رواية اسيرة بين يدي قاتل ابي الفصل السادس عشر16 بقلم نور آل زيادة
هناك فرق ًبين
فالحب قد يتكرر أما المجنون بكَ فلن يرى في هذا الكون سواك،،، وسيقوم بفعل كل شيء من أجل أمتلاكك 
_________
سيلين،،، اباوع عَلي مامصدكه ألي تشوفه عيني مشيت خطوات اتجاهه دار وجهه يتلافى نضراتي وتكلم ويا الضابط بعد الحديث الدار بينهم عافنه وطلع من المكتب باوعت علي مامصدكه
_سرراج!!!
سراج،،،، اي سراج اسف خيبت آمالج الضاهر چنتي منتضره شخص ثاني
سيلين،، موقصدي بس ماتوقعت ارجع اشوفك وخصوصا هنا
سراج،،، ليش؟
سيلين،،، يعني قصدني من سمعت بزواحي يعني أتوقعت بعد ماأشوفك
سراج،،، تزوجتي،،وشنو يعني،،، وغدرتي للمره الثانيه وهم شنو يعني عادي ماصار شي أنتي أختاريتي طريقج والحياة متتوقف على أحد لتنسين ألكدامج الشيخ سراج مومره التكسره وانتي بالتحديد مسحتج من قاموس حياتي وألسويتي ماهز شعره مني
سيلين،،،كال هل كلام وكعد بغرور على كرسي
ماتوقعت هاي تكون ردت فعله توقعت على الأقل يعاتبني اويعصب عليه او يتشمت بيَ لأن صرت بهل مكان ويعتبرها جزاء على أفعالي ويا أستغربت بروده جاوبته...
_ وشعندك لعد جاي؟
سراج،، ماميت عليج لخاطر فؤاد اجيت حلفني وأصر عليه وأنجبرت أجي وألا حتى خلقتج مااريد اشوفها
سيلين،،، روح لعد مامجبور تبقى،، عندي محامي لازم قضيتي
سراج،،، لتكولين هذا التحفه البرا محاميج؟؟
هذا معقب مااشغله بمكتبي مومحاني شنو هل الفاشل
سيلين،،، كل الناس عندك فشله
سراج،،، لوبي حظ مااتصلتي بفؤاد يجي يساعدج
سيلين،، اتصلت لأن فؤاد بالأساس المحامي مالتي ومن اتصلت ومارد عليه لغيت الفكره ومااعرف شلون هسه عرف
سراج، ـ،،. الرجال بالسعوديه خلص عُمره وأمه تخربطت وحاير بيها للان مارجع،،، من اتصلتي چان مشغول وبعدين رجع اتصل على الرقم وبلغوا بوجودج هنا وفهم السالفه واتصل بيَ
سيلين،،، مشكور ماقصرت سردار يحلها
سراج،،، ياسردار؟؟ ها!! دقيقه لتكولين زوجج الحبيب اسمه سردار ؟
سيلين،، اي هو مدعي عام واكيد يشوفلي حل
سراج،، وليش للان ماشاف حل وشنو مبقيج هنا وهو اكيد يكدر يساعدج بأي طريقه؟
سيلين،،، سراج من الأخير انت ليش جاي وشتريد؟؟
سراج،،، جاي اشوفج وانتي تغرگين بمكرج وحقارتج
سيلين،،، متشمت؟
سراج،،، هو المفروض اتشمت بس لا انتي ولا وضعج ولا اي شي بيج بعد يأثر بيَ،،، تصورتي راح تكسريني بس انتي سويتي الصح وخليتيني اطلعج من گلبي
سيلين،،، بهل سهوله؟
سراج،،، مثل مابكل سهوله غدرتيني مرتين اني هم بكل سهوله طلعتج من گلبي
سيلين،،، اني ماغدرتك وانما انتق....
سراج،،، عوفج من هل كلام ماضل أله لازم وصدكيني لو مافؤاد حلفني اجي واصر عليه مااجي بس ماكدرت ارده
سيلين،،، اذا ماعاجبك ماكان اچيت وتكدر تروح اني احل امري
سراج،،، اي عادي بعد احسن رايح اني وزوجج يحلها مو هو مدعي عام،،،، يله اني سويت العليه واجيت ولو متستاهلين بس لخاطر فؤاد
سيلين،،، عافني وراد يطلع توقف
سراج،،، وين مخليج هنا؟
سيلين،،، بالتوقيف غير
سراج،،، يعني ويا الموقوفين؟
سيلين،،، اي
سراج،،، لااله الا الله تحجين صدك؟ هذا رچلبج شنو ماعنده غيره؟ شلون عايفج هنا؟ لو بمكانه دقيقه ماابقيج وفوكاها بلبسج هذا وشعرج طالع
راح اتخبل شلون اتزوجتي هيج واحد؟
سيلين،،، قصدك انخطبت
سراج،،،، شنوو،، شنو،،، انخطبتي؟
سيلين،،، باوع بوجهي مصدوم وطول نضرته واردف بتوتر
سراج،،، شنو انخطبتي،،، يعني للان ماسويتو عرس،،،،، لو ماتم،،،،يعني قصدي زواجكم،،، زين والصور و فديو عرسج الأرسلتي ألي
سيلين،،، موعرس خطوبه وعقدنا شيخ
سراج،،،يعني ماتزوجتي للان؟
سيلين،،، ماتزوجت،،،، كلت هل كلام مااعرف ليش بس قساوته وبرود مشاعره أذاني انانيه او شعور بالتملك مااعرف بس اعرف ماردت اشوف اواتقبل هل معامله منه ردت اشوف الحنيه واللهفه بعيونه والاهتمام وفعلا بعد هل كلام رقت ملامحه وشفت الراحه بعيونه اتنهد وضل يباوع عليه بنضرات مطوله بس غريبه
سراج،،، سيلين عوفج من كل شي صار بينا لازم تطلعين منا واذا خطيبح ماهزته غيرته اني رجال عندي غيره وحظ وبخت وماارضى على نفسي تبقين هنا احجيلي شنو الصار خلي اطلعج
سيلين،،،ترددت بس عفت كبريائي لأن ماعندي حل حجيتله كل الصار ويايا
سراج،، ممم،،،السالفه موسهله و اكو لعبه بالموضوع بس لتخافين الموضوع يمي صار
مابقيح هنا
سيلين،،، يعني انتَ مصدكني؟
سراج،،، مومهم اصدكج المهم اطلعج منا
سيلين،،، بس اني يهمني اعرف اذا مصدك اذا اني اسوي هل شي لو لا
ماجاوبني كام وكف دكم ازرار القاط وطلع من المكان دقائق ودخل بعده المحامي الموكله ألي سردار على كولة سراج التحفه سلم ورديت
المحامي،،، ست سيلين شنو موكله محامي ثاني غيري؟
سيلين،،، زميلي وأجا يساعدني ليش عندك اعتراض؟
المحامي،،، لا شعليه اصلا اني قررت اسحب نفسي من القضيه لأن وضعج صعب والكل اعترف عليج وراح يحولوج محكمه والأكيد متطلعين من هل السالفه
سيلين،،، اذا جاي علمود هل كلام فأطمئن اني اساسا استغنيت عن خدماتك لأن هل القضيه اكبر منك وتحتاج محامي متمكن مو مبتدء
المحامي،،،أحمم ،،وصلت الفكره،،عالعموم اني مااجيت علمود هل شي
سيلين،،،لعد ليش؟
طلع ورقه وقدمها ألي
المحامي،،اجيت اسلمج ورقة طلاقج من الأستاذ سردار
سيلين،،،طلگني؟؟!!
المحامي،،،اي وحقه صراحه وضعه حساس ووجودج هنا يأثر على منصبه لهذا الافضل ميربطكم شي
سيلين،،،ههههه،،،كتلي منصبه موو؟؟،سبحان الله ولاتفاجئت من تصرفه ،،، وصله لسردار مالتك كله تكول سيلين شكرا لإن خلصتني منك وبهل سهوله وشكرا لإن كشفتلي وجهك بهل سرعه وليتصور نفسه هو العافني لا لأن اني قبلها قررت انفصل عنه تدري ليش،، لأن ميشرفني اكمل ويا رجل ناقص غيره وماعنده وفاء،،،، امانة الله توصله كلامي نصا بالحرف الواحد ومامبري الذمه اذا ماسويتها
سيلين،،، طلع من الغرفه واني بداخلي احباط غريب حتى الشخص التصورت اختياري أله صح طلع مابي حظ ولو أستعجالي السبب،،، شوكت اتعرف على ناس زينين ليش كل الأشخاص بحياتي مو خوش اوادم معقوله هذا حضي لو اني شخص مااستاهل لو شنو بالضبط؟
اجوي طلعوني تصورت راح يودوني للتوقيف لكن اخذوني لغرفه ثانيه وبعدها جابولي اكل وبشت اسود وشال عرفت كل هذا سوا سراج لبستهن من غير اعتراض الكل هنا معاملتهم تغيرت للافضل كعدت انتضر مصيري المجهول و بالي كله يم ابني
رجع العصر أجا سراج من دخل وشافني ضل بالباب واكف يباوع عليه طول بنضراته اخر شي دخل تقدم وسلم وكعد
سراج،،، شلونج؟
سيلين،،، مثل متشوف على حالي ماكو جديد
سراج،،، اكو احد ضايقج لو سوالج شي؟ اني وصيت الكل عليج
سيلين،،، لا ماكو شي كل شي تمام هنا احسن من التوقيف
سراج، أكلتي؟
سيلين،،، اي
سراج،،، محتاجه بعد شي اجيبه؟
سيلين،،، لا شكرا،،،،، حك طرف حاجب بأرتباك
سراج،،، اكلج،،، ابقي بالحجاب لتذبي حتى لتثيرين الأنتباه ولو،،، شسمه الحجاب يعني
سيلين،،، شبي؟
سراج،،، لاهيج انسي
سيلين،،،، اثناء كلامنا سمعنا صوت طرق الباب دخل سجاد اخو مؤيد خطيب ساره هو ضابط،، سلم
سجاد،،، شلونج ام سيف؟
سيلين،،، على الله مثل متشوف هذا وضعي
سجاد،،،ان شاء الله خير لتخافين والله هسه يله رجعت چان عندي واجب واتصلت بيَ ساره وبلغتني بالصار وياج وهاي جيتي كلت اجي اشوفج واساعدج
سيلين،،، اشكرك متقصر دومك صاحب واجب
سراج،،، احمم،، امم
سجاد،،، شلونك شيخ؟
سراج،،، الحمد الله،، وانتَ؟
سجاد،،، بخير الحمد الله
سراج،،، ليش تعبت نفسك اني موجود وراح احاول اطلعها بأسرع و قت
سجاد،،، لاشلون مااجي ام سيف عزيزه عليه شلون اسمع بوضعها ومااجي هسه حجيت ويا الضابط ووصيته عليها منا لحد منشوفلها حل ونطلعها،، اصلا وضعها هذا على گلبي شلون صارلها اليوم الثاني هنا واني ماادري
سراج،،، سلامت گلبك حبيبي ليضل بالك اني راح اسوي كل شي لازم ومابقيها يوم ثالث هنا
سيلين،،، صاروا يتناقشون اباوع عليهم واحد يكبس والثاني يرفع هذوله شبيهم؟ صح كلامهم بهدوء لكن نضراتهم تختلف يله مومهم المهم يشوفولي حل ويطلعوني
ساره
***
سمعت الصار ويا سيلين وتخبلت عليها مصيبه وحلت عليها خطيه امي من سمعت ضلت تبجي عليها لأن تعرف ماعدها احد يهتم لأمرها
حاولت بكل الطرق اتواصل ويا سجاد ماكدرت لأن ملتحق اريد اروح للمركز اشوفها بس واكفه ومترهم مااكدر ادخل المركز وشيخلصني من عمامي ومؤيد اذا سمعوا داخله مركز من غير شي همه يكرهون سيلين مااعرف ليش وحتى بنات عمي ميحبنها اتصلت على مؤيد وسألته على سجاد جاوبني..
مؤيد،،، شتريدين من سجاد؟
ساره،،، هيج ردت اسأله سؤال
مؤيد،،، مالج غرض بسجاد عندج شي كوليلي اني خطيبج موسجاد
ساره،، شبيك مؤيد قابل شعندي وياسجاد هو ابن عمتي واكيد امون عليه قابل غريب
مؤيد،، احجي شعندج اني اوصله
ساره،،، هيج ردت اسأله بقضيه تخص صديقه ألي
مؤيد،،، واكيد هل صديقه سيلين لأن ماعدنا شغل وعمل غيرها هي ومصايبها يوميه اني ادري شنو شفتي بيها وصادقتيها؟ وحده كافره طالعه عن ملة محمد لاتربيه ولااخلاق ولاعدها اهل يلموها وفوكاها صلفه ورافعه خشمها عالناس بابا عوفيها ولتضلين تباوعين عليها وحده تافهه
ساره،،، على كيفك اخذتني حاصل فاصل هو انتَ شفتهمت وهيج حجيت عليها وبعدين شنو تكول عليها كافره ورافعه خشمها وشنو اباوع عليها؟
نؤيد،،، قصدي لتنغرين بفلوسها وتقلديها ترا فلوسها فلوس حرام والمؤمن يمد رچله على كد غطا وميمد ايده للحرام
ساره،،، ومنو كلك فلوسها حرام ومنو كلك اباوع على فلوسها وشنو هاي نضريتك مال العنده فلوس يعني حرامي وكافر والفقير انسان زين ومؤمن منو كال هل كلام كل انسان واعماله بغض النضر اذا كان غني او فقير وسيلين اعرفها صار عمر بنيه زينه وصايمه ومصليه وتخاف الله وكافله يتامى وتساعد الناس لتغرك المضاهر
مؤيد،،، ختولي وحده ساق*** ماعدها اخلاق واريدج تعوفيها ومتحجين وياها بعد وألا اوصل لخوالي همه يتصرفون هل مره
ساره،،، احنا موسدينه موضوع سيلين هذيج المره اشو هم رجعت فتحته
مؤيد،،، اكرها هل الأنسانه اموت منها
ساره،،، غير اعرف سمسويتلك وهيج تكرها؟ شايف عليها شي لوشنو؟
مؤيد،،،ميحتاج اشوف واضح وضوح الشمس موشريفه البنيه التشتغل وتطب وتطلع موشريفه
ساره،،، روح مؤيد موصوجك صوجي اني اتصلت
نهيت الاتصال واني افور من كلامه
ام ساره،،، شبيج؟
ساره،،، مؤيد بس سمع اسم سيلين ماخلا حجايه ماحجاها عليها لو يعرف وينها هسه يمكن يكلب الدنيا على راسي
ام ساره،،، مؤيد شخص متدين وهادء وزين بس يحكم على البشر من خلال مضاهرهم ويطعن بالشرف بكل سهوله من دون دليل يعني كره سيلين بس لأن مالابسه حجاب ولأن عدها فلوس وتصعد سياره ولأن تطلع وتشتغل زين موخواتك وامك يطلعن يعني موشريفات قابل؟ شنو هل نضريه؟
ساره،،، دائما يحاول يمنعني عنها ودائما يوضحلي لتتأثرين بيها وبفلوسها ليش اني لو أتأثر كان من زمان تأثرت صارلي ٨ سنوات مخطوبه وحتى ذهب مااشترالي بس بطرك الحلقه بيدي لليوم هديه ماجابلي غير الورد ألي يقطفه من حديقتهم ويكلي هاي اثمن هديه لأن الورد يعبر عن الحب صح اني بسيطه واتقبل كل شي منه لأن احبه بس زودها فد مره انغثيت وانقهرت فوك قهرتي على حال سيلين
ام ساره،،،عوفي الله يهدي
ساره،،، ثاني يوم اجاني اتصال طرت من شفت المتصل سجاد بلغني برجوعه للبيت واني كتله على الصار لسيلين كلش ضاج اعرفه يعز سيلين وانقهر عليها من يوم الحادث الصار وياها بسبب ثامر واخته ارتاحيت من كلي راح يطلع بوجهه للمركز يتابع قضيتها طلبت منه ميوصل لمؤيد شي وهو لأن يعرف اخو وتفكيره وافق بسرعه
راح واني ارتاحيت نوعا ما على الأقل نضمن شخص يخصنا واكف وياها لأن مع الاسف ضحى من اتصلت عليها كالتلي اهلها من راحولها وسمعوا بقضيتها قرروا يتبرون منها
شكد اكرهم وهسه صرت اكرهم اضعاف مو بشر حيوانات حتى الحيوان عنده محنه على ضنا ودمه اكثر منهم المشكله الأكبر سمعت من سميه جايه اخت ثامر رايده تاخذ سيف بس سميه مافاتحه الباب والحارس طاردهم وضاله تصيح وتغلط بالباب ومهدده ترفع دعوى وتاخذه بالقانون واذا ماكدرت تنحل قضيه سيلين تكدر تاخذه بكل سهوله يعني مصيبه وكعت عى راس سيلين الدنيا تكفخ بيها من كل جانب هل البنيه
المغرب اتصلت على سجاد بس مع الأسف ماطمني على وضع سيلين قضيتها صعبه وبصعوبه موكفين هل قضيه حتى متصعد محكمه وانصدمت من سمعت سراج هو بنفسه لازم قضيتها
قبل ايام من رحت اشوف سيلين سولفتلي كل السوته بسراج وضليت ألومها بس من شفت وضعها وأذيتها علي أضطريت أسكت لأن ضميرها مستلم المهمه طول الوقت تلوم بنفسها والغريب هسه رغم كل السوته بي ديساعدها مااعرف معقوله يحبها لهل درجه؟
خلصت اتصال انداريت شفت ابن عمي ابراهيم اسمه مهيمن ورايه
مهيمن،،، ها ويامن تسولفين وشعندج تتگرصين؟
ساره،،، اني مااتگرص واكفه بالحديقه عادي ولي احجي ويا سجاد ابن عمتي
مهيمن،،، شعندج ويا مافهمنه انتي مخطوبه أله لو لأخو؟
ساره،،، شبيك مهيمن ليش هيج تعاملني وبعدين عندي موضوع ويا سجاد وسجاد موغريب ابن عمتي
خزرني وفات شكد اكرها هو واخته شهد كل ماشافني لازم يسمعني كلام عايف اخته اربع وعشرين ساعه بيدها الموبايل وكادر بس عليه ولازم اسكت حتى لتصير مشاكل وامي تنغث لأن مريضه
ااااخ يابابا وين رحت وعفتنا جوا ايد هل الناس عمامي زينين ويعاملونه زين بس من واحد يحركهم يكلبون الخلق ويجفصون بس ابن عمي ابراهيم مهيمن واخته شهد يكرهونه ليش مااعرف
دخلت للمشتمل لكيت امي تصلي خلصت وسألتني على سيلين ودمعتها بعينها كلتلهاعلى وضعها وختمت كلامي بكلمة... ادعيلها
سيلين
***
طلع سجادوبقى سراج
سراج،،، المحامي وينه ماشفته؟
سيلين،،، يامحامي؟
سراج،،، هذا الجايبه سردين
سيلين،،، قصدك ألي وكله سردار
سراج،،، النتيجه وحده كله زفر
سيلين،،، ترا متضحك
سراج،،، ومنو كلج جاي اضحكج
سيلين،،، استغفر الله،،، المحامي راح وكتله عوف القضيه،،، زين هسه؟
سراج،،، اصلا وجوده كعدمه لايحل ولايربط وهو وجهه وجه الزوريه مااعرف هل الشكولات مين تعرفيهم وتجيبيهم لحياتج؟
سيلين،،،سكتت مااريد اسوي مشكله رقبتي بيده بعد
سراج،،، شعجب ساكته اعرفج متكدرين؟
سيلين،،، سراج وين تريد توصل؟
سراج،،، صحيح السمعته؟
سيلين،،، شنو سمعت؟
سراج،،، هذا سمچ السردين طلگج
سيلين،،، منووو وصلللك؟ وشبسرعه؟ شنو السالفه ماكو خصوصيه؟ وبعدين شيهمك من الموضوع لو تريد تتشمت؟
سراج،،، ماتشمتت بوجودج بهل مكان بس تريدين الصراحه هل موضوع بي طن شماته بس هم ماراح اتشمت لأن متهميني
سيلين،،، خلص لااهمك ولاتهمني جاي تساعدني وتطلعني وخلف الله عليك وبعدها كلمن يروح بدربه
كاف وكف ودكم ازرار القاط وجاوبني بغموض
سراج،،، موبهل سهوله سيلين،،،، موبهل سهوله صدكيني مشواري وياج طويل
سيلين،،، عافني وطلع وهنا أيقنت سراج ورا سالفه والله اليستر منها
مر باقي اليوم وثاني يوم الصبح اجى سراج بس كان بنفس ملابسه وشكله حتى مانايم
سراج،،، قضيتج صعبه وماراح تطلعين منا بسهوله بس لتخافين اني كدها
سيلين،، استبشرت خير بكلامه وسألته....
_شنو سويت؟
سراج،،، عندي كلام وياج وهل كلام بعدها راح يغير حياتج لو للأسوء لو تشترين نفسج
سيلين،،، احجي العندك اسمعك ولو مبين ورا كلامك ماكو خير
سراج،،، اول شي اريدج تعرفين خطورة وضعج اني للأن موقف قضيتج حتى لتصعد محكمه لأن اذا صعدت تنحكمين وتضيعين ويضيع مستقبلج وميحتاج اكلج لأن تعرفين حتى النقابه تلغي عضويتج وتنسين شي اسمع محاميه ويروح كل تعبج ودراستج والأهم سمعتج السيئه ألي راح تصير على لسان الكل هم محكومه ومسجونه وهم قضية دعا.... ومخدرات يعني هل سمعه راح ترافقج طول العمر
سيلين،،، كل هذا اعرفه اختصر وين تريد توصل
سراج،،، ألي اريد اوصله مولهنا وينتهي كل شي لأن مع الأسف مقدما اهلج أتبروا منج وطلعوج حتى من العائله
سيلين،،،، شنوووو،؟؟!!! لا اكيد انتَ متحجي صدك؟
سراج،،، وليش اچذب بهيج موضوع وانتي اكثر مني تعرفين اهلج،،، زين يامدام تكدرين توضحيلي وين اخوج وأمج للأن صار يومين هنا ليش ماشفناهم؟
سيلين،،، مااعرف،، ماعرف
سراج،،، وهاي عرفتي،،، بأختصار عافوج هنا وحدج مثل ماعافج خطيبج التحفه وعافوج كل الناس وياريت لو لهنا وكافي كل هل خسارات لاشي امام خسارت ابنج
سيلين،،، انتفضت من سمعت بأبني،،،، شبي ابني شصارله؟
سراج،،، اهدي ماصارله شي بس عمته رفعت دعوه تريد تاخذ حضانته وانتي تعرفين بهذا وضعج تاخذه بكل سهوله
سيلين،،، حقيييييييررررره اكبر حقيره استغلت الفرصه
سراج،،، وماراح تكتفي بالحضانه تريد تصير وصيه على املاكه
سيلين،،، لاااا مستحيل كافي لتكمل اسكت لخاطر الله،،، اسكت
سراج،،، ليش اسكت وانتي تعرفين هاي الحقيقه وهذا الراح يصير،،، سيلين يمكن صار الوقت تعترفين الصاير وياج خسرج كل شي
سيلين،،، وهل شي يفرحك اكيد حتى تاخذ انتقامك مني على السويته بيك؟
سراج،،، لتخافين ايامي وياج بعدها مابدت
سيلين،،، شنو قصدك؟ احجيها من الآخر
سراج،،، نتزوج
سيلين،،، شنو؟
سراج،،، واضح كلامي،،، تتزوجيني
سيلين،،، سراج انت واعي فاهم كلامك شنو نتزوج؟
سراج،،، وشنو اليمنع؟
سيلين،،، كل شي يمنع
سراج،،، لاغلطانه ماضل شي يمنع زواجنه اطلعج منا واليوم قبل باچر وماخلي عليج اي شي وكأنما مادخلتي لهل مكان ولامريتي بي واسمج ينذكر بالقضيه بس كشاهده وبس،،، وابنج يضل بحضنج واهلج بنفسي اخليهم يعتذرولج وكل شي ماراح تخسرين
سيلين،،، كول من البدايه راسم هل خطه وسويت كل السويته حتى ترجع أنتقامك
سراج،،، اي وبعد اني خليت سردين يطلكج واهلج يتبرون منج وابنج اسلمه لعمته بعد شكو عندج تهمه تتهميني بيها؟
سيلين،،، مااستبعد كل هذا
سراج،،، اي عفيه شاطره زين لكفتيها لتستبعدين اي شي مني
سيلين،،،يعني صدك انتَ ورا كل شي صار ويايا؟؟!!
سراج اطلع منا ولتشوفني بعد وجهك ولتحلم مجرد حلم فد يوم اصير على اسمك لويربطني بيك شي
سراج،،، نشوف سيلين خانوم ،، نشوف،، اني كلت العندي والباقي يمج واريد اشوف منو يكدر يطلعج منا غيري،،، يله،،، سلام
سيلين،،، عافني وطلع شطت واحتركت وعطبت وشكو مشاعر غضب مريت بيها بهل لحضه
شكد حقير يحجي على سردين يوو سردار وهو بلاغيره الحقير دمرني حتى يستغل وضعي وينفذ ألي براسه
كل عقله اتزوج الموت ابويه ودمر حياتي اموت ومااصير أله واني الحماره صار اسبوعين موتت نفسي بچي عليه وتمرضت على مرضه
كل شي سوا حتى يرجعلي الانتقام بس انتقامه وسخ بوساخه گلبه ألي ميعرف الحب كل همه يمتلكني لأن شخص متملك ومتسلط وطاغيه
دقائق بعد طلعته من يمي اجوي اخذوني للتوقيف عرفت شال ايده وبدى الضغط عليه
ضليت اليوم كله بالتوقيف وعاملوني حالي حال كل سجينه الأحترام كله راح
نزلت دموعي مستصعبه الحال الوصلتله وأني الملامه الوحيده على الصار كان المفروض أفهم طريق الأنتقام نهايتة دمار للكل
يوم كامل مااجى اي شخص عليه الكل عافني مركونه بأحد زوايا سجن وويا مجرمات واشكال مقرفه
جابولنا اكل مينأكل لعبت نفسي منه موهذا مكاني ولالبسي ولااكلي والأهم مااعرف شنو مصير ابني أذا أنحكمت
بيومها حتى نوم مانمت كل ماتغفى عيني افز من احس احد يتلمس جسمي افز مرعوبه عشت ضغط نفسي مااتمنى حتى لأعدائي كلشي توقعت من سراج بس ماتوقعته يطلع بهل نذاله بوقتها حقدت على سراج حقد بس الله يعلم بي وحقدت على اهلي ألي كل مره يبيعوني ويخذلوني بيها وهنا ايقنت لاجاه ولامال ولا اي شي بهل حياة يفيد من بعد السند والعزوه لأن لوعندي اهل واكفين ويايا ماعشت كل العشته الانسان الماعنده سند بهل حياة ميسوى شي
وافقت على سردار وتوقعت هو راح يكون سندي طلع وهم وهمت نفسي بي ورجعت لنقطة الصفر مثل كل مره
غفيت الفجر وأتمنيت ميصبح عليه صبح واموت واخلص من كل شي لكن ماصار هل شي زارني والدي بالمنام ودموعه بعينه وماكلي غير كلمة.... وافقي بنتي هذا طريق خلاصج ..... عافني وراح واني اصيح ورا فزيت وشفت نفسي بنفس المكان دموعي بعيني مسحتها
وهنا تأكدت ماعندي اي حل ضاقت بيَ الدنيا والكل عافني وماألي طريق غير الزواج من سراج لفت الدنيا بيَ ورجعتني علي،، على الشخص
السبب بدمار حياتي كلها وقدري الاسود
قررت اوافق واول مااطلع منا اخذ ابني واسافر واعوف العراق وألي بي ومااخلي اي شخص يعرف مكاني
اول شي سويته طلبت منهم اتصل على سراج والغريب بعد نص ساعه وقبل لااتصل بي اجوي اخذوني لغرفة الضابط دخلت وشفت سراج منتضرني
أباوع علي كاشخ وبعيونه نضرات الأنتصار بلحضتها أتمنيت اموته بأيدي ماتصورت راح يجي اليوم ألي اكره بي اكثر شخص حبيته بحياتي
صرت اكره اكثر عيون اعشقها كانت نضرت عيونه عشقي حتى واني بعز تخطيطي للانتقام منه كنت اسرح بعيونه
هنا ادركت من تكره شخص سبحان الله حتى شكله تصير تشوفه بشع
سراج،،، ها ست سيلين مطوله بصفنتج هيح اني حلو؟
سيلين،،، انت بنضري ابشع بشر شافته عيني واحقر خلق الله
تحولت نضراته الى الغضب اجا باتجاهي ومسك ايدي ولواها بحقد وبفحيج جاوبني
سراج،،، اذا عبالح بهذا كلامج تخليني اتراجع فأنتي غلطانه لأن هذا كلامج خلاني اصر اتزوجج مولأن ميت عليج لا غلطانه حتى اعيد تربيتج واشوفج بشاعة گلبي وسواده عليج واشوفج شنو معنى الحقاره التحجين بيها واطلع كل السويتي بيَ من عيونج،،، لتخافين هاي مو اسوء ايامج وأنما احسنها
سيلين،،، واني ماخايفه منك شتريد تسوي سوي
سراج،،، هسه شتريدين مني كالو تريدين تتصلين بيَ؟
سيلين،،، والواضح انت حاسب حسابك وواثق من نفسك الى درجة اختصرت كل شي وأجيت بهل سرعه؟
سراج،،، اي اشتاقيتلج وأجيت اشوفج
سيلين،،، حجاها مستهزء،،، جاوبته..
ما ميته على شوفتك ولاانتَ ميت عليه انهي هل مهزله وفضني
سراج،،، كتلج شنو المقابل الموضوع بأيدج
سيلين،،، شلون ألك نفس تاخذه وحده تكرهك ومتطيقك؟
سراج،،، شي يخصني انتي شعليج كتلج ماميت عليج شي براسي واريد اسوي
سيلين،،، باجر شتكول لربك بعد كل السويته بيَ
قبل وهسه؟
سراج،،، اني وربي معليج حيري بروحج هسه اوراقج راح تتحول وتضيعين وانتي بعدج تسولفين فضيني شقررتي؟
سيلين،،،، موافقه،،،، ابتسم ومشى وقبل ليطلع كال
سراج،،، هو هذا الصح عفيه عليج زين تعرفين مصلحتج
سيلين،،، طلع وفعلا ماطولت اخذوا افادتي من جديد بس هل مره كشاهده سراج خلاني اغير كل اقوالي والاشخاص ألي شهدوا ضدي هسه شهدوا اني ماألي دخل بأي شي شايفين الشعره من العجينه من تطلع هو هذا الصار بعد ماغركت بالمستنقع هسه طلعت بهل سهوله
طلعنا من المركز شفت سجاد تحمدلي بالسلامه وتشكر من سراج هههه عباله مسويلي فضل ميدري هو راس البلا
صعدت بسيارت سراج وصلني لبيتي مامصدكه نفسي واني اشوف الشارع مال بيتنا تصورت خلص بعد مااشوف حريتي استقبلني الحارس تحمدلي بالسلامه انفتحت الباب الرئيسيه وشفت ابني وسميه وساره وخاله ام ساره كانو منتضريني بالگراج
نزلت ركضلي ابني ودموعه بعينه حضنته ابوس بي مامصدكه رجعت اشوفه روحي مفرفحه علي وهو نفس الشي سميه تبچي وساره وخاله حضنوني كلهم هنا ادركت ماألي اهل غير هل الاشخاص
دخلنه للبيت وسيف ميرضى يفارقني حبيبي خايف اعوفه
اول شي سويت دخلت الحمام أخذت شور ولبست ملابسي ورتبت شكلي حتى اخفي علامات الأرهاق طلعت لكيت سراج بعده مارايح طلع موصي على غدا وماخذ راحته بالبيت سكتت لأن الكل موجودين وصل الغدا تغدينه وبعد الغدا بكل صلافه تكلم سراج
سراج،،، حجيه بما انو انتي موجوده واعرف سيلين تعتبرج بمقام امها لهذا انتي احق وحده اطلب منها طلبي
ام ساره،،، تفضل يمه اسمعك اليوم شتريد اطلب انتَ الطلعتلي بنيتي وساعدتها وماانسالك فضلك شتريد ائمرني
سراح،،، استغفر الله هذا واجبي ومايأمر عليج ضالم،،، عندي طلب مو امر،،،،احم،،، اني وعلى سنة الله ورسوله اطلب ايد سيلين من حضرتج
ساره،،، شنوووو؟!
سيلين،،، ماتصورت صلافته توصل لهنا حتى خاله مصدومه كملها من كال
سراج،،، سيف حبيبي انت رجال هل بيت موصح؟
سيف،،، اي عمو انتَ موعلمتني هل شي
سراج،،، وانت سبع وتعلمت بسرعه ولأن انتَ زلمة معدل اني اريد اطلب منك ايد امك
سيف،،، شتسوي بأيدها؟
سراج، هههه،،، حقك انت شعرفك بهل سوالف اقصد اريد اتزوجك امك،،، انت َموافق؟
سيلين،،، استاذ سراج مووقت هل كلام وخصوصا ويا سيف لتنسى الي مات ابو واكيد ماراح يتقبل شخص يكون بمكانه بهل سهوله
سيف،،، عمو اني موافق تتزوج امي
سيلين،،، شنووو؟!! شبيك ماما افهم شدتحجي انتَ؟
سيف،،، اني رجال وافهم عمو يريد يتزوجج وهل شي حلال وعادي اني موافق شكو بيها عمو سراج حباب واني احبه اكثر من هذاك ماادري شسمه واحد غثيث
سراج،،، قصدك سردين اي بابا وداعتك بس اسمه وحده كافي حتى تشتم الزفره بعد كيلو متر كامل
سيلين،،، هنا عرفت أبني سراج غاسل دماغه وملقنه كل هل كلام جاوبت..
_ شنو هل كلام ماما عفتك ثلاث ايام رجعت هذا كلامك؟
سراح،، وهذا الأقصده لو عايفته يم عمته شلون تربي؟
سيلين،،، اعرف على شنو يلمح خزرته وهو ابتسم اندار على خاله ورجع كرر سؤاله عليها
ام ساره،،، والله يمه القرار بيد سيلين اذا موافقه عليه اباركلكم واذا رافضه فكل شي قسمه بعد
سرراج،،، اي ست سيلين شتكولين؟
سيلين،،، اني حاليا تعبانه اجل هل شي خلي ارتاح انطيني كم يوم واجاوبك
سراج،،، ماكو وقت
سيلين،،، ترا هذا زواج مولعبه خلي افكر استااااذ
سراح،،، ست سيلين ممكن نحجي على انفراد دقيقه
سيلين،،،، رحنه لصالة الضيوف اندار عليه بغضب
سراج،،، اذا عبالج طلعتي وخلصتي وكلتي ألغي الموضوع ،، لا غلطانه موسراج الينضحك علي وروح ابويه هسه ارجع للمكان الطلعتج منه وهل مره لومو تتوسلسن لا لو تموتين مااطلعج
سيلين،،، روح شتسوي سوي كتلك انطيني وقت افكر ماطلبت شي
سراج،،، اني موزوج وارجع اصدك بيج،، افلامج بعد متمشي عليه هسه تطلعين كدامهم تكولين موافقه والشيخ ينتضر اليوم نعقد
سيلين،،، انتَ شتكول؟ طبعا لا ،،، شنو بهل سرعه
سراج،،، تنفذين لا وحق من انزل القرآن اليوم اعقد عليح واخذج لبيتي
سيلين،،، انت كل عقلك ومنو كلك موافقه اروح وياك لأي مكان اصحى،، اني مااعوف هذا بيتي عاجبك عاجبك معاجبك شتسوي سوي
سراج،،، عوفي هل كلام هسه بعدين نتناقش بي خلي نعقد بالاول
سيلين،، كتلك اجلها تعبانه افهم يابشر تعبانه
سراج،،، وراح تتعبين اضعاف اذا رفضتي كلامي
سيلين،،، واني ماموافقه وروح بلط البحر وشتسوي سوي مااتزوج منك
خزرني وهز راسه متحلف رفع الموبايل واتصل وصدمني
سراج،،، حضرت الضابط الآفاده القدمناها لترفعها انتضر لأن استجدت اشياء جديده بالقضيه
سيلين،،، كمل كلامه ونهى الاتصال باوع عليه
سراج،،، تعرفين شنو الراح يصير راح ارجع افتح القضيه وكل الشهدو وياج راح ارجعهم ضدج واني بنفسي اسعى بسجنج واضمنلج حكم معدل بالسجن وازيدج من الشعر بيت اتوكل عن عمت سيف وامسك القضيه وبأيدي انطيها ابنج يصير بحضانتها وتحت وصايتها وداعت بناتي اخليج تحلمين تشوفي طول عمرج
سيلين،،، نار بداخلي لو اطلعها تحرك العالم كله لكن ماردت اطلعها واشوفه مدى ضعفي بهل لحضه اكتفيت بكلمة
_حسبي الله ونعم الوكيل عسا كل الدتسوي بيَ يطلع بيك وبعزاز گلبك راح نعقد صح بس لتحلم فد يوم تنولني راح اخليك تشوفني ومتملكني واضل حسره بگلبك طول العمر انتَ بهذا تصرفك تتصور دتتنتقم مني لكن بالسويته راح تدخل النار لحياتك وهل النار راح تحركك انتَ وكل شخص يخصك واذكرك بهل يوم راح يحترگ گلبك واكون اني السبب راح ينكسر گلبك ويتحطم ويتحول لرماد واوكف اتفرج عليك وابتسم منتصره
سراج،،، لتخافين مابقى شي بگلبي حتى تكسري ماقصرتي
سيلين،،، نفذت كلامه وجاب الشيخ وعقدنا سبحان الله للمره الثالثه اعقد على شخص واني رافضه وبداخلي خوف ورفض وهل مره داخلي بركان يغلي ومااعرف شوكت ينفجر
بمجرد نطقت الموافقه ابتسم سراج اباوع علي هذا مصدك روحه عريس لو شنو بالضبط؟ لو مبتسم لأن انتصر عليه؟ بعدها هوَ انطا موافقته وقعنه ثنينه وصرت زوجة سراج
طلع سراج فرحان وقبل ليطلع كلي...
سراج،،، لتحاولين تسوين شي لأن حراسي برا اي حركه منچ يوصلوها ألي،،، واني اريد حجه عليچ من اتصل ردي،،، تمام
سيلين،،، ماعندي موبايل اختفى بيوم ألقوا القبض علينه بهذاك البيت
سراج،،، هسه اشتريلج
سيلين،،، ماكو داعي هسه اطلع اشتري
سراج،،، ماكو طلعه منا لحد منتزوج
سيلين،،، شنوو هل كلام؟؟ كل عقلك انحبس بالبيت لوتموت ماانفذ
سراج،،، راح اعيش وراح تنفذين غصب عنج
سيلين،،، راح ورجع ورا نص ساعه شايل علبه بيها جهاز اخر اصدار جديد سلمه بيدي وجر وجهي وباس خدي وكال
سراج،،، باي،،، يامرتي الحلوه
سيلين،،،، ابتسم وطلع اول ماطلع اجت ساره
ساره،،، اني بحلم لو علم شنو ديصير؟
سيلين،،، اسكتي ساره وخليني بضيمي
ساره،،، يعني اكو ضيم بالموضوع؟
سيلين،،، شلون يصير بعد الضيم احمر،، اخضر اتزوجت قاتل ابويه وعدوي وسبب دماري
ساره،،، شنو صار فهميني؟
سيلين،،، خلي استوعب الصار ويايا خلال هل ايام واحجيلج كل شي حاليا راسي راح ينفجر ومحتاجه انام قبل لايغمى عليه
ساره،،، وروح ابويه ماعوفج أحجيلي مختصر وبعدين غير مره إحجي التفاصيل اموت اذا مااعرف
ساره
**
رجعنا للبيت بعد ماعرفت مختصر مفيد من الصار وياسيلين شكد حقير طلع سراج ألي يشوفه يكول شلون رَجُل شخصيه وكارزما ووسامه ألي يشوفه يكول رئيس دوله موشيخ من كثر الهاله ألي تحيط بي من كمية الفخامه والكارزما لكن مع الأسف طلع إكبر حقير دمرها قبل ومستمر بأذيته وياها
للأن
رجعت دخلنا للبيت صار مهيمن بوجهنا سلم وباوعلي صفح ومشى فريت ايدي هاي شبي هذا الثاني فتحنا باب المشتمل ودخلنا سديت الباب بقوه من ضوجتي
ام ساره،،، شبيج يمه اكو واحد هيج يسد الباب؟
سياره،، شفتي شلون يباوعلي هل النكره مهيمن
ام ساره،، امي هي مومال مشاكل خلينا كاعدين على حب الله والله ساتر علينا
ساره،، ليش تحسسيني مسوين علينه فضل ولازم نتحملهم ترا هذا بيت جدي موبيتهم بيت شكبره شكده ماخذي كله عمامي وولدهم وبناتهم واحنا انطونا الأستقبال قسمنا بالنص وصار غرفه وصاله صغار وبنينه بالحديقه مطبخ وحمام صغار وربطناهن صار مشتمل عبالك گم مال دجاج وألهم البيت كله لاوفوكاها حكموا علينا يبقى الباب واحد ومنعزل الباب الرئيسي حتى والله شنو عينهم علينه لأن نسوان وحدكم وهاي النتيجه نطب ونطلع نشوف خلقهم الزفره
ام ساره،،، يمه شبيج احمدي الله كاعدين وعين الله علينا تحرسنا احسن من الأيجار عايشين براتب ابوج وبيت يأوينا والله ساتر علينا لتضلين تدوين مشاكل
ساره،،، ماما هو اني مدوره مشاكل؟ متشوفين تصرفات مهيمن وشهد وعمو ابراهيم ويايا تكول كاتله ابوهم لو بايكه فلوسهم
ام ساره،،، تحملي يابنتي هي فتره وتتزوجين وتروحين منا وتصيرين خطار
ساره،،، واعوفج بنصهم؟
ام ساره،، هاي سنت الحياة وبعدين شعندي قابل اني قريبه على نسوان عمامج يحبني واحبهم ومرتاحه شعندي قابل
ساره،،، ماما هو الغلط من البدايه جيتنا هنا
ام ساره،،، وين نروح لعد؟ ابوج مات بعد ماخسر كل املاكه وأفلس واني اهلي متبرين مني خلف الله على الدوله ألي اعتبرته شهيد ومشت راتبه نستفاد منه وعمامج وجدج الله يرحمه قبل ليموت بنالنه هل مكان وكعدنا بي
وبعدين احنا نفرين ياامي نكعد ونسكت لتباوعين فوك رگبتج تنكسر امي الفلوس موكل شي هاي سيلين المسكينه شوفي حالها شسوتلها الفلوس وهاي احنا موچنا عدنا فلوس شستفادينا منها اهم شي الستر وراحة البال
ساره،،، شنو السالفه انتي ومؤيد وعمتي دائما تلمحولي اني اباوع فوك وادور فلوس،،، شوكت مسويه هل شي؟ يايوم طلبت منكم شي؟
كاعده وساكته و خطيبي اليحجي عليه وهو لليوم مااجاني وجايب بيده لو اي شي ومن احجي اطلع طماعه وادور عالي
ام ساره،،، ماعنده
ساره،،، ماما ترا الهدية موبقيمتها الماديه ماكو واحد ماعنده لو ٥ الاف دينار يجيب بيها اكسسوارات لو شال لو حتى تراك او حتى عطر ولو صدك ماعنده مو يشمر بالفلوس لعمتي وبناتها ولو ماعنده ميروح يشتري سياره هو موماعنده بس يستكثر عليه يجيبلي شي
ام ساره،،، ليش ماما قصرت وياج اني؟ كل شي تحتاجي موفرته ألج الراتب مكفينه والحمد الله
ساره،،، موهذا قصدي ماما افهميني الحمد الله اني مامحتاجه شي بس حتى الغني يحب الهديه موحاجه لكن تحسين بفرحه وتحسين بأهتمام الشخص الكدامج
ام ساره،،، يمه مؤيد خوش ولد ويحبج ومتدين ومتأكده راح يخاف الله بيج الفلوس موكل شي وعمتج تكول يشتغل ويلم حتى تتزوجون فأكيد كل فلس يفيده،،، هسه تحملي بنتي والله يفرجها
ساره،،، هيَ عمتي راس البلا محملتني مانيه ابنها خاطبني ويشتغل حتى يكون نفسه ويتزوج وكل متشوفني تسمعني كلام وتتغزل بشهد كدامي وتكلها ابني اعمى ماشافج شنسوي كل شي نصيب
ام ساره،، هذا حجي لسان ومجاملات لااكثر بالحقيقه تحبج ألج تذكرين من اجت خطبتج من ابوج الله يرحمه كتلو روحهم عليج حتى توافقين لو تريد شهد من البدايه تخطبها اتعوذي من الشيطان ياامي وبطلي افكارج هاي
ساره،،، شنو سالفتج هل المره أشو تدافعين عنهم انتي موكل مره تحجين عليه لأن خاضعه شنو تغير؟
ام ساره،،، من شفت وضع سيلين عرفت المره أذا ماعدها شخص يسندها يضيع ومؤيد رغم عيوبه بس اعرف هو السند الراح يوكف وياج بكل الضروف ومينطي بيج
ساره،،،ان شاء الله
دخلت غيرت ملابسي واني افكر بكلام امي صح قبل من خطبوني كل شي سووا حتى نوافق اني وبابا بس من مات بابا تغيرت معاملتها عمتي ويايا صرت دائما احس متريدني وتحرك مؤيد عليه معقوله يطلع كلام سيلين صح وتطلع عمتي كانت طمعانه بمال ابويه ومن خسر ومات بطلت تريدني؟
طلعت توضيت وصليت سمعت صوت الباب امي فتحته سمعت صوت مؤيد خلصت ولميت السجاده طلعت سلمت رد عليه وانطاني كيس
ساره،،، هذا شنو؟
مؤيد،،، افتحي وتعرفين،،، هاي هديه
ساره،،، امي باوعتلي وابتسمت اني بداخلي طرت مو لان محتاجه شي مادي بس محتاجه يبينلي اهتمامه بيَ فتحتها بلهفه وانصدمت وتحولت لهفتي سألته... شنو هذا؟
مؤيد،،، مثل متشوفين عبايه
ساره،،، مافهمت؟
مؤيد،،، واضح شنو،،، اريدج تلبسيها
ساره،،، ليش شبي لبسي؟ اني كلش ملتزمه بحجابي وملابسي كلش مستوره وفضفاضه واكثر لبسي بشت عريض فوك ملابسي وبنطلون ماالبس نهائيا وحتى مكياج مااخلي نهائيا شنو الداعي ألها
مؤيد،،، ستر المراه وعفتها بالعبا
ساره،،، وشنو المتلبس عبا مامستوره ولاعفيفه؟ شنو هل نضريه؟ لبس العبا موفرض وأنما خيار المرآه تختاره وموغلط هل شي بالعكس اذا حابه هل شي ويوالمها تلبسها شكو بيها لكن اني مااشوف نفسي محتاجه ألبسها وملابسي كلش مناسبه
مؤيد،،، واني اريدج تلبسيها والمفروض تنفذين كلامي من دون نقاش لأن راح تصيرين زوجتي واريدلج الأحسن لأن انتِ ناقصة عقل ودين
ساره،،، انتو ليش تفسرون الدين على مزاجكم ليش تاخذون ألي يفيدكم وتحرفون الحقيقه المرآه ناقصة دين مولأن متعرف بالدين لا لأن تحيض وتمر بفترة نفاس بعد الولاده لهذا متكدر تصلي او تصوم طوال الشهر حالها حال الرجل والمرآه ناقصة عقل مولأن ماعدها عقل ولكن تمر بفترة هرمونات تغير مزاجها وهل شي يخليها تتصرف تصرفات بدون وعي لأن هرموناتها تتحكم بيها يعني اني اعرف اميز الصح من الغلط مثل مااني اعرف ديني امرني بالحجاب والستر واخفاء مفاتني وهذا كله اني مسويته فبعد ماكو داعي للعبايه
مؤيد،،، لاغلطانه انتي متعرفين الدين وكل كلامج فلسفه لااكثر الدين امرنا انو المرآه تلبس عبايه وحتى خمار
ساره،،، وليش علماء الدين اكثرهم كالو هل شي موفرض وأنما محبب؟
مؤيد،،، انتي كلتيها شي محبب وصحيح واني اريده نفذي واسكتي
ساره،،، واذا هو شي صح ليش عمتي وخواتك ميلبسون وخواتك حتى حجاب ماملتزمات يلبسنه بس بالشارع ويحطنه هيج اصلا اسقاط فرض
مؤيد،، ديربالج تجيبين اسم امي وخواتي على لسانح هل مره حجيتي بيهم مرت الثانيه تصير موزينه،،، انتي مرتي موهنَ،،،و من يتزوجن ازواجهن همَ ألي يلبسوهم مواني،،،، انتي التحت مسؤوليتي واني ائمرج تلبسين عبا لبسيها وسكتي اني استاذ ادرس دين والكل يعرفني اكيد مااسمح لأحد يكول متدين ومرته سافره ومومحتشمه
امساره،،، صار ساعه ساكته واكول مااتدخل بس لهنا وحدك شوكت شفت بنتي سافره ومومحتشمه.؟؟
قبل لتخطبها هي لبست الحجاب ومن طفله وهيَ تصوم وتصلي وتقرا قرآن متترك اي فرض والكل يشهد بأخلاقها واحتشامها مو هسه انت جاي بعد كل هذا تعلمها الدين
مؤيد،،، رجائا عمه لتدخلين الموضوع انتي هذا متعرفي بالنهايه انتي مره مسيحيه شعرفح وشفهمج بالاسلام
ام ساره،،، خلف الله عليك من سويتي ماافهم
ساره،،، مؤيد شنو هل كلام وبعدين شنو تكلها انتي مره مسيحيه؟
امي صارلها اكثر من ٣٠ سنه من أسلمت وألتزمت بدين الأسلام وعافت دينها واهلها وتزوجت بابا بأي حق انتَ هسه تكوللها انتي مسيحيه ومومسلمه وبعدين حتى المسيح اصحاب كتاب ويعبدون الله يعني امي حتى قبل ماكانت كافره
مؤيد،،، اخذتني حاصل فاصل عمي اني اعتذر بس موضوع لبس العبايه مابي نقاش تلبسيها
ساره،،، اعذرني بالدين ماكو شي اسمه مفروض ألبس عبايه
مؤيد،،، ها هيج صار الحجي؟ يصير خير ساره بالمناسبه قبل لااطلع اني اجيت ابلغج بعد أسبوعين تقريبا راح اسافر
ام ساره،، خير ان شاء الله،،، وين؟
مؤيد،،، راح اسافر حتى ادرس
ام ساره،،، ابني هي وقت دراسه هسه انتَ مواخذت البكلوريوس وكلت ارتب وضعي وألم لم نفسي حتى تتزوج مين طلعت سالفة الدراسه؟
مؤيد،،، مستقبلي ودراستي اهم من الزواج هسه وساره موجوده قابل طايره ادرس ومن نرجع نتزوج
ساره،،، دراستك اهم ومستقبلك اهم زين واني شنو موقعي من الأعراب بحياتك؟
مؤيد،،، انتي حبيبتي وخطيبتي وزوجتي المستقبليه بعد اكو شي اهم بعد
ساره،،، لومهمه عندك متعوفني ٨ سنين معلگه لامخطوبه ولا مامخطوبه لو اهمك موتفرض عليه انتَ واهلك اترك الدراسه وماادخل كليه وتخلون بابا يبطلني وانتَ كل يوم تدرس شكل وهم سكتت وكلت مومهم الدراسه المهم مؤيد ومع الأسف مؤيد حاير بكل شي واني اخر همه
مؤيد،،، تدورين كليات ساره خاتون هو شكو بيها الكليات غير الساق*طات والكح
ساره،،، اذا هيج الكليات شلون لعد خال خواتك يداومن بيهن؟
مؤيد،،، كاتلاتج خواتي ديربالج تقارنين نفسج بيهن شيسون يسون معليج بيهن عليج بنفسج
ساره،،، ترا الدسوي بيَ الله ميرضى الحرام والحلال يمشي بس عليه
مؤيد،،، هذا موال جديد مو اني اعرف مشيج ويا هاي الساق**طه ام الزلم والسيارات شنو نتيجتها طلعت عينج وخلتج تباوعين فوك بس ديربالج لتنكسر رگبتج
ام ساره،،، شنو سالفتك ويا هل البنيه تكوم وتكعد تحجي عليها هي شعليها البيها كافيها
ساره،،، رجائا بعد لتجيب اسم سيلين ولتطعنها بشرفها
مؤيد،،، لترفعين صوتج عليه،،، لتنسين نفسج انتي مره واني رجال وصوتج عوره
ساره،،، انت.....
ام ساره،،، اسكتي انتي اريد اني احجي
اكلج يمه اني يجوز ماچنت مسلمه بس من دخلت الاسلام الله يرحمه خالك مادخلني بالأجبار ولاحتى طلب مني اسلم جنا متفقين نتزوج وكل واحد على دينه لكن دخلت برضايه وبكامل قناعتني وللان اترحمله وبميزان حسناته
دخلت لأن خالك ومن اول يوم بدا يحجيلي عن دينه اني عرفت الأسلام ودخلت بي لأن حبيته وشفت بي دين الانسانيه والرحمه والتسامح والحب الدين ألي قدر المرآه ورفع شأنها وخلالها قيمه بالمجتمع
تزوجته وعشت ويا وشفت معنى كلامه وصدك شفت شنو معنى اتزوجت رجل مسلم،،، حبني واحترمني وراعا الله بيَ سوا كل شي حتى يسعدني ويوصلي الدين الاسلامي خلاني افتخر بنفسي لأن صرت مسلمه وعشت ثلاثين سنه واني مسلمه مو انتَ جاي هسه كل عمرك ٢٨ تهيني بنص بيتي وترفع صوتك على بنتي
مؤيد،،، اني ماجاي اهينكم جاي افهمكم الحرام مااريد الله يعاقبكم على الغلط الدين مابي مجامله الله شديد العقاب
ام ساره،،، ليش تتخيل بس انت تعرف الحلال والحرام وليش دائما انتو ألي تتعمقون وتدرسون الدين وحتى علماء الدين تضلون تخوفون الناس من الدين ترهبون الاشخاص وتوصلون فكرت الدين مابي بس الحرام وبس لازم نخاف من الله كل شي حرام وكل شي عقاب اكو واحد بيكم اجى بأسلوب حلو فهم الناس ترا الاسلام دين محبه وتسامح ودين رحمه مثل ماالله سبحانه وتعالى شديد العقاب على الكافر فهو غفور رحيم على المؤمن يحب عباده اني موضد طلبك بس ضد اسلوبك بالطلب اطلب بأحترام مو بأمر اذا وافقت فخير على خير واذا رفضت فلا اكراه بالدين وخصوصا هي ملتزمه بكل شي يخص الدين
مؤيد،،، عمه اني وخطيبتي وخوالي اكيد يوافقوني الرآي لأن ماسويت ولاكلت شي غلط
ام ساره،،، خوالك رأيهم يجي بعد رأيي وراي ساره وهذا موضوع خاص ماألك حق تدخلهم بي واذا عاجبهم كلامك خلي بالبدايه يطبقوا على زوجاتهم وبناتهم لتطبقون الدين على مزاجكم ويمشي على ناس وناس
مؤيد،،، اذا انتي هذا كلامج بعد مااعتب على ساره من اشوفها متغيره
ساره،،، اني ماتغيرت بس متلاحظ صايره ضغوطاتك هواي عليه
مؤيد،،، طبيعي الرجال قوامون على النساء
ساره،،، نسيت تكول بمايرضي الله
صار ثمان سنوات خطيبتك ماقدمت اي شي ألي غير بس الأوامر حتى مشاعرك تقطرها عليه بالقطاره وكأنما اشحت منك،،، شوف نفسك وراجع تصرفاتك وبعدين شوف ليش متغيره عليك احبك اي بس مومعناها اصير عبده ألك حرمتني من ابسط حقوقي الدراسه وانتَ تعرف الدين اول شي امرنا بالعلم حابسني بالبيت ومتريد اروح لأي مكان وحتى صديقتي الوحيده تريدني اعوفها لأن ماعاجبتك وتتهمها بشرفها وتعرف هذا قذف محصنات وحرام بالدين لو الدين تاخذ منه اليعجبك وتعوف الميعجبك راجع نفسك انتَ بالأول
مؤيد،،، ها هيج صار الحجي صرتي تدورين بيَ عيوب لازم شايفتلج شوفه خاتون؟
ام ساره،،، اكل خر** وسد حلكك لهنا وكافي كل شي اسمح بي بس لتتوقع اسكتلك وانت تطعن بشرفها بنتي اشرف من الشرف
مؤيد،،، الحجي مووياكم تبقن نسوان وناقصات عقل الحجي وياخوالي هم َيحلوها
ساره،،، طلع ورا ربع ساعه رجع هو وعمامي ثنينهم دخلو الوجوه مكلبه
ابراهيم،،، أنتي بأي حق تكولين علينه ماألنه حق ندخل بيكم وماألنه رأي ولاسلطه عليكم؟
ام ساره،،، منو كال اني هيج كلت؟
ابراهيم،،، يعني شنو چذب هل كلام؟
ام ساره،،، اكيد چذب
مؤيد،،، عمه انتي موكلتي خوالك ماألهم سلطه وكلمتي وكلمة ساره تمشي
امساره،،، چان استحيت من تروح تحور الكلام امدى الشوارب
ابراهيم،، ثمني كلامج ماألج حق تحجين على مؤيد وتجاوزين علي
ام ساره،،، بس أله حق يحور الكلام ويحرگم علينه وجايبكم وجاي وانتو مصدكي
محسن،،، عوفكم من هل كلام موهذا موضوعنا
ام ساره،،، لا هذا صار الموضوع اذا هسه خطوبه يكذب ويحور كلامي ويشيشكم عليه وعلى بنتي ورا الزواج شيسوي؟ لو ابوها عايش چان سوا هل شي؟
ابراهيم،،، ليش مو هو ابوها وافق عليه وحتى وافق تبطل من المدرسه لوهسه بعد ماكو فوك راسكم تصيرن تسرحن وتمرحن بكيفجن
ام ساره،،، من تشوفني مسويه غلط لودايحه اني وبناتي تعال احجي هل حجي عيب هل كلام فد يوم اجيت كلتلكم ليش بناتكم تطب وتطلع على راحتهن وبناتي محبوسات؟ بحياتي ماتدخلت بأحد
ابراهيم،،، احنا مسؤولين عليكم وواجب احترامكم ألنه
ام ساره،،، وأحنا ماقللنه احترام
ابراهيم،،، ومن يجي خطيبها بكل احترام يطلب منها تلبس عبايه وهي ترفض وانتي تتجاوزين علي هاي قلة احترام لواني غلطان؟
ام ساره،،، هو طلب وهي رفضت وانتهى الموضوع
ابراهيم،،، لاماانتهى خطيبها ولازم تنفذ كلامه
ام ساره،،، بنتي يمي بعدها وكلامه يريد يمشي عليها وعليه لعد بعد الزواج شيسوي اذا عاجبته وحده تلبس عبايه وخمار يروح يشوف غير بنتي كافي كل يوم جاينه بسالفه البنيه راح تطك من الضغط
مؤيد،، ها خوالي هاي كدامكم صار الكلام موأكلكم عدهن شوفه جديده
ام ساره،،، اتقي الله يامؤمن يامتدين شخليت للساق**طين وانتَ ألي تخاف الله انت وتمشي تطعن بالشرف هو هذا الأيمان والتقوى التعرفها؟
ابراهيم،،، فضا للنقاش خلي تلبس العبايه وتنچب وتسكت شكو بيها رچلها ويريدلها الستر
ام ساره،،، اي شكو بيها وانتو هم لبسوا بناتكم وهو يلبس خواته موالكل كادر بس على بناتي لأن يتيمات
ابراهيم،،، ها هيج صار الحجي وحده بوحده؟
محسن،، خويه مو هيج الحجي
ام ساره،،، ليش الستر حلو ويمشي على الكل شكو بيها
ساره،،، عمامي زعلو وطلعوا ومؤيد هم ضاج
ام ساره،،، ابني اذا تشوف بنتي موشريفه ومتناسبك شوف غيرها
مؤيد،،، بس اني رايد ساره ولأن اخاف عليها اريدلها الستر
ام ساره،،، انتَ اليوم بتصرفاتك هاي خليتني اعيد النضر بزواجكم لأن واضح انتَ ماراح تكدر تحميها ولاتصيرلها السند مثل ماتوقعت منك
مؤيد،،، اني مااعوف ساره راح اروح هسه وبعدين نتناقش بهل موضوع عندي هسه تحضيرات سفر
ساره،،، ليش شكد وترجع؟
مؤيد،،، سالفتي مطوله
ساره،،، وتعوفني كل هل فتره؟
مؤيد،،، شسوي لعد هذا مستقبلي
ساره،،، وبرأيك هذا وضع؟
مؤيد،،، شتريديني اسوي؟
ام ساره،،، ابني انتَ من الأخير تريد تزوج لو نكضيها خطوبه وأوامر
مؤيد،،، عمه ليش احسج متحامله عليه وانتي تعرفين كلش زين شكد احبها لساره بس ضرفي للان ميسمح اتزوج
ساره،،، عوفي ماما على راحته
مؤيد،،، اي هذا الكلام الزين المرآه الصالحه وضيفتها تكول للرجل حاضر ونعم حتى الله يرضى عليها
ساره،،، وكف باس راس امي ورجع باس راسي ودعنا وراح گلبي محترك من تصرفه من قهري اتصلت بسيلين سولفتلها الصار واختصرت جوابها ب...
سيلين،،، طبج مرض
ساره،،، ولج ليش؟
سيلين،،، صار ساعه تسولفيلي گلبي راح ينفجر وساكته ولج شجابرج على هيج واحد طايح حظ لافايده ولانفع ولتكولين احبه حتى مااجفص بطنج
ساره،، احبه اي بس صدك صرت اضوج من تصرفاته
سيلين،،، كلللللللوولوووووش واخيرا حسيتي تصرفاته غلط واخيرا فهمتي هل شخص موطبيعي افهمي هذا هسه هيج ورا الزواج شنو راح يسوي بيج حتى النفس تتنفسي بأوامر منه ماكو هيج بالدين المراه موعبده الاسلام كرم المراه وخلصها من العبوديه وهذا جاي فاهم الدين من ط***
قاريله كلمتين وجاي يطبقهن براسج منو كال بالدين المرآه لازم متشوف الشارع ليش بزمن الرسول موجانن النسوان حتى يطلعن ويشتغلن شوفي ساره اني مقرره بعد ماادخل بعلاقتج ويا مؤيد لان اعرفج شكد تحبي بس نصيحتي ألج لتضلين خاضعه ترا هذا جاي يستغلج
نهيت المكالمه ويا ساره بعد مافورت دمي هل البنيه شخصيتها كلش ضعيفه وهاي هي عود تعرف المؤمن القوي خير من الضعيف اني الي عليه نصحتها وبالنتيجه هاي حياتها خلي احير بمصيبتي الي صار ايام اخطط شلون اخلص من سراج والمصيبه خال الحرس مالته برا لااكدر اطب ولااطلع مابقالي غير حل واعرف هل حل مصيبه ورا بس اضطريت انفذه وياريت مانفذته
