رواية الشيخ والعشق الفصل الرابع والعشرين 24 بقلم ورد العامري
ضلو يسولفون طبعهم حلو سوالفهم متنمل طبعا عرفتنه اول مطبو لمره الجبيره انها مرت الشيخ وضرتها هيه ام محمد ولولد كلهم ماعرف شفتح لموضوع بس هيه من لفت ودارت وجان تكول هاي اني وام قيصر مايوم حسينه احنه ضراير ولرجال مادامه قادر يحمل مسؤليه اكثر من بيت لاعيب ولاحرام
ام سرى: حجيه انتي كلتي اطفال الله مكتب الج فزوجتيه
الشيخه: اي حقه هذا تصيرله ذريه انه نقصي هذا ومن حقه ايعوضه من غيري
ام سرى: رحم الله والديج يعني اذا كانت زوجته قايمه بكل واجباته وساده كلشي ليش يزوج بعد
ناي: لا عمه هسه صاير الزواج تكبير عدد وبس
قيصر: ليش هيه بالعدد المثل يكول واحد كفل كومه بس اذا كان ممرتاح بحياته ايروح للحرام حشه السامعين لو يتزوج
ناي: هااا وهسه اذكر انه ممرتاح هذا عذر ايدوره لرجل حته يبرر تصرفه
قيصر: موكل الينشاف يتصدك ومااضن اكو رجال ايحب ايكثر مسؤلياته مسؤليه جديده بس الي يجبره هوه نقص موجود ابيته
ام سرى: اي صح والله كلامك
ناي: الصح ايح….. قرصتني سرى سكتت ولمره الجبيره ضلت تحجي
اخر شي المره لجبيره كالت ماكو مره اكلت مره اهل اول ياخذهن اربعه ويسكنهن ابيت واحد
سرى سوتلي وهمممم طن
شاورت سرى كتلها لا بابا هذا لمثله يلعب بس مسوي نفسه كدام اهلهه ملاك مستحيل حاجيلهم عني وثانيا الحجيه عبالها بعدنه بزمن العبوديه
راحو بعد ما بالف صبر كدرت اسكت وهوه كدامي كاعد من ده يطلع ده اسلم ع حجيه هوه اجه عود ده يطلع اني والحجيه صايرين اباب الاستقبال فات من مصنه وبحركه سريعه فات من كدامي ودنج عود شلون شم عطري وطلع اني بسرعه انداريت شفت خالي وعمتي ملتهين بسلام بس سرى عضت شفتهه وسوتلي عزهه بشفتها امنيتي الحكه املخه طلعو سرى فاتت اتبدل ده افوت وراها وصاحني خالي كالي شعنده نجم ببعده ممكمل كلامه صاحت سرى لج نااي تعاي شوفي
عله عيطتهه ركضت اني وخالي للغرفه الكنتور مكلوب كل الي بيه بالكاع احنه حاطين كنتور ابو 4بوب مفصوله كل باب وحد اني ماخذه ثنين وسرى ماخذه ثنين كنتور سرى كلشي مابي بس كناتيري مكلابات هدومي حته هدومي الداخليه مشمره طالعه من المجر ركضت غطيتهن عيب من خالي واكف
الخال: شنو هل هوسه هاي كنتورمن هاي
ناي: كنتوري خالي
الخال: ناي شوفي غراضج حاطه شي بي انتي
سرى: شلون محاطه فلوسهه هنا وذهبهه كله هنا
الخال: هااا موجودات
ناي: لاخالو
الخال: زيد
زيد :نعم بابا
الخال: نجم شفته من طلع
زيد :اي اني طلعت اشوف السيارات موانت كتلي كل شويه باوع عليهن شفته جان بالمطبخ ده ايدور جيس اطيته وطلعت شفت السيارات من طبيت هوه طلع
الخال: جيس شنو مشفت شحط بيه
زيد: لاوالله بابا مشفت
الخال: سرى فتحي كنتورج شوفي غراضج
هاااا
سرى: لابابا بمكانهن كلشي مماخوذ منهن
الخال :هاي تاليته النذل ايبوك اخته بدل ميطيها هذا جزات تعبها
كومي اروح للمركز انبلغ
ناي: شبلغ خالو ابلغ عله اخويه
الخال: لج يااخ غبيه انتي هذا اخ هذا بله مصيبه ع راسج مو اخ هاي تاليتها ايبوكج لج كومي هسه ايسجلوه غصبا ماعليه ايرجعهن
ناي: خالو شسوي بيهن اذا نحكم تالي وكت اسجن الي ربيته
الخال: ولج مو باكج
ناي: الله يعوض خالو
الخال: طبج مرض انتي طايحه حظ ساكته ومغلسه ع اعماله حيل بيج
ناي :موقف الله لايراويه لاحد لحد اخر لحضه واني ممصدكه اخويه ايبكوني بس منو غيره صار سنين اشمرهن بكنتوري حته مفتاح مااشيل ولااقفل لو 100سنه تمر هم ارجع والكاهن بمكانهن طلع خالي وهوه يحجي عليه جربت تلفوني خابرته سرى كالت من كل عقلج ايجاوبج والله فتح خط
الو
لك نجم متستحي لك تبوك اختك
شنو ابوك متستحين انتي اختي واخذت منها شكو بيها
لك تاخذ من دون علمي تكلب غراضي ياحرامي
انجبي لج لااشك حلكج حرامي شنو ليش بكت شي من احد اكو شي منكم ناقص غير بس مالاتج اخذتهن لامحتاج واجيتج تكوليلي ناس وعيب واني مرتي صار شهر زعلانه ابولمحل بطلني ماعندي شغل
-وتجي تبوكني حته ترجع مرتك يويل يل متخاف الله صارسنه مشلت تلفون كتلي شلونج تالي تجي تبوكني
-شبيج حالج احسن من حالي فلوس حاطتهن ع كلبج وذهب واني بنتي حفاضه ماكدر اشتريلها وعمتها كل هل خير مخابره تصيح
-صدك يويل الي جانو يستحون ماتو لك. هواني حته ماعرف بيك شخلفت ولد لوبنيه شحاجيك روح نجم حسبي الله ونعم لوكيل سديته وكمت الم بغراضي بسرعه تشمر نار مشتعله بروحي صعبه بعد كل هل مده يجي ايبوكني وهوه ابو الراهي
كضيتها ابجي ماكدر احجي شكول خالي كالي اني اطيجياهن كتله لاميسون جتي عمتي كالت ولج 2500مال السلفه وذهبج مايسون شعندج غيرهن بعد
-اووف عمه هنه لمليونين ونص وسوار وتراجي زنجيل و850مال الدعوه الي كتلج عليها و200الراتب الي اطانياه خالي كلهن شايلهن
-الله يكسر ايده يمه اني اطيج لاتنقهرين
-لاعمه تسلمين هذاهوه الحمدلله
شبعت قهر وين اولي حته ارتاح امين مااندار الكه خنجر بضهري ربي لااب بي خير ولاام مثل البشر حطيت املي بالاخ وتالي طلع لافود ولانفع ولحبيته طبع كذاب ربي افرجها تعبت
يوم الاحد رحت للمحكمه ماعدني ولافلس ولازم استنسخ اوراق عندي دعوه رجعت للبيت اداينت من عمتي 200مقبلت هيه بس كتلهه اذا مودين مااخذهن فولت لسياره بانزين وكملت شغلي وطلعت صار بوجهي قيصر روحي طالعه وهذا مجتف وواكف
الحجر الصحي ليس عذراً للتوقف عن الحفاظ على لياقتك
قيصر :اتفقنه اروح لبيت خالها الشهرين لفاتن علي بس الله يعلم ببهن محتاج لوجودها بحياتي بكل شي حضرت روحي ع امل اني اشوفها من قريب طبت شايله صينيه كيك انه سولفت للشيخه وكتلها حتشوفها لشيخه تحارشت بيهه اخذت عمتها لصينيه وسلمت الشيخه حضنتها ماتدري هل حضن فحص كامل انفحصت قبلها سرى بس ياريت اكون باامل مثل محمد اطلع من الباب وانه ضامن انها الي حتصير
كالتلي هيه زيد ابن خالهه صغير هذا شاب شطوله شكده كل شوي مدنج عليهه ويهمس بااذنها وانه نار اشتعل قبضت ايدي تمنيت اجر عكالي وهوه يندل دربه ويين يضرب انفتح حديث ولشيخه مقصرت بتسميع جانت رفعت حاجبها ادل ع ان لحجي معاجبها كامو واني مشابع منها شوف انتبهت الكل ملتهي سلمت ع خالها قبلهم بحجه اشغل لسياره احضرها واكفه هيه ولشيخه سادات الباب اتقصد افوت
بنصهن دنجت لمستواها شهكت كل قوتي عطرها اريد احبسه بريتي بويه حته الشال خلص عطره كثر ماشميت ريحته شبي حضي خله عطرج يبتعد عن انفاسي
الاهل باتو ابيت احمد وثاني يوم رجعو لديره ويه سورير انه بقيت ببغداد الاحد رحت للمحكمه دورت سيارتها بالكراج ووكفت وانتجيت عليها
حيره اول مره اشوف الكمر يطلع ويه الشمس بوقت واحد
-مراهق مراهقتك متاخره
-ناي والله هدني شوكي الج كافي زعل والله ميت بهل بعد
-ممكن شويه عندي شغل
-ناي اني مكافر من حقي اتزوج 4شرع الله هذا مادامني مقتدر عله العدل بينهن وع كولتهم ماكو مره تاكل مره
-هذا عدكم عندي اني يختلف يايكون الي وبس يا بلاياه وخر قيصر
-ناي وحده بنت عمي وحده بنت خالي ووحده صارت بنت روحي رحميني دخيلج لج اعشكج
-قيصر ابتعد عن طريقي والله احبسك
-لا بتهمت شنو حبيتج اذا اكو عقاب عله حبي الج مستعد انفذه
-قيصر ابتعد عن طريقي رجاء
-ناي صار كم مره جيتج يابنت لحلال لوكاتل ابوج جان هم اخذت عطوه وفصلت بويه اطينه عطوه
-قيصر بالعافيه عليك السياره رايحه اركب تكسي
-مخبله عافتني ومشت تعالي خلص روحي ناي روحي هيه موذله غلطت ومعترف حبيتج وخفت اخسرج ولليوم اكولج انتي روحي بنص كلبي انزرعتي بس ياناي كافي لاراضيه تسمعيني ولاراضيه تطيني فرصه راح اعوفج ترتاحين عله امل انج تتفهمين موقفي وتطيني فرصه اثبت ابرر موقفي وتتفهميني منتضر هل يوم وان شاءالله مايكون بعيد لان صعبه اضل عايش جسد بلارروح ردي روحي يابت روحي
-ناي والله اله شويه واحضنه واكوله اني الي روحي وكلبي وكياني كله عندك اشتغل واقره الف شغله حته انساك وبس احط راسي ع مخده تنزل دموعي من الم كلبي وشوكي الك عيونه جان بيهن صدك بس شلون بعد هل صبر كله اخذ رجال ع نسوان ثنين وكف ع صفحه ركبت سيارتي وبسرعه طلعت خايفه اضعف واني اشوفه كدامي
يتبع
