رواية الحب الحرام الفصل العاشر 10 بقلم نور ربيع
البارت العاشر 
لا اله الا الله 
كانت ماشيه في الشوارع جنات وهي سرحانه و سرحان ده من ورا اكتئاب شديد وحزن جواها من الماضي المتعب بتاعها
" فهد وانا كمان بحبك ي جنتي
جنات بخجل شديد: بجد بجد اومال ليه مش قولت ليا من الاول اشمعنا اول لما قولتلك
فهد: جنات بصي انا مسافر متزعليش نفسك يا حبيبي ولا تحطي في نفسك
جنات بعياط شديد: طيب وانا وانا يا فهد هعمل ايه من غيرك انت خلاص بقيت كل دنيتي يا فهد فاهم يعني ايه بقيت كل دنيتي ازاي اعيش من غيرك
فهد: لازم تنسيني بقى يا جنات انسيني وعيشي حياتك واحب اهلك وخدي بالك من نفسك
مسكت راسها بعياط و كسره منه بسبب فهد.
جنات بتعب شديد ودموع: الله يسامحك يا فهد الله يسامحك
ــــــــــــــــــــــــــــــــــــــــــــــــــــــــ
فهد كان قاعد وسرحان بتفكيره في جنات و مصدوم جدا انها طلعت عايشه
فهد لنفسه بصدمه: طلعتي عايشه يا جنات طيب ازاي؟ وانا شوفتك بــ عيوني وانتي موتي قدامي معقول
"سجدة: فهد فهد فينك
فهد انتبه ليها: تعالي يا سجدتي انا اهو
سجدة دخلت قعدت جنبه: انت بتعمل ايه كده بدور عليك من بدري
بصلها وضحك بخنقه جواه: انا عيل صغير بتدوري عليا وبعدين بتلفي ورايا ليه كده زي ما يكون طفله صغيره ي سجدة انتي متعلقه فيا لدرجه دي؟
سجدة بابتسامة وحب فيه: انا بحبك اوووي يا فهودي بجد بجد انت بابا التاني اصلا انا مش عارفه انا ازاي تحملت خمس سنين دول من غيرك بجد
فهد بحب: اديني جيت ليكي يا ستي اهو وهفضل معاكي على طول؛ اتنهد تنهيده جواها خنقه و شتات في عقله
سجدة بقلق عليه: مالك يا فهد انا حاسه انك فيك حاجه ي حبيبي …كملت بــ مرح: ليكون بتفكر في واحده اوعي اوعي حتى قبل ما تمشي من خمس سنين كنت كده قولي قولي هي مين دي بالله بس حرام يا ريتك ما تكونش بتفكر في حد يا فهد
فهد بــسرحان وحزن شديد: انا فعلاً بــ فكر في حد كده
سجدة: بجد و مين ده بقا؟
فهد بيحاول يغير الكلام و في دماغه شيء بيفكر فيه تاني: بقولك ايه يا سجدة انتي مش قولتي انك عاوزه تقبلي صحابك اللي انتي قولتيلي عليهم دول امبارح شوفي عايزه تروحي امتى اتفقي معاهم على مكان تتقابلوا فيه وهوديكي ليهم في اي يوم
سجدة بــ فرحه: بجد بجد يا فهودي
فهد: بجد يروح قلب فهود
سجدة ضحكت بابتسامة: اه اهو بالمره كمان تشوف جنات العروسه اللي انا مختارها ليك. بجد بنت كويسه اوي و طيبه يا فهد و مفيش منها و ملتزمه جدا جدا فعلاً؛ كملت بحزن عليها: هي يعيني كانت في غيبوبه من خمس سنين عملت حادثة كانت هتموت بس ربنا كتب ليها عمر جديد بس الحمد لله بجد انها كويسه انا بحبها اوى حقيقي كده هي و اختها جني
فهد اتصدم من كلامها ده كله و الصدمه الاكبر هي انها بتقوله كانت في غيبوبه من خمس سنين
فهد لنفسه بصدمه: معني كده مش ماتت!! دي راحت في غيبوبه انت ازاي طلعت غبي كده يا فهد ليه ما استنيتش لحد ما تسمع الدكاتره هيقولوا حالتها فيها ايه بالظبط
فهد بصلها ثم قال: سجدة انتي ازاي اتعرفتي ع البنت دي و من امتي عارفاها كده؟
سجدة: من حوالي سنتين تعرفت على جنى اختها من طريق الجروب بتاعي. كانت طالبه مني اني انزل في الجروب بتاعي ان الكل يدعي لاختها بالشفاء لانها كانت في الغيبوبه وانا اتعرفت عليها من بعدها و لما اختها فاقت جنات اتعرفت عليها و بقيت بتكلم معاها علطول طلعت بنت طيبه جدا بس علطول زعلانه كده و مهمومه رغم انها في الاحسن دلوقتي بسبب العبادة الحمدلله
فهد: اممم …كمل لنفسه بحزن شديد: يا الله معقول هي فاكره فهد ولا نسيته خلاص؛ بسخرية: وانت عايز تفكر فيك بعد اللي انت عملته فيها يا استاذ فهد في حد انسى ماضيه الاسود
ــــــــــــــــــــــــــــــــــــــــــــــــــــــــــ
في اسكندريه
تحديدأ في منزل ريان
ريان كان واقف في المطبخ ويعمل كوبايه قهوه لي وبيرن على فهد
ريان: فهد راح ع فين كده من وقت ما نزل القاهره وهو ناسيني خالص؛ ضحك بسيط جدا مع نفسه: شكلها كده اسرته نسته صاحبه
بعت رساله واتس اب: اي يا ابني فينك كده اختفيت من ساعه ما نزلت القاهره للدرجه دي اهلك نسوق صاحبك؛ ثم بعت الرساله في الشات وبعدها حط التليفون على رخامه المطبخ وكمل باقي عميل القهوه
" ريان بقولك ايه اعملي معاك كوبايه قهوه بالله عليك يا خويا
بصله بابتسامة لطيفه: من عيوني
اركان اخوه الصغير بابتسامة: تسلم ياغالي ربنا يحفظك ليا يارب
ريان: امين. طمني بقا الجامعه عامله ايه و المذاكره
اركان بتنهيد: اهو ماشي الحال الحمدلله يا ريان خلاص كلها كام يوم داخلين على الترم الثاني بدأت في المذاكره اهو
ريان حط القهوه في الكوبايات ثم قال
ريان: ربنا معاك يا اركان خلي بالك كويس من نفسك اهم حاجه و ادعي كتير علشان طول ما انت بــ تدعي و تقول يارب هتلاقيها من عند ربنا مفتوحه عليك وربنا يوقف معاك في كل لحظه انا وصلت للي انا عايز كله بفضل ربنا بسبب الدعاء والسبب المحاوله واللحاح بــ دعوات لربنا وبالتعب وربنا اهو حقق اللي في بالنا الحمد لله
اركان: الحمدلله ادعيلي يا خويا
ادي لي كوبايه القهوه وقال: ان شاءلله
اخد شويه من القهوه بابتسامة: امممم تسلم ايدك يا غالي
ريان بابتسامة: الف هنا على قلبك يا حبيبي
اركان: حبيبي الا صح ايه اخبار فهد دلوقتي
ريان: ولا اعرف حاجه عنه من وقت ما نزل القاهره بقاله اربعه ايام
اركان: اكيد مشغول مع اهله بقا ما صدق بقاله خمس سنين بعيد عنهم
ريان: اه ربنا معاه يارب
ــــــــــــــــــــــــــــــــــــــــــــــــــــــــــ
فهد كان ماشي بالعربيه بتاعته في شوارع القاهره ومخنوق ومش عارف هو رايح فين. وماشي وخلاص وهو سرحان في جنات
جنات هي ايضا كانت ماشيه وكل عقلها سرحان فيه. و دموعها بتنزل منها من غير ما تحس على نفسها وقفت عشان توقف تاكس عشان تروح بيتها . وقف تاكسي ليها بالفعل وراحت تركب
فهد بتنهيده لنفسه بندم شديد: ياااا الله طلعها بقى من عقلي طلع . البنت دي من تفكيري و من دماغي يا رب مش قادر انسى بنت دي نهائي يا رب سامحني ونسهاني بقا يارب
بص بنظره اتجاه اليمين من الشباك عيونه جت ع جنات من شباك التاكسي بتاعها والتاكسي كان طلع في الوقت ده نزل بسرعه ونادى عليها مره واتنين وثلاثه وكان تاكسي طالع وهي ما سمعتهوش
فهد بصوت عالي جدا: يااااااا جناااااات " حط ايديه الاتنين على راسه. بصدمه.و بــ شتات في عقله وحزن شديد
فهد بصدمه: فعلاً جنات عايشه عايشه؛ اتنهد ثم قال: يارب
ــــــــــــــــــــــــــــــــــــــــــــــــــــــــــ
في بداية يوم جديد
سجدة كانت بتتكلم مع جنات و جني
سجدة بفرحه: خلاص احنا اتفقنا هنتقابل في كافتيريا ****** بجد مبسوطه اوووي يااا بنااات
جني بسعادة: وانا اكتر بجد بصي احنا اتفقنا مع ماما هنقول لبابا بقا بليل لما يجي من الشغل ان شاءلله و هنرد ة نقولك قال لينا اي
سجدة بابتسامة: خلاص اشطا يروحي
جنات لنفسها: لازم اعرف بقا فهد اخوها ولا لا بس متاكده انه هو والله العظيم هو ده فهد لازم اعرف منها من المقابله دي اللي هنتقابلها
جنات: خلاص يا بنات اتفقنا علي الساعه 3:00 بعد العصر ان شاءلله و لما بابا يجي هناخد منه الاذن برضو و نرد عليكي بليل
سجدة: تمام يا بنات ان شاءلله
ــــــــــــــــــــــــــــــــــــــــــــــــــــــــــ
في غرفه فهد
كان بيتكلم مع ريان
فهد: والله انا الحمدلله زي الفل يا غالي
ريان: ادام الله حمدك يا غالي اي فينك كده انت ما صدقت رجعت لاهلك خلاص نسيتنا.
ضحك فهد بسيط جدا: في حد ينسي صاحبه برضو يا جدع لا مش ناسيك ولا حاجه والله
ريان بضحك: اومال ايه بقا ليكون في حد تاني شاغل بالك عروسه ولا حاجه
فهد بضحكه: لا لا صدقني مش زي اللي في بالك ابدا
ريان بــمرح: اومال
فهد بتنهيده وضحك بسيط: ولا شيء المهم طمني علي اركان عامل ايه
ريان بابتسامة: الحمدلله فل والله يا صاحبي سال عليك امبارح
فهد بابتسامة: واحشني والله الواد ده سلملي عليه كتير
ريان: تسلم من كل شر يا غالي يارب. ان شاءلله
ريان: اممم طمني اي اخبار حياتك كده مبسوط من الرحله دي اي اخبار الجماعه
فهد اتنهد ثم قائلا: والله الحمدلله يا ريان بخير
ريان: دوم بخير يارب يا غالي.…كمل بشك: بس ليه حاسس من صوتك انك فيك حاجه انت كويس يا فهد
فهد بهدوء: صدقني انا كويس مفيش حاجه بلاش تشغل نفسك انت المهم اي اخبار الشركه دلوقتي و الشغل
ــــــــــــــــــــــــــــــــــــــــــــــــــــــــــ
في المساء
في منزل عثمان
جنات برجاء: يا بابا بالله توافق دي بنت كويسه جدا وطيبه والله ما تقلقش علينا وبعدين هنروح وناجي على طول والمكان اللي احنا هنتقابل فيه مش بعيد اصلا صدقني
جني بزن عليه: بابا بابا بابااا بااااباااا بالله عليك احنا. اخدنا الاذن من ماما من الصبح والماما وافقت وافق بقى انت كمان بالله ما تقلقش علينا وربنا ما هنتاخر واتابع معانا في التليفون كل شويه رن واطمن علينا وافق بقى يا بابا واقف
عثمان بزهق شديد منهم: جنات جني كفايه صداع تمام مش عايز اسمع واحده فيكم تتكلموا انتوا بقالكم ساعه ع الحال ده وجعتوا دماغي سيبوني خلوني اعرف ارتاح شويه بقا
جنات بزعل: يا بابا اتفقنا خلاص مع سجدة ليه كده بقى يا بابا انا عايزه اشوفها بالله انا زعلت اساسا اهه طالما انت مش عايز تخلينا نطلع من البيت ونقابل صاحبتنا
فاطمه بهدوء: عثمان الكافتيريا اللي هيتقابلوا فيها مش بعيده هي ما بينها وما بين البيت ساعه بس او ساعه ونص خليهم هما مش هيتاخروا عشان خاطر ما يكسفش نفسه قدام صاحبتهم وبعدين دي بنت محترمه جدا انت ما تعرفهاش اساسا وهي على طول بتكلم البنات فخليهم يتقابلوا بقى هما خلاص اتفقوا معاها
جني بزعل بعتاب : يا بابا شوف جنات زعلت ازاي وانا كمان زعلت هيهون عليك تزعلنا ونروح نقول لصاحبتنا بابا مش موافق وصاحبتنا تقول ليه كده ايه السبب اللي ابوهم مش عايز يطلعهم من البيت ليه كده يا بابا انا زعلانه منك بجد وزعلت انا وجنات اهو بس خليك عارف انك انت كده بتحرمني من حاجات كتير احنا نفسنا نعملها احنا مش بنعمل حاجه غلط يا بابا احنا عاوزين نقابل صحبتنا وصاحبتنا دي بنت انا عارفاها من زمان وما فيش منها بجد وهي محافظه علينا واحنا محافظين عليها ومستحيل تأذينا ابدا.لو اي وانا بوثق فيها جدا لان انا عارفه من زمان
فاطمه بمحاوله معاه: بلاش تزعل البنات وافق على اللي هما عايزينه لو عايز تروح معاهم روح بس بلاش نخليهم يناموا زعلانين منك عشان ما نخسرهمش مره ثانيه ونرجع نندم ونقول يا ريت وهما قدام عيوننا اهم
( السلام عليكم ورحمة الله وبركاته لما والدك ووالدتك ما يوافقوش على الحاجه اللي انتي عايزاها مش معنى انهم بيحرموكي من حاجه لا دا علشان هما بيخافوا بزياده عليكي وبيحافظوا عليكي بزياده وبيحبكم بزياده فبلاش تزعلي نفسك وتحطي في نفسك بقى قالوا اه اه قالوا لا لا وانسي الموضوع وبلاش تناقشي او تردي وتقاوحي فيهم هما عارفين مصلحتك اكتر منك والله عشان لما يحصلك حاجه لا قدر الله هما اللي هيتحملوا المسؤوليه وهشيلوا الليله لان هما الاهل واحنا اولادهم هما اللي من حقهم يحكموا فينا واحنا اللي نسمع منهم وعلينا بــبس حاضر و نعم.و بس علينا بكده. و البنت الشاطره بجد هي اللي مطاوعه كلام اهلها وبتسمع كلامهم هي دي البنوته الشاطره بجد اللي ليها الجنه 
)
)اتنهد عثمان بص لجنات اللي قاعده زعلانه ومقموصه قال
عثمان بــتحذير : طيب تمام موافق انكم تروحو بس بلاش تاخير اول لما ارن عليكم و اقولكم يلا يبقى يلا تمام
جنات بصتله بسعادة: بجد يا بابا يعني موافق والله
عثمان بابتسامة: اه موافق علشان خاطر عيونك انتي وجانو
فاطمه بابتسامة: احنا عندنا كام جنتي وكام جانو ربنا يحفظكم ويبارك لينا فيكم يارب
جني بقت تتنطط من السعاده: هيهي هيهيهي هيهيهيهي
جنات بفرحه: ربنا يديمك ليا وميحرمنيش منگ ابدا يا بابا
ــــــــــــــــــــــــــــــــــــــــــــــــــــــــــ
في يوم جديد واحدث جديده على الابطال
في منزل عصام
عصام بــتأكيد: سجدة اوعي تتاخري تمام
سجدة: بابا فهودي جاي معايا اصلا
شرين بهدوء: فهد هيروح معاها يا عصام ما تقلقش عليها ابدا
عصام بابتسامة: تمام يا حبيبتي خدي بالك من نفسك و افرحي وانبسطي مع اصحابك
سجدة بابتسامة: حاضر يا بابا
« مواصفات اللباس الشرعي بتاع البنات»
( سجدة كانت لبسه دريس نبيتي علي خمار فرنسي نفس اللون طقم كامل)
( جنات كانت لبست دريس لونه زيتي والخمار نفس اللون)
(جني كانت لبست دريس لونه ابيض على خمار ماليزي لونه لبني)
ــــــــــــــــــــــــــــــــــــــــــــــــــــــــــ
البنات طلعوا بعد ما اتفقوا ان الميعاد ده هيتقابلوا فيه بعد العصر زي ما كانوا متفقين وراحوا ركبوا التاكسي ومشيوا على الكافتيريا اللي اتفقوا عليها
جنات لنفسها بثقه: فهد فهد متاكده انك انت فعلا فهد 99%
جني بصتلها: جنات هتقولي لسجدة ع اللي في بالك
هزت راسها بمعني اه وهي سرحانه
فهد كان طلع بالعربيه بتاعته و سجدة معاه
سجدة بصتله بابتسامة سعادة: مبسوطه اوي اوي اني هشوف البنات دي يا فهد بجد
فهد بحزن شديد جواه: الاسف فرحتك مش هتكمل يا ساجده فرحتك هتروح بعد ما تعرفي حقيقه اخوكي بس كفايه لحد كده لازم كل حاجه تتكشف بقا ع حقيقتها هي لازم تعرف ان انا اخوها و سجدة لازم تعرف بالحقيقة دي.؛ كمل بكل سخريه: وانت ي فهد لازم تعرف الحقيقيه وتكتشفها انها عايشه وتشوفها بعيونك وتتاكد انها دي جنات و جنات عايشه مش ماتت
كان حزين جدا من جواه مش هاين عليه يزعل اخته اللي كل حياته بس جواه ضميره اللي وجعو والذنب اللي عمال يانب فيه من جواه. من ناحيه جنات
ــــــــــــــــــــــــــــــــــــــــــــــــــــــــــ
وبعد حوالي ساعه وأكتر البنات وصلوا على الكافتيريا ووصلوا مع بعضيهم
جني قعدت علي الكرسي بحماس ولهفه انها هتشوف سجدة لاول مره وجواها سعيدة جدا جدا
جنات بصت في ساعه: ما ترني شوفي باقي كتير عليها ولا ايه يا جانو
جني طلعت الفون من الشنطه: حاضر يروح قلبي
فهد و سجدة وصلوا قدام الكافتيريا في الوقت ده
سجدة طلعت الفون من شنطتها اللي في كتفها بابتسامة البنات وصلوا بيرنوا عليا اهو يا فهد
بصلها فهد قال بهدوء: طيب انزلي ادخلي ليهم يلا
بصتله ثم قالت:هتفضل لوحدك هنا طيب تعال اقعد في ترابيزه لوحدك يا حبيبي
فهد: حاضر هشوف كده
سجدة بابتسامة: اشطا.ي عمري.باست خده و راحت نزلت وهي طايرة من السعادة في لحظه دي
فهد بتنهيده وحزن وجع مالي قلبه :طيب وبعدين اعمل اي دلوقتي في سجدة دي فرحتها مش سايعاها.انها اخيرا هتشوف البنات دي انا عارف اني من لحظه دي خلاص هخسرها ومستحيل بعد ما تعرف الحقيقه تكون سجدة اللي انا اعرفها مستحيل ترجع لاخوها فهد حبيبها اللي مستعدة تعمل اي حاجه عشان خاطره ده عمل مصايب يا سجدة في حبيبت قلبك جنات عارف انها خلاص هتكرهني هتكره نفسها تكره كل حياتها وكل ده بسببي انا اه بسببي انا بسببي اني واحد حيوان ما اتقتش ربنا في بنات الناس انا ازاي ما فكرتش قبل ما اغلط ازاي يا رب
-----------------------------------------------
سجدة اخدت البنات في حضنها جامد الإبتسامة .كانت مرسومه ع ملامح.البنات اللي الفرحة مكنتش سيعاهم ابدا هما ثلاثه
جنات دموعها نزلت منها وهي صعبان عليها نفسها وهي في حضن سجدة و افتكرت مره واحده كلام فهد ليها لما قالها اختي مش فاضية لوحدها زيك.رغايه عندها حاجات اهم منك عاوز يكون ليها مستقبل مش تبقي زيك ملهاش ستين لازمه
جنات ببكاء وجع شديد: سبحان الله علي يارب على الصدف اللي بتجمع العالم ببعضها اللي ما كناش نتوقع اننا نلتقي بشخص احنا بنتمنى نعرفه وجوانا ملهوف يارب معقول دي معجزات منك ياربي
سجدة طلعتها من حضنها بصدمه من رد فعلها و بصت ليها بعدم فاهم
جني بدموع: علشان خاطر اهدي يا جنات في اي 
سجدة حست بحزن من حالتها :ولا حول ولاقوة الا بالله مالك يا جنات في اي اي اللي بتقوليه ده
جنات حطت ايديها ع وشها من البكاء و مش قادره تتمسك نفسها حرفيأ
اخدتها في حضنها سجدة بحنان بعدم فاهم منها بقت تهدي فيها
داخل فهد وهو بيقدم رجل. و بــياخر رجل وجوه بيحاول يجمد
فهد عيونه جت ع سجدة و جنات
فهد بجمود: سجدة
رفعت عيونها وهي في حضن سجدة لقيت فهد قدامها
جنات بصدمه :فهد
فهد بصلها بكل جمود وحزن كبير جواه: ايوه فهد فهد عصام يا جنات انا فهد اخو سجدة
سجدة بصت لي بصدمه من كلامه ليها و بصت لجنات بعدها نفس الشيء
جني بصدمه وحزن شديد: معني كده انت فهد اخو سجدة فعلآ
جنات بصدمه وببكاء:فهد انت.....
^___________________________^
من الأحداث القادمه
فهد بحزن وندم شديد: جنات سامحيني انا عارف اني غلط بس انا خلاص قتلت فهد القديم صدقيني يا جنات سامحيني ع كل حاجه
جنات بعياط وكسره: اسامحك..؟ اسامحك اي لا مينفعش انت اللي سامحيني ع اللي انا بدأت في سامحيني سامحيني يا فهد بالله عليك وانساني انساني انسى جنات خلاص يا فهد على كده وعيش حياتك انت
فهد: يا جنات هاتي ايدك تعالي انا مش هسيبك. ابدا انا عاوزك انتي عاوزك في حياتي سيبك من اللي فات انسي انا عاوزك انتي يا جنات تعالي انا هاخدك من اهلك وهخليكي ليا
رجعت خطوة لورا جنات بحرقه جواها:مش هينفع خلاص مش هينفع. انا ولا ليك ولا لاهلي يا فهد انا مكاني مش هنا مكاني مش ده حان وقت رحيلي.ادعيلي ادعيلي كتييير ان ربنا يسامحني و يغفرلي ع كل حاجه يا فهد… دارت ضهرها و راحت طلعت تجري جت قدامها مره واحده عربية وكانت الصدمه…
فهد بصدمه ولهفه عليها:جناااات حاااااسبي يااااا جناااات
سجدة بعتاب وعياط هيستيري :ليه ليه كدا يا فهد حرام عليك يا أخي حرام عليك انت اي مش بني آدم ابدا ازاي انت تعمل كده انا مكنتش اتوقع في تاريخ حياتي ان اخويا الكبير يطلع كده ابدا
فهد بانكسار وحاسس ان خسر كل شيء في لحظة من حياته: سجدة بلاش تعاتبيني بالطريقه دي كلنا بنغلط وانا مش ملاك صدقيني انا بشر حقي اغلط و غلط و ندمت و تبت الحمدلله مش انتي عارفه ربنا اكتر من و دايما تقولي كده
سجدة ببكاء وجع شديد: فعلا فعلا بس انا مصدومه فيك فعلا حقيقي مكنتش اتخيل منك كده انت خسرت خسرت كل حاجه خلاص يا فهد انت مش من حقك أساسا تعمل كده من الاول انتوا اي مش بتخاف من ربنا وانت بترتبطوا بالبنات ما خفتش من ربنا ما خفتش على اختك وانت بتعمل كده حد يعمل فيها نفس اللي انت عملته فيها الله يسامحك الله يسامحك روح يا فهد
فهد بعدم طاقه جواه:سجدة..!!
سجدة رجعت لورا بعياط وحزن: انسي اختك انسي حبيبتك اللي انت خدعتها بالحب يا اخويا هما خلاص ماتوا ماتوا
فهد بــشتات وجنون:لا لا يا سجدة متقوليش كده مش عاوز اخسرك انتي كمان كفايه جنات راحت مني مش هقدر اتحمل.بعدكم عني ياااااا سجدهههههه جنااااات
