رواية تحت اقبية الظلام الفصل الرابع 4 بقلم ام سامان
البارت الرابع
سيحاسب الله من جعلك تظن انه طوق نجاه و اغرقك
********★*******★******
ليث
جمدت بمكاني ...
انداريت علي واني شفتي ترجف....
ليث_ششش ننوو هالحجي ..جججذذب ..
كلتها واني الرجفه البيه اثبتت صحة كلامه..
كام لحيله واتقرب مني ..
عزرائيل _رجفتك اثبتت كلامي ..تقرب مني
تكدر تعتبرني سند وظهر الك ...وتحجيلي كل شي واعتبرك ايدي اليمين بس اذا درت ظهري الك ...تأكد نهايتك تكون بايد الشخص الشفته قبل شويه او ايد غيره اعرض عليك هالعرض لان شفت بيك اخويه المرحوم الي ضيعته بسبب افعالي.. ...
خفت من كلامه خفت اذا ارفض. اوكع بايد ذاك الحقير وهيج خلصت من كابوس عمي اوكع بكابوس ذاك الجلب...
قبل لايفوت لجوا..
ليث ...موافق
اندار وعلى وجه ابتسامه خفيفه ..ذب جكارته
ورجع كعد بمكانه ....
اتجى بضهره للحايط.. وجتف ايديه لصدره..
انداريت ونطيته ظهري...لان مااكدر احجي واني اباوع بوجهه..
حجيتله كل شي ....من الاول لحد كلام الي كالتها زوجة عمي..
عزرائيل..اممم انت غلطت من ضميت هالشي عن اهلك...حتى لو اهلك مو خوش المفروض تشهد ابن عمك ..وهيج يصدكوك..
ليث_مكدرت....نزلت راسي انداريت علي..
شون افضح روحي ماانكر اني جنت ضعيف بس كله بسببه طفل بعمر ثمان سنوات ...
شيفهم ...وعمه ينكسه ...عم بلا اخلاق بلا ضمير ينهي حياة ابن اخوه بسبب غرائزه..
نزلت دموعي ...كام لحيله واتقرب مني ..
حط ايديه على متني ..
عزرائيل_انت قوي ..دير بالك تظهر الضعف كدام احد ...حتى كدام نفسك. ..لا تطلعه..
هسه انت عيني...اصيرلك سند وظهر ...بس قسما ياليث خيانه او جذب ...اشر لركبته ...ركبتك اطيره...
عافني ...وفات جوا....
رفعت راسي للسما رحمتك يارب....
خوف بداخلي خاف يستغل الشي الي حجيتله ياه ..وكلت امري لله وكلت هي خربانه خربانه المني وبيه عيشني سنين بكابوس ضل عالغريب...
********★**********★********
اميرة...
اخذتني امي ...واني مادري زوجة عمي شصار بيها ...هنا ايقنت انو اني وسليم ماكو اي مستقبل يجمعنا سوا.....فرحت لان امي اخذتني ...طبعا امي ورا طلاكها كالت تزوجت ...فترة واطلكت ...هو محد جان يتحملها غير ابويه....كضيت اسبوع وياها مدللتني وتزيل تعبي بكلامها ...طبعا هي ساكنه ويه بيبيتي ...ومبينه بيبيتي مراضيه عنها ...بس كاعده وياها بسبب كلام العالم
فاتت..جوا...
سمر _يمه باجر اروح لمحامي ابوج ..خلي نشوف املاكه حرامات محله يضل هيج...
جان يطلع خوش رزق...
اني بالي يم ليث ..شو حته ماكلفت نفسها تسال ليش كتله وين محبوس ...او تروحله زيارة ...سكتت ..براحتج يوم...
طلعت فرحانه ...
ثاني يوم جتي وعيونها تجدح ...
تصيح وتجر بشعرها...خفت لاواحد مسويلها شي..
وبيبيتي ..صافنه عليها ...
تقربت منها ..يمه شبيج ...دفعتني قوي وكعت...بالكاع...
بيبيتي _سم بكلبج ولج ليش هيج دفعتيها..
سمر ..سكتي ...الله ياخذكم كلكم .. اندارت عليه ولج ابوج مجان يحبج ماعايفلج شي ..حاط كل شي باسم ليث الك ......
وج اني جبتج لخاطر فلوس ابوج تالي طلع كله بح رايح لليث المجرم ..كمت لحيلي
و
اني اصيح ....
اميره ...اخوي مو مجرم انتي مجرمه ..مجرمه لان خلفتي اطفال اثنين وانتي ولايوم خدمتينا ولايوم جيتي تسالينا شونكم شتحبون شتكرهون ولتيوم فكرتي تدرسينا ..ليث التكولين علي مجرم هو رباني ودرسني ...هو الوحيد باقي من عائلتي
ماحسيت غير براشدي وكعني بالكاع ..وضلت ترفسني برجليها ...والله ضربات زوجة عمي جانت اهون لان هي تضرب بجسمي وبكلبي عود تعتبر ام ...تعبت من ضربي وبيبي تدفع بيها ...فاتت لغرفتها بيبي رغم كعدتها بالكاع صعبه كوه كعدت روحها وجرت راسي لحضنها ..تبجي على بجيه وتدعي على امي ...اتذكرت حنان ليث ومداراته وشكد جان يضحكني اذا جنت ضايجه...ولان اني جنت احب دلاله .....جنت كل يوم اسوي روحي زعلانه وضايجه ..حتى يضحكني ويراضيني..
الله يرجعك الي سالم ...ياارب معجزة من معجزاتك...اريدد اخوي ..ياارب...
ثاني يوم تفاجئت ...بطكطكه...
فتحت عيوني شفت امي ...تلم بهدومي .
كمت لحيلي ..ششكو .
سمر ..انجبي مالج كعده هنا ..رججعي لعند رحمه الك....
اميره...فكيت عيني بقوة...يمه صدك تحجين ..
متعرفين شكد اذتني وضربتني ...تقربت وجرت شعري قوي. ..
سمر _سمعي لج اني جبتج على مود فلوس ابوج مو لسواد عينج..وهسه ترجعين يمها تضربج تخنكج ..علواه تموتج واخلص من همج..
انطتني عبايه ...لبستها ...وهي تجر بيه وبالجنطه...وبيبي تجر بيه ...جرت ايدي ...كن ايد بيبي ...واجرت تكسي ..وصلني لبيت عمي ..
دكت الباب ...وانفتح الباب..واني اشوف سالم ..هو الفتحها..فتحت عيوني للاخر وفرحت لان هو الصديق الروح بروح ويه ليث على عكس سليم...
سمر_هاكم هايبنت عمك...لااريدها ولااريد اي شي يجمعني لابيها ولابيكم ولابالمجرم الي بالسجن.....دفعتني وكعت بحضن سالم ..وهو يباوعلي بنضرات مدري شلونها...
******★********★*******
زهرة. ..
جاسم اجا...وهو يعاتبني ..لان محجيتله عن امجد...
زهرة ...اتنهدت وكتله ..خويه الحمدلله هنا وضعي احسن من وضعي الجنت عايشتها يم اخوك ..متتذكر شكد جان يضربني ..وشكم مره ضرب ريام ...خويه اخوك من يومه قاسي وايده والضرب على الاقل هنا ماكو ضرب
وبداخلي اكو خوف على ريام ....
بس اوصيك ان صار عليه شي ريامه امانتك ...
جاسم ..جاوبني بقلق بليش خويه صاير شي ..
زهرة ..جاوبته بابتسامه لاخويه بس القهراخذ من حيل خيتك ادعيلها براحة البال ..
جاسم ...بوست راسها ...اعتبرها امي هم مو بس اختي ..عمرج طويل يبعد اخوج..
********★********★*******
علي ..
فاض الشوك بيه على بنيتي ...هالمره عندي كرايبنا من بعيد يشتغل بالمخابرات ..انطيته اسم بنتي بلكي يلاكيها...
حياتي ويه سماهر مثل ماهي ..حاولت اعوض اطفالي عن هاي الام ...الي من اني ماكو تزوركهم ...جم مره ضربتها لخاطرهم ميفيد ...
كلما اشوفهم اتذكر ريام. ..روحي تنطحن ماادري زوج امها زين وياها يعاملها زين لولا
*******★*******★******
ليث
اليوم يوم الزيارات...من ذكرو اسمي مصدكت اتخيلت لو اختي لو امي ..
بس من طلعت انصدمت بوجود المحامي. .
ابتسم بوجهي ...
تقربت منه وصافحته...
بيناتنا صايرمثل شباك حديد ...
ليث _طمني استاذ سعد .
سعد..ابتسملي ...اطمنك كل يوم جنت اروحلها لحد مااجت والدتك واخذتها..
اتنهدت براحة ...بس ببالي سؤال معقولة امي تهتم بامر اختي ..لعد ليشمافكؤت تزورني او تسال عني ...
سعد _طبعا ورا المحكمه التقيت بمحامي والدك الاستاذ محمد..وبلغني انو ابوك مشجل كل شي يملكه باسمك...وحبيت ابلغك ..اذا تعرف احد ثقة توكله حتى يرجع يفتح محلات ابوك حرامات جان اله اسم بالسوك..
ليث_الله كريم استاذ ..
رجعت واني حسبه تاخذني وحسبه تجيبني ..
شفت عزرائيل ..كاعد وسبحته بايده ويباوع عليه ...
تقربت منه..وكعدت بصفه.
ليث_ماعدك زياره ..
ابتسملي .
عزرائيل_واحد مكطوع من شجره منيله زيارات
ليث_ابتسمت باستهزاء ..على. الاقل ماعدكم وتنقهر من هالشي تكول ماعندي احد وخلاص ..لعد اني شكول عندي ام وخوال ولاواحد فكر يسال او يزورني..
عزرائيل_جا منو زارك ...
ليث_المحامي الي تكفل قضيتي وعدني يجيبلي اخبار اختي ..طمني امي اخذتها لان جانت عد بيت الك...الي كتلته..
عزرائيل _شكد عمرها اختك...
ليث _13وبعد شهرين تفوتال14
عزرائيل _صغيره ..الله يجمعك بيها..
ليث _امين ..هي كل دنيتي ..شكد جنت عايشبكابوس بضحكه منها انسى اول والتالي ..
عزرائيل_اووف لهالدرجه ..
ليث_واكثر ...هي بس الغمازه البوجهها تنسيني كل همومي ..حلمي جان اخذها ونعيش وحدنا واعوضها الحرمان العشناها سوا. . نزلت دموعي ...ضرب رجلي برجله..
عزرائيل _شكلنا .. ضعف ماكو..
مسحت دموعي واني اهز براسي
مرت اسبوعين ..
بيوم الزيارة ...اتفاجئت بوجود سالم ..
تسالمنا واني اتمنى احضن اخوي ...بس شفت مو نفسه سالم العرفته ...
سالم _انا جايي حتى اطلب اختك ..حتى تكون بامانتي لحد ماتطلع من السجن.
*******★*******★*******
مشهد من القصة...
كاعده اغسل بالحوش ...والباب شويه مردود ...الضعف الظلم ماخذمن حيلي هوايه مو جنا عمري 17جنا عمري اربعين مدري خمسين ....انداريت وانصدمت من شفت ملاذي الامن ... ملاكي ...امي ابويه ...وكل دنيتي هو هم مصدوم من حالتي ..
جسمي الهزيل ...وجههي الاصفر ...شعري المكصوص لركبتي ...ووجهي البي اثار ضرب ..
تقدم مني ودموعه تنزل ...
وج شصاير بيج ياروح روحي شصاير بيج ياقطعه من كلبي...
*****★********★******
