رواية خيانة عهد الفصل السادس 6 بقلم جمانة السعيدي
خيانة عهد
جمانه السعيدي
نزل سعد من السياره
والصدمه الاكبر نزلت ايات هي وجهاله من الجه الثانيه شايله علاليك ومبدله ومتمكيجه
وتسولف وتضحك ويا سعد
واني مثل النتله واجتني ضليت مامصدكه عيوني
معقوله الشي الي جاي اشوفه بعيني
كمت من مكاني واتجهة عليهم صارت جيتي من كدام السياره
هي انتبهتلي كبل لاينتبه هو واصاحت ها ااااا فاتن
وهو على صوته رفع راسه
هي شمرت العلاليك قبل لا اوصل ولزمت جهالها وركض صعدت للعماره
واني وصلت وكفت كدام السياره وااشرله
شنو هاي شنو هاي شنو هاي
هو سكت
واني ضربت السياره من كدام باديه اثنيينهن وصرخت بصوت عالي احجي وياك
شنو هاي من يمته تضحكون عليه
هو التفت للجهتين بسرعه خاف الناس تنتبه عليه
واجاني بسرعه
اصعدي واني افهمج
دفعته ما اصعد وياك من يمته تستغلوني وتضحكون عليه
هو راسا لزمني من ايدي وسحبني للسياره واني ادفع بي
وصعد وشغل السياره وضلت علاليكهم تارسه الكاع
جمانه السعيدي
شغل السياره ومشه عاى السريع واني اضرب بلسياره
واصرخ
كلشي توقعت بس ماتوقعت هاي منك ليش هيج اني شمسويتلك
احجي جاوبني ليش تضحك عليه
تضحكون عليه كلكم
تكولون هاي الغبيه خل نضحك عليها
خل نستغل طيبتها
هو ساكت
واني من العصبيه كمت اضرب بي على ايده حيل واصيح
ليش ساكت جاوبني
لزم ايدي بايده الثانيه وثبتها حتى لا اضربه
وهو يكول اهدي اني افهمج
لاتصرخين لايصير بيج شي
. فاتن ..شراح يصير بيه اكثر انته اليوم ذبحتني انته اليوم موتتني
الله ينتقم منك ومنها عسا حوبتي لاتعداك يا ضالم
وابجي واصرخ بصوت عالي
من سرعة السياقه مدري شلون وصلنا بلمح البصر
نزل وسحبني من ايدي وهو يحاول يفتح باب بيتنا
بسرعه يخاف
اصرخ وتطلع الجوارين على صوتي
المفتاح مرتين وكع من ايده
واني مستمره بلبجي
انفتح الباب ودخلني بلبيت جوه حتى الجوارين لاتسمعني
واني انهديت على الله لايوفقك
تضحكون عليه كلكم شتكولون خوش زوج بسرعه نضحك عليها
اغبى وحده بلدنيا تستغفلوني كلكم
جمانه السعيدي
حتى امها تكول رجعت الرجلها محد يحمل جهاله غير رجلها
اني الغبيه شلون ما انتبهت يوميه فاتحله الباب وبتسامات
وكلساع مطلعه حجه حتى تطلع وياك بلسياره
بعد احجيلي شنو مغامراتكم الي اني ما اعرفها
تخابرها وتروح وتجي عليها واني ياغافلين الكم الله
هاي خيانه تعرف شنو خيانه
انته خنت ثقتي بيك حرامات ماتستاهل اني احبك وصاينه بيتك وحافضه غيابك وانته تلعب بكيفك
وويامن ويه ايات الي فتحتلها بيتي وكلبي وامنت بيها
فحطت كلش من الحجي والصريخ
وهو رايح جاي بعصبيه ولازم راسه بثنيين ادي
مسحت ادموعي لان ما اكدر اشوف بعد
وكتله ياله افندي سلوف شنو نقصي الي رحت ادوره ويه ايات
ما استحيت واني يوميه كاعده انتضرك وانته مشغول ما اجي لاتنتضرين
جمانه السعيدي
اسكتي اهدي وخليني احجي
السبب كله منج اي منج انتي جبتيها وخليتيها كبالي وبس تحجين بيها
ناكل ايات انام ايات اقبض الراتب ساعد ايات نطلع ناخذ ايات وهي ما قصرت لكته فرصه سهله
وستغلت هذا الشي الصالحه وضلت تتقربلي لمن صار الي صار ترا اني رجال مو حجر
فاتن الله ينتقم منكم اثنينكم الطيب بهذا الوكت الناس تستغله
الطيب الناس تسمي غبي
لا هذا مو غباء هاي حسن تربيه
ولان هي ناقصة تربيه ما عرفت تقيم هذا الطيب
ولان هي استغلاليه استغلت الوضع
معقوله تدخل بيتي تاكل وتشرب وتلبس من ملابسي وبعدين تخوني بكل هاي البساطه
ولكم الله واكبر عقلي راح يوكف
فحطت حيل من العياط والصياح وبعد ما ادري بشي ابد
وعيت متمدده بلمستشفى وما اكدر افتح عيوني احسهن اثكال ما ادري شكد مر من الوقت
اسمع الدكتوره تحجي ويه زوجة اخوي الجبير ام علي
...اتكلها هذا اول حمل
...اي
...ميخالف الله يعوضها انشاء الله بعدها شابه وهسه تحبل وتجيب
يبووووي على حضي حامل وسقطت الطفل ياربي شكاعد يصير وياي
كمت ابجي انتبهتلي ام علي
جمانه السعيدي
...يمه اسم الله حبيبتي ليش تبجين
ميخالف لاتضوجين صار مره هسه يصير انوب بس غير تنتبهين بيش ازحلكتي
هذا رجلج بره وجه اصفر وقلق عليج واكف على تك رجل وكلساع يجي يطمن عليج
فاتن اني بس ابجي ما اكدر اسكت ابد
ضلم ولله ضلم هذا الطفل شكد صار منتضرته يروح هيج بساطه
دخل سعد واجه يمي الحمد لله على السلامه
فاتن ...اطلع برا اطلع برا بعد مابيه حيل احجي الله لايوفقك ضاع الطفل من وراك اطلع برا
ام علي على كيفج يمه لاتنزفين مره ثانيه ميخالف تصير خلافات بين الرجال ومرته
الله يعوضكم خير ويريح بالكم انشاء الله
