رواية الشيخ والعشق الفصل الثلاثون 30 بقلم ورد العامري
الشيخ والعشق
صرت وره الساتر وضربه قويه عله رجلي عطت اي
وجعه وربج لخلي لعكال يهلهل ع ضهرج
اخ قيصر شبيك تخبلت
ليش خليتي عقل براسي انتي لج أشر نزلي منكسرت عينج كاعده تهزين واني مشتعل جدي
وانت شعليك هسه انت مو ركصت
هاا وتركصين انتي لازم مثلي والناس تباوع عليج ثانيا شهل لبس هذا زندج كله طالع
خررررب اي لتضرب يأذي
منو سمحلك تمد ايدك انت مو ولي امري ايييي
خوش خل لعكال يلعب ع ضهرج شويه وشوفيني منو الي شعليه
خرب والله اموت منك اكرهه خبيث غشاش
منو لج الي تكرهيه
انت والله ضهري كام يوجعني شكد مكروه
لج غبيه نار بداخلي وانتي تهزين وهذا لثوب مفصل تفصال حمد ربج مالعكال صفك ع ضهرج كدامهم
تايهتلك لان مكروه
يعني تكرهيني هسه انتي
اي
متأكده
اي متأكده
خوش دثبتي انج تكرهيني عجل
ضربني بالعكال ع رجلي وع زندي وضربتين ع ضهري صدك يوجع وضجت شنو يضربني كتله اكرهك كال ثبتي جرني من شعري ولزك وجهي بوجهه هوه اطول مني دنج عليه واخذ... اني حذائي بالكوه واكفه عليه من... احس رجلي خدرت
قيصر: كمت اسمع اخبارها من خلال محمد متقبل تجاوبني ولاتفتح خط اني من كالو جت بت شسميها ماكو اغله من اسمها ع لساني سميتها ناي رقيه سئلتني مكذبت كعدت كتلهه طلبت منكم كذا كذا مليبيتوني وانتن مكانجن ع راسي امهات بناتي واتمنه ترضن بهل امر وكل وحده الها مكانه عندي وماقصر وياجن
شفتهه مهتمت مثل من اخذت امل عادي لوضع عدهاا خايبه دحسسيني بغيره بصخام
شفت ناي من طببت محمد اويلي شكثر مشتاق الها ملكه اوف لوبس تريح كلبي وتلبس شي بي خير عريض بالقاعه اباوعلها ابتسم هيه هم تكتم لاابتسامه بس تضهر شحلو رصعت خدها ذبت مثل العباه لابستهه وطلعت الركبه لي اخاف هيه متجذب النضر مخليتها تجذب اكثر لابسه زنجيل خناكي وعين جبيره وبيه سبعه الثوب ردنه شفافه ومقسم عليهه تقسم تكول مرسوم عليها فتحتهه من تمشي تبين حجلها يكولك باوعني اشتعلو اهلج ع اجدادج ع الي خلفوج اويلي بويه كون الزمج ائشر لبسي ماكو كلت يجوز ممنتبهه او متفهم خليها هيه فرحه ساعه وكاعده ممتحركه
كوموها تركص تشنجت ركبتي كثر مااشرت هذي عاندت وكامت تهز انوب ذبت حذائها لابسه برج ايفل وتردح اشتعلو اجداج صرت ناررررر ماشوف كدامي كمت ع نيه اسحلها من الاستيج ذبيت عباتي هيه انتبهت نزلت ده تنهزم وكفت عود اسلم العالم شتكول بله عليه كتلها لحكيني اول مجت لازم عكالي بيدي اني محضره اكلتلها كم عكال اضربه وهيه تنز نسيت العالم ودنيه رحمه الله اغاني عاليه جان نفضحنه
كالت اكرهك واني ميت شوك الها وهيه كدامي تنكرط خذيت.. واني جارشعرها ذابت روحي حته ايدي خدرت عفت شعرها وجلبت بجتافها قربتهه نفسي بعدت عنها وياريتني مبعاد سايحه بيدي عيونها مسدوده زيدت ناري نار واني اتقدم شوي شوي وهيه ترجع وي حركتي صار ضهرهه ع حايط مسنود حوطتهه بيدي حضنتها من خصرها لزكتها بصدري ونسيت روحي وياها بعدت عنها ثبتت كصتي ع كصتها اخذ هوه من نفسها
احبج فتحت عيونها ببطئ
اعشقك
بوياااااي ياسواديني شكلتي يابعد كلي
دفو حب حنان حضنه بهل دقايق شي خيالي ضعت بي ايده الي تمسد ضهري حسيت مثل ابره بنج مخدره خدرت كل جسمي بس خدر بي نكهه ارتباك مفرح اي فرحانه فرحانه بكل شي تسللت من بين شفافي كلمه اعشقك رجع راسه ليوره كالي عيديها وبعد شعري بيده ع ركبتي غصبن عني ايدي ارتفعت وحضنته
احبك قيصر
اموت بيج ولج خلص صبري رحميني دخيلج
اصعدت ايدها تتلمس خدي حركه بسيطه خبلتني لازم نفسي بالكوه بعدت عنهه بالكوه اجر النفس ناي روحي بويه صارلي 8شهور مالازم مره روحي من كدامي لايصير الي بحيات اهلنه مصاير
هههههههههههههه وجهك كله لمع
بويه روحي تره روحي سايحه مني لاتخليني افقد وتاليتي حته ابوي يتبره مني
هههه خل اعدل مكياجي واروح وانت غسل وجهك ماشي شيخي
اشتعل ابوج وابو شيخج اشعلتيني خايبه روحي وكتاب الله لازم روحي بالكوه طبت حمام نساء وطلعت اني ع وكفتي طلعت معدله حمرتها كتلها طوخ خففي حطت كلينكس بين شفتها وضغطت عليه وتحرك شفافهه عليه ضربت كصتي بيدي بويه يابت الناس ستري علي وروحي عاد ضحكت وراحت طبيت غسلت وجهي ولبست عكالي ها ياشيخ منو كدك اليوم بويه كون انه بمكان محمد اليوم اي وعلي حته عشه ماريد بس زفوني
-احس اخر سن من سنوني طلع كعدت عمتي كالت وين رحتي كتلهه عدلت مكياجي بعده مااجه هوه مجايب نسوانه ثنينهن جايب بس رقيه لان امل نفسه مخلوها تحضر عاداتهم هيج دورت عليها شفتهه كاعده بميز كاعدين عليه نسوان وجهال خرب حضي عايفته كاعد وحده هوه كاعد بصف لشيخ ورجال جبير هم بصفه هوه وسطاني صاير بصف الشيخ كاعده الشيخه نوال وبصفهه ام قيصر ومرت احمد واحمد ونسوان ثنين
وهيه مختليه بميز يمكن بيه اهلها يعني وجهال ونسوانوالله لو بمكانج مواكعد يمه اكعد بحضنه احجي ويه نفسي واضحك شفته اجه غمزلي وكعد فدوه عطره بعده بخشمي روحي طايره بغير مكان صدك بهل تصرف رجعني لمراهقتي الي اصلا معشتهه ركصو العرسان وكام اخوه صادق ع ابو الديجي كال
بويه فرحتنه متكمل اله من نسمع الكناري مالنه شيخنه ماتحن وتسمعنه صوتك
كلها صاحت ايييييييي حيوووو الشيخ هوه يمكن يستحي من ابوه اشر لصادق اش ويعظ بشفته الشيخ ابوه ضرب ع جتافه ماعرف شكله بس يمكن كله غني لان كام اتجهه ع ستيج عيني اتابع وتسرح بكل شبر بيه كاعده يمي بت عميالت لج شوفي هيبه هيبه عزه بعينه شكد حلو اتمنيت اكلها والله
قيصر: اول مره بهل قرب ناي مني والله وباجر اتحاسب ع كلامي بهل دقايق حسيت اول مره الزم مره بين ايدي عطرها يسطر لمساتهه بوياي اطك روحي واخلص
انه روحي مسافره طايره ويه لطيور وطلعلي مصيبتي صادق يريدني اغني من يومه ماكو وراه بس لمصايب بس احله مصيبه ناي لو مسويله هل مصيبه من زمان جان كعدت عدله ابوي يعرف بيه ادندن بس اله هيبته واحترامه مااغني كدامه جكاره
مااشربها كدامه وانه ابو وعمري 31سنه طبعا حبيت ناي وانه بعدني مطاب ال30وخلصت ال30وطبيت ال31 بحبها
ابوي ضرب ع جتفي كال كوم مشتاقين لصوتك ابو داود
اكو مواقف تصير تخليك ادندن بينك وبين روحك اغنيه تخطر ع بال خطرت ع بالي وغنيتها واكيد لبلبل الجنوب كريم بويه لاتملون منه انه ماحب غيره تكول اولها موال بسيط
ياباب الفرح والحزن مد الشوف
خايف لايهب عالي الهوه وتنسد
يااسود رمش هنيال لون الليل
لان ضل ويه عينك دوم يتودد
فضلك ع حسن انت اخر العنكود
وبستان الورد لولاك ماورد
عودني عله بعدك وانت ابو الطيبات
بلكن عل بعد يمعود اتعود
كالولك حلو خلوك بيه اجور اجور
منو كلك حلو وخلاك بيه اجور
وشكلك شوصف بيك وشعدد
اشو لا موحلو وماتشبه النعناع ولاريح الكرنفل بيك لو ورد
ولاصوتك شعر وحجايتك ناكوط
وبشفافك نضاره ماحواها احد
ولا غاوي ولذيذ وتشبهه النعناع طيبه وطيبتك كل يوم تجدد
صدكني احبك حب غريب الطور
واحب صبرك عليه وماكلت لااحد
بهيده يابنت الناس لمن تمرين
تيهت دربي شلون ماندل هلي وين
بويه شكد خايف عليها
بويه وهايم كلبي بيها
اكدر اصبر الروح شيصبر العين
نامت عيون 
الناس
الناسوعيوني متنام
ترضيها اعيش وياج عمري بلاوهام
بويه شكد خايف عليها
بويه هايم كلبي بيها
اكدر اصبر الروح شيصبر العين
يمي وعليج اليوم دم تهمل العين
لاسامح الله شلون لوعني ترحين
بويه شكد خايف عليها
بويه هايم كلبي بيها
اكدر اصبر الروح شيصبر العين
بهيده يابنت الناس لمن تمرين
تيهت دربي شلون مندل هلي وين
-هوه غنه ابو الدي جي شغل الاورك يعزف كلها تهز كامت واني صافنه بعيونه الي تسترق النضر من بين الحواليه وتندار عليه
رؤى كاعده يمي من نزل من الستيج كلهه تصيح معدل وابن معدل معروفه افعاله
شاورتني ولج هذا لو عنده 10نسوان هم اخذه خرب ولج هيبه وجمال وطول وعرض وانوب ايغنيلي عزه والله باجر اني اروح اخطبه موهوه ولج رجلي اكوله صباح لخير ايرد عليه من وره خشمه هههههههه بس امي معاجبها لوضع
-عمتي جانت ضايجه ومخنزره ع قيصر
الحادي والثلاثون من هنا
