رواية الحمال وبنت التاجر الفصل الثامن 8 بقلم جمانه السعيدي
مهيب...رجعنا للبيت بس وصلنا لكيت ابوي منتضر يطمن عليها
نورس...ماكو شي شغله بسيطه
مهيب...روح نام بابا ماكو شي معدتها متخربطه من الاكل
اخذت العلاج نورس وراحت للحمام غيرت ملابسها لان اني بلغرفه
ورجعت تمددت
اني هم غيرت ملابسي وتمددت
طفينا الضوه وكلمن تمدد بمكانه هي فوك الجربايه
واني على فراشي بلكاع
نورس....شكرا لان جاي تهتم بيه وتساعدني
مهيب...هذا واجبي انت مسؤله مني لازم اهتم بيج منا لمن ترجعين الاهلج سالمه
نورس....اني غلطت وانت جاي تتحمل المسؤليه
طبعا نحجي كل واحد من مكانه والغرفه ضلمه بس ضوه احمر مشتعل
مهيب...كلنا نغلط بس غلط عن غلط يختلف
واكيد كل واحد لازم يتحمل غلطه بس عادي اذا واحد يساعد الثاني
ايجوز القدر خلاني كدامج حتى اساعدج
ايجوز هذا اختبار من رب العالمين اليه واللج
نورس....تعرف اني شنو غلطي غلطي مو الحب بحد ذاته
لان الناس كلها تحب الحب مووعيب
غلطي الثقه الزايده بلبشر
ماكان المفروض اثق الهلدرجه هاي الثقه الزايده خلتني افقد نفسي واعرض اهلي الأكثر موقف صعب مر عليهم طول حياتهم
اني حاولت انتحر واخلص من هاي الدنيا
وخاصه من امي عرفت واجت تواجهني
من جابت اختبار الحمل وكالت هذا شنو حسيت نفسي وكعت من مكان عالي وراسي انضرب بلكاع بقوه
ابد مااكدر انسى هذا اليوم
اتعس يوم من بعد اليوم الي وعيت على نفسي بيت هذا النذل
امي كامت تعيط وتملخ بوجها
كانت مصدومه مني لان اني فعلا مو مال هاي السوالف
كمت ابجي واني اشوف امي جاي تنهار كدامي
المشكله ماقربت عليه ولا ضربتني كنت اتمنى هي وابوي واحد منهم يضربني يموتني لان اني مااستحق كل هاي الثقه منهم جمانه السعيدي
ابوي اذه نفسه قهرته بقت بكلبه لمن انجلط
اني حاولت اقتل نفسي بس فشلت
عرفت اني هسه شنو مشكلتي ووثقت بإنسان حقير
مايستاهل الثقه وخليت اهلي يفقدون ثقتهم بيه
يمكن اني مااستاهل اعيش واكمل
كان لازم اموت حتى اهلي يرتاحون مني
اجيت انت ونقذت الموقف رغم مالك اي ذنب تتحمل هيج مسؤليه
مهيب...اول مره تحجي وياي هيج وتفتح كلبها اليه
كانت تحجي هي تبجي
حسيت بيها حيل مقهوره من الشي الي صار
فعلا صعب اثق بااحد وما يكون اهل الهاي الثقه
مهيب....ممكن تعوفين هذا المووضوع وتفكرين بنفسج
فتره وراح تخلص اكيد
المهم تاخذين درس من هاي المشكله
نورس...حلفت اذا رجعت الاهلي ماارتبط بعد طول عمري
ولا انطي الثقه الاي احد بعد كلشي صار وياي
مهيب....خل تعدي هاي الايام بسلام
نورس....شكرا لانك جاي تسمعني
مهيب...ماكو داعي للشكر
نورس....تعرف اني قبل زواجنا بكم يوم يله عرفت انت متقدملي سابقا ابوي ما حجه بهذا الموضوع
مهيب....انسي
نورس...اكيد بعد ما سمعت بهاي المشكله كلت همزين
خلصت منها الحمد لله تخلصت من هاي الورطه
مهيب....يعني هيج شي
نورس...حقك الله يلوم الي يلومك دوختك بكلامي
تصبح على خير
مهيب...وانتي من اهل الخير
كعدت الصبح بعدها نايمه اكيد تعبانه من البارحه
ويمكن العلاج بي منوم
رحت للحمام سبحت وبدلت لكيت امي محضره الريوك
والبنات رايحات للدوام
امي...شلونها نورس ابوك يكول البارحه اتخربطت
مهيب...صارت احسن
اتريكت وطلعت
من رجعت للبيت لكيتها مشتريه كم قطعه حجاب وجاي تدرب عليهن شلون تلبسهن
بس دخلت للغرفه راسا جمعتهم لان مطشرات على الجربايه
مهيب....شلون صرتي اليوم
نورس...الحمد لله دقيقه واجيب العشى
مهيب...براحتج علما اسبح واطلع
كانت لابسه ثوب اسود وبي ورد اصفر زغار فاركه شعرها
ولامته ورا طوبه الغرفه نضيفه وعطرها طيب
جمانه السعيدي
بس طلعت من الحمام جابت العشى بغرفة النوم
مهيب...تعاي اكلي وياي
نورس...لا بعد مااكل بليل اخاف اتخربط مثل البارحه
مهيب...اكلي شي قليل تعاي اكعدي هنا كبالي
كعدت كبالي
نورس...اذا جعت اكل زبادي
مهيب...مايصير تبقين بدون اكل علمود الي بطنج
نورس...شكرا
مهيب...باوعت عليها عيوني اجن بعيونها صفنت شويه
هي انحرجت نزلت عيونها
مهيب..ليش على شنو تشكريني
نورس...لان البارحه اني حجيت كلشي بكلبي وانت سمعتني وما تمللت مني دوختك مو
مهيب...احنا اصدقاء لازم نتحمل واحد الثاني باي وقت تردين تحجين اني مستعد اسمعج
نورس...ياريت لو متعرفه عليك من زمان بس كلشي قسمه ونصيب واني نصيبي اتعذب
مهيب...تعاي اكلي وياي حتى يصير خبز وملح مو بس صداقه
نورس.. خاف اكل وتحير بيه مثل البارحه
مهيب...عادي تعودت وعرفت الاجرائات الازمه
نورس...خلاص راح اكل بس قليل
مهيب... اليوم طيبه هاي التكه منو شاويه
نورس...اني سويته عجبتك
مهيب...اي كلش طيبه عاشت ايدج
نورس...الف عافيه
كملنا اكل وشربنا جاي طلعت اشوف ابوي لان اني بس بليل اشوفه
كعدت شويه سوالفنا على الشغل وعلى ابو نورس رجع للشغل مره ثانيه وصحته هواي احسن من قبل
من رجعت للغرفه سمعت نورس تحجي بلتليفون
بدون قصد مني وكفت واجا الكلام على اذني
نورس....يمه فدوه اريد علج ابو السهم وفستق محمص
راح اموت عليهن
ولله ابد ما مقصرين وياي عمي كل يوم يجبب علاكه شكبرها حلويات
وخالتي كل شويه تسئلني شنو تردين بس استحي
احجي استحي اطلب
ام نورس...صار سهله باجر ادزلج انتي مرتاحه يمه
نورس....اوووف رب الراحه ناس مو من البشر عبالك ملائكه طايرين بيه يعاملوني احسن من بناتهم
الحمد لله والشكر
ومهيب انسان حقيقي يعاملني احسن معامله
ابد ما يحاول يقلل مني لو يحسسني بلنقص
ام نورس....غير ابوج طيرهم منا مهيب خطب وابوج ماقبل جمانه السعيدي
مهيب.دخلت للغرفه راسا نورس كالت مع السلامه ماما
ام نورس ...سلميلي على مهيب وخالتج
نورس...يوصل
نورس.. امي تسلم عليك
مهيب...الله يسلمج راح اطلع اشتري تردين شي
نورس....سلامتك عمي ما مقصر اليوم انطيت علاكة الحلويات للبنات الكنتور انترس
مهيب...هسه ارجع
طلعت للمحل جبت علج ابو السهم فستق محمص
ورجعت لكيتها لابسه ثوب ابيض صدره والردن تول
كاعده على الجربايه وجاي تخلي كريم الاديها
مهيب...هاي اللج
اخذت العلاقه فتحتها لكت باكيت علج ابو السهم وجيسين
واحد فستق وواحد مشكل من هذا ابو الربع كيلو
راسا رفعت رأسه وبقت تباوع عليه بتعجب
نورس...شنو هذا
مهيب...شفتهن كدامي وجبتلج
نورس....شلون عرفت
مهيب.... عرفت شنو
نورس....اني اريد علج وفستق
مهيب....اه انتي تردين علج وفستق مااعرف
نورس....انت سمعتني احجي وياا امي
مهيب....مو متقصد سمعتج بلغلط
نورس....ولله كل يوم اتفاجئ بااخلاقك وحنيتك اكثر
مهيب...ابد لا تستحين اطلبين مني اي شي تردي
اي شي يعجبج اطلبي او اكتبي بورقه وعوفيها هنا
اذا تستحين تحجين وياي
نورس....الله يحفظك ويسعدك بكد ماتحاول تسعدني وتخفف عني
مهيب وجودها بحياتي غير كلشي
كل التفاصيل تغيرت كل الاحاسيس صارت حلوه
البيت صار حلو انتضر ارجع للبيت حتى اشوفها واحجي وياها
اول شي تعودنا على بعض كل ليله نحجي واحد للثاني شويه عن حياته او المواقف الي مرينا بيهن قبل لا انام
ثاني شي كل يوم تكعد نورس قبلي وتحضرلي الريوك والجاي وتوصلني الباب البيت
ثالث شي لطيفه وياا اهلي وخدومه بشكل مو معقول
كلهم يحبونه وطايربن بيها جمانه السعيدي
ما تطلب تروح بيت اهلها لو بقت شهر اله اني اخذها بايدي بليل ساعه ونرجع للبيت
ولا تطلب تطلع الاي مكان ثاني حتلو امي وخواتي يطلعن
واني اكله روحي وياهن ماتقبل
وصلنا للوقت الي لازم نعلن بي حملها لان بطنها بدت تكبر
هذا الخبر لازم الكل يسمع بي
جبير وزغير الجيران ولا اقارب اذا اتاخرنا اكثر
راح تبين بطنها وتبين الشغله
بعد مرور شهر على زواجنا بليل ومثل كل يوم لازم نحجي عن أي موضوع يخصنا قبل لا انام
مهيب...باجر اخلي امي تعلن عن الحمل انتي هسه دخلتي بلشهر الرابع
نورس...اي بطني بدت تبين
مهيب....باجر نعلن الحمل اتصلي على امج خل تنشر الخبر بين الاقارب
نورس....انشاء الله لان بطني بينت
مهيب....عادي البسي اشياء عريضه قابل هيه الناس راح تبقى تحسب وياج بس بلبدايه الناس تسئل
بعدين كلمن يلتهي بنفسه
نورس....اي هاي هي اتفقنا
مهيب...تردين ترحين تعرفين نوع الجنيبن
نورس....لا اصلا ما مفكره هيج كلش يجي من رب العالمين زين اهم شي الولاده مااتاثر عليه ويصير ببه شي
مهيب...ليش انتي خايفه
نورس....اسمع الولاده صعبه
مهيب....لا انشاء الله سهله باجر روحي انتي وامي للدكتوره حتى تطمنيبن كلشي تمام
نورس....ماكو داعي عليمن هلمصاريف
مهيب....علمودج اني خايف عليج مو على الطفل
نورس....من سمعت كلمة خايف عليج غمضت عيوني
شكد هاي الكلمه طالعه منه حلوه
احلى من كلمة احبج الف مره
مهيب...ليش سكتي نمتي
نورس....لا جاي ادعي رب العالمين يحفظك اليه انت احلى شخص التقيت بي بحياتي
مهيب....ههه لا تغيرين الموضوع لازم ترحين للدكتوره حتى اطمن عليج
نورس....اشوف اذا خالتي باجر فارغه تروح وياي
مهيب...اني احجي وياها وانطيج مصرف
نورس....كلت بكلبي هو هذا الحب الحقيقي مو الخرابيط الي اني جنت اركض وراها
مهيب.... ثاني يوم نورس اتصلت الصبح باامها حتى تنشر خبر حملها
وبعدين راحت تطمن على صحتها و صحت الطفل
الدكتوره أكدت كلشي تمام ونوع الجنيبن ما مبين
اله يخلص الشهر الرابع يله يببن
مهيب.....اليوم الي بعده بليل اخذتها البيت اهلها اول مره
تدخل عليهم وهي لا بسه حجاب
بقو يباوعون عليها بااستغراب
اكثر شي باركولها على الحجاب وخواتها باركن علمود الطفل لان مايعرفن الحقيقه جمانه السعيدي
هلمره ابوها حس اكو تعاطف بيني وبينها اكثر من قبل
حسيته فرح بهذا التطور
لان هو مايريدنا ننفصل يتمنى نورس تكمل حياتها
ووياي للنهايه
من رجعنا اني وياها اخذتها ودخلنا كافي
مهيب...اطلبي شنو تردين
نورس...اريد ايس كريم بلككو والمكسرات
مهيب...طلبتلها واني طلبت كهوه
اول مره نطلع اني وياها سوه هيج طلعه لطيفه
اكلت شويه
نورس...الله كلش طيبه
مهيب...بلعافيه
نورس....هاك شوف الطعم
مهيب...مااريد
نورس...لازم تاكل وياي
مهيب...جابت الخاشوكه وخلتها بحلكي ورجعت تاكل بيها عادي
مهيب..... اجيبلج غيرها
نورس...ليش شبيها اني ما تلعب نفسي منك
انت نضيف وريحتك طيبه
مهيب...تردين شي ثاني
نورس...كافي اخاف لا تتخربط معدتي
مهيب...اذا كملتي يله نرجع للبيت
نورس.....يله