رواية لا تشعري بالذنب يا حبيبتي الفصل الخامس عشر 15 والاخير بقلم اساور العزاوي

رواية لا تشعري بالذنب يا حبيبتي الفصل الخامس عشر 15 والاخير بقلم اساور العزاوي 

الِـخامس عـشررر..

الأخـيييررر

لا_تشعري_بالذنب_ياصغيرتي

سلطان وصلت البيت..

ابوسلطان جنت بعرس عمر..

سلطان اي..

ابو سلطان الدنيه لليل وعمك موهنا وهاي زوجته خطيه عدها ولاده وديها هي وامك للمستشفى

سلطان،، ماشي اسبح واطلع خلي يتحضرون

داليا بقيت ابجي بالكاع لحد ماانمت من قهري

من شفت سلطان مامهتملي

سلطان اخذت زوجة عمي للمستشفى

وجابت بنوته الٌـ ٣

اجينه نكمل اوراق الخروج من المستشفى

سألت زوجة عمي شنو راح يكون اسمها

كالت مامقريين اذا انت تحب وابالك اسم سميها

واني ماابالي اسم غير اسمهاا

كتله اكتب داليا..

سميتها داليا اريد ابقى اشوفها واتذكرها بيها

مررررت الايااام .. داليا اتزوجت من قيس

وصار عدها طفل..

عمر اتزوج وصار عنده بنوته كلش حلووه

واني اهلي مابطلو من سيرة الزواج ادخل للييت

واطلع يكلولي اتزوج..

واني بهاي الفتره تعلقت بالطفلة داليا بنت عمي

صرت يوميه امر اللبيتهم اشوفها ..

ام سلطان .. موكلت افكرر شمنتضرر

سلطان.. يمه هاي هي اتوكلي..

ام سلطان يعني موافق...

سلطان اي بس خلصووني..

ام سلطان كلللووووش..

سلطان شكووو شعدنا هلاهل بعد شصار

ام سلطان رايحة ابشر ابوووك..

سلطان.. العروسه الي اختاروها الي جانت من اقرباء امي وساكنه ببغداد..

رحت شفتها وشافتني اقتعنت بيها وافقت اتزوج

حتى ارضي اهلي ..

هالاحداث تحديدآ سنة ١٩٩٨ ..)..

خطوبتي ماطولت بيها فتره قصيره واتزووجت

وقبل كلشي حجيت الخطيبتي عن قصة حبي

ماردتها تسمع من غيري..

سارة..خطيبة سلطان.. عمري١٨ سنة اتقدملي سلطان مجنت مفكرة بالزوواج جنت كلش صغيره اجوي اهل سلطان

شافوني مجنت هواي مقتنعه لان المكان بعيد

عن اهلي ممتعوده افاركهم..

بس من شفت سلطان وطوله وهيبته كلت اوافق

لو يكوون بأخر العالم

جنت كلش اغار عليه اذا اتصل مشغول اشبع

بجي اخاف لا يرجع الحبيبته رغم اعرف انو هي

تزووجت بس هم ابقي خايفه

سلطان سارة جانت عيونها تشبه عيون داليا

وهنا المشكله كل ما اشوف عيونها اتذكر داليا

ماعرف يمكن لان اني من حبي الها اتخايلها

بغير شخص ..

اليوم كان يوم زواجي رغم زوجتي كلش حلوه ومناقصه شي بس جنت اتمنى هااليوم يكوون ويه داليا لان مراح اكدر اوصفلكم مدا سعادتي شلون راح اتكون .. بس بعد هاي قسمتي

اتزوجنا واخذوني زفة من محافظتي البغداد

جانو الكل حاضرين سرى عمر اصدقائي

محد جان متصور بيوم راح اوافق على الزواج

بس لازم اتزووج عمري ٢٩ واهلي لحو عليه

هوايه واني تعبت واني افكر بداليا ردت التهي بالزواج بلكي انساهه

داليا اليوم زواج سلطان.. حسيت جمره وصارت

بنص صدري. صارلي اكثر من سنه مشايفته

اتمنى اشوفه لحظه..

انيال الي اخذها.. الله يسعده بحياته

بالنسبه لحياتي.. ماشفت بيها شي حلو

امثل دور الزوجة المحبه .. واني مااكدر احبه

ماكو شخص بالكون يكدر ياخذ مكان سلطان

سلطان بعد زواجي بسنه الله رزقني بولد

كلش تعلقت بي..

زوجتي جانت كلش تحبتي بس هواي تغار

من اي شي اسوي بقى الشك بداخلها

لان عرفت اني جنت على علاقه سابقه ..

بمرور الايام جان الجهاز يتصلون ويسدون الخط

داليا جانت قبل من تتصل اذا مواني تسده

بس هالمره اني اجاوب ويسدوه ممعقووله هاي داليا لان داليا من تسمع صوتي تحجي

داليا جنت كل فتره اتصل اسمع صوته واسده

لان اني تزوجت وهو تزوج ماريد اخرب حياته

وممكن اذا حجيت تطلع زوجته يمه وتسمعني

اكتفيت اسمع صوته كل فتره واغلق الخط

سلطان.. بقة الجهاز فتره طويله يتصلون ويغلقون الخط

ساره وين رايح تعال نام..

سلطان انزل اشرب ماي عطشان

سارة جيبلي وياك..

سلطان.. نزلت اشرب ماي الساعه جانت وحده ونص ردن الجهاز

جاوبت الووو.. محد يحجي

عرفت داليا.. كلت

الوو دلووش انتي؟؟

داليا جنت اسمع الصوت واغلقه اكتفي بصوته

واعرف هو بخير بس من كال

دلوش ماكدرت اسكت بهمس حجيت..وكلت اي

اني داليا..

سلطان .، كعدت ماكدر بعد اوكف مومصدك سمعت صوتها

الله من زماااان مسامع صوتج

شذكرج بيه ..

داليا ليش هو منو الكدر ينسى..

سلطان مرتاحة بحياتج..؟

داليا.. ليش هي بقت حياة.. كلشي راح

من تفاركنه..

سلطان اخ شحجي شكووول ..

داليا.. روح سلطان لا احد يجي يمك

سلطان لعد الأستاذ مالتج وينه😒

داليا.. طالع..

سلطان حلوو وعايفج وحدج..

داليا ماعليه شي.. يله صوت سيارة يمكن اجة

سلطان.. راح ينعاد هذا الاتصال..

داليا .. سديت الخط بدون مااجاوب على سؤاله

سلطان بقيت كاعد بمكاني استرجع ذكرياتي وياهه الي ماكدرت انساهم لحظه وشكد جنت

متعلق بيها واحبها هسه احبها اكثرر

رجعت الغرفتي واني طاير فرح لعبت مع ابني ونومته وماكدرت اغمض عيني للفجر..

داليا.. مامصدكة حاجيته كلش فرحانه

والي فرحني اكثر حس انو اني عالخط وكالي دلووش.. اووف يبعد عمر دلووش.. اروح فًٍـًٍـًٍـًٍـًٍـًٍـًٍ✹ًٍـ� �ٍـًٍـًٍـٍـًـًٍدًٍۋًۋًۿـًٍـ ًٍﮧً❤️ الصوتك وروحك

سلطان بقيت عيني عالجهاز يومين يله عادت الاتصال،،

نزلت نفس الوقت جانت سارة نايمه

داليا كالعاده قيس يطلع يجيني لل ٣ الفجر استغليت الوقت و اتصلت بي وحجيتله عن سبب زواجي

من قيس وعن والدي شلون جبرني ماردته

يشيل بكلبه عليه لازم يعرف الحقيقه

سلطان ليش ماحجيتلي من الاول.. والله لو

اعرف مجبوره عالزواج وزواجج جان تهديد من اهلج .. جان دخلت بنصهم اخذتج.. ومااخلي اي بشر ياخذج مني لا قيس ولا غيره

داليا.. بعد صارت حبيبي..

سلطان.. حبيبي الله شكدددد مشتاگ اسمعها منج.،

داليا.. انت حبيبي الأخر يوم بعمري.. اعرف

اني متزوجة وميصير احجي وياك..

بس والله موبيدي يوميه اموت الف موته ادعي من الله انساااك شبيدي يعني.. اتمنى الله يشيلك من گلبي مثل ما زرع حبك بروحي وگلبي..

سلطان.. تتصورين بيوم نسيتج او كرهتج ابد

رغم كل الي صار بقيتي انتي بنص گلبي ومحد كدر يشيلج منه لا تتصورين بيوم انساج

بس شكول على ابووج الي حرمني منج..

سارة سلطان حسيته متغير اكو شي شاغل باله

بس مداعرف شنو هو..

سلطان بعد فتره رجعت اختفت بدون سبب

طلبت رقمها من عمر وكال ماعرفة بقيت

كل هالفتره اتإمل اتصال منها

صار عندي بنوته كلش حلوووه

كبروو اطفالي والوضع بده يتأزم بالعراق

مرت السنين بعد السقوط وداليا مختفيه

مجرد مرات اسمع اخابرها عن طريقً عمر

داليا لغيت الاتصال كلت حرام هو متزوج واني متزوجة.. ميصير بعد احاجي ..

بس سمعت من الاخبار منطقتهم اوضاعها موزينه اجة ابالي سلطان اعرفه ميكعد وميخاف ودوم طالع.. صار الليل اتصلت بي اطمن عليه بس محد جاوب لحد مافصل عدت الاتصال ثاني يوم..

سلطان جنت اريد اصعد لغرفتي انام سمعت

صوت الجهاز يرن رحت ركض جابوت

الوو ..

داليا.. سلطان..

سلطان مدكليلي ليش هيج تسوين بيه وين اختفيتي..

داليا احسن والله بس هسه اتصلت كالو يمكم الوضع موزين..

سلطان تخافين عليه..

داليا.. مثل مااخاف على نفسي اخاف عليك

سلطان اووووف💔

داليا.. شبيك...

سلطان روحي مقبووضه اريد بس اشوفج

والله مشتاكلج

داليا.. لا سلطان لا تجي الوضع موزين

طبعا هالشي داحجي سنة (٢٠٠٥)

سلطان.. يمعوده ماكو شي العمر نعيشه مره لو مرتين.. خلي اشوفج وبعدها اموت يكفي..

داليا لاااا اسم الله لا عفية لتعيدها..

سلطان.. داليا محتاجج اريد اشوفج افهميني

لتخلين شوفتج بنفسي..

داليا والله اخاف عليك..

سلطان بغضب اهووووو اجي اشوفج من بعيد واروح.. يله اجي باجر...

داليا.. والله مادري بس شلون هم اخاف عليك

وهم منا زوجي شلون اطلع..

سلطان.. ولج لتطلعين بس اشوفج من بعيد

ماريد شي.. اني هم اخاف عليج ماريد اسويلج مشكله..

داليا.. لا سلطان اخاف عليك والله

سلطان بداعتي اني خلي اشوفج باجر اني هم عندي شغل ببغداد هاليومين ضروري جيتي

بس اذا اشوفج باجر علمود بيوم واحد ا كمل شغلي ومارجع بعد يومين..

داليا.. ماشي بس ديربالك على نفسك..

سلطان لتخافين عليه اني سلطان..

داليا.. رحت فًٍـًٍـًٍـًٍـًٍـًٍـًٍ✹ًٍـ� �ٍـًٍـًٍـٍـًـًٍدًٍۋًۋًۿـًٍـ ًٍﮧً❤️العمرك واسمك

سلطان.. احبج صغيرتي الغاليه..

داليا.. حيل لحد هسه تسميني صغيرتي

سلطان تبقين صغيرتي لحد اخر يوم بعمرج

داليا ديلا عيوني انت روح لا احد يجي..

سلطان وين دقيقه شلون اجي وين الكاج

داليا اني باجر حطلع اخذ كم حاجة من السوك

سلطان انطيني العنوان اني امر عليج اوصلج

وبالطريق نحجي شويه اشوفج وارجع

داليا.. مو اخاف. احد يشوفنا

سلطان راح نرجع لضعفج لعد ماجي انسى

داليا لا تعال شبيك تزعل..

سلطان مواني محروك گلبي وانتي كل دقيقه براي شبيج صارلي سنين موشايفج

راح امووت والله..

داليا العمر الطوويل الك يارب لدكول هيج

داليا ا انطيته عنوان

البيت..

سلطان عندي موبايل اشتريت يسموه طابوكة

اكتبي الرقم يمج..

داليا ههههه طابوكة.. ماشي ردلي

سلطان انطيتها الرقم واخذت رقم الارضي

مالتها.. كلت بالطريق اخابرها

ردت تغفى عيني ماكدرت مامصدك راح اشوفها

كعدت ساعه ٧ الصبح بوست اطفالي وسبحت وبدلت ونزلت..

ابو سلطان وين رايح..

سلطان البغداد..

ابو سلطان ماكو روحة موكلنا بعد يومين تجيب الغراض شو من هسه

سلطان صار عندي شغل ضروري اليوم

لازم اروح..

ابو سلطان الوضع موزين وتعرف انت شغلة سنه وشيعه ماريد تروح اخاف عليك..

سلطان يابه كلمن يموت بيومه.. اليوم

اروح لو صدك اموت..

ام سلطان كعدت السياره ماكووو..

سالت ابو سلطان وين سلطان شو سياره

ماكو بره..

ابو سلطان طلع البغداد..

ام سلطان شوداااااه

ابو سلطان موتدرين بي عنودي شكد حجيت

وياه..

ام سلطان رحت اسوي ريوك الابو سلطان بس

احس روحي مقبوضه.. كعدت حلمانه حلم موزين .. تعوذت الشيطان ودعيت من الله يرجعلي بالسلامه..

سلطان.. مومصدك راح اشوفها..

اخذت الجهاز واتصلت بيها ماكو رد

احتمال بعدها نايمه.. صغيرتي الغالية

خابرت عمر وحجيتله ماكدر اضم عليه

عمر تخبلتو وين رايح لا احد يشوفكم

سلطان لتخاف عليه تعرف اخوك..

عمر من توصل طمني

ام سلطان.. جان عدنا بالبيت جهاز نازل جديد

اسمه سيناو اخذته واتصلت على سلطان بس

ماكو شبكة ماحصلته انتضرت يكعد سمير

يصعد عالسطح ويخابره لان جوه ماكو شبكة

داليا جنت اسبح سمعت الجهاز دك

مالحكت اطلع اجاوب انقطع..

بدلت وتعطرت اليوم راح اشوف حبيب عمري

سلطان عدت الاتصال..

داليا ركضت جاوبت .. الوو

سلطان.. هلا يبعد الروح..

داليا.. هلا سلطاني اجيت..

سلطان مابقى شي وادخل بغداد

داليا شلون الطريق احد وكفك..

سلطان لا ماكو شي يله حبيبي امريكان

كدامي راح تروح الشبكة..

داليا.. حبيبي عود طمني.. موتنسى الووو

هاي وين راح شبساع سدة.. !!

سلطان .. جنت امشي بالسيارة وعالسايد الثاني رتل كلش جبير للأمريكان.. ردت اعبرهم

اعرف دوم اكو الغام موجوده بالشارع..

داحجي ويا. داليا وصار رمي طلقات..

داليا.. ضل بالي وينة... اتصل ومحد يرد

ومرات يطلع مغلق حاليا..

ام سلطان .. شكد اتصلنه ابد ماحصلناه

ساره انطيني خاله راح اصعد فوك اخابر

هو ليش مكلي حروح البغداد اووف شلون وياه

الفلاح الي جانت واكف .. على الشارع الي بي جان يمشي سلطان و رتل الامريكان..

اجت سياره حمل من السايد الثاني

واني بالرزع شفتها .. تمشي سريع ولافت على

السايد الي بي الامريكان الامريكان صارو يرمون طلقات عليها وعلى الناس الي بالطريق

بس السيارة جانت مفخخة.. انفجرت. وراح

بيها هوايه ناس.. بعد نص ساعه من الحادث اتقربت على سياره عالشارع..

لكيت بيها شاب مرتب بيده جهاز يدك

والولد كله دم .. اتقربت احجي وياه ماكو

متوفي.. اخذت الجهاز.. وجاوبت

داليا.. الووو سلطان ليش هيج تسوي بيه

متت خوف..

الفلاح.. هلا بنيتي هذا الزلمة الكم..

داليا.. شنوو منو انت..

الفلاح اني حجي محمد انفجرت مفخخة

والولد توفى الله يرحمة لكيت بيده التلفون

تعالو اخذو ابنكم بنتي..

داليا.. لاااا مستحيل سلطان ميموووت

اني احجي ويا الرجال فقدت الوعي..

الفلاح.. اخذت التلفون خليتة بجيبي صحت

على الولد فزعولي نزلنه الزلمة.. وغطيناه

وبقينه ننتضر احد يجي ياخذه كل الواكفين

بجو على هالزلمة حتى الامريكاان الله يرحمة

جانت ضربته براسه بس جسمه كلشي مابي

ام سلطان ماكدرت اكعد بكلبي جمره

ولكم سلطان وينه..

ساره.. اي حصل ديدك..

ام سلطان صعدت عليها هااا بشري

ساره.. ذبيت الجهاز من ايدي وعطت بقوووه

لاااااااا سلطااان عمه سلطان مااااات

ام سلطان.. لاااا ولج شلون تحجين هيج

سلطان مايموت..

اطفال سلطان مذهولين من عياط امهم وعماتهم و بيبتهم ام سلطان.. بقوو خايفين ويرجفون

بزاويه الغرفه..

ابو سلطان.. راح سلطان مني هسه انكسر

ضهرري راح ابو طوول الحلوو راح واخذ وياه

عمري.. حضنت اطفاله وبقيت ابجي

داليا.. صحيت يمي قيس واكف ومحد يعرف

شنو البيه ابجي بحركة وعياط.. كله مني

اني السبب اني الي خليته يجي ليش

ليش خابرته ليش .. معقولة راح مني سلطان

وراح يصير جوة التراب لاا ميموت سلطان قوي

اعرفه..

عمر.. جنت نايم كعدوني كالو خويك مااات

حسيت حيلي راح.. طلعت شغلت السيارة

وصلت بيت سلطان العالم ملتمه والناس تنصب بجادر الفاتحة.. كعدت بالكاع اني وصدقائة

واخوته ولد عمه

نبجي ونلطم عليه مثل النسوان.. ذاك الزلمة

الحلو الهيبة الي عاش عمره بالقهرر يروح جوه التراب مستحيل عمت عيني عليك خووويه

......... النـهاااية.....

..... اعتذر منكم اوول مرة اكتب قصه حزينة

لكن القصه انا شخصية كلش متأثره بيها

انتهت قصت سلطان وداليا .. بحزن وقهر

وموووت وفراگ .. سلطان راح وداليا

بقت ببغداد.. محد بعد يعرف اخبارها من يوم

وفاة سلطان.. طبعا القصه غيرت فقط الاسماء

اذا مرت القصه على داليا اكيد راح تعرفها

قصتها.. اكررر اعتذاري من الجميع 😞😢💔

.. لا تشعري

بالذنب ياصغيرتي.. فأن كل امرإة احببتها

قد اووثتني ذبحة بالقلب..

#النهايه

تعديل المقال