رواية العاشق المغرور الفصل السابع عشر 17 بقلم حنان احمد ماهر
الفصل السابع عشر
روايه العاشق المغرور
بقلم حنان أحمد ماهر
وصل ذياد ونور الفيلا وستاذن ذياد نور يطلع غرفته على
طلع ذياد وقلبه بيتعصر من الخوف والألم على نجمه
كان بيوهم نفسه أنها عادية وانه معجب بيها وبس لأنها
مختلفه عن اللى يعرفهم دخل اوضه ولقى بجامتها
محتوطه على السرير قرب ومسكها وبداء يشم رحتها
بشتياق وحزن على فرقها وقال لنفسه بتحدى من الم البعاد . وحيات قلبى اللى بيدق باسمك يانجمتى لهدفعم التمن غالى
وصل ابراهيم وهدى وشعبان أبو شيماء الفيلا عند ذياد
دخلت هدى بلهفه وانهيار وفى نفس الوقت كان نازل
ذياد من اوضته جريت عليه هدى ومسكته من دراعه.
بنتى فين ياذياد عملتوا فيها ايه
نزل ذياد عنيه فى الارض كان حاسس بالكسره أنه مقدرش
يحافظ عليها
بعدها عنه ابراهيم . أهدى ياأم نجمه مينفعش كده خلينا
نشوف هنتصرف ازاى ونرجع بنتنا
قاعدت هدى على اقرب كرسى وهى بتخبط فى رجليها .
نرجع ايه يا حاج بنتى ضاعت اه يا بنتى
على دخلت خالد وليله وشافوا حاله هدى قربت منها ليله
بقلق . إيه ياحبيبتي مالك فى ايه نجمه كويسه
هزت هدى رأسها وهى منهارة. بنتى راحت منى ياختى
بنتى اتخطفت انا عايزه بنتى
اتصدمت ليله وخالد قرب من ابنه . ايه الكلام ده ياذياد
مراتك اتخطفت ازاى
مكانش قادر ذياد يتكلم قرب نور من خالد . أهدى ياعمى
وانا هحكيلك كل حاجه وبعد فتره خلص نور كلامه
حس خالد أن الأرض مش شياله حس أنه السبب
فى اللى بيحصل لما دخل الانسانه دى حياتهم مسك
فى ايد نور وقعد
رن تليفون ذياد برقم غريب رد بلهفه . الو مين
جيهان بضحك . ايه ياذيذو اكيد كنت مستنينى أنا قلت
متاخرش عليك اكتر من كده
ذياد بغضب . نجمه فين وشيماء احسلك رجعيهم
قطعته جيهان . أهدى كده يازوز من غير تهديد أنا هرجعهم
وفقيهم بوسه كمان بس نتفق
ذياد . ونتفق على إيه إن شاء الله
جيهان . حقى 10مليون ومراتك المصون ترجع هى وصاحتبها
وانا اختفى من حياتكم
ذياد بغضب . لا انتى شكلك اتجنينتى
جيهان . بص يازيزو أنا هعمل نفسى مسمعتش حاجه وهسيبك تفكر وتقرر بس مع كل تاخير أنا مضمنش
نفسى اصل الصراحه كده انا بعز مراتك اوى لدرجه
انى بستمتع وانا بسمع صوتها وانا بعذبها
ذياد وحاسس ببركان غضب انها ممكن تكون بتعذبها .
انتى لو مستيى شعره واحده منها بس صدقيني
متتخياليش ايه اللى هيحصل فيكى
وعند نجمه . بت ياشيماء هنعمل ايه مع الكائنات اللى
بره دى
شيماء . مش عارفه بس بفكر
نجمه . بقول لك ايه ما تحاولي تتنططي بالكرسي بتاعك كده وتيجى ورايا وانا احاول افك الحبل من ايدك
شيماء . لا يا اختي انا مكسله ما تيجي انت تنططي وانا احاول افك الحبل من ايديك
نجمه . بنت انت مش ناقصه رزاله اخلصي
والفعل حاولت شيماء تتنطط ووصلت بالكرسى في ظهر نجمه
ونجمه بدات تحاول تفك اديها من الرباط بعد فتره من المحاولات فعلا نجمه نجحت
شيماء بفرجه . يانوجه ياجامد ايوه بقى
نجمه بغيظ . اخلصى ياشيماء قبل ما واحده فيهم تدخل
علينا
فكتها شيماء . ها هنعمل إيه دلوقتي
بدأت نجمه تبص حوليها جايز تلاقي حاجه تساعدها تخرج
من المكان اللى هما فيه فلقت خاشبه مسكتها
شيماء باستغراب . ودى هنعمل بيها ايه إن شاء الله
نجمه . بصى انتى هترجعى تقعدى على الكرسي وتفضلى
تنادى عليهم وانا هستخبى وراء الباب واول ما حد
هيدخل منهم هخبطه على رأسه بالخشبه ماشى
شيماء . ماشى وبدأت تنادى عليهم
النجده الغوس ادريكونا النجده الغوس الحقونا
نجمه بغيظ . الله يخربيتك ده وقته بتتقمصى دور عبد المنعم ابراهيم
ولسه شيماء هترد عليها الباب اتفتح وجيهان دخلت
بغضب . ايه مالك بتزعقى كده ليه
وبتبص ملقتش نجمه جنبها وراحت تمسك فى شيماء
هى راحت فين انطقى
وفجاه نزلت نجمه عليها بالعصايه على رأسها وقعت
مغمى عليها
نجمه . شيلها معايا بسرعه ياشيماء نربتها على الكرسي
قبل البومه اللى اسمها نفين تدخل علينا وبالفعل
ربتوها
شيماء بحماس . ماذا الان ايوها العقل المدبر
نجمه بغيظ . شيماء فكرينى اول ما نخرج من هنا بالسلامه
اقطع علقتى بيكى
شيماء وبتمثل الزعل . ليه كده يانجمتى تقدرى تستغنى
عن شوشو حبيبتك
نجمه بضيق من أفعال صاحبتها . طيب ياختى افضلى
نادى على نفين خليها تيجى ونخلص منها هى كمان
وبالفعل فضلت شيماء تنادى على نفين واول ما دخلت
خبتيطها نجمه على رأسها واغمى عليها وربتطها
على الكرسي
نجمه . خليكي هنا وانا هخرج أدور على تليفون واحدة فيهم
على شان اتصل بذياد يجى يلحقنا
خرجت نجمه من الاوضه ولقت تليفون على التربيزه
بس لقت فى باسوارد رجعت تانى عند شيماء
شيماء . جدعه يانوجه اتصل بقى
نجمه . مش هينفع التليفون عليه باسورد
اخدته منها شيماء وتكلمت بحماس . ده بيتفتح بالوجه
قربت من جيهان ولقت التليفون فتح
فتح يانوجا فتح
حضنتها نجمه من فرحتها واخدت التليفون وتصلت على
ذياد
لقى ذياد تليفونه بيرن بنفس الرقم اللى اتصلت منه جيهان
ولسه هيرد ويقول لها أنه موافق يدفع ليها الفلوس
اللى هى عايزها وترجع نجمه وشيماء من غير ما تاذيهم
سمع صوت نجمه . ذياد الحقنا تعالى خدنى من هنا
اتنفض ذياد من مكانه وتكلم بحماس . نجمه حبيبتي
انتى فين طمنينى انتى كويسه قوليلي مكانك فين
قرب الكل منه اول ما سمعوا اسم نجمه
هدى بقلق . بنتى ادينى اكلم بنتى
ابراهيم . استنى ياأم نجمه على شان نعرف فين مكانها
اتسمرت نجمه مكانها ومقدرتش ترد عليه بعد ما سمعت
كلمه حبيبتي منه
لقتها شيماء مش بتتحرك فشورت بايديها على وشها
ملقتش منها رد فعل واخدت منها التليفون . الو
ايوه ياذياد انت قولت إيه لنجمه خالتها مش بتنطق
ذياد . مش وقته ياشيماء انتو فين
شيماء . لا احنا مش عارفين بس انا هبعتلك اللوكيشن
بس بسرعه ماتتاخرش وبالفعل بعتت اللوكيشن
وبدأت تهز فى نجمه
بت يانوجه مالك هو جوزك قالك ايه خالكى كده
