رواية هجران القلوب الفصل التاسع 9 بقلم شروق الشمس
هجران القلوب
البارت 9
الكاتبة شروق الشمس
ـــــــــــــــــــــــــــــــــــــــــــ
وحصد غيري ثمر تعبي التعبته!
خليتك حبيبي بكلبي شريان
مثل ناااااطور وسفه وتالي بكته! !
تحملني الغلط....وتصير زعلان!
وتلف وتدور مني تريد فلته! ؟
مبروك ع الزواج الجديد والف عالخير؟
وسهم غدرك يغالي بكلبي شلته
حسبالك طحت. ..لا عمي غلطان! !
الذهب يبقى ذهب مهما صهرته
...............................
لا بنتي اسم الله عليه بس اخوج تعبان حضرو نفسكم نروح نشوفة بس لا تبجن ولا تصرخن يم راسة هسة محتاجنة نكومة على حيلة واخذن وياجن ملابس اله يلة بوية همتجن
احلفك بداعت الله ابني شبي
شوفي خيتي اول وتالي راح تعرفين اني اكلج احسن
بس قبل لا احجي وغلاتج عندي مابي شي مجرد ازمة وتعدي باذن الله تعالى
انشاء الله
خيتي علي عاشگ وهذا لشي مأذي هوه ماعرف يتصرف من الاول عباله من يكتم بداخله يحافظ عليهة لذالك ماتحمل صدمة انو هي اتزوجت وخلص انصاب بجلطة قلبة خفيفة
يمة ابني... وخرطت اخدودهة
احنه شكلنة بعدنة بالبيت وهيج سويتي جا من تشوفينه شسوين
اي يخوي مو بيدي هذا وليدي وكلبي محروك علية
اختي مابيدنة شي لبنية لو مامكطوع مهرهة والله جان اخذتهة اله بس بعد مايصير
لمهم خيتي اسمعيني للاخير
اي
ابنج مستسلم للنوم جسمة يستجيب بس دماغة مستسلم ولازم خلال 24 ساعة يصحة لدكتور يكول يسمع ويحس بينة بس بسبب لصدمة مالتة مسلمهة هسة اريدجن من ترحن حفزنة للكومة بس لا تأملنه على لبنية ابد فهمتني
اي فهمناك خالي
لا يخوي اخذني لبيت اهلهة ابوس ايدي ابوهة ونطلبهة لابني
اي وشتكليلة ابني عاشك بتك علمود لبنية تنفضح ليش احنة وين عايشين
چا شلون ياخوي
لراح مضه ويجي يوم يتأقلم على لوضع
ياخوي شيتأقلم وهوه قافل لو هي لو اختهة
هذا كامل يخربط اختهة شعليهة
دنكت راسي من لخجل وكلت يكول من ريحتهة
اي تايفضحنة بين لوادم ويبقة كل مره يشوفهة ويتخبل مو بكيفة يلة همن نفسجن
نرجس.... اخذنة غراضنة وطلعنة المستشفى عيوني من لبواچي مااشوف بيهن بس امي من وصلنة للمستشفى غيرت نفسهة كوة ورسمت لضحكة على وجهة بالاول خوالي اخذو ملابسة غيرو اله ورتبوه يالة دخلنة اباوع علي هذا ابو طول لحلو لطول ولضخامة كلهن صايرات جثة هامدة تقربت امي وكعدت يم راسة وبدت تحجي وياه
شلونك يافتشة عيني
شلونك يابعد لفاد
ليش يمة تحرك كلبي عليك
اكعد ييمة مالنة غيرك بعد الله
اكعد وليدي ذب حملك علية لا تضمة بكلبك
حاسة بيك وليدي
كوم يمة لا تشلع كلبي
شوف اخيتك عمت عليك يمة تقبلهة ولاية احنة من بعدك منو النه يمة
بعد طاقتي خلصت طلعت بره وكعدت نرجس بدالي
يابة حبيبي كوم شلون هيج صار بيج
علاوي يبعد اختك انت كوم يانظر عيني
ساعدنة حبيبي لدنية ماتسوه والله
كلشي بالقسمة واذا الله قاسمهة الك راح تصير من قسمتك كوم يخوي ياابن امي وابوي
يابة مالي غيرك لا تضيعني انتظرك حبيبي
كلنة ننتظرك صارلك يومين نايم ماشبعت نوم
لنوم مو حلو الك يابة
اجه لدكتور كال لا تضغطون عليه اهواي اشوية اشوية
لليل هماتين اجة فحصة كال بده يستجيب النة احسن من قبل امي ضلت مستمره بالصلاة ولدعاء واني يمة واحجي وياه مرت كم يوم وعلي نفس وضعة بس تحسن عنده 2٪ جان تجيني مسج من هجران لعلي وتطلب لمساعده منة كيفت لصراحة ورحت طايره علية
علي يابة كوم حبيبي شوف منو يريد مساعدتك هجران بوية تريدك هجران حبيبتك طلبت منك تساعدهة لان هي هم تعشقك كوم بادعت حبكم كوم حبيبي مهلتك لقبل كطعان مهر محكمة كوم ولك اذا راحت للمحكمة صدك ينتهي كلشي لحك على عشكك لخلاك تنام غيبوبة كوم ياخوي
دنكت على ايده وبچيت ودموعي بچف ايده تنزل رفعت راسي ردت اطلع جان اشوف دمع عينة ينزل على وجناتة
الله لا يراوي احد هيج شي بوكتهة كلبي تفطر علية حبيبتة تطلب مساعده وهوه نايم لاحولة ولا قوه مسحت دموعة وطلعت كلت لامي
يمة راح اتصل بهجران واخلي لتليفون يم علي يسمع صوتهة بلكي يكوم
لا اغضب عليج دنية واخره تردينة يموت ولج اذا سمع صوتهة راح يتأمل ترجعلة وهي مو اله خلي بالكي لحد مايصحة هي مزوجة وبعد مايعرف اخبارهة وانتي كطعي تواصلج وياهة خلي تروح الله يستر عليهة مامستعده اخسر ابني
علي..... حسيت نفسي بحلم كل مااريد اكعد مااكدر اسمعهم يحجون يمني بس مااكدر احجي
مااعرف منو حجه وكال هجران جن اشوفهة اني وهي واكفين مقابيل بعض واثنينة لابسين ابيض بس يفصل بيناتنة نهر وخضار لازم نركض للنهاية ياللة نصير سوه وهي تتوسل اساعدهة
مااكدر هجران شوفيني جان اشوف نفسي مقيد بسلاسل واريد اتحرك مااكدر هي تكول راح تخلص لمده علي انقذني اركض واكع اريد اوصل للنهاية مااكدر تختفي مني كل مااتقرب
جان احس ايد شخص علية اباوع اشوف جدي ابو امي يباوع لنهاية لنهر ويكلي ماتلحك لا تحاول موقسمتك ويطبطب على جتفي بچيت من كل گلبي عليهة فزيت ضوه قوي بعيني وكلهة الاطباء ملتمين علية بس حلكي ناشف مااكدر احجي
ماي 
اريد ماي
شربو ماي بس قليل
الدكتور.... حمدالله على السلامة ابني انكتبلك عمر ثاني
رديت علية.... لا ياطبيب توهمت
والجرح ماشخصته
وتگلي كاتبلك عمر
عمريش هو العشت
المن تهمك حالتي
حقك تهمك حالتي ماشايف الي شفته
فراگ وخلافات وقهر
واقرب شخص ضيعته !
نرجس..... طلع لدكتور كال الحمدلله على السلامة صحة بس بعده تعبان ممنوع علية المغثة ولمشاكل
اليوم بس سوائل ومن باجر يكدر ياكل بس بدون ملح ودهن زياده مابي غير لعافية
دخلنة عليه تحمدنة اله بالسلامة وكعدنة يمة لليل كال لخالي رجعهم للبيت هسة جماعتي يجون ماعاندنة وياهة رجعنة للبيت وكلت باجر اروح لهجران واخليهة شوية تنتظر لحد ماعلي يصير زين
من لليل امي سوت طبخ لعلي وحضرت كلشي اله اني غسلت ملابس لمستشفى وخليتلة ملابس نظيفة ثاني يوم امي وابن خالي ساعة 10 تقريباً راحو كالت ابقة لليل كملت كل شغلي ورتبت لبست عباتي وطلعت لبيت هجران
جان اتفاجأ بالهوسة لبيتهم لا شفت هجران ولا امهة اجتي اختهة زهره
هلو حبيبتي
هلا عمري
هجران وين
بعدهي مجاية من لصالون هسة تجي
هااااا
اي شبيج تفاجأتي ليش متعرفين اليوم مهر هجران
ها اي اعرف بس عبالي اجتي
لا بعدهي
شوية ودخلت هجران تفاجأت بشوفتي بس لحزن واضح بعيونهة صديقتي واعرفهة كلش زين
ماحجينة شي بس سلمت عليهة وباركتلهة دخلت جوه واتصلت على امي كالت ماارجع هسة كرايبنة يمهم بالمستشفى تتاخر
اني بقيت لحد مااجة زوجهة لصراحة لرجال ماقاصره شي طويل ولضخم رزن بس بالتأكيد اخوية احلى اباوع على هجران كوة متقبلتة وهوه مكيف يكلهة اموت على لخجولة غيره هسة بودهة تهفة چلاق تغير ملامح وجهة بالاول عادي عندي بس من كامت غصب عنهة تركص وياه احس بعد مااسيطر على ادموعي كلت الله يساعدك خوية اذا تخيلتهة بحضن غيرك هيج صار بيك لو شايفهة شيصير بيك احس اختنكت وكفت على صفحة باركتلهة كلت اني اروح هجران
باوعتلهة بتوسل لا ترحين نرجس محتاجتچ يمي
اعذريني والله
انتظريني نرجس همستلهة اموت والله اذا ترحين
بقيت انتظر على اعصابي طلعو اهل لعريس وهجران اصرت اله تنزع لبدلة لان ضايقتهة جانت كلش حلوه طالعة اتذكرني بياسمين عبد العزيز رادن كرايبهم يساعدنه بس هي رفضت
كالت نرجس ساعديني
ساعدتهة وصعدنة فوك تبدل بس ذبت لبدلة حضنة بعض
بچي... نرجس ليش اخوج نكت بية ومااجه اني صوجي طلبت منة لمساعده
هوه واحد نذل وحقير لو صدك يحبني
خليت ايدي على حلكهة كلت
لو صدك لتحجينة مو صارلة اسبوع بغيبوبة بسببج
مو وصل للموت بسبب لرفض
مو هسة هوه بالمستشفى نايم بسبب حبج
هجران لا تحكمين على اخوية وانتي متعرفينة كم سنة صارلج تحبينة بس ربع من حبة الج ميجي اخوية مجنون بيج هجران
يمة اسم الله شبي
حجيتلهة كلشي
كل هذا صاير بي
اي وبسبب هذا لشي ماكدر يجي الج وهوه ميعرف بالمسج مالتج لان جان بغيبوبة
نرجس اريد احجي وياه
موزين علية والله
بس اريده يسامحني اللة عليج
بس همة ميعرفون اني جاية الج
مو مشكلة انطيني رقمة اني اخابره
هجران اخاف اتصيرلج مشكلة
لا متصير بس اليوم احجي وياه لان باجر لحنة ولجمعة لزفة بعد مااكدر احجي وياه
كيفج رديتلهة لرقم سلمت عليهة وطلعت رجعت للبيت زين امي بعدهة مجاية بقيت الوب اريد اعرف شصار بينهم للساعة 12 واهلي ماكو اتصلت على امي
كالت اخوج صاير نار ومعاند اله يطلع
ليش شكو
ولج مااعرف اجاه تليفون ومن بعده كب للستار ويريد طلع حتى ويه خوالج تعارك
ليش
يكلهم ماتحسون بية وبت كلبي باجر زفتهة
هاااا
ماادري شلون عرف
اتهستر من لصياح ولدكاتره انطو مهدء ونام انتي روحي لبيت خالج اقفلي لبيت اني ابقة يم اخوج ماارجع
اي زين
علي..... دكت جهازي بس رقم جاوبت
الوووو
الوو
تفاجأت بالصوت بس ممتأكد منة منو
حمدالله على السلامة صحة وعافية ياوب
هجران
احم اي
هلا بهل صوت ومية هلا لو اعرف تتصلين بية من زمان نمت بالمستشفى
ذنبي بركبتك لو متت
لتكول مالك بيه
انتَ اللعبت بحالتي
وكل حيل ماضل ليه
تهضمني وآنا الجنت اون
لو طولت بالجيه
ثاريهن دموعك جذب
لمن جنت تبجيلي
رايد تخرب صحتي
وتكرسني وتهد حيلي
من كتلي خايف نفترك
غيرت موضوع البعد
كتلك تحب اغنيه؟
ثاريك من تسمع تحن
ورجعت تبجي من ابتدت
ثاريك تسمعها قبل
ويه الكاسرك الغنيه
والمهم ذنبي بركبتك
احم لا اسم الله عليك
لا اني بحلم صح وتخافين علية هم
شسمه هذا
شنو يبعد لفاد
ليش هيج صارلك
قدر الله بعد
اني لسبب
اكره لمستشفى بس حبيتهة لان بسببج
اني اسفة وبچيت
لا لا لا يبوي لا تنزلين ليلو خليني متمتع بهذا لصوت
سامحني الله يرضة عليك لا تخليني اعيش بتأنيب لضمير
لا يعود لخيزران مااسامحج اله وانتي بااسمي
تاخرنة علي
يعني شنو
لجمعة زفتي
هجران لا تجلطيني مرة ثانية فهميني
علي دزيتلك مسج على رقم نرجس وطلبت مساعدتك بس انت مااجيت وساعدتني توقعتك بعد متريدني ماجنت اعوف بيك بالمستشفى تأجل كلشي بسبب عمليتي
بفزه كلت اسم الله عليج عيوني عمليت شنو
لا تهتم مو مهمة بس
بس شنو يالوعة كلبي يعني انتهينة
بنشغة كلت اي عقدت محكمة واليوم جان لمهر
علي...... لزمج.... لبسج ذهب.... باسج.... ركصتو سوه
شنو جان شعورج.... حبيتي
شوف صح لجاي يصير حرام بس وحق الله مايوم يجي ولا راح يدخل رجال لكلبي بمكانتك ومعزتك عندي يجوز انت راح تسميهة وكاحة مني بس علي اني عاشگتك من جنت سادس ابتدائي واتذكر كل تفاصيلك بس انت مابينت الية شي وانهدم كلشي بسبب لسكوت لمهم كلشي راح وصار ماضي
احلى ماضي عندي شلون انساج كليلي
مثل مااني تأقلمت وعشت من اجتنه دعوت زواجك
اني زواجي يمتة
ذكرتلة ليوم ولتاويخ
هههههه لج هاي مواني هذا ابن خالي كريم
اني حالف مااخذ مره غيرج
.......
ليش ساكتة احجي
ماعندي كلامي
اتمنيتج الية
اتمنة اشوفك قبل لزقة
وينطيج كلبج تخليني احترك واني اشوفج وياه
بالي يمك طمني
لا تغلسين
موبيدي علي
بحسره وجع كلت هاي هي روحي يبت كلبي مودعة بالله ديري بالج على نفسج اني مو ضعيف بس خايف على سمعتج ولو اعرف بالمسج جان هسة انتي الية اني موجود بكلشي تحتاجينة مراح اكلج خليني اسمع صوتج بعد لان اعرفهة حرام
بس
بس شنو علي
لا هيج هجران روحي مودعة بالله
علي سامحني
مسامحة بوية بس مامبرية لذمة ابد
مو ذنبي
ولا ذنبي عشكتج
علي اوعدني متتقرب الاختي
مو لهل درجة اني قليل اصل بس احجاية بساعة عصبية بنيتي
تمام
محتاجة شي
لا سلامتك
بس وصية اذا ماكدرتي تتقبلينة لا اجبرين نفسج علية
راح تجي
الله كريم
علي
روحة لعلي
بدموع وبجي بحركة كلب كلت احبك وابقى للموت احبك
غمضت عيني اسيطر على اعصابي لان اعصابي تلفت اخذت نفس وكلت واني عاشكج للموت ياعود لخيزران
سمعت بس نشغتهة وسكتت
هجران بوية تسمعيني
الووووو
لج ياجمرة لفاد وينج لا تحرميني منج بس ليلة ابقي وياية من باجر حرام علية بعد
هجران ياروحي وينج
ولج بوية ردي علية شصارلج
تقريباً ربع ساعة لخط مفتوح وهي بدون صوت لا اكدر اسده ولا كواد بيهم يشوفهة شبيهة تخبل احس تهسترت عليهة ماكو اي رد
سمع صوت فتحت لباب وياهة عيطة غمضت عيني وقابض چف ايدي اريد اعرف شصاير
سمعت هوسة صارت وناس تحجي وية ناس مااعرف شصاير كلت اخاف يرفعون لخط وتصير مشكلة كبل دكيت على نرجس بهمس كلت نرجس مكالمة ويه هجران انقذي لموقف
نرجس....من دك علية علي نص ليل عرفت اكو مصيبة فتهمت علية صحت الووووو
هجران
مجهول..... يا هذا تليفونهة مفتوح اخاف تعاركت وية رجلهة
علي..... بكلي كلت دنعل ابوج ياابو رجلهة غير نعرف شبيهة
مجهول..... الو منو وياية
احم اني صديقتهة انتي منو
اها اني مرة عمهة هجران مغمي عليهة عيني هسة. اخذوهة المستشفى خطية اكيد تعبت بدون اكل من لصبح ولهسة
خالة فدوه يا مستشفى اخذوهة
ماادري
من ترجع طمنيني عليهة كليلهة نرجس ظل بالهة يمج
الله كريم
سديتة منهن حتى نرجس ماحجيت وياهة اغلي من لعصبية وخرت لكانونة ولمغذي طلعت اريد اروحلهة
وين طالع علي
خالي ابوس ايدك عوفني
علي لا تتخبل
واللة مااسوي شي بس اطمن عليهة مااعرف شصارلهة
وانت شعرفك بيهة
خالي لا تكفرررررني وكت تحقيق هسة خليني اولي
ماكو طلعة لو اني لو انت تريد تموت انت
اللهم طولج ياروح
خالي وخر
عليييي احترم الاكبر منك انت تخبلت بنية ازوجت وراحت مو قسمتك
خالي والله بعد مااعترض بس خليني اروح اشوفهة من بعيد والله
ابني انت چبير وعاقل لا تبچي مثل لجهال
خالي اذا عندي معزة يمك اخذني اشوفهة
اي نروح بس خليني اعرف بيا مستشفى ونروح الهة هسة ارجع لمكانك
تضحك علية شايفني طفل كدامك
اشر براسة لخالي علي وابن خالي كريم چتفوني ولدكاترة لتمت علية ماحسيت بس بنغزة الابره رحت بعالم ثاني
مثل نار البدو كل ساع روحي شيط
وجبيره جروح گلبي ومايفيد الخيط
ثاني يوم صباحا
