رواية تزوجت حماي الفصل السادس 6 بقلم عائشة الدليمي

رواية تزوجت حماي الفصل السادس 6 بقلم عائشة الدليمي 

بارت٦

بس وين ببيوت وين بخيم اي هاي گاعده يمي اي تدلل عمي گمر ابوج يريد يحجي وياج

قمر ــــــ الو هلا يابه هلا يابه بيك شلونك يابه مشتاگتلك مشتاگتلكم حيل هوايه الحمد الله يابه اني بخير دامكم بخير الحمد الله مارايحلي شي وانته شلونك امي شلونها اخوتني شلونهم شلونهم امتحنو يدرسون عساكم بخير والله اسأل على احوالكم وحيل مشتاگتلكم والله الحمد الله مرتاحه و عبالك گاعدين ابيت لا والله ابو صلاح اشترا خيم من هاي الكبار و رتبهن عبالك بيت من الداخل و باردات تجي عليه هلا بيك يابه اتنور يابه اتنور وامي متجيبها اي والله شيجيبها بهالطريق هلا بيك بس مو موزيلك الطريق البري الله يحفضك ابويه وتاجي،،،، ضليت احجي وياه اخير شي انطيته لكنان رحت نومت صلوحي وثاني يوم التحق كنان البعده اجه ابويه شاف وضعنه زين وگاعدين والله ساتر علينه عاد بقى يمنه شهر وراح ويه اللتحاق كنان الثاني وصله شبعت من البجي من راح گال والله اعيدها ودام فتحو الخطوط الجويه بعد احسن يوميه يمج وصلت وياه سلام جبير على اهلي وبثاني يوم گمت اطلگ عمي وعمتي بالگوه وصلوني للسياره صعدت وماجان بس المستوصف بالسياحيه لا عيادة لا اصخامه لا اللطامه جبت اوليدي بعد مانتهت روحي گعدت لگيته يمي بوسته وحضنته رجعنه للبيت و اني منتهيه عمتي اعتنت بيه تمنيت لو امي يمي مرا ال15يوم ورجع كنان خطيه اهتم بيه اكثر من عمتي عمتي مرا جبيره بالگوه اتگل روحها وين اتصد عليه عالطبخ على صلاح عالطفل

كنان ــــــ مبروك ماجاج شسميتيه

قمر ــــــ الله يباركلك بعد مادري شسمي

كنان ــــــ سمي نيار

قمر ــــــ نيار حلو

كنان ــــــ كبرتو بذانه

قمر ــــــ اي عمي كبر بذنه

كنان ــــــ الله يجعله من ولد السلامه

قمر ــــــ امين

كنان ــــــ اني طالع رايده شي

قمر ــــــ تسلم ابو صلاح

كنان ــــــ مع السلامه

قمر ــــــ الله وياك راح و صلاح جنني يغار من اخو نوب يعفشه نوب يعض خده اخذت صلاح خليته بحضني،،، انتي اتغارين من اختج يولي

صلاح ــــــ عال

قمر ــــــ هههه هذا اخوك لازم اتحبه

صلاح ــــــ ما

قمر ــــــ تؤ مو ما هذا اخوك انته ولد بطل ادير بالك على اخوك الابطال يديرون بالهم على اخوانهم الاطفال

صلاح ــــــ افال

قمر ــــــ اي يالله بوس اخيك

صلاح ــــــ بوده

قمر ــــــ باسه ويريد اخو يبوسه،،، بابا جاهل هذا ميعرف يبوس

كنان ــــــ قمر

قمر ــــــ نعم

كنان ــــــ ابوج عالخط

قمر ــــــ رديت سألني شلوني و شخباري طفلي شلونه كلتله سميناه نيار گام يقلد عالاسم ضلينه نشاقه ونضحك بعدها سويت عشى تعشينه اجت عمتي

ام كنان ــــــ شو كنان مو بالخيمه مالتج ينام

قمر ــــــ مادري

ام كنان ــــــ هالحجي ماريده يتكرر

قمر ــــــ عمه اني شدخلني گوليله هوا قابل اعزمه عزيمه

ام كنان ــــــ اي تعزمينه عزيمه غير رجلج

قمر ــــــ استحيت من شفته اجه وعفت ورحت عزلت الخيمه و رضعت الوليد

كنان ــــــ قمر اغفي افرشيلي

قمر ــــــ فرشتله وفرشت لصلوحي بينه و نومت ابني بالجهه اليمي علمود قريب گعدت

كنان ــــــ طارت الغفوه

قمر ــــــ سبح وانته اتنام

كنان ــــــ تراني والله جنت اسبح بس اخذها من ايدي صلاح

قمر ــــــ اي

كنان ــــــ المطبخ دافي لو بارد

قمر ــــــ لا دافي بس من تمطر انطوف

كنان ــــــ جي گاعته واطيه اريد اعلي گاعته وافرشه

قمر ــــــ علواه والله حيل يبهذلنه

كنان ــــــ اي لو مو الجو بارد و مو زين عالطفيل جان اخذتكم لمكان

قمر ــــــ وين

كنان ــــــ مكان حيل حلو مرتب نغير من النفسيه التعبانه بس خل يمر جم شهر الطفل يتعود على البيئه

قمر ــــــ كيفت اني من گال اطلعكم

كنان ــــــ قمر اني مقصر وياج بشي

قمر ــــــ بخجل لا والله ابو صلاح

كنان ــــــ لا والله مقصر يالله عود باجر اخذجن تسوگن انتي وامي

قمر ــــــ تسلم والله مامحتاجه شي وعمتي مو مقصره ويايه

كنان ــــــ امي تشتريلج الوان وانتي ماتقبلين اله اسود گلت اخذج تشترين على راحتج لان امي ادري بيها تجبرج

قمر ــــــ اي،،، ضلينه نحجي بأمور عاديه واني ميته من الخجل نمت گعدت لگيت صلاح نايم على وجهي گحزته وسكت اخو گعد صلاح سويت ريوگ بعد ماكنان ضبط المطبخ الهوا بالاساس خيمه

كنان ــــــ هيج افضل

قمر ــــــ طبخت بس جرشت من البرد صلاح مسردح الاخ ورايح برا

كنان ــــــ گمر يمج صلاح

قمر ــــــ لا تلگاه برا يم الجهال طالع

كنان ــــــ لتخلينه يطلع شبيج

قمر ــــــ اله نسجنه خوما سجن فوگما وحيد فوگما ماكو شي يلهي خلي يطلع يتونس

كنان ــــــ من اطلعينه تطلعين وياه

قمر ــــــ دروح انته

كنان ــــــ رايح

قمر ــــــ ابو صلاح خوما زعلت مني

كنان ــــــ لا اني اسف ضوجتج بالحجي

قمر ــــــ لا بالعكس،،،،، راح جابه واجه وصلاح يضحك ويكركر صبيت الريوگ وبعدها رحنه للسوگ الله وكيلكم ملابس الباله احلى من ملابس البالمحلات گلبنه المحلات گلاب ماكو شي براسه خير

كنان ــــــ عوفن اشتريلجن من الخالديه

ام كنان ــــــ بعيدة الشغله امشو انروح عالبالات اله انموت من البرد شنو

قمر ــــــ رحنه لگينه قبوط يجنن جنان ابيض ونضيف يذكرني بالمدرسه

كنان ــــــ لتشترين منا گولي لامي ماريد قدي شلون تلبسن ملابس ملبوسه

قمر ــــــ شعليهن نغسلهن ونشرهن اشتريلي هالقبوط

كنان ــــــ انتن حتجلطني هاج افلوس اشتري وتعالن ولتشترين للجهال من اهين

قمر ــــــ اي،،،،، اشترينه والله يجنن الملابس و اكو بيهن اشهد عليهن مو ملبوسات غسلناهن لغرض الحذر دحگت للقبوط الابيض الاشتريته واني لابسه اسود تؤ ليش اشتريته صفطته وضميته اجه كنان

كنان ــــــ ها لميتن الخرده الاشتريتنها

قمر ــــــ لا حلوات يبو صلاح احلى من البالمحل

كنان ــــــ اي ديالله ملبوسات يفيدجن الحلو والمو حلو

قمر ــــــ سكتت نومت الجهال ونمت مثل كل مرا مانام ليلي بهنى وكل ام ادرى بحالتي

كنان ــــــ اوف ربي عمو ماتخليني انام والله لا بالدوام نايم ولا هينه نام ياوليدي ياخيي نام مو اذا اطلع اشبع مطر و اشبع رزايل من جديتك

قمر ــــــ اضحك على سوالف اخذته وطلعت بيه نومته ورجعته رحت نمت متت من التعب علما اجه الصبح هالمرا بس يتگعد اجت عمتي گعدتني

ام كنان ــــــ ها ست قمر للضهاري نايمين گعدي رجلج تنشطو

قمر ــــــ عمه يانشاط لخاطر الله البارحه بليل خوش نشطنه حفيدج حتى صلاح كل شويه گاعد

ام كنان ــــــ لحد يحجي على حفيدي ح اخذه وانتو نامو

قمر ــــــ علواه،،،، اخذته عمتي گعدت العصر راسي مسطور سطر و احس افلاونزه بيه عمتي قاست حرارتي لگتها گابه (مرتفعه)

ام كنان ــــــ يمصگوعه

......

السابع من هنا

تعديل المقال