رواية تحت اقبية الظلام الفصل السادس 6 بقلم ام سامان
البارت السادس
إذا كنت لا تهتم لما يعتقده الناس، فأنت بالفعل إجتزت أول خطوة نحو النجاح.
باولو كويلو
*****★***""★******
عزرائيل
من اتحامت بيه ...مكدرت اخيب ظنها ...ياربي شكد ناعمه وصغيره ...الي يشوفها يدري هي شكد بريئه ...
عزرائيل_ولك زما.... هاي مو اميرتك اليكل يوم تتغنى بيها وتتمنى تشوفها ...
نزلت دموعي ...وجريتها من ورا عزرائيل بدون مااجاوبه ماقبل دفعني ...
ليث _ولك هاي روحي تتوقع اذيها ...
سحبتها وحضنتها لصدري ..وهي تشهك...
سئلتها بهمس
بس ريحيلي راسي كولي انتي مسويه شي غلط..
اميرة _ورحمة ابوي ممسويه شي
ليث _مصدكج مصدكج يروح ليث...
انداريت من سالم كال ..
سالم _وحظرتك منو حتى تلزم ايد زوجتي
باوعله عزرائيل
عزرائيل_انا عزرائيل واتقربت منه وحجيت بصوت اشبه بالهمس قريب من اذنه ...والي يأذي شخص عزيز عليه اطير ركبته...
جاوبني باستهزاء ..
بس لاانت حبيب الكلب ...
تقرب منه ليث ...
طلكها...
سالم _باوع بصدمه ...يعني فوك ماسترت ..
قاطعته بكلامي ..
ليث_سترتها والله لايرحم والديك وهسه طلكها...
باوعلي بضياع
صحت بي...
كتلك طلكها...
رحمه_طلكها لا والله اتبرى منك ليوم الدنيا..
***★*****★*******★
اميره
تحت الضغوط واخيرا تحررت تحررت من علاقة من الاول متقبلتها ...
ماتقبلتها لان جنت احب سليم ...
وانصدمت من سالم كال ليث موافق حتى يتزوجني محبيت اكسر باخويه وارفض ...ولان اني مو بوضع ارفض او اقبل وشفت اهتمام سالم الي.وبطش زوجة عمي
كلت بلكي يسندني ويصيرلي ظهر ...بس الصار
عكس ..ادمرت حياتي ..صرت الصبح خدامه وبالليل اداة لتفريغ رغباته ..واهاناته ...اشكدكرهت نفسي وضعفي جتي ايام حاولت انتحر ...والصارلي بيوم العرس مجنت اعرف شي من كال ماكو دم تذكرت الحادثه الصارتلي واني عمري 10سنوات..وقتها امي وابويه ودوني للمستشفى ..حولوني لقسم النسائي
من طلعنا شفت دموع ابويه ..وامي بيدها تقرير عن حالتي ..
سمعت ابويه كللها ...من تتزوج تنطين هالورقه
لزوجها..
جم مره حاولت افهمه مجان يسنعلي ...كم مره ضربني ...لان كليمن اكون بالبيت مااري اسمع نفسج مو بس صوتج...
لحد مامرات صدك جنت احس بروحي خرسه
لا شخص يحجي وياي ...وكله ضرب واهانه وخدمه ....فقدت نص وزني ...ووجهي اصفر
جانت تمر ايام مااباوع للمرايه ...مااريد اشوف الضعف بوجههي ...
لحد ماطلع ليث ...ردتلي الحياة ...
والحمدلله اخيرا خلصت...
اخوي دز الرجال الوياه يجيب الشيخ ..
وصدك ورا شكد لكى واحد ...واطلكنا ..
ورجعت لحريتي ...اخذت كل شي يخصني ويخص اهلي ...وطلعت واني مرتاحه رغم اكو جروح بعدها مطابت بجسمي ...بسالمهم خلصت من هالعائلة النذلة...
طلعت ومن وصلت للباب انداريت عليهم
اميره_الحمدلله خلصت منكم ومن قرفكم ويكون بعلمك يالمتعلم تدري ليش هالسنين كله ماخلفت لان جنت اخذ حبوب منع لان مايشرفني يربطني بيكم شي واخر شي تفلت عليهم .شفت اجتني رحمه كبل طلعت وسديت الباب بقوة. .انداريت شفت الرجال التحاميت بي ...صافن عليه ومبتسم يمكن سمع كلامي....مهتميت...صعدت بصف ليث .
حضني وهو يعاتبني ...لان ماحاولت اتواصل
ويه اي شخص حتى يساعدني
اميرة_صدكني مدة حكمك خسرتني كل امل بحياتي ...كلما يدوسون عليه اكول اتحملي اميره ماعدج غيرهم مجبورة تتحملين ...
حضنتهااقوى ..المهم هسه احنا سوا..
حاجاني بهمس
ليث_عدنا كعدة طويلة بسالفة يوم العرس
هزيتله راسي وماعندي اي خوف...
عزرائيل_باوع راح اوديك للبيت الراح تعيش بي ...طلبت منهم ياخذولنا بيتين الي والك ...
بصف بعض ...عود افرشوها على ذوقكم..
ليث_تسلم خويه..
اخذت اميرتي للبيت...وخابرت المحامي ..
ورياض بعد ساعة جابلي كل الفلوس الجمعها من المحلات...
سالت اميرة عن الفلوس الجنت ادزها..
اميرة_يافلوس خويه وربي ماشفت فلس واحد..
ليث _معناها زوجج وامه حتى فلوسج باكو ..
اميرة _الله ينتقم منهم...ولايشوفهم راحة يوم..
ليث_صدك ماشفت سليم...
دمعت عيوني وحالت اكون طبيعيه..
اميرة_من شاف معاملة امه واخوه اليتعاؤك وياهم وحتى من حجو بشرفي دافعلي وكال هايترباة عمي مستحيل تسوي هيج ..واخر شي ماتحمل تعاؤك وطلع من يومه محد يدري عنه شي
ليث_امم تمام هسه نجي على سالفة يوم العرس
اميرة_حجيتله كل شي بخجل..
ليث_وامج جانت تدري راح تتزوجين ومع ذالك مااجت ولافهمت زوجج
اميرة_اصلا كالت لااعرفكم ولاتعرفوني..
ليث_احسن شي نعتبرها ميته ولو هي من زمان حالها جال الميته يمنا...
****★*****★*****
اميرة
طلعنا العصر حتى ناثث البيت ...حلو تصميمه واهم شي بي حديقه ...اموت عالورود وزراعة الاشجار وهالسوالف اعشق الخضار ..
بلشنا ترتيب طبعا هالفترة لبست بوشية لحد ماتخلص عدتي ولو متاكده مااحمل لان بسبب افعالهم قررت اخذ حبوب منع جانت عدهم جوارينهم حمدية كولش خوش انسانه كل فترة تجيبلي فد اربع اشرطة وقبل لايخلص تجيبلي غيرهم مرة كلتلي ولو ادري حرام الدااسوي بسس صدك حرام تحملين من هيج انسان مثل زوجج...
خلصت عدتي بيوم اجانا عزرائيل واني اسكي الشتلات
انتفضت من سمعت صوته ورايه
عزرائيل _خوش حديقه مسوين ..فات للحديقه واني مرتبكه....باوعلي من فوك لجوا ..اي شونج ..
اميره _الحمدلله وانت..جاوبته بخجل.
عزرائيل _بخير بخير..وينه ليث.
اميرة _مشيت وكتله هسه اصيحه..فتت جوا واني داخلي خوف على خجل على ارتباك..
فتت ..طلع ليث من غرفته ..
ليث_هااموره شبيج...
اميرة_صديقك متانيك بالحديقه ..
ليث _ماشي كلبي سويلنا عصرونيه حبيبتي
اميرة_من عيوني .
باسني بجبيني
ليث_سالمات هالعيون
فتت جوا حضرتلهم. صينيه جاي وكليجة وسويتلهم ماعون فواكه..
طبعا بسبب قلة الاكل جان صاير بيه فقر دم بس الحمدلله هسه زين ووجهي رجع طبيبعي
بعد ماجان الصفارطاغي عليها ...
*****★*******★******★****
عزرائيل..
جنت ادري ورا موافقتي اصير ويه قريبي
راح يخليني بورطة جبيرة ..وفعلا طلب منياني وليث نكون حراسه ...
حاجيت ليث..
ليث_شكو بيها حراس حراس..
هذا مافهم يمكن ..
عزرائيل_ولك افهم يعني احتمال تدخل اعمال مشبوهه ..
جاوبته بهدوء
ليث_ميفرق عن المكان الطلعنه منه
عزرائيل _ماادري اني ممرتاح للسالفه ...
ليث_هونها تهون ...
اخذنا بالليل رياض لمكان هو دوم يسهر بيها...
واجبرنا اني وعزرائيل نشرب ..
بعد محسيت بالدنيا ..كعدت الصبح وحده بصفي نايمه ...انتفضت ..
وكمت لحيلي ملابسنا كله بالكاع ...لبست شلون مجان كعدت .
_ها عيني كعدت .بس شلون سهرة حلوو اووف اول مره اكون سعيدة ومرتاحة بشغلي
باوعتلها بقرف.
كامت لحيلها ..لا لا عيني كل شي ولا هالنضره ترى البارحة جنت مكيف للسالفة .. يلا جيب حك تعبي ...طلعت فلوس وذبيتها بوجهها وطلعت...اتصادمت ويه عزرائيل نفس حالتي وهو هم اعصاب فول ..شافنا رياض باوعناله بعصبيه...
رفع ايده...
رياض_ معليه بشي انتو ثكلتو بالشرب وكل واحد اخذله غزاله ...شكد نصحتكم وانتو قافلين..هو يحجي واحنا نروحله اخذ شي طكه بركضه ...واحنا وراه لحد مالزمناه زوعنا العافيه ...
كعدت عالرصيف
رياض_اخ بويه ...الله يكسر ايدكم ...
اخ يابويه...خربو وجهي الله لاينطيهم...
خربنا ضحك علي ينوح جنه ابنيه ...
******★******★******
اميرة
الحمدلله استقرينا بهالمنطقه وانكطع عنه كل اخبار بيت عمي ...مرتاحين اني وليث ...
بس مرات ليث يبات برا بحكم شغله لان حارس...صح اخاف بس ليث كال المنطقة امينه والبيبان قوية مستحيل يصير شي ...
مرت الايام والشهور ..ودخلت الموبايلات للبيوت ...هنا ليث ارتاح ...كال اذا يصير شي كبل تخابريني اني او عزرائيل مدري ليشمن اسمع باسمه بدال مااخاف احس بالامان ...ادري فرق العمر جبير بس شي بداخلي مامنه بي .بسممرتاحة للشغل اليشتغلوه...
بيوم ليث جان بايت برا ثاني يوم من رجع اتفاجأت من فات ووياه بنيه ..
اميرة _منو هاي ليث..
جاوبني وهو يتقرب مني بابتسامه..
ليث_اميرتي اعرفج هاي ريام وراح تعيش يمنا فترة ...
يتبع ...
السابع من هنا