رواية درة القاضي الفصل الثالث عشر 13 بقلم سارة حسن
الفصل الثالث عشر
تداعب ييدها الكأس بشرود وسط الضوضاء الصاخبه اقترب منها طارق
ايه ياهيام ياحبيبتي سرحانه في ايه
هذا الذي باعت حسن لأجله خانها لمرات لا تعرف عددها لم يترك صديقه لها الا وخانها معها مع اهانتها بضربها اذا طلب منها المال ولم يجد واستغلالها من كافه النواحي مقارنته بحسن ليست عادله بالمره حسن صانها وحبها ووقف امام والده بسببها وهي باعت الغالي بالرخيص وماهي الا شئ اراد طارق الحصول عليه لغيرته من حسن فقد ذاقت نفس الالم التي اذاقته لحسن وهي الخيانة .
هيام بضيق،،ماليش ياطارق بس مصدعه فين ريم
طارق بتفحص لإحدى الفتيات،،ريم هناك اهي
اقتربت هيام من ريم
هيام،،ريم عايزاكي
ريم ،،مالك
هيام بشبح دموع،،انا شوفت حسن
ريم بصدمه،،حسن فين
،،قابلته صدفه ولما سالته ازيك قالي مافتكرش اننا اتقابلنا قبل كده نكر انه يعرفني اصلا ياريم
،،وانتي كنتي مستنيه أيه ياخدك في حضنه بعد اللي عملتيه فيه مثلا
هيام بضيق،،عارفه ياريم عارفه انا بضرب نفسي بالجزمه اني عملت كده انتي ماتعرفيش طارق دخل عليا ازاي وطلع واطي بعت الغالي بالرخيص اوي ياريم اوي
ريم ،،وانتي هاتعملي ايه يعني سبيه
هيام بتريقه،،وانتي فكرك مافكرتش فكده بس عمره ماهيطلقني عشان الفلوس والمنظره
،،يعني عايزه ايه دلوقتي ياهيام طلعيه من دماغك بقي
هيام بخفوت،،مش قادره مش قادره ياريم نفسي يرحعلي تاني واسيب طارق وابقي معاه
ريم باستغراب،،انتي عايزه ترجعيله وهو
،،،مش عارفه بس هحاول يمكن لما اظهر تاني في حياته افكره بزمان حسن كان بيعشقني مستحيل يكون نسيني خالص كده
ونظرت لاامام باصرار ،،هارجعه ليا تاني مش هلاقي زي حسن أبدا
،،،،،،
خرجت من منزلها تبحث بعينيها عنه ولم تجده كان هو ينظر لها من بعيد وابتسم لبحثها عنه مشت عده خطوات وحثها قلبها علي النظر للخلف وفعلت ووجدته واقف واضع يديه في جيب بنطاله وعينيه عليها اقترب هو منها
حسن،،صباح الخير يادكتوره
دره بابتسامه،،صباح النور ياحسن
حسن بابتسامه ،،احسن النهاره
،،ايوه الحمدلله
اقتربت منهم شهد
شهد بمرح ،،ازيك يابو علي
ضحك حسن بصوت عالي،،كويس ياشهد انتي عامله إيه
شهد بابتسامه ،،،تمام ،يالا بقي يادره هانتاخر
حسن بتساؤل ،تتاخرو علي ايه
شهد،،أبدا ياسيدي رايحين نشتري شويه حاجات اخييرا ست دره فضيت ورضيت عليا وهاتيجي معايا
دره بمرح ،،،انتي اللي زنانه
شهقت شهد بغرور،،انا ده انا نسمه وكيوت
حسن في نفسه،،مجنونه والله ده انت هايطلع عينك ياسيف
شدتها دره من ذراعها ،،طب يالا ياكيوت ،سلام ياحسن
حسن وعينه تتابع دره حتي اختفت عن انظاره،،هاتعملي فيا ايه يابنت سعد الحكيم
،،،،،،،،،
بعض مرور عده ساعات وحسن وسيف منكبين علي بعض الاوراق والاعمال
سيف ،،حسن انا عايز أتجوز
ضحك حسن،،تتجوز مره واحده
،،ايوه عايز أتجوز مره واحده فيها حاجه دي
حسن،،لا ياسيدي مافيهاش حاجه وطبعا عارفين مين ست الحسن والجمال
سيف بهيام ،،،اااه ياحسن هي اللي مجنناني عايز الحقها قبل ماتتخطف مني
حسن بمرح،،خلاص ياعريس نروح نخطبهالك
سيف بلهفه ،،بجد ياحسن ،طب وانت مش ناوي ولا ايه
حسن بهدوء،،ادعيلي ياسيف
سيف ،،ربنا يفرحك ياصاحبي
رجل ما ،،ريس حسن في ناس عايزينك بره
حسن،،طيب جاي
خرج حسن تسمر مكانه عندما رأها مستنده علي سيارتها تتابع الماره ببرود وتكبر
اقترب منها حسن ووضع يديه في جيوبه ببرود،،خير
التفتت له بلهفه،،حسن ازيك
،،قلت خير
هيام وعيناها تتفحصه بشوق،،خير ياحسن ،،انت وحشتني اوي
ضحك بصوت عالي واقترب منها اكثر،،لا والله وايه كمان
هيام بضيق،،حسن انا عارفه انك
قاطعها بغضب،،عارفه ؟ عارفه ايه انا مش عايز اشوف وشك مش عايز حتي افتكر ايامي مع واحده زباله زيك
هيام باصرار،،لا ياحسن انا بحبك انا هيام اكيد ماكرهتنيش انا عارف انك غضبان وزعلان وكل حاجه بس انا هافضل احاول لحد ماتسامحني واقتربت منه اكثر باغواء ،،،هحاول كتير كتير اوي ياحسن
علي اول الشارع
شهد بتسرع،،دره دره شوفي مين اللي واقفه هناك دي
دره بصدمه لاقتراب تلك المرأة من حسن وملابسها المحدده لجسدها من الاكيد ليست من هذه المنطقه
وقفت امامها سميه بترحاب
دره شهد وحشتوني يااندال مش بتسالوا عليا
شهد بابتسامه ،،سميه عامله ايه
سميه،،الحمدلله مامتك عامله ايه دلوقتي
،،الحمدلله اتحسنت كتير
نظرت سميه لدره الساهمه في شئ ما خلفها ،،ازيك يادره
التفتت إليها دره من شرودها من المشهد المبتذل الذي امامها،،كويسه ياسميه الحمدلله
ياياشهد اتاخرنا علي ماما
،،،،،،،
رأها حسن قادمه اغمض عينيه بنفاذ صبر عندما رأها نظراتها له
نظرت هيام لما يتطلع عليه حسن وحدت فتاتين بيقتربوا منهم وواحده عينيها لم تفارق حسن
حسن بغضب امشي من قدامي ياهيام دلوقتي انا مش طايق اشوق وشك واوعي تيجي هنا تاني
وعاد بنظره لدره التي لم تعيره اي انتباه ودخلت للمنزل واغلفت خلفها الباب بقوه
هيام،،ماشي ياحسن هامشي بس مش هاوعدك انك مش هاتشوفني تاني وقادت سيارتها وعقلها يعيد مشهد عينين حسن لتلك الفتاه ونظرات الفتاه المعاتبه له
ضربت علي المقود بغضب بالغ،،لا ياحسن مش هابعد ماحدش هاياخدك مني ،،وصرخت بهياج،،مين البنت دي مييين
امسكت بهاتفها لاجراء مكالمه ما لبدء خطتها
يتع،،،،،
