رواية خيانة عهد الفصل الخامس 5 بقلم جمانة السعيدي
اخر مره رحت للدكتوره كالت اطمني
انشاء الله عن قريب تحملين
ما حبيت احجي السعد كلت لمن يصير الحمل واتاكد يله افاجئه بلموضوع
بدت طلعاته ثكثر ويتاخر
مره خابرني
...هلو حبيبتي
...هلو يعمري يمته تجي منتضرتك
..لاتنتضريني اليله ابات يم صديقي قيس عازم كل أصدقائي
ومايقبلون يكولون كلنا انبات اليله هنا
...ميخالف حبيبي براحتك
...اذا تخافين روحي باتي يم اهلي
...لا ما اخاف راح اقفل البيبان وانام
...زين ديري بالج على نفسج
...الله وياك حبيبي
مرت الايام عاديه واني ما شاغلني غير موضوع الحمل
صحيح اكو شوية فتور بعلاقتنا بس عادي اني سامعه الحياة الزوجيه تصير عاديه وممله بعد الزواج
واني متئمله يصير طفل ويغير حياتنه شويه
جمانه السعيدي
ورا اسبوع رجعنا من الدوام وتغدينا وجنت محتاجه غراض من السوك واريده ياخذني اشتري
..اكول حبيبي محتاجه كم غرض اريد اروح اشتري
...اجليها الروحه للسوك هسه لان اريد اروح البغداد
...بغداد شسوي
..صديقي توفه ابو واريد اروح ما اتاخر ابات ليله وارجع
..زين روح الله وياك بس عفيه ليله وحده وبس
...اصلا اني ما ودي افاركج حبيبي اذا ما تردين ما اروح
...لا حبيبي روح الله وياك وارجعلي بسرعه لان اشتاقلك
...اوكي حبيبي
دخل سبح وبدل وتعطر واخذ تراك وراح
اني ضليت كلساع اخابره اخاف علي من الطريق
بعدين كال اني وصلت راح اقفل تليفوني عيب زحمه فاتحه
...اوكي حبيبي بس خابرني قبل لاتنام
...وفعلا خابرني بلوحده كلمتين وكال اني انعس راح انام
جنت كلش خايفه علي من الطريق
الحد ماوصل للبيت حمدت ربي وشكرته الف مره
إلى أن يوم
صديقتي موضفه وياي عمرها تقريبا ٤٥ كالت اريد اسئلج سوال
...اي تفضلي
...انتم هم مشترين شقه بلشقق هاي الجديده
...لا ما مشترين يمعوده منيين نشتري الراتب يله مكفينه
...ولا ماجرين يكولون الايجارات كلش رخيصه احسن شقه ايجارها ١٥٠ الف
...احنا عدنا بيت ليش اناجر
مو اجيتي باركتيلنا وشفتي بيتنا
...بس اني شفت سيارة رجلج هناك
...وين هناك يعني
...شفته بلشقق
...يجوز راح يشوف واحد من أصدقائه
...يجوز كلشي يصير
اني من رجعت نسيت اسئل سعد على هاي الشغله لان ما اهتميت الها وجنت منتضره اخر الشهر ويمته اطلع حامل
ورا كم يوم اجتني هاي الموضفه نفسه
كالت اريد احجي وياج بشغله مهمه واريدج تسمعيني زين
...اي تفضلي اسمعج
انتي صار تقريبا خمس سنوات تشتغلين ويانا من قبل زواجج
واني كلش احبج واحترمج ابد مابين منج شي مزين
ولان احبج اريد اكلج على شغله مهمه بس ماعندي بيها غايه مزينه اريد انصحج لوجه الله
...كولي عيوني ترا قلقتيني
...رجلج جاي يتردد هواي على الشقق واني سمعت كلام
..شنو سمعتي اكو شي
...اني ما اريد اضلم بختي راح انطيج العنوان وانتي روحي تاكدي بنفسج
اني اختي عدها شقه هناك وصار كم مره اروحلها واشوف زوجج يتردد على شقه هناك
واريدج تنتبهين زين ترا بنات الحرام هواي
...شنو قصدج يمعوده خوفتيني
...ما اريد اخوفج اريدج تنتبهين
ولاتكولين الزوجج لان اكيد راح ينكر انتي روحي وتاكدي بنفسج
...انتي صدك تحجين من شنو اتاكد سعد اعرفه كلش زين ما عندا سوالف مزينه
...ميخالف اتاكدي مابيها شي
جمانه السعيدي
صرت بقلق وحتاريت بكلامها معقوله سعد كلش زين مايطلع منه العيب
واني اثق بي كلش
بس همه هاي صديقتي واعرفها ما معقوله تتهمه ابلاش
اليوم اروح واشوف
اني متاكده ماكو اي شي بس اذا مالكيت شي على الاقل اخلي ينتبه الحجي الناس والقال والقيل
رجعت للبيت اتغدينا واني مدري شلون اكلت
مدري اكلت مدري لا
لان عقلي ميت سالفه اجت بي
ردت اكله على الي صار وبعدين سكتت خفت يسئل منو كالج ويتعارك ويه صديقتي
خلصنا غدا هو نام واني نضفت المطبخ وما كدرت انام
عقلي يجيب ويودي
كعد العصر وكال اني طالع للسوك احتمال اتاخر اشويه اذا اتاخرت اتعشي لاتنتضريني
طلع واني الشيطان لعب بعقلي وخلاني انتضر شويه وبعدين اجرت تكسي ورحت للعماره الي انطتني عنوانه
وصلت مالكيت سيارته شويه اطمنت
اكو اشجار كدام العماره وكاعد الحارس جواهن
من شافني اجاني
...اهلا وسهلا تفضلي تشترين لو تاجرين
...تعال نوكف جوه الشجره لان شمس اريد اسئلك كم سوال
...بيش الايجار عدكم
...الايجار ١٥٠ الشقه
...والبيع حجي
...البيع كل طابق سعر الارضي غالي والطابق العلوي رخيص
وكل الخدمات متوفره واذا عدكم سياره يصير كلشي سهل
.فاتن ..اني واحد من اقاربي سكن عدكم وحيل يمدح بلسكن هنا
..اي الشقق جبيره وبناء جديد ومريحه
.فاتن ..يمكن هو ساكن هنا بهاي العماره
...شنو اسمه كولي اني اعرفهم واحد واحد
..اسمه سعد حميد
...سعد حميد اي اكو ساكن جديد صار تقريبا شهر وشويه سكن عدنا
طلعت الموبايل وشوفته صورته
...اي هذا كلش خوش انسان سكن عدنا بلجديد هو وعائلته
اعرفه كلش زين مرته بيضه حلوه وعدا اثنيين جهال
بس هو مايجي الصبح يجي بس العصر
.فاتن ..هو يحجي واني تخشبت
سحبت الكرسي مالته وكعدت علي
...ها تعبتي اجيبلج مي استراحي هسه راح اجيبلج مي واجي
بقيت كاعده والكاع تفتر بيه
شنو مزوج شنو عنده ثنيين جهال
شويه واجت سيارة سعد اني صايره جوه الاشجار شويه بعيده وهو مامنتبهلي
بقيت اباوع على اريد اشوف زوجته منو
معقوله مزوج قبلي
وعندا اثنيين جهال
لو ايس مني مايصير عندي جهال وزوج بس شبسرعه صارو عدا اثنيين
انتضرت نزل وفتح الباب
واني كلبي يريد يطلع من صدري من العصبيه
واذا بلكارثه شفت شي عمري ماشايفه
قلبي انقبظ ونفسي ضاك عمري وحياتي ما جنت منتضره هاي المفاجئه معقوله الشي الي جاي يصير وياي
يمكن حلم اكيد حلم مو حقيقه
