رواية قدري الاجمل بدر ورقية الفصل السابع 7 بقلم شاهندة امام
في صباح اليوم التالي ….
_رقية بتحضر شنطتها عشان تمشي تروح عند أهلها وسعاد معاها
سعاد: والله هتوحشينا يا رقية والله
رقية: وانتو والله يا داده
سعاد: كاميليا هانم أول ما صحيت سألت عليكِ
رقية: ايوه ما أنا مستنياها ومش همشي غير لما اشوفها
سعاد: واضح كاميليا هانم حبتك أوى
رقية: وأنا والله يا داده من أول يوم شوفتها فيه وأنا حبيتها
_قاطعهم دخول كاميليا الاوضه
كاميليا: هتوحشيني اوى يا روكا
رقية وهي بتشيلها: وانتِ كمان يا كوكي
كاميليا: طب خُدى الشكولاته دي هديه افتكريني بيها
رقية بتاخد الشكولاته وبتبوس خدها: أنا مش محتاجه شكولاته عشان افتكرك انا عُمري ما هنساكِ اصلاً
كاميليا بتبوس خد رقية: وأنا كمان مش هنساكِ ابدا
رقية: هو بدر بيه صحي من النوم
كاميليا: ايوه وكان بيحط برفيوم
رقية: طب أنا هروحلو عشان امشي
سعاد: تمام يابنتي
رقية: معلش يا داده النهارده هتحضري الأكل لوحدك
سعاد: عادي يابنتي المهم تروحي وترجعي بالسلامه
رقية: الله يسلمك يا داده يلا أنا هروح لبدر بيه
سعاد: تمام روحي انتِ يا رقية ويلا يا كاميليا ننزل تحت
كاميليا: ماشي يلا بينا
_سعاد وكاميليا نزلو تحت ورقية راحت عند اوضه بدر وخبطت
بدر: أدخل
رقية: صباح الخير
بدر بإبتسامة: أحلي صباح النور لأحلي رقية
رقية بإبتسامة: مينفعش امشي من غير ما أسلم عليك
بدر ابتسم: وأنا مكنتش هسيبك تمشي اصلاً من غير ما أسلم عليكِ
رقية: طيب سلام يا بدر أنا همشي دلوقتي
بدر: استني
_بدر راح علي الخزنه وطلع منها مبلغ كبير
بدر: خُدى دول
رقية بأستغراب: ايه دول
بدر: خُدي الفلوس دي خليهم معاكِ
رقية: أعمل بيهم ايه يعني
بدر: خليهم معاكِ يمكن تحتاجيهم
رقية: لا شُكراً يا بدر أنا مش محتاجه حاجة
بدر: طب خليهم معاكِ
رقية: صدقني يا بدر أنا مش محتاجه فلوس
بدر: يعني هتكسفي ايدي
رقية: لا مش قصدي كده بس مينفعش اخدهم
بدر بيحطهم في ايدها: خديهم عشان خاطري
رقية اخدتهم بتوتر: شُكراً يا بدر
بدر ابتسم: العفو مفيش شُكر بينا ولا ايه
رقية ابتسمت: طيب أنا همشي
بدر: استني أفطري معانا وبعدين امشي ولا اقولك أنا هقول للسواق يوصلك
رقية: خلاص معنديش مشكله
بدر: ماشي يلا بينا
_رقية نزلت وأكلت معاهم وبعدين مشيت علي بيت اهلها
_في بيت أهل رقية
منال: ايوه جايه مين اللي بيخبط علي الباب كده
_فتحت منال
منال بفرحه: رقية
رقية وهي بتحضنها: ايوه يا ماما وحشتيني اوي
منال: وانتِ أكتر يا حببتي والله عامله ايه طول الايام اللي فاتت
رقية: الحمدلله كويسه يا ماما
منال: وبتاكلي كويس وقاعده مرتاحه ولا لا
رقية: لا متخفيش أنا مرتاحه اوي والله يا ماما
منال: والست اللي انتِ قاعده معاها دي كويسه يعني مخلياكى مرتاحه ولا لا
رقية بغباء: ست مين
منال: الست اللي بتشتغلي عندها
رقيةبإنتباه: اااه الست لا دا أنا مرتاحه خالص
منال: طب بتروحي الكُليه بتاعتك ولا لا
رقية: لا أنا مش بروح يا ماما
منال: ليه هي الست مش راضيه توديكى
رقية: لا يا ماما الست قالتلي روحي علي الامتحانات بس
منال: أنا مش ايه اللي جابرك على الشغل والتعب
رقية: ولا تعب ولا حاجه أنا حابه اشتغل عادي يعني
منال: لا أنا متأكده ان في سبب وسبب كبير كمان
رقية: مفيش سبب ولا حاجه أنا مش عارفه يا ماما انتِ مكبره الموضوع ليه
منال: مكبره الموضوع ماشي ياختى لما نشوف اخرتها
رقية: هو فين بابا صح
منال: ما انتِ عارفه دلوقتي اكيد في المدرسه
رقية: اه صح تصدقي نسيت
منال: طيب يلا غيري هدومك وتعالي ساعديني
رقية: حاضر
_في شركه بدر
_بدر كان قاعد ومعاه صاحبو حازم
حازم: هاا يا بدر هتطلع معانا الشله كلها بتسأل عليك ليه مش باين كده
بدر: ما أنا قولتلك هفكر وارد عليك
حازم: كُل دا بتفكر يابني اخلص قول رأيك
بدر: استني هشوف رقية تيجي معانا ولا لا
حازم: هي رقية هتيجي
بدر: اكيد هجيبها معايا أنا مش هسيبها هي وكاميليا تقعد لوحدها يعني
حازم: واضح انك بقيت تحب وجود رقية جمبك
بدر: بصراحه ايوه وكاميليا كمان حبتها
حازم: ايوه حتي أنا استغربت هي عمرها ما حبت مُربيه بالشكل دا كُل اللي كُنت بتجيبهم كانت مش بتحبهم
بدر: مش بتحبهم عشان بيضربوها لاكن رقية كويسه معاها
حازم: وانت مكنتش بتستحمل كُنت بتطردهم علي طول
بدر: كُنت بتجن لما اشوف كاميليا بتعيط وتقولي مشيها
حازم: طب بقولك اتصل عليها شوف رأيها و رد عليا
بدر: لا هي مش في القصر دلوقتي هي عند اهلها
حازم: ليه راحت
بدر: هو ايه اللي ليه راحت واحده عايزه تشوف اهلها أنا همنعها يعني
حازم بضحك: كُنت فاكر كده بصراحه
بدر: لا طبعاً عُمري ما اقدر امنعها من اهلها براحتها عايزه تشوفهم في اي وقت أنا لما ترجع هكلمها
حازم: خلاص ماشي هستني ردك سلام
بدر: سلام
_في بيت رقية
منال: حمدالله بالسلامه يا ابو رقية
حسين: الله يسلمك
منال: في حد انت بتحبو قاعد دلوقتي
حسين بضحك: اوعي تقولي رقية
رقية بتطلع من المطبخ بضحك: أنت عرفتني ازاي
حسين هو وبيحضنها: ما امك بتقول حد بتحبو يبقي أكيد انتِ عامله ايه
رقية: أنا الحمدلله بخير
حسين: وايه اخبار شغلك الجديد
رقية بصدمه: هي ماما قالتلك
حسين: هو انتِ مش عايزاني اعرف
رقية: لا مش قصدي يا بابا بس مش حابه انك تقلق عليا
حسين: أكيد طبعا قلقان عليكِ بس طالما دى رغبتك انتِ حُره
رقية: والله مفيش حد فاهمني غيرك ربنا يخليك ليا
حسين: ويخليكِ ليا يا حببتي
منال: يلا الاكل جاهز
_في الليل في قصر بدر
دخل بدر القصر بس حاسس إن في حاجه ناقصه رقية وجودها هو كان حابو طلع علي اوضه كامليا لقاها قاعده علي السرير
بدر: ليه مش نمتي يا حبيبه بابا
كاميليا: مش عارفه انام
بدر: ليه
كاميليا: اصل رقية كانت بتحكيلى حدوته وأنا مش عارفه انام
بدر: طب ايه رأيك انام معاكِ النهارده
كاميليا بفرحه: صح يا بابي
بدر: صح يا حبيبه بابي هتخليني انام ولا امشي
كاميليا بتمسك ايدو: لا لا تعالي
_بدر أخد كاميليا في حضنو وناموا
_في صباح اليوم التالي
يتبع.
