رواية خيانة عهد الفصل الحادي عشر 11 بقلم جمانة السعيدي
البارت الحادي عشر
خيانة عهد
جمانه السعيدي
كلنا جنا خايفين من المدير الجديد يكولون حيل متشدد ثاني يوم
رحت للدوام متاخره اشويه
وصلت لكيت الجو مخبوص واصل المدير وطالب جرد وجاي يدقق بلزغيره والجبيره
والموضفين كلها واكفه فد وكفه
...صباح الخير ام غزوان
...هله عيوني صباح النور ليش اتاخرتي
...اسكتي السياره اتاخرة عليه شكو شصاير شو هوسه
...وصل المدير الجديد وشاد حزامه علينا لو تدرين منو طلع
...منو بله هذا الخابصنا خبص
...استاذ حسن
...يا حسن
...شبيج حسن الجان ويانه بلعمره نسيتي
...لا بشرفج كولي غيره
...اي هو ما غيره احد
...يمعوده هو بلزياره كوه يطلع الحجايه اله مدير شيخلصها ويا
...طلعي شعدج معاملات مشيها بسرعه لان جاي حامي علينا كلش
...الله يستر اني ماعدي معاملات متاخره بس راح اصفي المعاملات العندي
جمانه السعيدي
يمه واكف للدائره فد وكفه
الموضفين جانت اتسخت كامت تجي من الصبح وكلها تشتغل تخاف منه
اكو معامله خلصتها ودزيته بيد الولد صاحب المعامله حتى يوقعها
رجعها عليه وكاله روح صيحها هاي المعامله ناقصه
يمه خفت هاي شلون ويا
رحت دكيت الباب صباح الخير استاذ
كاعد على المكتب ولابس نضاراته وشكله هيبه
رد صباح النور بدون مايرفع راسه
...استاء هاي المعامله شنو نقصها
...دققيه زين اكو ورقه ناقصه بيها كمليها ورجعيها اليه
...صار استاذ
رجعت دققت لكيت فعلا اكو ورقه ناقصه كملته ورجعته اله
انطيته فتحه
..اي هسه كامله تكدرين تروحين وتخلين صاحب المعامله يجيني
بقه هذا حاله ولاجنه يعرفنا ولاجنه راح ويانه عمره
الموضفين كلها تركض تخاف منه
عبر شهر على وجوده كلما ادخل يمه يكون الكلام يخص الشغل وبس
ومايقبل بتجمعات الموضفين ولايقبل يضيع الوقت بغير العمل
جمانه السعيدي
جانو يكولون علي معقد
ليش معقد هيج لان مر بضروف كلش صعبه
حسب كلام الموضفين الي راحو جمعو اخباره وجابوها للدائره
هو الجبير وعندا اخ واخت اثنينهم ازغر منه ومتزوجين وطالعين كلمن بيته وحده
وهو مزوج ابنيه عن حب
بعد خمس سنوات من زواجه ماكو اطفال زوجته جانت تراجع يم احسن الدكاتره والدكتورات
وتاخذ اشكال علاجات علمود الحمل
وكلها علاجات قويه لمن الله اراد وصار الحمل
ورا ما ولدة بدت تبين عليها مضاعفات العلاجات الي جانت تاخذها
وصابه سرطان خطير ونوع نادر خلال سنه انتشر بجسمها وسببله وفاة
ما كان اكو اي علاج يفيده
بقه ابنه تكفل بتربيته هو وامه
صار عمره اربع سنوات وهو مايحجي جان متوقع تاخر بلنطق
لكن تبين بعدين انه مصاب بلتوحد
النوع الخفيف من التوحد
وجاي يعالجه ويتامل انه يصير احسن
جمانه السعيدي
امير ابن حسن ابد مو مؤذي ملتهي بلعابه وبس
استاذ حسن اي دكتور يسمع بي ياخذه اله
يتامل يطيب ويكون انسان عادي
عمره ثمان سنوات
لذالك تلكه استاذ حسن منعزل اشويه عصبي
وابد مامفكر بلزواج يخاف على ابنه من زوجت الاب خاف تعامله معامله قاسيه وتنتكس حالته
بيوم اتمرضت زوجت اخوي
ونقلناها للمستشفى وبين عدها مصران اعور كان لازم ابقه وياها لان اكبر ابائها عمره ١٢سنه
ولاخ عشره والبنات ثمان وست سنوات
وهي زينه وياي مامعقوله اعوفها بهذا الضرف الصعب
خابرت ام غزوان تطلبلي اجازه كم يوم بين ماتكون زينه
جمانه السعيدي
حسن كنت كل يوم اراقب تصرفات فاتن حيل عجبتني من جنه بلزياره
بس ما اكدر اعامله معامله خاصه اخاف لايحجون عليها ويصير عليها شك
واني متعلم اعامل الموضفين
بصرامه وقوه حتى يمشي الشغل عدل
كل يوم كنت اراقبه من دون ماتعرف
اني جنت امقرر بعد ما ازوج من بعد المرحومه لان اخاف على ابني
لكن اخلاق فاتن غير
ومن سئلة عليه كلها تمدح باخلاقه ورزانته وثكله وبيوم اجت ام غزوان تطلبله اجازه
الصراحه حيل ضجت اتعلمت على وجودها بلدائره ويوميه اروح متلهف بس حتى اشوفه
غيرت احاسيسي كلها اخذة رقمها من ام غزوان وخابرته
جمانه السعيدي
....الو مساء الخير
...هلو مساء النور منو وياي
...استاذ حسن
....اهلا استاذ اهلا وسهلا
...عذرا اخذت رقمج من ام غزوان خو مامحتاجين شي
يمه كلبي كام يدك على السريع خفت من صوته بلتليفون
....لاشكرا استاذ الله يحفضك
...شلون صارت زوجت اخوج
...الحمد لله العمليه نجحت وهسه وضعه احسن انشاء الله يومين واداوم
...براحتج حبيت اطمن عليج واريد اكلج
...كول استاذ
...المكتب مو حلو لان انتي ماكو
سكتت وكلت بكلبي ياااا هاي عليه اي ولله عليه ياثوله اكيد عليج غير يحجي وياج
...شكرا استاذ للدائره منوره بنورك
...ارجعلينا بسرعه
...انشاء الله استاذ مع السلامه
...مع السلامه
فرحت من كل كلبي صار شكد ماسامعه حجي حلوووووو
الله يستر وما يطلع حلم
القادم الاخيرررررررررررر
