رواية لا تشعري بالذنب يا حبيبتي الفصل الثاني 2 بقلم اساور العزاوي

رواية لا تشعري بالذنب يا حبيبتي الفصل الثاني 2 بقلم اساور العزاوي 

الثـاااني..

{ لاتشعري_بالذنب_ياحبيبتي}

سلطان.. اني اريد الي يختارها گلبي مو الي هية تختارني.. وهاي شخصيتها خلتني غصبا

ماعليه احبها.. ..

داليا.. رجعت للبيت مثل كل يوم اتغده واصعد لغرفتي.. بس اليوم مو مثل كل يووم مادري شبيه. بس افكر بي ..ماعرف ادرس افتح الكتاب

وارجع اسده..شكد جريء بكل سهوله حجاهه اريدج.. معقولة يطلع كلامه صحيح.. نزلت

للحديقة.. افتر واني فرحانه شعور غريب..

اول مره احس بي.. رغم الخووف الي بكلبي

منه لان ماعرف هو كان صادق او كاذب بس

بقى طول الوقت شاغل بالي..

سلطان.. هسه هاي شسوتلي وهيج اخذت عقلي

لا اعرف انام لا اكل بس بالي يمها صورتها وهي عصبيه كلش حبيتها .. متروح من بالي ام اللسان.. هسه لو بس اعرف اسمها..

داليا.. بقيت على هالحال يوميه اشوفه واني طالعه من المدرسه..

سلطان.. اجت تمشي.. وهم راح اترزل بس

لعيونها اتحمل..

داليا.. هاي شبي اتخبل معقوله ميميل..

مشيت اني وسرى..

سرى.. بالنبي اذا رزلتي ارزلج انطي فرصه للولد.. يجوز صادق..

داليا. سرى تحجي واني افكر بيني وبين نفسي

ممكن لان عرف اني بنت فلان ديمثل دور المعجب اني لازم اعرفه على حقيقتة..

سلطان.. اكول تره كافي غرور.. اني مااستهل

كل هذا..

داليا.. وكفت واني دامشي سمعته كال غرور..

داليا،. نعم نعم هو منو المغرور شفت نفسك حلو

تخبلت علينا عيني روح العب بعيد اني مافيدك

سلطان.. ياا ليش اني حلوو زين انتي ليش تباوعين عليه موعيب..

داليا.. عزززة شنو اباوع عليك موعيب متستحي

انت كل يوم كدامي معقوله مراح اشوف شكلك..

امشي سرى ماريد اسمع بعد

سلطان انتي ليش احمريتي وارتبكتي مابيها شي حجايتي دقيقه خلي نتفاهم..

سرى.. اي صدك داليا خلي نفتهم منه

سلطان.. عاشت الاسامي شنو هالاسم الحلوو

داليا.. ميخصك انت وانتي الخ تمشين لو اروح واعوفج..

سرى خلي نصعد وياه يوصلنا ونتفاهم بالطريق..

سلطان.. لا لا ماتصعدون ويايه تجيكم سالفه

واني مااقبل احد يحجي عليكم وبسببي..

داليا وانت صدكت راح اصعد لج امشي

انتي ابد موطبيعيه..

سرى.. لج اوكفي ايدي شبيج..

داليا سحبتها

..

ومشيت..

سلطان.. اني بقيت مرتجي على السياره اضحك عليها وهي معصبه شكد حلوة..

داليا.. شفتي شلون بحاجيني موكتلج مغرور

سرى.. والله انتي ديطيرين النعمة بيدج شاب

مرتب وحلو ودشوفين شلون سيارة صاعد يعني

واضح من عائلة غنية.. فهميني شنو الي تريدي

داليا.. ماعرف اخاف يطلع ديلعب موصادق..

سرى.. انطي فرصة اتعرفي عليه اكثر مراح

تخسرين شي جربي..

شفتي شلون صارله شهر ولا مل يوميه يوكف بنفس المكان وهواي طالبات يفوتن كدامه ولا يرفع عينه على وحده الولد معجب بيج انتي

شفتي شلون يخاف عليج يكلج لا متصعدين

ويايه لو غير ولد جان طار واستغل الموقف وصعدنا فكري زين داليا لتستعجلين ياعيني

داليا.. رجعت للبيت افكر بكلام سرى جان

صحيح الولد مرتب ومناقصه شي بس عيونه

تسوه هواي شباب.. خلي انطي فرصه

واشوف ..

سلطان.. صعدت بالسيارة رحت العمر ارتاح من اسولف وياه.

عمر.. هاا شو ماكو انت..

سلطان اش اصعد هو اني لو انت مختفي

عمر.. والله مواني انت ملتهي بهاي الطالبه راح تخبلك .. كلها تسأل عليك يكولوو مختفي مدكلي شجاك خلي تولي اذا هالكد مغروره ومتنطي مجال..

سلطان.. لا يمعود شنو خلي توولي شبيك اكولك حبيتها والله..گلبي مادك بيوم لوحده بس هية

ماخذه عقلي وفكري.. اليوم حجيت وياهه

عمر اي..!

سلطان هم ترزلت..

عمر.. هاي ياووكت سلطان ابن الشيخ يترزل

عمي دعوفها شوف هاي سوسن كاتله روحها عليك..

سلطان يمكن اني دحجي هندي..

اكوله احبها يكلي سوسن..

عمر.. لعد ابقى وراهه شسويلك انت ..جايبها الروحك..

سلطان ابقى وراهه العمر كله..

داليا.. صرت اهتم بمضهري اكثر.. بديت اخلي

مكياج خفيف اتعطر واطلع للدوام..

سلطان.. جانت من تشوفني تكلب وجهه هسه

متغيره.. تبتسملي ابتسامه خفيفة وتفوت

اني وهي معصبه شمسويه بيه صارت تضحكلي.. اخ ربي شلون بيه لازم اتقرب الها اكثر مابيه صبرر..

سرى.. راح نفوت من يمه سلمي عليه..

داليا.. لا عيب استحي..

سرى من تعيطين وترزلي متستحين دمشي

كافي طولتوها من يمي مليت..

داليا.. امشي وافكر بكلام سرى .. شلون راح اتنازل واحجي وياه خجلانه حيل .

سرى.. روحي حاجي شبيج ..

داليا وين احاجي اذا احد شافوني مخبلة انتي

سرى.. لعد خطيه الولد يوميه واكف شلون وياج

داليا.. يعنيي شبيدي اني اخاف احد من اهلي يشوفني وشيخلصني بعد!

سرى.. تعالي اني احلها الج..

داليا شلون!!

سرى.. امشي ويايه ولتسألين ليش..

داليا.. غير تحجي عاد

سرى.. هيان وصلنا بس سكتي..

سلطان.. اجتي تمشي هيه وصديقتها ..

احس نفسي طاير فرح .. اباوع الها والكل خطوة تخطيها مدي اخذها واضمها بعيوني

ماريد احد يشوفها غيري..

سرى.. اهلا شلونك..

سلطان الحمدلله..

داليا.. مرحبا..

سلطان مراحب شلونج..

داليا.. بخير الحمدلله..

سرى.. اكول ولو ماعرف اسمك بس داليا متكدر توكف وياك هنا.. تخاف احد يشوفها

سلطان.. اولا اني سلطان.. بعدين اني هم ماقبل نوكف هنا ماريد اسببلكم مشاكل.

بس مابيدي شي اريد طريقة اتوصل وياج داليا

شلون..

داليا،. ممم ماعرف اني..

سرى.. دمشو خلي نوكف بالفرع موعالشارع

موانفضحناا

سلطان.. دخلو للفرع راح اطبك سيارتي واجي..

داليا.. لا عفية اخاف..

سرى.. اووف حلتها لعد شلون..

سلطان هذا رقم الارضي مالتي اذا توفقين طبعا

داليا... رقم!!

سرى.. دخذي شبيج يالله تأخرنا..

داليا.. اووك انطينياه..

سلطان.. انتضر منج اتصال..!

داليا احاول.. يله باي رايحين احنا..

سلطان.. ديري بالج على نفسج..

داليا.. نضرة اله نضرة مكر ابتسمت ومشيت.

سرى.، فدووه شلون اخلاق ومتواضع سويتي مغرور موو

داليا.. لج گلبي يدك بسرعة ماعرف شبيه احس وجهي نااار.. جيي ايدج الزمي وجهي شلون حاجيته خجلانه منه..

سرى.. هالله هالله .. اول علامة بده الحب..

داليا .. دنجبي ولج بس خجلانه منه ممتوعدة احاجي ولد..

سرى.. خابري الولد موتخلي ينتضر ..

داليا واهلي..

سرى .. يعني شلون اتريدين اجي الهيهم الج

هاي بقت يمج انتي دبريها..

داليا.. اي احاول الله كريم..

سلطان.. جانت تحاجيني بهدووء والخوف مسيطر عليها.. مو داليا الي عرفتها اول مره

متغيررة.. الحمدلله بدت تتغير..كون تتصل

وماتغير رأيها..

داليا.. رجعت للبيت اغني وفرحاااانة طايره..

كلش اسلوبه حلو بالكلام والاحلى جريء

وميخااف.. شعور جان كلش حلو بداخي

بقيت افتر والرقم خليته بين الاوراق بالكتاب

الف مره طلعت الرقم شفته ورجعت ضميته..

صار الليل واني ماراح من بالي ماعرف اركز

بدروسي.. كل همي سلطان اريد افهم غايته

معقوله ديتسلى..

انتضرت اهلي ناموو.. نزلت وبيدي الرقم

البييت هدوء وبس اني كاعدة شلت التلفون

وعيني عالباب خايفة اهلي يكعدون .. اتصلت

دكتين ووقطعته مادري ليش خفت وارتبكت

مامسويتها بعمري.. شلوون راح احجي وياه

شلت الرقم ومشيت اريد ارجع الغرفتي..

سلطان.. جنت متمدد واتفرج فلم.. وعيني

عالجهاز شوكت تتصل.. التلفون دكتين

وانقطع.. اني گلبي دك ويه كل دكة

رغم جانو هواي بنات يتصلون بهذا الوقت

بس عرفت هيه.. انتضررت تتصل مره

اخرى الجهاز بقى بحضني...

داليا.. صعدت اول درجة تذكرت اني كتله

راح احاول اتصل خطيه خلي اخابرة احتمال

دينتضر.. رجعت لمكاني وعدت الاتصال..

سلطان.. الوو..

داليا.. الوو..

سلطان.. هلا والله..

داليا.. بصوت ناصي ومرتبكة.. شلونك

سلطان الي يسمع هالصوت شلونه يعني

الحمدلله زين ومرتاح..

داليا.. شكرا...

سلطان.. جنت اكول مراح تتصلين ادري بيج

خشم عالي...

داليا.. يااا هاي اني خشم عالي..

سلطان.. شسويتي بيه .. يوميه اعوف كلشي

بس حتى اوكف بباب المدرسة

واشوفج واجي

وانتي.. موعاجبج..

داليا.. بس اني هم حقي مااعرفك ولا اعرف شتريد..!

سلطـااان اريدج .. يمكن راح اضل اصيح اريدج اتريدين اعيط هسه واكعد اهلي..

داليا.. هههه لا عززة.. بس شمعنى اني هواي بنات اكوو..

سلطان.. ماعجبتني وحده غيرج .. اريدج والله

كلشي بيه يريدج .. حبيتج من اوول يوم شفتج

رغم اني جنت اكول ماكو حب من اول نضرة..

بس هسة صدك لو كالو حب من اول نضرة..

سلطان... داليا.. ارجوج انطيني فرصة

وخلي ثقتج بيه عاليه مستحيل احذلج بيوم

بس اهم شي متتبقين متخوفة مني..

داليا.. اني هم حقي اخاف.. بس اني

من اتصلت بيك معناهه هاي اول فرصة انطيتك

اتمنى تكون كد كلامك هذا.. وماتغيرك الايام

سلطان.. مدام وثقتي بيه مستحيل اضيع

ثقتج بيه.. كلمة ارجال اخذيها مني..

داليا.. ان شاءالله.. يله اريد اروح..

سلطان.. ولوو بعدني ماشبعت بس يلة روحي ناكي وراج دوام.. وباجر تلكيني واكف بالباب

داليا،. ماشي بس دير بالك احد ينتبه عليك

سلطان هاي خليها عليه .. يله دلوو تصبحين

على خير..

داليا حلوو اسم دلوو .. هههه وانت من اهل الخير..

سلطان.. هو شنو بيج موحلوو.. روحي نامي عيوني..

داليا.. بيباي... سديت التلفون وطلعت الغرفتي

افكر بكلامة وصوته شكد حلوو..

سلطان.. كل يوم اروح اشوفها وحبي الها

يكبر اكثر صرت مدمن بشي اسمه داليا

داليا.. يوميه اخابرة.. بعد ماكدر بدونة

تعودت عليه وعلى سوالفه..

اهلي كلهم راحو البيت.. عمي كلت خلي

اتصل.. بسلطان.. اتصلت جاوبتني مريه

كالت الو.. اني بسرعة سديته.. استحيت

سلطان جنت داللبس بملابس كرة القدم..

(الطوبه) اريد اطلع وسمعت التلفون

مالحكت اجاووب جاوبت امي..

سلطان.. يمه منو الي اتصل

ام سلطان محد يحجي احتمال متوهمين

سلطان.. صفنت اكيد هاي داليا

اخذت الجهاز وطليت للاستقبال اتصل

كلت اذا موهيه اسده..

داليا.. خليت الجهاز يمي وكعدت ادرس

رجع دك التلفون..

داليا.. الووو...

سلطان.. احـبج..

داليا.. ههههه حبيبي انت..

سلطان.. شوو عيديهاا..

داليا.. احبك...

سلطان يبووووه.. عيديها...

داليا اموت عليك..

سلطان.. تره راح اجي اطلعي للباب

داليا.. عزززه.. لا ديربالك..

سلطان.. يبعد العمر انتي مستحيل اخليج تتأذين بسببي اتحمل شسوي..

شعجب اتصلتي هسة..

داليا.. كلهم طلعو بس الحارس بالباب..

سلطان.. يصير تخلوني حارس بداله..

داليا.. يعني مثل ميكول كاظم الساهر اقبل

اعيش بسجن لو انت سجاني..

سلطان.. اي والله اقبل اعيش اني بسجن

بس اكابلج كلشي ماريد..

داليا.. هههه لا حبيبي اني يوميه كدامك

محاجة سجن..

سلطان.... امممم اني اريدج يمي ماريدج

بعيدة كافي بعد اتحملت هوايه اريد تكونين

قريبه مني .. انام واكعد على صوتج

داليا.. الله كريم حبيبي.. شعجب مطالع

سلطان.. اريد اطلع واتصلتي ونسيت الفريق

كله هسه تخبلو،،،

داليا.. لا حبيبي روح العب اتونس.. بس

ديربالك على نفسك

سلطان.. صار حبيبي تأمرين..

داليا.. بيباي گلبي ..

سلطان.. باي .. حبيبي..

.... يتـبع...

الثالث من هنا 

تعديل المقال