رواية تزوجت حماي الفصل التاسع والاربعون 49 والاخير بقلم عائشة الدليمي
سلطان ــــــ يالله مو تروحين لبيت كنان
جيهان ــــــ اي فد اشويه ابو عدل،،، بدلت وكملت وطلعت
سلطان ــــــ شناخذ ويانه
جيهان ــــــ مدري
سلطان ــــــ حنزل اجيب فواكه
جيهان ــــــ نزل جاب فواكه ورجع ساق السيارة واحنه ساكتين وصلنه نزلت سلمنه وگعدنا
قمر ــــــ شبيج شو مو على بعضج
جيهان ــــــ لا مابيه شي
قمر ــــــ وسلطان هم مدري شلونه
جيهان ــــــ مزاعلين صارلنا شهر
قمر ــــــ ليش يولي
جيهان ــــــ
قمر ــــــ ليش
جيهان ــــــ الزلم فارغين عين وبكل بساطه ينكر يگول ماخنتج
قمر ــــــ مو گلتلج شدي الياخه بس انتي ماسمعتي مني
جيهان ــــــ عوفي على گولته اني مو جاهل ولا مراهقه تا اغار
قمر ــــــ عوفي اهملي همه يريدون هيج
جيهان ــــــ بيش مقصرة وياه الخاين
قمر ــــــ عوفيه لتقهرين نفسج محد يستاهل
جيهان ــــــ اي و الله،،،، تعللنه ورجعنه للبيت نومت الجهال بغرفتهم رحت لغرفتي ضهري اموتني نمت اجه نام يمي وصار يدخن،،، مو زين عالبطني لا ادخن يمي
سلطان ــــــ
جيهان ــــــ راح نزل برا انتضرته ياهسه يجي يابعدين ماكو لگيته يدخن،،،، مابواهسك اتنام
سلطان ــــــ لا نامي انتي شويه واجي
جيهان ــــــ رحت هالشويه صارت شويت نزلت لگيته يدخن باكيت جديد،،،،،، وينك مو گلت شويه واجي
سلطان ــــــ روحي نامي من اغفى انام
جيهان ــــــ راح يكشف الصبح
سلطان ــــــ
جيهان ــــــ براحتك رخت شويه واجه حضني مارديت عليه
سلطان ــــــ جم الدوب انضل هيج ازعلانين
جيهان ــــــ انته الردتها زعل انته الختت بيش قصرت وياك
سلطان ــــــ بابا والله انتي فهمانه غلط
جيهان ــــــ فهمانه غلط مو
سلطان ــــــ اي
جيهان ــــــ صديت عنه حضني قوي
سلطان ــــــ احبج
جيهان ــــــ اي
سلطان ــــــ جيهان ليش متخليني احجيلج بابا انتي فهمانه غلط هاي البنيه جنت اراسلها من طلگت وجانت نيتي وياها زواج ردت اطلب ايدها گالت اهلي مينطوني لواحد مطلگ وحضرتني وراحت برحلتها بس مدري عليش ردت هسه وشفتيني مو منطيها عين عليش اتكبرين الموضوع
جيهان ــــــ لا انته لو مو منطيها غين جان ماگلت انتي عجوز عالغيره
سلطان ــــــ ياياب منج انتي
جيهان ــــــ شالني خلاني على صدره ماحجيت وياه شي ضليت استمع لدگات گلبه ونفسه اليروح ويرجع
سلطان ــــــ حرگتيني جيهان زعلج هذا حرگني كرهني روحي
جيهان ــــــ انته الردت هيج
سلطان ــــــ انتي الحكمتي عليه دون لتعرفين الحگ
جيهان ــــــ ضل يشرحلي فتح موبايله وشوفني قريت كلشي ضليت ساكته حضني ونام ردت اوخر عن صدره بس شد على حضني ماحاجيته نمت گعدت مالگيته طلعت احس بالملل ولعبانه نفسي وروحي لايبه لگيته يسبح بالجهال،،،، سلطان اريد اروح لاهلي
سلطان ــــــ اهلي اهلي اهلي مامليتي ماكو روحه
جيهان ــــــ
سلطان ــــــ سوي ريوگ
جيهان ــــــ ليش سبحتهم هسه مو بارده
سلطان ــــــ ماعليهم شي امشي يالله
جيهان ــــــ رحت سويت ريوگ اتريگنه لايب خلگي وكرهانه نفسي والبيت واحس شايله حمل جبير على كتوفي
سلطان ــــــ شبيج شهالوجه العابس
جيهان ــــــ وديني لاهلي
سلطان ــــــ اهچبي واگعدي
جيهان ــــــ طالعه روحي
سلطان ــــــ اي خل تطلع ببيتج
جيهان ــــــ دموعي صارت تهل وحدها اننبهلي لزم وجهي
سلطان ــــــ شبيج شهالدموع يولي
جيهان ــــــ حضنته وضليت ابجي حضني و ضل يمشي ايده على شعري حسيت بأمان وهدوء ضليت ساكته هوا ابد ماسألني شبيج ولا حجا شي فقط ضل حاضني يمكن لو سائلني ماعرف اجاوبه وحرت من حضنه وابتسمتله ابتسملي مسح دموعي
سلطان ــــــ كل انسان يمر بضغوط نفسي واعرف انتي تحسين بضغط بس من اتحسين بضغط تعالي الي اشكيلي احنه مو بس زوج وزوجه احنه حبيب وحبيبه صديق وصديقه ام واب فهمتي حياتي
جيهان ــــــ الله يحفضك الي ياراعي بيتي
سلطان ــــــ احبج
جيهان ــــــ حتى اني
سلطان ــــــ مرجوحتنا مانگعد هليها صايرين
جيهان ــــــ هههه اشتاگيتلها
سلطان ــــــ تعالي
جيهان ــــــ رحنه لجنه اقصد الحديقه السواها سلطان تفتح النفس بيها ورود و بيها كلشي حلو گعدنا وجهالنا يلعبون گدامنا منو جان يضن انهو جيهان ام السحوره راح اتوب و تتزوج بعد ماعنست العمر كله وتزوجت انسان حبها وحبته وخلفت منه جهال و طفلها الرابع بالطريق الحياة من ادور ادور وضعنا يمكن طاغين ننصلح ويمكن ننذل ويمكن نعاني مثل ماخلينه الناس اتعاني يمكن احنه مضلومين ووننتصر ويمكن مكسورين ننجبر يمكن يأسانين بس نرجع نقوا و نرجع نگف على رجلينا ونرفض فكرة الاستسلام يمكن نگطع املنا من شي بس الخالق الباري اله رأي ثاني من قصتي اكتشفت انه ماكو ضالم يدوم اله و يتعاقب وماكو كسير اله وينجبر الله ينتقم عاجلا او اجلا ينتقم و يلطف عاجلا او اجلا المهم مايعوف الشخص دون ان يكتبله رزقه من الدنيا يمكن احيانا نيأس و نگول هاي النهايه بس ربنا شاملنا بدايه اجمل العلينا لازم نثق بربنا و مانشك بيه بذرة ندعيه وحده لا نشركه بعبادة بنيه صادقه صافيه لهنا وتنتهي القصه
