رواية حب صباي الفصل التاسع 9 بقلم مرج البحر
باهره : فتحت الاتصال اجاني صوت ابن اختي ايكول خاله تعالي جدي مات
اني رغم العالم والناس بالسوك بس صرخت لاتكولها دخيل ربك ورجعت اتصل عل زوجي كلت ابويه مات مااسامحك والله كتلك اروح اشوفه وماخليت مات وماحضنته وراسا اني و عبد الرحمن طلعنا والولد يخبروني كلت امانه لاتدفنو كبل مااصل كالو اخواني ننتظرج واني كل الطريق ابجي والسائق يهدأ بيا ايكول كلنا للموت بنتي كلت بس مو ابويه اضيع بلاها والله الوحيد الي يهون المي وحزني الوحيد اليحس بوجعي وطلع عل المگبر كبل حتى اشوفه وصلت كبله جانو اولاد العشيره مكملين ال قبر ووكفت وجت الجنازه وركض ابن اختي الجبيره الي جنت عايشه عدهم حضني واني اصيح يابه من اجي انت تتلكاني بس هسه اني اتلكيت بس بلا مااشوفك واحضنك يابه حرمني من حضنك الله لايسامحه يابه بس كوم خلي احضنك واشكيك همي يابه من يؤاسيني بس مايرد عليا جوا اخواني وشبكوني ويبجون وراحو استعجلو عليه
خلو جوا التراب واني بس اصيح واخلي التراب عل راسي امانه يابه لاتعوفني والله مااسوه بلاك ياابو گلب الحنون يابه بخت الله لاتعوفني محد سمعني وهالو عليه التراب ياجماعه ابويه فعلا الانسان مايتكرر بكلشي ابويه حبيبي وصديقي وروحي وعمري مابطلت اصياح ورجعنا عل البيت واتلكني خواتي واني مايبرد عل كلبي شي لو حتئ احرك نفسي هذا ابويه الي عمره مامد ايده علينا واحنا بنات دائما رافعين راسنا بتربيته ومعاملته النا وماخلاه بنفسها شي كل عمره يضحي ويدعيلنا اكثر حتى من امي واكول لاخواتي ولجن خلو كومه اتراب وابويه ارق من النسمه ويحب النظافه اشلون كلبهم انطاهم ايخلونه بحفره هذا العزيز وروح گلبي يارب سامحني بس هذا ابويهوبنو بيت الفاتحه وانقلبت الامه ابويه معروف بربعه والغريب والكريب يحبونه
خلو جوا التراب واني بس اصيح واخلي التراب عل راسي امانه يابه لاتعوفني والله مااسوه بلاك ياابو گلب الحنون يابه بخت الله لاتعوفني محد سمعني وهالو عليه التراب ياجماعه ابويه فعلا الانسان مايتكرر بكلشي ابويه حبيبي وصديقي وروحي وعمري مابطلت اصياح ورجعنا عل البيت واتلكني خواتي واني مايبرد عل كلبي شي لو حتئ احرك نفسي هذا ابويه الي عمره مامد ايده علينا واحنا بنات دائما رافعين راسنا بتربيته ومعاملته النا وماخلاه بنفسها شي كل عمره يضحي ويدعيلنا اكثر حتى من امي واكول لاخواتي ولجن خلو كومه اتراب وابويه ارق من النسمه ويحب النظافه اشلون كلبهم انطاهم ايخلونه بحفره هذا العزيز وروح گلبي يارب سامحني بس هذا ابويهوبنو بيت الفاتحه وانقلبت الامه ابويه معروف بربعه والغريب والكريب يحبونه خلصت الفاتحه
وظلت اكثر من شهر ورجعت عل اربيل واسوني الكادر بمصابي وخاصه معلمه من اهل بغداد ست عروبه انسانه ماتنوصف ابدا من طيبت كلبها وحنانها تجي عليا عل المطبخ تحضني وتبجي واتكول كلنا انموت ام مصطفى كومي صلي اقري القران وفعلا صرت اوزع من راتبي صدقات لابويه لان حر مالي مو من احد
وعدت الايام بس ابويه لازل يوميا ابجي عليه والاداره يحبوني وسوو راتبي 400 الف مع التكريمات من الكل والحمدلله والبنات يشتغلن بلمعمل والعيشه طيبة والحمدلله
.
.
.
.
(وبعد مده)
باهره: كاعد بالمطبخ حسيت اني مشتاقه
ل زاهد بعد. ابويه بس مااعرف كلشي عنه
لاعنوان ولاوين صفت بيهم الدنيا من ورا داعش اتطشرنا وجا ببالي اكتب اسمه عل النيت وكف گلبي من طلعلي عل الفيس وفرحت مخلي صورته يارب دخيلك والله مشتاقه آله وبعثت كلام عل الفيس بس محد جاوب
بعد يومين جاء اشعار
منو معاي
باهره : فتحت الموبايل وفرحت من شفت احروفه كلت معجبه
زاهد : هههههه معجبه معجب بس غير اعرف منو
باهره.: الماضي
زاهد : واني شلون اعرف كلامك صح وانتي من الماضي
باهره.: والله ماضيك وعمري ما نسيتك كنت ادور عليك بس اريد اعرف عنك شي
زاهد : هذا رقمي اتصلي عليا باجر با10 الصبح
باهره فرحت حيل والدنيا ماتسعني من الفرحه و
اني رجعت من المدرسه صحيح عمري 45 بس حسيت رجعت مراهقه الفرحه ملت الدنيا وبطريق
اني من الفرحه صرت اغني اغنيه بسام مهدي،،،،
منو انت، انت، اكثر واحد بعمري عشكته،،،
منو انت انت اغلئ الناس بلدنيا عرفت،،
منو انت،،، انت حلمي الي انتظرت واجئ بواكت،، ،، انت كلبي ودكته وكلشي انت،،،، منو انت،، انت شي اخسر حياتي لوخسرت،،، انت احلئ احساس بلدنيا انا عشت،، انت حبي،، وكل الحلو بيك اختصرت،، اصلا الحب ماعرفت لوما انت،، تسالني ليش،، تسالني ليش،، احبك ومااحب سواك،، مكدر اعيش،، مكدر اعيش،، دنيا مابيها هواك،، وعيوني لوتطلبها،، اكلك فدوه هاك،، وتصور،، حبك بكد هاي الدنيا،، يمكن اكثر،، واتصوركل دقيقه اتفوت بكلبي حبك يكبر،، واتصور صرت ابوس اسمك،، حبيبي كبالي لومر،، لو افكر بغيرك صعب اكدر،، واتخيل اشكد ماشوفك ولا تنمل،،،، اتخيل اتظل بحياتي الحب الاول،، والله اذا ماشوف وجهك عيني تذبل،،، تروح ناس وتجي ناس،، وتبقئ، الاجمل،، بعيوني شوف،، بعيوني شوف اشلون حبك مايهون،، مكدر اعوف،، مكدر اعوف،، واني بحب الجنون،،، لو فاركتني،، مدري،، بعدك وين اكون.
جنت اغني وامشي بشوارع اربيل وابجي
احس نفسي طايره بالجو
بس طبعا وحدي الدنيا ضهر والناس بلبيوت
واريد بس يجي باجر واسمع صوته ومانمت الليل
اريد بس انام صعب اكدر وجا الصبح اريد بس اتصير 10 الساعه ماتمشي وكلبي يدك بقوه واخاف بلمدرسه لاينادوني واني اريد بنفس اللحظه اتصل وحان الوقت واتصلت اول دكه رد عليا كلت السلام عليكم
زاهد: وعليكم السلام
باهره: اشلونك
زاهد: بخير وانتي
باهره: الحمدلله وكلبي يخفق احس كل المدرسه تسمعه كلت عرفتني
زاهد: الصوت نفس الصوت مامتغير من قبل 20 سنه انتي حب قلبي
باهره : اسمع كلامه نزلت دموعي ياربي مشتاقه
الكلامه ومشتاقه الشوفته مشتاقه الكلشي بي
زاهد: مشتاك والله وعمري مانسيت حبج
باهره: اني جنت اموت يوميا الف موته بس اعرف اي خبر عنك
زاهد : اني دائما اسال فائز ابن عمج بس مااسال عنج خاصا اخاف لايكول عليش تسال عن باهره
باهره: انت وين صفئ بيك الدهر
زاهد: بكركوك اتزوجت بعد بعشر سنوات من زواجج
كان زواج تقليدي وعندي ست اولاد 4 ولد وبنتين وحاليا موظف بالتربيه مال كركوك واشتريت بيت انتي شنو وضعج اخبارج
باهره : مثل مااني ماكو شي جديد نفس حياتي
زاهد: اشلون شاهين معاك
باهره: ابو عاده مايبدل عادت
زاهد.: لله يعينك ماتستاهلين واحد مثله بس الله يسامح امج بس والله دائما اشوفج باحلامي واتمنئ بس اسمع اخبارج وين انتي بالموصل
باهره: لا اسكن اربيل من وقت التحرير
زاهد: زين اني دائما اجي عل اربيل بشغل اكدر اشوفج 
باهره: من غير تردد كلت اكيد لان اني هم مشتاقه لشوفت اعيونك
زاهد : لسه حلوه لو خربج الزمان
باهره: كبرت واولادي بطولي اكيد خربت مو مثل قبل اني صرت اشتغل بمدرسه موظفه وتعب
باهره: احسن من اتظلين مقابيل شاهين 
باهره: حلوه زوجتك
زاهد: مو احلئ منج والله من اباوع عليها اتخيلج انت يمي وام اولاد
باهره: بعث صورتها وصور اولاده كانت حلوه وجميله بشكل كلتله اتجنن زوجتك
زاهد : والله مو احلئ منج خليني اشوفج
باهره: بعثت صورتي وصور اولادي
زاهد: لسه حلوه وبنتج حنين
تشبهج حيل
باهره : زاهد تدري شكد مشتاقتلك كلما ايصير بيد مجال اتصل
زاهد: مااريد اسويلج مشاكل واني اعرف زوجج شنو من بشر
باهره: لاتخاف اذا احد يمي افصل الخط واذا ماكو احد احجي
زاهد: تمام حب قلبي بس صدكيني فرحت بيج حيل ياعمري
باهره انت العمر الي بدء جنت ميته وهسه رجعت للحياة والله مانسيتك لحظه الله يشهد
زاهد: باهره والله كلما انام اتخيلج انتي يمي
باهره: اووف زاهد حبك ملك كلبي وروحي ماشوف احد غيرك ولاحس بطعم الدنيا بفراكك
زاهد: والله ردتلي روحي من راسلتيني البارحه دعيت من الله انتي وماغيرج
باهره : والله اني نفس الشعور ويجوز اكثر
زاهد هسه راح اروح لان اني بداوام واضل على تواصل وياك
ونهينا المكالمه فرحت والفرحه بينت عل وجهي وكالت ست عروبه
هاا ام مصطفى اليوم وجهج مثل التفاحه اكو شي
باهره: لا بس انتم رسمتم الفرحه عل وجهي بتعاملك الي ومحد يعرف بفرحتي غير الله عز وجل اريد ابوس كل الطلاب واحجي واتشاقئ وياهم وطلعنا من المدرسه ووصلت البيت ومن اشتغل اغني حبيبي مااكدر انساك،، والله ماتحمل بلياك هيثم يوسف
كالن البنات يمه اليوم انتي حلوه حيل والفرحه مبينه عل وجهج شكو
باهره: (بناتي طبعا يعرف بحبي لزاهد)
وفتحت الموبايل وشوفتهن صور هو وعائلته
كالن يمه الله عليج شفتيه
باهره: كل عمري اشوفه بگلبي بس اليوم اتراسلنا
واشلون عرفتي عنوانه
باهره: الصدف كتبت اسمه وطلع حسابه وحجينا فرحن لفرحي جانن ايكولون لو ابويه ايعوفج اندور عليه ونزوجج اله لان تستاهلين انفرحج يمه السعاده الكلبي ماتنوصف كلت راح يجي لااربيل ونلتقي كلهن كالن احنا هم انروح انشوف عشق امي الي مانسته ولو لحظه جنت استمتع من احجي لبناتي عن حبي اله بدون خجل لان حب صادق
السعاده الكلبي ماتنوصف كلت راح يجي لااربيل ونلتقي كلهن كالن احنا هم انروح انشوف عشق امي الي مانسته ولو لحظه جنت استمتع من احجي لبناتي عن حبي اله بدون خجل لان حب صادقوصرنه نتواص ويوميا نحجي او نفتح كامره
اني و زاهد وبعد اكثر من اسبوع اتصل وكال
زاهد: باجر اجي لااربيل حتى اشوفج
باهره : يمااااه الدنيا معد تسعني من الفرحه وكل اليوم اغني،،، شجيب باجر واصبر اشلون،، باجر التقي مع اجمل انسان،، هيثم يوسف طبعا اني من عشاق هيثم 
وثاني يوم رحنا اني ونبأ وملاك عل القلعه باربيل لبست فستان جوزي وبي طوب عسليه وشال عسلي حفيت وجهي وخليت مكياج طبيعي مو صارخ حيل
البنات متشوقات لشوفته اكثر مني من كثر ماحجيت عنه
ووصلنا واني رجليا متشيلني من الفرحه ولقاء بعد عشرين سنه وصلنا يم النافورات بوسط القلعه وشافته نبأ كالت
يمه هذاك هو لابس زيتوني
باهره : كلبي يدك سريع ياربي بعد عشرين سنه راح اشوفه لتفتت عليه.....
