رواية حب صباي الفصل الثالث 3 بقلم مرج البحر

رواية حب صباي الفصل الثالث 3 بقلم مرج البحر 

باهره : زفو عليه العريس ودخل الغرفه اجه

يمي باسني عل راسي شاف حالتي واني ابجي

كال

شاهين : شبيج باهره ليش هل البجي

باهره : الله يخليك شاهين لا تتقرب عليه

شاهين : لاتخافين باهره مالمسج ال برضاتج

يله امسحي دموعج وروحي غيري ملابسج

باهره : ما صدكت من كالي رحت غيرت ملابسي

وتعشينه ورحت نمت فعلاً ما تقربلي ولا فتح وياي الموضوع

وبقه سته ايام ماتقربلي بيوم السادس هو كان بيه حال مثل نوبات الصرع ووكع وصحت اهله كلتهم شاهين وكع معرف اشبيه اجوي عليه وعلاجوه ورجع طبيعي كالت امه شبيه شاهين

باهره: ما اعرف شبي هو على ساعة وكع

من صحه من النوبه سالته امه انت اتزوجتها لو بعد

شاهين: يمع خطيه كلما اتقرب عليها تبجي واعوفها

ام شاهين: ولك اغبر انت شجاي تحجي ولك هسه تكوم تربطهه واخذها غصب

شاهين : لا يمه خطيه بعدها زغيره وتخاف خليهه لحد ماتتعود عليه وتتم زواجي

ام شاهين. : ولك تريد تضحك عليه الناس ويكولون عليك مو رجال هسه تدخل عليه وتتم زواجك يله

باهره : اسمع الحجي كدامي واني جسمي كام يرجف وصدك طلعت ام شاهين واجه عليه شاهين

وكانه ماصدك هجم عليه مثل الفريسه بجيت وعيطت فدوه شاهين عوفني انت مو كلت مالمسج له برضاتج عفيه وخر عني ولا كانو سمع واخذ الي يريده

بس اتأذيت حيل ونزفت حيل كمت على الحمام سبحت ردت النزف ينقطع ماكو

باليوم السابع اجه علينه ابويه عزمنا عل الموصل هاي عادتنا يجي ابوها ياخذها هي وزوجها وفعلا رحنا ومن وصلت حجيت لااختي واخذتني للدكتوره وفحصتني

كالت هاي بعدهه ازغيره ومغتصبها بلقوه

ليش هيج

كالت اختي دكتور بعدهه عروس ومرات تصير هيج بدايه عرسهم

الدكتور: ميخالف بس مو بهاي الطريقه

المهم اني كتبتلهه بعض العلاجات خلي تاخذهم وان شاءلله ينقطع النزيف بس

لايلمسها شهر علما تتحسن

باهره: وفعلا بقيت شهر مايتقربلي وقبل مارجع عل القريه دزلي خبر زاهد كال اريد اشوفج

كنت مشتاقه اله مع العلم مقهوره منه عل خيانته بس حبيت اشوفه وفعلا عدنا ترك ورا البيت طلعت عليه بعد ال1 بليل سلمنا عل بعض وكعدنا قريبين مع العلم ليل بس كال

زاهد : صايره اتجننين

باهره: بجيت سحب راسي عل كتفه وبجه كلت ليش خنتني اتفاجئ بكلامي اني وثقت بيك انت وهيه زوجة ابويه

زاهد : اعرف الكلام مايبرر موقفي بس غرتني واني شاب والشيطان شاطر اعرف مااستاهل حبج بس والله انتي كل حياتي وغصبا عني ال صار

باهره : مسك ايدي وراسي عل كتفه احبه حتى بعيوبه وبخيانته گلبي ماحب غيره وسامحته لاتكولون ماعندي كرامه بس ملك قلبي وكياني وحياتي كلها

.

.

.

.

.

.

..

رجعت على القرية وبدت حياتي الزوجيه كجاريه احس نفسي بعد الدلال مال ابويه والعيشه الطيبه اتحاسب عل كلشي ليش تسبحين ليش تاكلين لو اموت من الجوع ماامد ايدي واكل ال مع الكل اشتغل مع العلم مااعرف شغل القرئ ال هيه يسوون طابوك من طين يسرحون بغنم حياة ارياف واني كانت نومتي للظهر اذا ماعدنا دوام بس هسه لازم استعداد عسكري من الفجر مع العلم من خطبوني كالت امي ماتعرف تشتغل اي شي بنت دلال كالو خوالي بس اتسوي چاي النا واني اتعلمت عل الخبز والطبخ اغسل انظف اطلع مع الغنم اسرح احلب كلها اتعلمتها بخلال اربع اشهر وزوجي ياكل ينام ويشرب وهم هرب من الجيش كل حياتة داوم 8 ايام بالعسكريه وهم انسجن بعد زواجنا باربع اشهر ونكم سنه

وهو بسجن قبلها جان حرب العراق. وإيران واتأسرو اخوه وزوج اختي بنفس الوقت وطلعو بنفس الوقت كان طلعتهم من الاسرئ بعد زوجي باربع اشهر وصارت الافراح وفرحت امه وكالت جيتج خير علينا ووصل ابنهم وزوج اختي بينهم 5 ايام وصارت الافراح بالقريه اجوا اهل الموصل وبقت عشر ايام الدبكات والافراح جنت اني احب اتعلم كلشي من صغري مااخاف كان عندي ابن عمي طبعا ابويه وابوه تؤام كان يحبنا انسان ذهب ويحب بنات عمه لان ماعدنا اخوان يعلمني عل لعبه الطاوله واظل اغلبه ومره كلت اريد ارمي بالرشاش وهم علمني واصيب الهدف قناصه

فبل الفرحه انطاني الرشاش وكال تعال اضربي بدال زوجج مسجون وانت امبدله وفعلا اكف بنص الدبكه وارمي بالرشاش اصدقاء زوجي ايكولون شوف باهره عبالك لعبه عمت عين شاهين الي مايبقئ يمها والكل يحسدونه وهو مكضيه وي بنات ليل شبيه زوجته ويروح عليهم كنت اسمع واغلس

اني كنت اغني صوتي حيل حلو

.

.

.

.

.

ومرت الايام وطلع زوجي وحبيت اروح لااهلي صار اكثر من 8 اشهر ماشفتهم من يوم فرح الاسرئ جو عل القريه ورحنا لااهلي اني بس اريد اصل روحي معلقه بالموصل من اطب المنطقه بيت زاهد قبل بيتنا اتذوب روحي يمهم ومن اصل اسال اختي الازغر مني وعن اخباره ومره اختي الاكبر الي كان زوجهه اسير تقيم يم اهلي هي وبنتها ال رجع زوجها راحت لبيتها باثناء هي عند اهلي شافت زوجة ابويه وزاهد بملجأ بالبيت اسوينه وقت الحرب اتغبون بي من قصف الطيران الايراني كاعده هي وياه وحاضنها وكنت اني واختي ومرة ابويه كاعدين كان اختي اتكول تعرفين باهره شفت منو مع زوجة ابويه

باهره: منو

الولد الخطبج ومخلي راسه عل صدرها

باهره: اه ه اي لان كنت اخاف عل ابويه كلت اي هو يشرب ومن قهره عل فراكي يشكي لزوجة ابويه ويعتبرها امه حاولت اتستر عل الموضوع بس گلبي نار احتركت من القهر بس طبعي ماامبين لااحد ومن صرنا وحدنا كالت زوجة ابويه والله باهره هو يطلب مني ونتقابل ويروحون كل فتره يباتون ببيت اختها انجرحت حيل كلتها اسكت لخاطر ابويه مايستاهل انطاج اسمه ولمج من الشارع يتيمه مالج احد واتخونيه گلبي ينزف حيل بس شسوي مثل البلع موس لايكدر يطلع ولايكدر يبلعه

وبقينا عند اهلي 10 ايام وعل الاساس نرجع عل القريه بس ام زوجي كالت اذا ماترجع للعسكريه لاتشوفني وجهك لاانت ولاچلبتك وفعلا زعل من امه ودور شغل واجرنا غرفه ببيت عمامي لان ائيسو ايداوم وعافوه مع يدورون عليه

وفعلا اشتغل فيتر سيارات يفهم حيل بيها وكل اسبوعيه ايجيب خير من الله بس مايظل بشغله هم يعوف وشلع گلبي اشكي لابويه ايكول اختيار امج اكول وانت هم قبلت ووافقت باعدامي يابه ابويه كان ينقهر حيل بس عيب المرة تتطلك سلمت نفسي للحياة والقدر وحسيت بلعبان نفس ودوخه وحجيت لااختي واخذتني للمستشفئ وطلعت حامل فرح هو بحملي بس شنو الفايده عديم مسؤاليه اني مافرحت ولاردت شي يربطني بس هذا امر الله اتعايشت مع الحياة بس گلبي ل زاهد رغم خيانته بس حبه حب الجهل حب صباي مااكدر انساه ومره طلعت اتسوك المحل مقابيل بيتهم بس الشارع يفصله شافني واني اتسوك ووكفي يم بيتهم ومن شفته احس الدنيا وكفت يم عيوني وانشلت حركتي بنفسي اركض واحضنه من كثر شوكي اله ابتسم كال

زاهد : اشلونج باهره

باهره: بخير

زاهد: اريد احجي وياج

باهره عرفت ليش كلت لااحد يشوفني واني مرة متزوجه وتطلع عليه سالفه

زاهد: ماتتأخرين بس احجي وياي شويه

باهره : فتت مكان شبه مهجور ببيتهم بس يخلون بي اغراض زايده وكان نكعد مقابيل بعضنا وفرك وجه كال

زاهد: باهره مااكدر استوعب انت بحضن غيري

باهره: من هذا انت نمت بحضن غيري وياريت شخص مااعرفه بس زوجة ابويه زاهد ولك اكبر صدمه من ادافع عنك وانت خاين هو بس يبجي

زاهد: والله زلة شيطان وهي غرتني بنفسها واني بشر مو جماد حقج شما تحجين بس والله غلطت ومنج السامح

باهره : بگلبي احبه وظاهري اعاقبه

زاهد: بس امسك ايدج والله مااسوي شي

باهره: بصراحه كنت اريده بس خايفه

ولزم ايدي وكتب بقلم احبج...

يتبع......

الرابع من هنا

تعديل المقال