه ايه محتاجه ايه جواها ايه اي اللي تعبها وايه يعني لو فشلت والله العظيم كل ده ما هناخده معانا في القبر بلاش تخليهم يوصلوا للغلط الكبير بلاش تخلوهم ياخدوا الحنان من الشخص الغلط يا جماعه بالله عليكم 
)
) فاطمه بغضب وقسوة عليها كاتك نيله مفيش منك فايده ولا ليكي ستين لازمه دا انتي زبالة نفسي تغيري لو مره من اللي احسن منك ( قسما بالله العظيم ما في حد احسن من حد كلنا بشر زي بعض ربنا يهدي جميع الامهات على بناتهم ويهدي بنات المسلمين يا رب 
)
)رجعت خطوتين لورا ودخلت غرفتها تجري وقفلت على نفسها وقعدت في الارض وفضلت تبكي بشد على نفسها وحاسه بالوحده في اللحظه دي
جنات بانهيار في قلبها ولنفسها: يارب يارب يارب تعبانه اوووووي يارب؛ وفاتت ايام صعبه على جنات في نفس الحال واليوم اللي تقوم فيه تلاقي يوم غيره زيي والايام كلها شبه بعضها وما فيش جديد في حياتها غير قسوه اهلها عليها
ـــــــــــــــــــــــــــــــــــــــــــــــــــــــــــ
جنات كانت قاعده في يوم على التليفون بتاعها كانت في جروب البوستات زي ما بتقعد كالعاده زهقانه ومخنوقه وبتقرا في البوستات وكان في الليل كان نفسها تتكلم مع حد وزهقانه من بعد الثانويه قطعت علاقتها بكل اصحابها لانهم بيتنمروا عليها وهي ما قدرتش تتحمل تنمرهم عليها لانها سقطت واصبحت لوحدها كان المعصيه" بتشدها انها تدخل تكلم الشخص اللي بينزل بوستات وتعلق لي على الكلام لانها معجبه في الكلام جدا ومعجبه في شخصيته بسبب البوستات دي " احذروا يا جماعه من موضوع الجروبات بتاع الاولاد والبنات دي مع بعض بلاش تدخلوا في جروبات مع اولاد نهائي لانكم هتندموا بجد بعد كده وفي بنات كتيره بتعمل كده انا مش على شخص معين بس كله بيعمل كده بجد يا بنات خدوا بالكم من نفسكم عشان خاطر بعد كده ما تندموش) "
ــــــــــــــــــــــــــــــــــــــــــــــــــــــــــ
بجد برافو عليك كلامك جميل جدا على فكره انا الامل بيرجع ليا تاني من بعد ما بقرا بوستاتك بجد انا بحب شخصيتك جدا
دخل على الشات اقرا الرساله ورد: مين؟
جنات ابتسمت: انا جنات في جروب حضرتك
فهد رد: امم اهلا بيكي
جنات ردت بحماس عليه: اهلا وسهلا بحضرتك ممكن. اعرف اسمك اي
فهد بخبث لنفسه: اممم شكلها واحده زبالة من اللي في بالي قاعده فاضيه ومالو عرفك باسمي وهو اتسلى شويه بيكي زيك زي غيرك هزهق وهسيبك
" فهد: انا فهد عصام عمري 21 سنه
جنات ردت بسرعه عليه: اتشرفت بمعرفتك …و بعتت ضحكه وقالت" وانا جنات عثمان عندي 17 سنه.
فهد لنفسه بسخرية عليها: دي بترد بسرعه هي فعلاً قاعده فاضيه … وما كانش بيرد عليها غير كل فين وفين كل ما تبعتله حاجه وبيتقال عليها جنات كانت طول الوقت معجبه في بوستاته وحباها جدا وكانت بتبعتله بتسال عليه لكن هو كان بيتقل عليها تماما كان بيخليها تتعلق فيه مع كلامه الحلو اللي كان بيرد عليها بيه كل فين وفين ومع الوقت جنات اتعلمت فيه جدا ولذه المعصيه امتلكت قلبها وهو بقى مالي عليها حياتها بالكدب والغلط منه و اصبح هو كل حياتها والمشاكل بتزيد مع مامتها ومع باباها طول الوقت وما كانش في جديد في حياتها غير المشاكل لكن اللي كان بيهون عليها حياتها هو فهد بالكدب والخبث عليها هو اللي كان بيهون عليها حياتها وكانت عالم بتتكلم معاه كان بينسيها كل حاجه وهي عرفته كل حاجه عن حياتها لي وهو كان بيهون عليها بالكدب والخبث
ـــــــــــــــــــــــــــــــــــــــــــــــــــــــــــ
"""""""""“"""""" بعد شهور طويله
بعتت رساله جنات: عارف يا فهود انت مليت عليا حياتي بجد انت بقيت كل دنيتي حقيقي
رد عليها فهد وضحك بخبث: اوعي تكوني حبيتيني يا بت
جنات لنفسها بحزن شديد: انا فعلا حبيتك اوي بس ما اقدرش اقولك ان انا حبيتك نفسي اشوفك اوي يا فهد نفسي اقابلك انت الوحيد اللي خلاص اخدت قلبي وعقلي وروحي
بعتت رساله جنات بضحك وجع: لا لا لا مش كده بس انت عارف المشاكل اللي في حياتي والخنقه وانت على طول في حياتي بتهون عليا ده غير انك انت مش محسسني ان انا لوحدي ابدا انت انسان كويس و طيب اوي اوي بجد يا ريتك كنت دخلت في حياتي من زمان
رد عليها برساله ووعد كدابه: انا عمري ما هسيبك وهفضل في حياتك لحد اخر يوم في عمري ووعد مني قريب اوي هنتقابل
ردت عليه برساله فرحه: بجد يا فهد يعني انت عايز تشوفني احنا هنشوف بعض يعني وهنتقابل
فهد بكدب:اممم اكيد وعد
في مره ثانيه في حديث ما بينهم
جنات: فهد انت ما قلتليش بقى هو انت عندك اخوات وعايش انت و مين انت عارف كل حاجه عني من 9 شهور من ساعه ما عرفنا بعض وانا ما عرفتش حاجه عنك وانت عرفت عني كل حاجه احكيلي عنك شويه بقا انت مره دي
فهد بسخرية لنفسها: انتي مدياني فرصه انتي مش مبطله هري من ساعه ما عرفتك قصص وحوارات واهلك واهلك واهلك وجعتي دماغ اهلي ي شيخه اي ام الهري ده يخرب بيت اهلك
رد عليها بزهق شديد منها: عندي اختي في تالته ثانوي عام سجدة
رد بابتسامة جنات: ربنا يباركلك فيها يا رب ويحفظكم لبعض اسمها جميل جدا
رد فهد: تسلميلي يا عسليه
جنات بابتسامة: كلامك جميل…كملت بتوتر: بقولك ايه ي فهد هي اختك اكيد معاها تلفون صح؟ اديني رقمها اتكلم معاها واصاحبها انا ما عنديش صحاب وانت عارف كده اهو انصاحب انا وهي اتكلم معاها ولو سالتني قالتلي جبتي منين رقمي هقولها احنا في جروب واحد وانا جبت رقمك منه عشان اتعرف عليكي وعايزه يبقى عندي اصحاب.و اهو هيبقى عندي اصحاب جديده
فهد رد بضيق: لا
حزنت جنات جواها؛ وردت: لا ليه؟ انا مش هجيب سيرتك نهائي انا هكون صاحبتها و احبها
فهد بزهق رد: وانا قولت لا سجدة مش بتحب كلام كتير وانتي صراحه كده بت رغايه وبتهري كتير على الفاضي وهي مش فاضيه ليكى. هي في ثانوي عام وانا عايزها تطلع حاجه حلوه وليها مستقبل مش واحده كده وخلاص ما لهاش لازمه وبعدين انا مش عايزها تتعرف على بنات اللي من النوع اللي زيك يا جنات … وبعت اخر رساله دي راح قفل النت و راح نام من غير ما يعبرها او يديها اي اهتمام
جنات فتحت الشات قراءه الرساله واتكسفت جامد من الكلام بتاعه ده وحسيت بالخزلان ودموعها نزلت منها واتكسرت من كلام وحست انها واحده رخيصه في نظر نفسها
جنات لنفسها بحزن وندم: هو انا فعلاً واحده فاضيه وما ليش لازمه وبعدين هو معاه حق اساسا ما يشرفهاش تتعرف على واحده زي هو زهق مني خلاص على كده معقول.؟ انا عارفه ان انا ما ليش لازمه اللي انا بعمله ده غلط بس بس؛ ثقتك من هنا وما عندهاش اي رد فعل لنفسها والندم بياكل في قلبها ومكسوفه جدا من نفسها ومكسوفه من ربنا و من اللي بتعمله "
///
ردت عليه بسرعه قالت: خلاص خلاص دا انا بقول كده اصلا ي سيدي مش عاوزه ارقام اقفل ع الموضوع … بعتت الرساله لقيته قفل في بقت تبعتله رسائل كتيره ورا بعض كان
برضو ظاهر ان هو قفل وعيطت بسبب كده وحست انها رجعت بقت لوحدها تاني ومش قادره انها تتخيل ان ممكن يسيبها وتعيش لوحدها مره تانيه
جنات بعياط وكسره: انت شكلك خلاص ما بقتش عايزني في حياتك وزهقت بس انت لسه قايلي عمري ما هسيبك وهقابلك طيب ايه اللي حصل!!؟... يا ريتني ما كنتش طلبت منك ارقام يا ريت انا واحده غبيه وهو قالي كلام يوجع قلبي طيب انا اعمل ايه دلوقتي هو مش هيكلمني خلاص على كده يا ربي
ــــــــــــــــــــــــــــــــــــــــــــــــــــــــــ
جنات بدموع بعتت رساله: فهد هو انت زهقت مني خلاص ما بقتش عايز تكلمني انا عارفه ان انا رغايه وبتكلم كتير بس انا تعلقت فيك خلاص ازاي عايز تسيبني
فهد بخنقه منها وملل: بصي ي جنات انا فعلاً زهقت بس مش منك لا انا مش عاوز نتكلم اكتر من كده انا مش عايز كده فما تزعليش نفسك كفايه لحد كده بقى
جنات بعتت بسرعه ببقاء شديد: ليه طيب ليه انا مش اعرف اعيش من غيرك هعمل ايه من غيرك بس انت بقيت كل حاجه ليا انت عارف اد اي انا بعاني في حياتي وانت الدواء انت اللي بتهون عليا انت كل حياتي
بعت بتريقه وضيق منها: ي بنتي اي الغباء اللي انتي فيه ده هو انا خطيبك سيبك من الهبل ده وشوفيلك مصلحه تعمليها في حياتك بدل اللي انتي فيه ده كفايه بقا الاكتئاب اللي جواكي ما حدش هيتحملك بالطريقه دي مش فاهم اهلك يعني متحملينك ازاي
بقت مكسوره جدا من كلامه وقلبها بيزيد في الوجع من كل حاجه في حياتها. ثم بعتتله رساله فيها وهي جواها بتتكلم معاه بحنان عشان ما يسيبهاش مش قادره تتخلى عنه: طيب انت عايز طيب؟
فهد رد: انا مش عاوز حاجه عايز ربنا يهديكي بس وتبطلي اللي انتي فيه ده بلاش ترخصي نفسك اكتر من كده وحافظي على نفسك
جنات: طيب انا عاوزك في حياتي طيب هنتكلم شويه بس و خلاص ع كده وانا مش عاوزه حاجه تاني بس خليك معايا مليش حد في الدنيا دي اللي ربنا وانت
قفل نت وما ردش عليها بعد ما فتح الشات وقرا الرسائل وقرر انه ينهي العلاقه دي اللي ما بينهم لان زهق منها خلاص
ــــــــــــــــــــــــــــــــــــــــــــــــــــــــــ
ارض الواقع
جنات بصرخه ألم وكسره: اااااااااااه انااا ااااااازاي كنت كدااا اااازااااي كاااان بيحصل كده معااايا ازاي كان بيحصل كده معايا وفي حياتي ازاي انا كنت بحاول مع شخص ما كانش حاببني وكان بيتسلى بيا ازايييي ليييبهههه كدااا ياااا جنااااات ليييييههه عملت في نفسك كده ليه ليه كده يا ماما ليه كده يا بابا ليه كنت بتقسي عليا ليه جنات اذاتكم في ايه ليييه ليييهه … حطت ايديها الاتنين على دماغها وبقت تبكي جامد ومش حاسه حاجه حواليها دخلت بسرعه عليها مامتها واختها وبقى يهدوا فيها ومش فاهمين هي مالها او فيها ايه
فاطمه بخضه عليها: مالك مالك ي جنات ي بنتي
جنات بانهيار شديد وجنون: دلوقتي مالك مالك يا بنتي هااا بعد ما اتدمرت مالك يا بنتي بعد ما اتدمرت ليه كده ليه يا ماما اذيتك في ايه هاا فهميني جنات عملت ايه لكل ده فهميني فهميني هاا هااا
فاطمه بدموع وخوف عليها من حالتها: مالك يا جنات انت بتعملي كده ليه فيكي ايه فهميني بتقولي ايه عملتلك ايه انا قوليلي
جني بدموع وحزن وعتاب: ماما انتوا كنتوا قاسيين اوي عليها يا ماما وهي مش قادره تنسى الماضي ماما جنات محتاجه تتعالج عند الدكتور نفسي يا ماما انت مش شايفه حالتها عامله ازاي يا ماما جنات تجننت بسبب اللي انتوا كنتوا بتعملوا فيها يا ماما
فاطمه افتكرت مره واحده كل قسوتها عليها واللي كانت بتقولوا ليها واللي كانت بتعمله فيها وحزنك جدا والندم بقى مالي قلبها وبقت شايفه بنتها في حاله صعبه جدا حاله انهيار ومش قادره تعمل ليها حاجه واصبحت بتدمر قدامها وهي مش في ايدها اي شيء في لحظه دي غير انها تلجا لربنا وتقول يا رب ان يشفيها ليها
