رواية غلطة ابكتني عمري كامله وحصريه بقلم سحر السحرتي
غلطة أبكتني عمري
حلقة ١
*كنت قاعده في الصاله عند حماتي... ما انا كنت عايشه معاها بحكم ان جوزي المحترم مش لاقي يجيب شقه نعيش فيها لقيت مديحه اخته بتقول لي
:دارين ممكن اخذ شنطتك السواريه و الجزمه السوداء عشان عندي فرح
*رديت عليها وقلت لها
:ما انا خيطتها لك ورجعت زي الاول
*بصيت لها بس-خريه و مستغربه من بجاح-تها و اسلوبها
:شنطه براند لونها ازرق تتخيط بخيط اسود واضح و باين وبقيت اتكسف اخرج بيها ... معلش اعتبري حاجتي مش موجوده وشوفي كنت بتتصرفي ازاي قبل ما اتجوز اخوك
*كانت مستغربه ردي قوي ومفكره انها ممكن تحرجني
:يعني ايه الكلام ده
:يعني لا بالعربي مش هدي لك حاجه بعد كده
بقلمي سحر السحرتي
*حماتي طبعا ما عجبهاش اللي انا بقوله و اتكلمت بمسكنه على غير العاده
:معلش يا دارين اعتبريها اختك الصغيره
*رديت بإصرار من غير ما اتكسف زي كل مره لأنهم بدأوا يستغلوني
: قلتي لي الكلام ده المره اللي فاتت بعد موضوع الشنطه واخذت جاكيت غالي و نتشته وكأنها متعمدة كل ما تاخد حاجه ترجعها باي-ظه عشان اديهالها للابد لاني مش بلبس حاجه مقطوعة
: يعني هتكسفيني يا حبيبتي
*في سري :دلوقتي بقيت حبيبتك
:معلش يا طنط حاجتي غاليه ومش هعرف اشتري غيرها لان الظروف زي ما انت عارفه فلازم احافظ عليها
*طبعا جوزي قاعد هيط-ق من ردي و متغ-اظ جدا دخل غرفتنا و نده عليا بنرف-زه عشان ادخل له و ي-سم بدني بكلامه دخلت ورديت عليه بكل برود
:نعم خير يا عادل عايز حاجه
:كويس كده كسفتيني قدام ماما واختي اديلها اللي هي عايزاه ولو باظ اشتري لك غيره
*بصيت له بصه معناها جايب الثقة دى كلها من اين و رديت عليه
: من اين هتشتري غيره ده ثمنه يأجر لنا شقه صغيره نعيش فيها بدل المرم-طه دي ... لو معاك فلوس اتفضل أجر لنا شقه او هات بدل الحاجات اللي باظت قبل كده على ايديها
*كنت بتكلم معاه مش قصدي اتنط-ط عليه بس بوضح له الصورة اللي دايما بيتغافل عنها
:هو انت بتذليني عشان ظروفي ضيقه
:لا انا مش بذلك انا بلفت نظرك قبل ما تتفرد قوي وتقول اشتري لك غيرهم او يمكن مفكرهم من العتبه ... لا انا جايباهم من لندن وباريس واكيد مش هعرف اشتري غيرهم ثاني بعد ما اهلي اتبروا مني لما فضلتك عليهم و اتجوزتك
*مسكني من ذراعي ق-وي و زع-ق
:انت كل شويه اهلي ... اهلي انا ما ضربت-كيش على ايدك عشان تتجوزيني
:صح فهمتني اني هعيش في نفس المستوى أو اقل شويه ومش هحس اني خس-رت اي حاجه لانك هتعوضني عن اهلي لكن كل كلامك كان كذب انت ما كنتش راجل وقد كلامك
:انا راجل غص-ب عنك
:راجل بس في صوتك العالي وم-د ايدك عليا عشان تريح مامتك و اختك وطبعا مناديلي دلوقتي عشان يسمعوا انك بت-مد ايدك ومفكر انك هتقدر تجب-رني اديها حاجه لكن بسمعك انت وهما مفيش قشايه من حاجاتي حد غيري هيستعملها و اض-رب وخد راحتك جسمي ما بقاش يحس بالوج-ع وانت ما بقتش تهمني
*فعلا سمع الكلام عشان يثبت لهم بره انه راجل بس المره دي قررت اني مش هسكت نزلت عملت مح-ضر فيه وقلت عليا وعلى اعدائ-ي
*وانا قاعده في القسم بدات افتكر ازاي اتقابلت مع عادل جوزي بعد قصه حب فاش-له حصلت معايا وايه اللي وصلني ان اهلي يتبروا مني و يبعدوا عني
*هحكي من الاول انا دارين المنشاوي بنت رجل اعمال كبير قوي عندي 24 سنه وفي يوم وانا ماشيه بالعربيه بتاعتي وقفت مره واحده نزلت اشوف فيها ايه قال يعني كنت هفهم فتحت كبوت العربيه
*وقف واحد شيك حب يستظرف مش يساعد
:تحبي اوصلك معايا يا قمر
:بتفهم في العربيه شوف فيها ايه مش بتفهم امشي عشان ممكن اعمل لك مشكله
: يا جام-د انت ومشكله ايه اللي ممكن تعمليها
بقلمي سحر السحرتي
:اكلم البودي جارد بتوعي مثلا
:ده انت جام-د قوي على كده
*وقتها وقف عادل بعربيته كانت بسيطه ولبسه عادي بس شيك ومتناسق حس اني متضايقه
:في حاجه يا انسه
: اه الاستاذ بيض-ايقني
:طب نطلب الشرطه ولا يمشي بالذوق
:على ايه ما تاكلها قدامك اهي
*بعد ما مشي بصيت له بامتنان
:متشكره قوي
*بص على العربيه وانا واقفه
:عربيتك فيها حاجه
:انت بتفهم في العربيات
:انا اصلا مهندس ميكانيكا
*اكتشفت بعد كده انه ميكانيكي مش مهندس بس بحكم العاده لما الناس كانت بتنادي له بشمهندس فصدق نفسه
:طب ممكن لو سمحت تشوفها
*وهو بيشوفها بحرفيه واتقان شدتني وسامته و رجولته غير عضلاته ... كان شاب اي بنت ممكن تقع فيه
*مر الوقت وانا سرحانه بص لي وابتسم
:خلاص انا خلصت
:معقوله مش ممكن طب ايدك باظت بالاسود استنى معايا وايبس في العربيه
*جريت جبتها واديتها له عشان يمسح ايديه بيها
*هو تقريبا خلصها كلها على السواد لما طلع بس كنت مبسوطه وانا بدي له منديل ورا الثاني من هب-لي
: لو عطلت تاني اتصلي عليا اجي اشوفها لو تحبي او تقدري تزورينا في مركز الصيانه هو صحيح صغير بس كويس
: انت عندك مركز صيانه
: اه فاتح واحد مع اصحابي
*اللي اتضح بعد كده انه بيشتغل فيه ولا يملك جزء صغير منه
*ضحكت في سري مع كل الحقايق اللي اكتشفتها وقفت من ذكرياتي و الظابط بينادي عليا
:نعم يا انسه ولا نقول مدام
*بصيت له باستغراب لانه كان عارفني عز المعرفه وانا كمان عرفاه وكمل
: خير ليكي طلب هنا في القسم
*رديت بلامبالاة وكأني انا كمان معرفوش
:عايزه اعمل محضر في جوزي
:اتفضلي معايا على المكتب عشان نكتب المحضر
*دخلت معاه وانا خاي-فه منه بسبب علاقتنا القديمه بس طبعي ان اللي جوايا مش بيبان على وشي أو ده اللي عايزه ابينه له وقال لي وكانت نبره صوته طالع منها الك-ره ليا
:عارفه طبعا ان المحضر لما تعمليه انا هساعده يخرج منه ويعمل قصاده محضر يربيك بيه
:انا مش ناقصه تربيه وانت عارف كده كويس ومتأكد من كده
*ابتسم باستهزاء
:اه طبعا انت بنت ناس اكابر بس نسيوا يربوك
*رديت بتحدي كالعاده معاه
: بقول لحضرتك ايه يا ريت تشوف شغلك انت مش مصلح اجتماعي ولا ناقد تربوي انا عايزه اعمل محضر ودي شغلتك الوحيده تاخذ اقوالي وتسيبني امشي
:تفتكري بعد ما بقيتي تحت ايدي وجيتي برجلك هسيبك تمشي كده بسهوله
: ناوي تستغل سلطتك وتكمل انتق-امك مني لو ضميرك هيبقى مستريح اتفضل او يمكن عايز تثبت رجولتك بانك تس-تقوى على الضعيف
*حسيت انه اتراجع شويه... يا لي من س-اذجه
*ندى بصوته العالي :يا عسكري
*دخل العسكري: تمام يا فندم
:خذ المدام للسويت اللي تحت وخذ منها اي متعلقات شخصيه عشان تفكر كويس حابه تعمل المحضر ولا هتروح على بيتها *ص-رخت والعسكري بيشدني من ايدي
: انت هتعمل ايه لو مفكرني هسكت على اللي انت بتعمله يا مروان تبقى بتحلم انا هض-يع مستقبلك
بقلمي سحر السحرتي
*همس في ودني بعد ما شاور للعسكري بايده انه يقف
: ومين بقى اللي هيقف لك ابوك اللي اتبرا منك ولا الميكانيكي جوزك
*همست انا كمان
:انت عشان كده مست-قوي عليا عشان مفكر اني ما بقاش ليا حد اقدر اعتمد عليه بس افتكر كويس اني مش هسيبك
*ضحك بس-خريه هزتني قوي من جوه و شاور العسكري يكمل طريقه
*دخلت الحبس اترع-بت كانت الاضاءه تكاد تكون معدومه وريحه وح-شة جدا و:الستات شكلها يخ-وف جريت خبطت على الباب وانا بص-رخ
:افتحوا الباب مش هقدر اقعد هنا
*كان مروان يستمع لص-راخها وكأنها موسيقى تعزف الحان مهدئه للاعصاب دخل عليه زميله وصديقه علي
:ايه الصوت ده مين اللي بت-زعق كده
:مش هتصدق جات برجلها لغايه عندي
:هي مين دي
:بنت المنشاوي
:ايه انت قبض-ت عليها هي عملت ايه
:ما عملتش جت تعمل محضر في جوزها واضح انه ض-ربها باين على وشها جدا
:ودخلتها الحجز ليه
:مزاجي كده
:ده غلط يا مروان ممكن تشتكيك غير انها ما عملتش حاجه فيك وانت عارف بتن-تقم منها ليه
:عشان ك-ذابه
: هي ما كذب-تش عليك في حاجه زي ما انت عرفت هي خب-ت عليك وقالت لك انها مخ-بيه حاجه ومش قادره تقول لك عليها دلوقتي ... وطلبت منك فرصة و هتقول ولا نسيت
: كانت هتقول عليها امتى اما نخلف عيال
:وانتق-مت منها وسبتها يوم الخطوبه وعملت لها فضي-حه الناس اتكلمت عنها كثير مش كفايه وخلاص عرفت الحقيقه ان ملهاش ذنب
:لا مش كفايه انا حبيتها وعلى قد ما حبيتها كره-تها
:واضح انك لسه بتحبها وما قدرتش تنساها واللي بتعمله ده بتحاول تك-رهها
: اه راحت اتجوزت واحد اقل مني في كل حاجه ضحك عليها واستغل-ها واهلها اتبروا منها وقطعت اي فرصه اقدر ارجع لها بيها
:كفايه بقى طلعها
:مش هطلعها غير بمزاجي
:انت حر انا طلبت منك وانت مسؤول عن تصرفاتك
*خبط ودخل العسكري
:اتفضل يا باشا شنطه المدام اللي نزلت الحجز ولا نقيدها في العهده
:لا خليها هنا
*بدا في فتحها و اخذ يتفقد محتوياتها ويقول في نفسه
: اما اشوف بقيت بتحط ايه في شنطتي
*وهو بيتذكر عندما كان يفعل معها هذا منذ زمن
*اخرج زجاجة الدواء واسترجع عندما سالها عنها اول مره
: ايه دي يا دارين
:مروان قلت لك ع-يب كده مش بحب اي حد يفتح شنطتي
:طول عمري نفسي اعرف البنات بتشيل ايه احنا كرجاله هي المحفظه انما انتم عندي فضول قات-ل الشنطه بتاعتكم بتبقى مليانه
:طب بس دي اول واخر مره هعرفك بحط ايه معايا في الشنطه
*وبدات تعرفه على محتويات حقيبتها ولم تجيبه على سؤاله عن علبه الدواء حتى نسى سؤاله
*افاق من ذاكرته على سؤال علي
:هو ايه الدوا اللي في ايدك ده شكله مستورد
:مش عارف بس واضح انها مش بتقدر تستغنى عنه لاني شفته معاها زمان وحالتها الماديه دلوقتي ما تسمحش بدواء زي ده
*خبط العسكري مره ثانيه
: يا فندم الست مش مبطله دلوقت بتقول عايزه الشنطه ضروري تحب اسلط عليها الستات اللي جوه يسكتوها
*رد مروان بش-ماته
:على خفيف هي برده معرفه قديمه
*نظر علي بحزن على حاله
:ليه كده يا مروان
: سيبني يا علي انا مستمتع عايز حقي منها
: راجع نفسك عشان ما تندمش دي طلعت مظ-لومه
*دخل العسكري وهو مرع-وب دون ان يطرق الباب
: الحق يا فندم الستات لسه هيلمسوها وقع-ت على الارض بترتج-ف وجسمها كله بيتن-فض
*اسرع علي ومروان عليها وهو يص-رخ فيه
:مش قلت لك على خفيف عملوا ايه فيها
:ما حدش لمسها وقالت قبل ما تقع الدواء بتاعي في الشنطه
:روح بسرعه هات شنطتها على مكتبي
*عندما دخل وجد جسدها كله يهتز و يرت-جف بشده فص-رخ في النساء
:عملتوا فيها ايه يا اولاد....
واحده منهم :ابدا يا باشا ما حدش لمسها هي لوحدها شكلها مل-بوسه
علي :يظهر ان النوبه جت لها دي اثار المرض بتاعها
*حملها مروان واخذها الى مكتبه ووضعها على الكنبه بدات تستفيق من نوبتها ونظرت له بعيون دامعه ... ناولها علبه الدواء كي تاخذ منها ردت بحزن
:بعد ايه خلاص ملهاش لازمه شكرا على الدرس انا همشي ومش عايزه اعمل محضر انا فكرت كويس ... اقدر امشي او المفروض افضل في الحجز اكتر من كده
علي : ازيك يا دارين عامله ايه دلوقت
*ردت وهي لا تستطيع التحكم في دموعها
: مش كويسه يا علي لو تقدر تساعدني امشي اكون شاكره ليك وبلغ صاحبك اني اتعلمت الدرس و فهمته كويس قوي
:تعالي مكتبي هعمل لك المح-ضر اللي انت عايزاه
:خلاص مش عايزه المح-ضر هيعمل لي ايه صاحبك است-غل سلطته وان مفيش حد هيقف معايا وجوزي هو كمان بيس-تغل نفس الموضوع
:انا معاكي و هوقف جوزك عند حده اطمني تعالي
*وقفت عشان اروح معاه وقعت تاني وقعدت على الكنبه شفت قلق في عين مروان فهمت منه انه لسه بيحبني وعلي مد ايده عشان امسكها
:انت كويسه
:معلش مش قادره اقف اديني كام دقيقه على ما اثر النوبه يخلص
:خدي وقتك تحبي نكتب المح-ضر هنا
*بصيت لمروان بحزن وعتاب
:لا ينفع نروح مكتبك
:اه اول ما تبقي جاهزه وانا مستعد اسندك حد عمل لك حاجه في الحجز وصلك لكده
:لا دي نوبة المرض بتجيلي مع بعض الحالات النفسيه اللي بتعرض لها
*مسكت ايده وانا عارفه ان الحركه دي بتنرفز مروان جدا بس كان جسمي لسه مت-خدر وعايزه اخرج من مكتبه بسرعه لاني مش قادره ابص في وشه
*وانا خارجه من على الباب لفيتله وقلت له
:مش مسمحاك يا مروان على اللي عملته واللي لسه بتعمله ولو جرى حاجه لابني اللي في بطني بسبب النوبه اللي جت وما اخذتش الدواء وقتها صدقني مش هسكت
*شفت ص-دمه في عينه لما اتفاجئ اني حامل بس مشيت بلامبالاة مع علي ودخلنا المكتب
:اقعدي يا دارين وقولي بقى عايزه تعملي مح-ضر في جوزك ليه
*قعدت وبدات احكي له وطلب لي عصير وعسكري يروح يجيب جوزي من البيت
:عايزه تعملي مح-ضر وكشف طبي ولا نشد لك ودنه
:مش فاهمه ايه الفرق
:يعني مح-ضر وكشف طبي نسبت حاله لو عايزه تطلقي منه ولا نجيبه نق-رص ودنه ونكتب عليه تعهد انه ممنوع يقرب منك
:هي قرص-ه الودن دي بتجيب نتيجه
:هو انت مش عايزه تطلقي
:انت مش غريب يا علي اطلق اروح فين بابا ط-ردني ونبه على العيله كلها ما حدش يتعامل معايا بعد ما اتجوزت عادل ... غير اني حامل فاتدب-ست خلاص
:انا اسف على اللي عمله فيك مروان هو السبب انك اتعلقتي بحد زي عادل
:انت ذنبك ايه تعتذر بداله غير ان عادل غش-ني و خدع-ني وما صدقت حد يقول لي كلام حلو بعد حكايتي مع مروان كنت بتخ-بط ومش شايفه كويس
:طب تحبي اق-رص ودن جوزك بالض-رب ولا الكلام اللي يخ-وفه
:لو الكلام هيجيب نتيجه يا ريت اظن ما ينفعش راجل يتك-سر في عين مراته حتى لو زعلانين مع بعض
:طب انا هسيبك تستريحي على الكنبه على ما يجي وهخرج انا اعمل شويه حاجات اطلب لك اكل
: لا شكرا يا علي
*سابني ومشي لقيت العسكري دخل شنطتي واكل
: الباشا بيقول لحضرتك كلي لانه مش هيعمل المح-ضر غير بعد ما تاكلي
*عرفت من شكل الاكل ونوعه ان مروان هو اللي بعته بصراحه كنت جعانه جدا اكلت وتظاهرت كأني فاكره ان علي هو اللي بعته بعد فتره دخل عادل مع علي