رواية بيت خالي الفصل السادس عشر 16 والاخير بقلم جمانه السعيدي
رحمه..يوميه همام بليل يكعد يسولفلي شصار ويااا
واخر تطورات الاحداث
بعد اربع ايام كال اني بعت البيت وستلمت الفلوس
وطلبت مهله شهرين بينما الكه بيت
وباجر اتصل بلوسيط حتى ياخذ الفلوس ويسلمني علاوي
رحمه....خل كل الاجرائات تكون بلمحكمه وكدام شهود
لا تروح تأخذ الفلوس وتنهزم
همام...طبعا بلمحكمه وحده مثل هاي ماله امان ابد
جمانه السعيدي
ثاني يوم همام اخذ الفلوس والتقه هو ومروه والوسيط
والمحامي
كتبت تنازل عن الطفل طول العمر مراح اداعي بي ولا اله علاقه بي وثبتو كلامه وخلو علي ثنيين شهود
اخذت الفلوس وسلمت علاوي الهمام
همام بس طلع من المحكمه اخذ سلفي هو وعلاوي ودز الصوره الرحمه
بليل اتصل كال علاوي مستغرب وبس يبجي جبتله حلويات
مايقبل يسكت يبجي على امه
وهسه اني ويااا نفتر بلشوارع اريده ينام وارجع للبيت
بهاي الأثناء ام همام جانت وحدها بلبيت وضربته جلطه حاده وهمام مو يمه لمن رجع للبيت لكاها بلانفاس الاخيره
طلع يركض يدور سياره يصرخ بلشارع ولكم امي راح تروح مني ولكم ساعدوني
كوه يله لكا سياره ونقله للمستشفى
من وصلت كانت حالته مااطمن
اتصل على رحمه ساعه بلاربعه الصبح
جمانه السعيدي
رحمه اني نايمه واجاني اتصال طفرت هذا همام
رحمه...خير شكووو
همام...رحمه الحكيلي امي امي ضربته جلطه وعلاوي
جبته وياي نايم ومااعرف شسوي الحكيلي
رحمه..بدلت وطلعت الشوارع خاليه اشرت التكسي حتى يوصلني للمستشفى
وصلت لكيتهم كاعد يسوون انعاش للقلب
وهمام حالته حاله أعصاب وجه مبينه ويفرك بادي
ويروح ويجي
توتر وعصبيه وقلق طلع الدكتور وكال البقيه بحياتكم
وصلت للمستشفى متاخره مع الاسف
همم سمع ذني الكلمتين من الدكتور وهو كام يصرخ
بكل صوته وركض على امه حضنه
همام...يمه حبيبتي منو اليه غيرج فدوه بس انتي بقيتيلي
ليش عفتيني حبيبتي ولله بعت البيت وجبتلج ابن اكرم حتى لا اضوجين بعدج مافرحتي بي
هذا علاوي انتي مو تكولين اريده اربده يمي
ليش عفتي اني منو اليه من بعدج حبيبتي
زين ليش كلكم رحتو وعفتوني لا تشوفيني جبير وشوارب ولحيه ولله من اشوفج احس نفسي بعدني طفل
جمانه السعيدي
اكعدي يمه اكعدي كولي اني جاي اشاقه وياك اريد اشوف معزتي عندك ولله انتي عزيزه على كلبي
ابوس ايدج ورجلج فدوه اكعدي وين اروح اني
ومنو اليه
بعدين اتهستر كام يكسر ركضت علي وحضنته
رحمه...فدوه همام موهيج
همام...رحمه الله عليج كليله تكعد ولله بعدني ماشبعت
منه هي مو تريد علاوي شو عافيه وراحت
الدكتور يكول اتاخرتو يله وصلتوها للمستشفى
اني جنت اسكت بعلاوي اريده ينام لان بقى يصرخ وهي راسه يوجعه من الصوت العالي
لو ادري ماطلعت طبعا يحجي ودموعه تجري وعيونه صارن حمر رحمه فدوه شوفيه بلكت تحجي وياج
ايجوز الدكتور اشتبه
جمانه السعيدي
رحمه...كمت ابجي علي ولا عبالك رجال عبالك طفل ويبجي على امه
بعدين عاف كلشي وطلع من المستشفى
مااعرف وين راح يمكن انهزم لان مايكدر يسيطر على نفسه الله يساعده اني ماره بهيج موقف قبل
اني كملت كل اجرائات المستشفى على مسوليتي
وعلاوي كعد ومستغرب من الكل ويبجي
واني حرت مااعرف شسوي اتصل لهمام ومايرد عليه
اضطريت اخلي الجثه بلثلاجه لمن يرجع همام
ورحت اشتريت حلويات حتى اسكت علاوي بس يبجي
مستغرب من الكل ساعته عاتبت رب العالمين
وحده مثل مروه تصير ام وتبيع وتشتري بابنه وناس حسره عليه الطفل
بعدين اتصلت بولد عم ابو همام وراحو يدورون علي وجابو
منتهي مايكدر يحجي راجع للبيت وكاعد يبجي ويلطم على امه حاضن ملابسه ويبجي
بس وصل للمستشفى وشاف امه ووكع من طوله
نقلنا للطوارء وابر ومهدئات يله استعاد وعيه
هم راحو للنجف يدفنون ام همام واني اخذت علاوي ورحت البيتي نزلت بلطريق واشتريته لعب وحلويات
من كد البجي كام يناشغ وعيونه حمر واني بس ادعي على امه الله لا يوفقه على هاي المصيبه
لليل يله رجعو وهمام طلع البيتهم كبل ثاني يوم نصبو الفاتحه واني رحت استقبلت النسوان بيتهم
وعلاوي لازك بيه لان يخاف وبس يبجي
سوينا الفاتحه يوم واحد لان همام تعبان واني علاوي مايقبل يعوفني
رجع همام للبيت وحالته حاله عيونه حمر وشكله كلش تعبان ماكدرت اعوفه ووحده
اني وعلاوي نمنا بغرفتي وهو نام بغرفة عمتي
شكد يجون علي اقاربهم بس هو لا يحجي ولا يتفاعل ويااا الناس ساكت على طول ومرات اسمعه يبجي
ماكدرت اعوفه طلبت اجازه وبقيت ويااا
منا لمن خلصت السبعه
حضرت جنطتي هو كاعد بلكاع شافني نزلت جنطتي
باوع عليه
جمانه السعيدي
همام...ووين رايحه
رحمه...ارجع البيتي وعندي دووام باجر
لزم ايدي لا تعوفيني اني تعبان حيل
رحمه...كعدت كباله وكتله إلى متى هذا الحزن
همام...انتي شكد قويه شلون تحملتي فراك امج وابوج بوقت واحد
رحمه...انت وخالي خففتو عليه الحزن
همام...ماجاي اكدر اصدك بعد مااشوف امي ابد
جاي اسمع صوته بلبيت راح اتخبل ولله اسمع صوته كل شويه
رحمه...الله يرحمه ويغفرله
همام...وعلاوي شلون تعود عليج
رحمه...اخذه وياي اذا تقبل
همام... ودوامج شلون
رحمه...اخذه وياي للدوام لان هو يستغرب ويبجي من اي احد يقرب علي
همام...راح اتعبج بس الضروف حكمت علينا
اني اسف تحملتي هواي اشياء علمودي اني مااستاهل تعبتج هذا
رحمه...لازم نساعد واحد الثاني بلضروف الصعبه
اذا تحتاج شي اتصل عليه
اخذت علي ورجعت الببتي ثاني يوم رحت اشتريلته ملابس جديده واحذيه
جمانه السعيدي
وكمت اخذه وياي للدوام طبعا مدير المستشفى ماقبل بلبدايه بس من شرحته ضروفه اتعاطف وياي
ماتتخيلون شلون لازمني وين مااروح وياي ومايقبل اعوفه باي مكان حتى من ادخل للتواليت يوكف بلباب وابقه احجي وياا منا لمن اطلع
مااعرف ليش هيج يخاف ومتمسك بيه
واني كلش تعلقت بي وحسيته سد النقص الي بروحي
كل يوم يتصل همام يطمن علي وكل يومين يجي يشوفه
ويجيبله مسواك
طلعت اربعين عمتي وسوينا عشى بسيط ابيتهم عزمنا الاهل والاقارب
قرب الموعد يخلص ولازم همام يعوف الببت
كان يطلع يدور بيت ايجار اوملك بس على كد الفلوس الي بقت ومن يرجع يمر عليه يشوفني اني وعلاوي ويروح
اخير شي لكه شقه على كد الفلوس الي بقت
صحيح بعيده بس احسن من الايجار
اشتراها وسجله باسم علاوي يكول ضمان اله للمستقبل
اني ماباقيله العمر كله
المشكله علاوي مايقبل يروح ويااا لازمني وببجي
تعود عليه حتى يصيحلي ماما
واني كلبي وعقلي وروحي تعلقت بي
بليل افز مرتين اتلاثه اسمع النفس مالته حتى اطمن وانام
جمانه السعيدي
بعد وفات عمتي باربع اشهر رجع عرض عليه همام نزوج
همام...إلى متى كل واحد بمكان كل واحد منا بقه وحيد بهاي الدنيا ارجعيلي وخل نعيش سوا
حرامات العمر يخلص واحنا زعلانيبن
واشرطي اي شرط وخلي اي ضمان يعجبج
رحمه...ولله الفوس مو ضمان بهاي الدنيا الكلب الطيب
هو السند الصدر الحنيبن هو السند فلوس المهر كاعد تسدد قسط بلمحاكم الي مايخلي الله بين عيونه
كل امان ماله
اني راح ارجع وياك بس علمود علاوي لا يتبهذل خطيه لا ام ولا اب مااريده يعيش مثلي يتيم
والخاطر خالي الي ماتخلى عني وسندني باصعب الايام الي مرت عليه
جمانه السعيدي
همام...ولله انتي ماكو منج بلدنيا كله شكد اني جنت قاسي عليج بس انتي طلعتي احسن مني
اتمنى الله يقدرني واكدر اسعدج طول العمر
راح همام وجاب الشيخ وعقدنا وهلمره هو سجل الموخر ١٠٠ مليون مو اني
هسه احنا ساكنين بيتي والشقه اجرناها ونخلي الاجار بلمصرف وابني حبيبي علاوي صار جبير السنه الجايه يسجل مدرسه
وبعده النهار كله حاضني ويتخبل اذا همام قرب عليه
يضربه باي شي بايده
وماينام اله بحضني وهمام كل شويه يتعارك ويااا
يكله ولك زوجتي وانت محاربين عليه
الله واكبر روح ازوج وعوفلي زوجتي
ماجاي اشبع منه من وراك
مو كلشي نحبه ونريده بي مصلحتنا
اكيد رب العالمين يعرف الخير وين ويدلينا علي
اني لو ماراجعه الهمام جان ضاع علاوي ودمر مستقبله
لان مستحيل زوجت الاب تتحمل ابن حماها وتتعب علي
ومن يعمل مثقال ذرة خير يره
دمتم سالمين
