اخر الروايات

رواية يتيمة المشاعر الفصل السابع 7 بقلم الكاتبة نور ال زيادة

رواية يتيمة المشاعر الفصل السابع 7 بقلم الكاتبة نور ال زيادة



البارت السابع
*****
نورزان: كعدنا من الصبح بدلنا واخذت، ملابس، اضافيه اخاف احتاج ابدل وكلت لريام...
--ريام انتي هم اخذي وياج ملابس اخاف تتوسخ
ملابسج، تبدلين
ريام: لا ميحتاج، قابل شكو
نورزان: بكيفج
رحنا لبيت عمو نبيل، لكيناهم يتريكون، بعد الريوك بلشنا شغل، وطبعا الولد من نحتاج شي على ايدنا يتحركون ويتصخرون اني ومنال وسمر وبراء وريام نشتغل والباقيات عرايس
قطعنا اللحم وخلته منال على النار واني بلشت شغل بالباچه،..
هي مسموطه ومخلصه كسرتها اني وساعدني سيف، وبلشت غسل وتنضيف، وخليتها على النار
سويت الممبار ألي مغسول هو والكيبايات ومنقوع بالصوده والخل والليمون قبل يوم ،،
حضرت الحشوه وحشيت الممبار والكيبايات هم خلصتهن كلهن خليتهن على النار
البنات، كلمن توجهت لشغله، رتبنه شغلنا وقررنا ناخذ استراحه شويه،
سوينه گهوه، وطلعنا بالحديقه، يم الولد، نسولف ونشرب الگهوه، ورا شويه طلعت وسن، تتموع من تمشي وتحجي
وسن: هلو كايز، بنات محتاجات شي، مساعده؟
سيف: بعد وگت، جان انتضرتي يخلصن، ونتغدا
ونغسل المواعين، وتعالي مو احسن؟
وسن: اوي،، تدري انت شقاك غثيث
سيف: مو اغث من بعض الناس
سمر: سيف سد هل السوالف
احمد: صدگ رافي ردت اسألك موكان عندك، دفترمال اشعار وين صار؟
رافي: شنو تسوي بي؟
سيف: يشعر للقلب مالته
رافي: ههههه، اي موجود بغرفتي ويا كتبي القديمه
بس مااضن يفيدك، لأن شعر للشعراء القدماء
لقيس وعنتره والمتنبي يعني هيج وبنات هسه يدورن شعر حديث وبالتحديد الشعبي
وسن: الله احلى وافخم شعر للقدماء، رافي انت كلش رومانسي وذوقك راقي
احمد: هههههه، هذا منو الرومانسي، رافي؟
هو اصلا ميؤمن بشي اسمه حب
رافي: سويتني فد نوب، مو هيج عاد
وسن: يعني تريد تقنعني، بحياتك ماسويت علاقات
وحب وهل السوالف
رافي: اكيد بالكليه تعرفت على كم بنيه وحتى مره مرتين كونت علاقه صداقه وانعجبت ببنيه، بس من حسيت متفيدني عادي انفصلت وسديت الموضوع يعني اعرف انسحب بالوقت المناسب ومااخلي مشاعري تتحكم بيه مااؤمن بالحب الافلاطوني، والحب ألي يخلي الشخص يعاني ويتأذى علمود محبوبه واحسه ماأله وجود ومبالغ به
احمد: انته لو حاب حب حقيقي متعوف الشخص بسهوله، الضاهر ألي عشته مجرد اعجاب
رافي: مشاعر الحب عباره عن اعجاب وتعويد
ويكدر الانسان بسهوله يتنازل عن هل الشي
ويجوز بس يحتاج شوية وقت بسيط يتخلص
من التعود والتعلق ،..يعني مثلا اذا انسان يحب اكله ومتعود ياكلها كل يوم وفجئه يتمرض والطبيب يمنعه من هل الاكله لأن تضر بصحته، اكيد راح يتركها وبمرور الايام ينسى حتى طعمها لأن بالنهايه نفس الانسان اهم من اي شي،
احمد: وانت تشبه الأكل بحب انسان بابا انت ماحاب وصرت اتمنى تحب ومو اي حب كون حب يخليك متعرف ليلك من نهارك،، بطران عباله الحب بس اعجاب، الحب اعجاب واهتمام وتعود وتعلق وعشق وهيام واحيانا يوصل للجنون والهوس
رافي: بيش طالبني، وبعدين لكل شخص وجهت نضر وبنضري الحب ألي يأدي انو الانسان يتعلق ويغار ويفقد اعصابه وعقله هذا مو حب هذا غباء
بالنهايه ماكو شخص ميكدر يتحكم بمشاعره
سمر: اخويه العزيز انت ماحاب حب حقيقي ولا حاب اصلا من تعيشه ان شاء الله اذكرك بهذا كلامك
سيف: لعد تقرا شعر وشعراء وطلعت حديقه هاي شلون دبرتها؟
رافي: اقرا شعر لأن احب كلماته مو معناتها مؤمن
بقصص حبهم،قريت لقيس ابن الملوح وعنتره ابن شداد وعرفت قصصهم بس احس بالغوا بمشاعرهم حتى يصنعون شعر لمحبوباتهم
براء: خالو اني سامعه بقيس وعنتره بس ما اعرف شنو قصصهم
رافي: همه شعراء بالعصر القديم، همه وابو الطيب المتنبي والاصمعي وغيرهم لكن قيس هو وليلى قصتهم كلش مشهوره ومعروفه وعنتره وعبله وحتى هم ابن زيدون وولاده بنت المستكفي، هذوله شعرهم ارتبط اكثر شي بالحب والغزل لمحبوباتهم، لأن كانو يشعرون ألهن بس اقواهن قيس وليلى
براء: خالو تعرف قصته؟
رافي: اكيد،،
قيس ابن الملوح عاش بزمن حكم عبد الملك بن مروان ومروان ابن الحكم...لقبوه بمجنون ليلى من كثر حبه ألها و هي تصير بنت عمه ولما راح طلبها من اهلها رفضو وحاول بكل الطرق لاكن ما صارت أله، وكان يشعر ألها وين ميروح، وبعدها تزوجت غيره وكلش تأذى عليها وانهار وجن
حتى يقال انو والد قيس راح الى مكه يدعي لأبنه حتى ينسى حبه وطلب من قيس يمسك غطاء الكعبه ويطلب من رب العالمين ينسي ليلى لكن هو دعى وطلب انو الله يزيده حب ل ليلى
براء: الله شكد قصته حلوه ومؤثره
رافي: لتتأثرين خالو مو كلشي نقراه ونسمعه حقيقي
سمر: لا لهنا وكافي يمعود قصته خلدها التاريخ ويضرب بها الامثال، وعندك شك مو حقيقيه!؟
اصلا قصة حبه وصلته للجنون وصل بي الحال من تزوجت بعد فتره شاف زوجها اسمه ورد كاعد يم نار يدفه من حرگت گلبه ساله
هل ضممت اليك ليلى
قبيل الصبحاو قبلت فاها
وهل رفت عليك قرون ليلى
رفيف الاقحوانه في نداها
كان قرنفلاوسحيق مسك
وصوب الفانيات شملن فاها
رد عليه ورد انت حلفتني ولهذا راح اكول الحقيقه كله ....نعم
ولمن سمع قيس اجابته خله ايده اثنينهن على النار وضل الى ان فقد الوعي
نورزان: اوه الله يساعده ليش هيج سوا
سمر: ماكدر يتحمل انو حبيبته صارت بأحضان غيره وحتى يوقف ألم گلبه اذى نفسه
رافي: اني سامع هواي قصص حب ماأكتملت بس خلي نكون واقعيين هو الرجل حتى لو افترضنا حب من حبيبته تصير لغيره تتحرم عليه، فأكيد لازم ينساها مباشرتا
احمد: كلامك صح لأن حرام صارت ذات بعل بس انو ينساها بسرعه فهل الشي هو ألي مو منطقي
لأن الحب مو كبسة زر نشغلها ونطفيها بكيفنا
سيف: اني كل شي ماأفتهمت من هذا درس اللغه العربيه غير شغلتين...
الاولى انو احمد غركان واصل المي لراسه
والثانيه، رافي بعده للان حتى مامنزل رجله وخالها بالمي
احمد: ايا طايح الحظ، اعرفك تافه بس شوكت تكبر مو شوارب عندك مال ذيل مطي وبعدك سفيه وتافه
الكل: هههههههه
نورزان: ضلينا نضحك وهمه واحد يداهر الثاني
ورا شويه وسن طبت وطلعت بيدها سراحية مي وبلشت تقدم، قدمت لسمر ولأحمد وصلت لسيف
سيف: شكرا يابنت عمي النادره
نورزان: عرفنا بسمار، بس غلست هي وأحنا هم وراها قدمت لرافي، ماقبل يشرب تشكر منها
سيف: ليش انتي مو تعرفين رافي ميشرب بنفس الكلاص ويا احد
وسن: ها اسفه نسيت عبالي تغير
نورزان: هاي اول مره اعرف بهل شي
سمر: لا هو من زمان من كان صغير صار ويا موقف ولعبت نفسه وضلت عنده للكبر يعني مسأله نفسيه
نورزان: والله اليوم متفاجأه دا اسمع شغلات اول مره اسمعهن عن عمو
رافي: اني بالنهايه بشرطبيعىي عندي صفات حلوه ومو حلوه
سيف: ادري ليش تحسسيني رافي بشر جاي من غير كوكب ومثالي ومابي عيوب
نورزان: اعرف الكمال لله واعرف اكو بشر نفسه متتقبل اي شي وحتى اني منهم تلعب نفسي من هواي اشياء بس مستغربه من مواقفه اتجاه الحب لأن اعرفه شكد حنين ويحب الناس ويحب مساعدة الاخرين وألي يقدم كل هل الحب اكيد يعرف شنو معناه....
بعدني مامكمله كلامي اجتي منال علينا أنقطع كلامي
منال: يله عيني بنات طولت استراحتجن كومن خلي نخلص
نورزان: كمنا وياها وبلشت اني بالتمن وبعدها ردت اصفي بس اجه رافي يركض
رافي: شدسويين يمعوده هسه يوكع عليج وتنسمطين جان صحتينا احنا نشيله
نورزان: ماراح اشيله هو وبمكانه اشيل واخلي بالمصفي
رافي: حتى لو لتحتركين وخري اني اسوي
نورزان:صفى بالمصفىي وراها رجعه بعد ماصفى وخلاه بالجدر وخلا على النار
كتله،... ادري لعد اني شنو سويت انت كله سويته
رافي: وشنو يعني اهم شي ميصيرلج شي
نورزان: كالعاده اهتمامه،بيه ميتغير وهل شي يفرحني، وطبعا يشعل النار بغيري حسيتهن راح يشيلني ويكعدني بجدر التمن من كد مامدخنات مني بس لااني ولاهو نعبر احد، وراها خلصنا كل شغلنا وجوي خطار عمو نبيل وصبينا غدا وكفينا المطبخ والمواعيين ويا البنات
واخيرا بنات عمهم قرروا يساعدونا شويه
الضاهر بسمار سيف اثر بيهن
ريام توسخت هدومها وراحت للبيت تبدل ملابسها
والخطار ورا الضهر راحو
بقى بس بيت عمهم وأحنا كاعدين بالمطبخ نشرب چاي اجت فرح
فرح: بنات محد شاف سواري الذهب وكع مني واختفى دورت عليه ملكيته
منال: وين راح شوفي خاف من غسلتي ايدج وكع بالحمام
فرح: لا ام غيث دورت بكل مكان ملكيته
سمر: مصار شي كومن بنات كلنا ندور عليه
نورزان: دورنا بكل البيت ماكو فص ملح وذاب
وأحنا ندور وسن جرت كيس ملابسي ألي جبتهن احتياط ويايا،
وكع منها السوار، اني هنا تفاجات وشفت نضرات الصدمه بعيون الكل !!!؟
تعليقات



حجم الخط
+
16
-
تباعد السطور
+
2
-
close