رواية تزوجت حماي الفصل التاسع 9 بقلم عائشة الدليمي

رواية تزوجت حماي الفصل التاسع 9 بقلم عائشة الدليمي 

قمر ــــــ اسمعها اتگله من هسه مشتك مثل متريد الله اكبر شجاب هاي بهاي رحت،،،، عمه اريد ابني

ام كنان ــــــ يم جدته ماعليه شي روحي

قمر ــــــ بس اني اريد ابني مگدر انام بدونه

ام كنان ــــــ انگلعي لخيمتج

ابو كنان ــــــ كافي يامرا رجعي الطفيل لامه

صلاح ــــــ اد ماما

قمر ــــــ تعال تعال ماما

ام كنان ــــــ لتخليني احرمج من شوفتهم و صلاح مو ابنج تا اتكوليله ماما

قمر ــــــ ترا الوليد يفهم و حتضل امعلگه براسه لا تكسبين خطا وتكسرين واهسه.

ام كنان ــــــ عيدج بس اتراددين والله فلا اتشوفينهم ومحرومه منهم اسبوع

ابو كنان ــــــ صوتج يامرا بخيمه احنه صوتتتج

ام كنان ــــــ انگلعي يالله

قمر ــــــ رحت للخيمه متت من البجي اف صلاح انتقملي منها طول الليل وهوا يبجي ويريد عليه الصبح زارگ وجاي شگد گويه عمتي والله ماتنحمل ولا تنبلع بس شسوي،،،، هلا ماما،،،، حضنته وبست اخدوده وعضعضته

صلاح ــــــ ماما دفي

قمر ــــــ نام ليش مانمت

صلاح ــــــ يمت

قمر ــــــ نام اوليدي بست خدوده ضل يلعب بخدودي واني حايره بنيار اريد اطمن عليه

صلاح ــــــ ماما

قمر ــــــ عيون الماما

صلاح ــــــ دده دول اني مو ماما

قمر ــــــ عجل منو امك

صلاح ــــــ اني

قمر ــــــ اني امك لتهتم بحجي جده ايمته گالت

صلاح ــــــ اسواي

قمر ــــــ تؤ غلط اشواي معناها بعدين قصدك قبل اشويه

صلاح ــــــ

قمر ــــــ گايمه تحجين انتي،،، عضيته من خدوده وبست گصته وعيونه ياخي الاطفال ارق شي بالكون

صلاح ــــــ دادا يبدي

قمر ــــــ ياعيون الدادا ادري بيه بس جديتك متقبل تنطينيا اسكته واحضنه وينام

صلاح ــــــ حنه

قمر ــــــ حضني ونام غطيته وطلعت سويت ريوگ رحت لخيمة عمتي

ام كنان ــــــ مدگين الباب قبل لا تدخلين

قمر ــــــ ضحكت على كلمتها باب،،،، عمه ياباب التحجين عنه بس لا باب الخبوب هذا سويت ريوگ تعالي تريگي

ام كنان ــــــ حفيدي مريض واريد اهتم بيه

قمر ــــــ اني اهتم بيه

ام كنان ــــــ لا اني شناقصني

قمر ــــــ عمه انتي مو دكتوره ولا امه والطفل يحتاج امه امه ادره شلون اطفي المه و هاي صارله من البارحه مو راضع حليبي خليني ارضعه و اعتني بيه الله يخليج

ام كنان ــــــ اطلعي اطلعي

قمر ــــــ اتعصبت حيل،،،،، اشو ماطلع واله تنطيني ابني يالله انطينيا ياهو امه اني لو انتي انننطيينننياااا عمممههه انننطينننيااا،،،، دفعتني حيل وگعت برا الخيمه بالطين متت من البجي اجه صلاح يصيح على جدته رحت سبحت ورجعت،،،، يالله انطينيا

ام كنان ــــــ روحي شگد عرمه انتي روحي

قمر ــــــ اريد ابني عمه شبيج اريد ابني

ام كنان ــــــ وشبي اتشب على راسج وينه رجلج المحزم بيج وينه خل يجي يشوف الگواه والعرامه

كنان ــــــ ياحافض ياستار اصواتتجن برا السياج طالعه متگولن اخبوب وينسمع صوتجن واحنه بين غرب اليسوه والمايسوه يسمعجن

ام كنان ــــــ اي مرتك اتصيح على امك ترضاها هالبرصه طلع لسانها

قمر ــــــ انطيني ابني

ابو كنان ــــــ انطيها ابنها كلمة ماسمع منج تنطينها ابنها اشوف گواتج تمشي بعد هالعمر انننطييهااا ابببنننهااااا

ام كنان ــــــ بسيطه الج

قمر ــــــ اخذته جسمه نار اخذته عالحمام گبل وخليت مي بارد و سبحته رضعته وانطيته خافض حراره مافاد رحت لعمي،،،، عمي مانروح للمستوصف نيار هئ نيار حيل مريض حيموت هئيييئ

ابو كنان ــــــ شهالحجي يابه تفائلي بالخير ماعلي شي يالله بدلي بين ماروح ابدل

قمر ــــــ رحت بدلت وطلعنه اني وعمي تمشينه للمستوصف وديناه عالجوه وانطوه علاج ورجعنه لگيت صلاح يبجي واجه يضرب برجليه لان ماخذته ويايه عاد طلع عمي واخذه اشتراله اجه مايحجي ويايه،،، صلوح انطيني جبسايه

صلاح ــــــ ما

قمر ــــــ زعلت الماما زعلت وحتبجي،،، خليت اديه على وجهي وعود ابجي حضني و كام يبجي ويگلي لتبجين حضنته وكركرته عاد راضيته،،،، اتحب الماما انته

صلاح ــــــ وايه

قمر ــــــ حتى الماما اتحبك هوايه حتى الماما شعندي غيرك انته ونيار انته مو من لحمي ودمي و ماتثگلت بيك وصرت اتعادل روحي كافيني اني اسبحك وابدلك وانومك واتگلي ماما

صلاح ــــــ ها

قمر ــــــ احبك ياروح امك ياعزيز امك ياغاليها

صلاح ــــــ هههه بابا

قمر ــــــ راح على ابوه حضن رجلي شاله وبوسه

كنان ــــــ شلون صار نيار

قمر ــــــ الحمد الله احسن،،، رحت سويت غدا عمتي سوتلها ازعله كنان حاول يراضيها مارضت خلاني اعتذر منها اعتذرت لا راحت ازعلتها ضارب الحار والبارد عدها العصريه جنه گاعدات اني وياها ضربتلها صفنه بيه

ام كنان ــــــ شكم الدوب تبقين لابسه الاسود

قمر ــــــ للابد

ام كنان ــــــ مو گلتي للحول

قمر ــــــ

ام كنان ــــــ تدرين حرام عليج لابسه الاسود ورجلج بالحياة

قمر ــــــ رجلي مات

ام كنان ــــــ وكنان شنو لو تمثاليه

قمر ــــــ عمه احنه عقدنه لخاطر الجهال خاطر ابني يتسجل على اسمه و ماخذه واروح لبيت اهلي و خاطر صلاح ميعيش بدون ام واحنه ما

ام كنان ــــــ بس انتي مرته و على ذمته و مادامج على ذمته حرام عليج

قمر ــــــ عمه سدي الموضوع

ام كنان ــــــ ماسده جم الدوب تبقين لابسه الاسود اني ابني مو رخيص عندي و ترابه مو گليل بعيني بس هم مانحرف الصحيح حرام عليج تحزنين على زوجج المات ومتطلعين من خطى رجلج

قمر ــــــ ههه واطلع من خطاه من انزع الاسود

ام كنان ــــــ اي من تنزعين الاسود مو جبتي قبوط ابيض وجبتلج ملابس املونه اللبسيهن

قمر ــــــ صعبه عمه صعبه رجلي الاولي ماصارله سنه من مات

ام كنان ــــــ رجلج الاولي ابني من لحمي ودمي وگرة عيني

قمر ــــــ ضلت تحجي عليه وتحجي جبرتني اروح ابدل الاسود شافتني وغورگت عيونها هيه بين صعبه ابنها الصغير وبين ابنها الجبير اني بجيت اولا ماردت انزع الاسود ثانيا احسها صعبه ثالثا حتى هوا كنان على مرته لابس اسود ولحد الان شلون الي نفس انزع الاسود وهمه كلهم حزنانين صح يعقوب دمرني بس يبقى رجلي يبقى صادگ من شافني بورطه دز اهله واخطبوا لو غيره ماجان دز اهله جان صجم و عاف

ام كنان ــــــ كافي بجي وروحي حفي اهتمي لشكلج رجلج مايريد يشوف مرته مرتبه اريدج تنسيه المرحومه

قمر ــــــ عمه جبرتيني انزع الاسود لتجبريني على هالسوالف لا احف ولا شي

ام كنان ــــــ اتحفين وانتي الممنونه

قمر ــــــ ضلت اتون براسي اله اخذتني العصر وخلتني احف بليل اجه ضل يدحگلي نضراته استغراب وتساؤل والله متت من الخجل بس عايزه يگلي عليش نازعه الاسود طنشت تعشينه ورحت غسلت المواعين اسمع عمتي تحجي وياه لا عمتي زودتها رحت ركض گطعت كلامهم،،،، عمه اسوي جاي

ام كنان ــــــ بكيفج

قمر ــــــ عمه

العاشر من هنا

تعديل المقال