رواية بيت البخت الفصل الرابع 4 بقلم اريج البغدادي

رواية بيت البخت الفصل الرابع 4 بقلم اريج البغدادي

شأت الأقَدارُ أن تَربُطني بِكَ

وحَظي أصبَح قَدراً كـ حَلقةً بِيدكَ

أيَستمِرُ ارتِبَاط أيَدينا أم تَفلَتني أو أفَلتِك.

-: شفت الضخم الي بالمنام واكف ورا تجمدت بمكاني حسيت ضَهير عرف نزل راسه ورجع رفعة أختفى مباشرةً الي وراه ولاحظت لابس نفس الخاتم الشفته بحلمي وعليه سيف الأمام علي انتبهت على عيون ضَهير دققت أنهُ نفس العيون بعدها استوعبت أني واقفه وأمي تأشرلي أتحرك

رحت داقدم العصير

-أم ضَهير: ماشاءالله تبارك الرحمن شنو هل جمال حبيبتي

-أم دُرر: حبيبت قلبي أم ضَهير

-أم ضَهير: وين چنتي مضمومة يمفلوگة على هل حسن والطله الحلوة

-: أبتسمت بخجل رفعت عيني على سيد ضَهير يباوع بأبتسامة بملامحة مو واضحة ومتلاشية

كل ما أدير وجهي وارجع أباوعله ألكي ملامحة شكل، استغربت ياربي شنو هل أنسان وشنو موضوعة

وبصراحة نص سبب موافقتي هوَ الفضول اريد اعرف ليش هيج غريب هل رجال

-أم ضَهير: دُرر حبيبتي ياصف أنتِ شنو تدرسين

-أم دُرر: أحجي ماما

-دُرر بتوتر: والله خالة خامس أعدادي المفروض سادس بس تركت لان تمرضت

-أم ضَهير: ياحبيبتي مابيج الا العافية يلا ميخالف المهم دتكملين

-سيد ضَهير: شنو مرضج الي خلاج تتركين؟

-: هنا أنكبست لان چنت تاركة علمود نومة الصبح

-دُرر بصوت ناصي: لان فقر دم حاد

-سيد ضَهير: شنو؟

-دُرر بأندفاع: فقر دم حاد

-ها شو مامبين عليج

-أم دُرر: ههه اي عالجتها سودة عليه

-أم ضَهير: ياحبيبه عمري سلامتها

-سيد ضَهير بصوت ناصي: عويرة

-: محد سمعة بس اني ضليت صافنة عليه

عود صدك يحجي طكها بوجهي

ويباوعلي ويدير وجهة المهم طلعوا وعافونه وحدنه شويه نتعرف

-ضَهير: شلونج دُرر

-دُرر: الحمدلله بخير

-دومج

-شكرا

-لا مو شكرا كولي الله يديمك

-لا رد

-عفيه شطورة، زين هسه أتعرف عليج لو لا؟

-بكيفك

-هاا حلو

نعوف المعلومات البدائيه مال عمري وعمرج هذن معروفات

-دُرر بأستغراب: اي؟

-دُرر ابويه

-ها

-من هسه اكلج، ماعرف تعتبريه تحذير تنبيه بس چذب لاتجذبين عليه لان بالتالي رح أعرف اذا صدك أو لا

-اي طبيعي كلنه منحب نكذب

-أعرف، اني اتكلم حتى عن الكذبه البيضه ماحبها لان بالنهاية رح أعرف افتهمتي ؟

-دُرر بأستغراب: اي فهمتك

-: صفنت تذكرت الكذبة فقر الدم صرت اشك يمكن عرفني اكذب

-شغلة ثانية لاتسوين شي من ضهري اني ماحبه لان هم رح أعرف واكو من الي يكُلي حتى لو وحدج تسويه

-هو شنو الي أسويه مافهمتك؟

-أي شي اني ماحبه

-وشنو الشي الي متحبه

-الكذب، الخيانة، التبرير الدائم،

اللبس المو معقول، ماريد ضحكتج وسالفتج مع هذا وذاك، وخلي لبسج دوم حلو ومستور

-ترا أعرف بدون متحجي أحنا تربينا على الستر والأدب

-وانة هم اعرف مو قصدي هيج مافهمتيني أقصد ببيتنه هناك اذا ان شاءالله صارت القسمة

-الله كريم

-ضَهير: هسه هاهيه متفقين؟ يلا سولفي انتِ هسة

-اني نفس ما انت تكره أكرهة بس أحب دائماً تكون متفهم مو عصبي لان ماحب اني الصوت العالي ماحب أحد يضغط عليه بشي ما أريدة والي أريدة أكمل دراستي

-ضَهير: سهلات لتهتمين

-دُرر: حتى الدراسة؟

-ضَهير: اي بس أني افضل تكمليها خارجي

-دُرر: ماضلت بس هل سنه والسنه الجايه سادس

-ضَهير: هم تريدين تدخلين كُليه عود؟

-دُرر: ما اعتقد لان ماحبها

-ضَهير: اي احسن، شغله ثانيه الله كريم هسه للكليه هي شبيها غير المشاكل والتعب

-: قاطعتهم أم ضَهير

-أم ضَهير: ها شصار تعرفتوا لا بنيتي دُرر عجبج أبني لو أخذه واروح

-ابو دُرر: لا شهم ضَهير أبني

أبو ضَهير: ونعم منك حبيبي ابو حيدرة

-دُرر بخجل: أني اترخص

|

|

|

(بيت أبو مهيمن)

-سيد مُهيمن بعصبية: يمة شمسويه؟

-أم مهيمن: شنو يمة؟

-كليلي شمسويه شنو حاجزتلي وردة ومادري شلون تصرفين من ضهري ؟

-يايمة شبيها تخبل وردة أسم على مسمى

-يمة صدك تحجين!! ترة ماريدها أني عيني على الصغيرة

-يايمة ما متستحي؟ صغيرة عليك هواي وانت شكبرك

-ديلا لعد الأخذها شنو بالكماط غير بكدي

-شنو يعني فهمني

-ترة خطبها ضَهير

-أم مهيمن بأستغراب: والله عبالي لعباس مادريت والله يايمة

-أي هو هذا أنفكت چبسته على عيني

كفيلج الله الأ اطلعها من خشم ضَهير

-شنو يمة شعليك أنت ليش تدخل هيه البنية موافقة

-هاي شبيج يمة منو الكلج موافقة شميتي أيدج؟

(بعد يومين)

-: أتصل سيد مهيمن على سيد ضَهير

-سيد مهيمن: ألو

-سيد ضَهير: هلا أخوي

-شلونك ضَهير شخبارك

-الحمدلله حبيبي انت شلونك الاهل

-زينين، عندي موضوع وياك بس مو مال أتصال أجيك تجيني

-كول حبيبي مهيمن والله ما فارغ

بنتر-شعندك استاذ شركات؟

-شبيك مهيمن تشمر بالحجي شكو

-ضَهير أفصخ كلشي مابينك وبين درة

-شبيك ضارب بعقلك شنو هذا الكلام

-اي والله اني حاط عيني عليها من زمان انت غير تحجي من تتقدم؟

- لا والله شنو منو أنتو حضرتكم حتى أكللكم من اريد أسوي شي يخصني، مهيمن أحترم نفسك وأحجي عدل ولتخرب خوتنه

-لا خوة ولابطيخ أنسى تخطب درة

-خايب ما تاكل خـ#رة منين طلعتلي أنت ماتكلي شني بينكم علاقه ومادري؟

-لا مابينه واصلا ماتدري حاط عيني عليها بس اني اكلك أحسن الك تنهي كلشي يلا مع سلامة

(سد الاتصال بوجه السيد ضَهير)

-أم مهيمن: يمة شسويت انت متكلي رح تخلق مشاكل بين الاهالي شنو ماحسبت الابوك رح تفشله كدام أخو

-مهيمن: يمة عوفيني رحمة للحسين

-صدكني مارح تخلص من هل مشكله ومايفوتها الك ضَهير انت تدري بي ميعبر الموقف اليغثه

-السيد ذراع: شكو يمة شصاير

-أم مهيمن: شوف أخوك المايستحي يكول الضهير افصخ مابينك وبين درة

-سيد ذراع: شنو على يا أساس

-سيد مهيمن: مالك علاقه لاتدخل انتَ

-سيد ذراع: هو شنو لاتدخل تريدة يجي يدوس بحلكك؟

-سيد مهيمن: شو أنت تتجاوز وماتحترم

-: تعاركوا وتلاحك الهم قيس وفاككهم

-سيد قيس: خاب شني انتو ماتستحون؟ شتكول علينة العالم اذا سمعت اخوان غادين دم

قاطعهم صوت دكت باب

-سيد مهيمن: كوم قيس شوف منو بالباب

-: فتح قيس الباب ولكة سيد ضَهير وخر قيس وطب ضل واكف بالحوش

-ضَهير: صيح ذاك الديج

-قيس: ياديج شنو شكو

-ضَهير بصوت عالي: أخوووك مهيمن رووح

-مهيمن: شكو كاعد بيت ابوك وتصيح هيج؟

-: سيد ضَهير دفر مهيمن وكعة على ضهره

-ذراع: شنو هاي ضهير صدك تحجي كسرته؟

-اكسر راسك مهيمن بعلي بن ابي طالب افتهمت لو لا والموضوع اذا انعرف أعلكك بالبنكة

-: كام مهيمن يدفع بچتف ضَهير

-مهيمن: تنسى الموضوع لا أنه الأجرم بيك

-هههه لك بابا اكل خ#رة لا أسبيك هنا

-: دفع ضهير حيل من جتفه

باوع ضهير على جتفه عض شفته

حاوط ركبته بـكف أيده ودفعه على الحايط

(ذراع يدفع بضهير ويحاول يفاككهم)

مهيمن لازم ضهير من ياخته

وضهير خانكة قاطعهم أبو مهيمن

وتفاككو من دخل

-أبو مهيمن بتعجب: شكو هاي شصاير!!

-سيد ضَهير: عمي هذا مهيمن بعدة زعطوط جاي اربيه

-أبو مهيمن: ضهير ضب لسانك واعتدل كلامك

-سيد ضَهير: مهيمن كف مني تره وإيات الله ماخلي بيك عضمة سالمة كف مني

-سيد مهيمن: اطلع من بيتنه مانتشرف بيك ولا أعترف عندي ابن عم

-أبو مهيمن: انجب لك فشلتونه شتكول علينه العالم لكم أنه وابن عمي عالغريب هسه وكت خله ولد العم بينهم يتضاربون صدك ماتستحون

دخلوا جوا خلي نفتهم شصاير

-سيد ضَهير: عمي عندي شغل والله العظيم خلي مهيمن الما يستحي يكلك شكو

-ابو مهيمن: يعني هسة ترد عمك وتطلع؟

-سيد ضَهير: لا عمي حشاك الله شاهد وحگك عندي شغل بس هذا ابنك نرفزني

-ابو مهيمن: عمو ضهير معليك بالي كاله مهيمن هذا بيت أبوك شوكت ماتجي بيتك هذا

-سيد ضَهير: فدوة العينك عمي

-: سلم على عمة وطلع رجع للبيت

-أبو مهيمن: لك مهيمن ماتستحي شمسويله حتى هيجي جايب الولد ريكة ناشف؟

-سيد ذراع: يريد خطيبته الميستحي

-سيد قيس: شنوو؟ صدك

-سيد ذراع: والله

-سيد مهيمن بعصبيه: لحد يدخل

-أبو مهيمن: خاب انجب لك أنت صدك ماتستحي فشلتنه هيه هاي سالفه شنو تاخذ خطيبته شنو قطعة ملابس هيه

-: صفت وهدئ الوضع وصارت الخطوبه وما حضر بيها مهيمن

|

بلشت التحضيرات وراحن للصالون صارت مشكلة بسبب الميكاج معجب دُرر لأن طوخ رجعت الماكيرة تمكيجها من جديد وخلصن والزلم كذلك خلصوا العريس طلعوا بالشارع يهوسون السيد ضَهير

واكفين يهوسون ما حسوا غير واحد

يحجي بصوت عالي

كردوس صديق السيد ضَهير

اها وها وها

ويستاهل الهوسة

يستاهل الهوسة

وأخونا خوش أخوا

الكُل تفاعلوا وصاروا يهوسون

صاح سيد عباس: أي أي اخونا خوش اخوأ يشتاهل الهوسة

انتبه على نفسه خربط بالكلام غلس وكأنما مكال شي

خلصت الهوسات وبقوا يباركون السيد ضَهير

تقرب كردوس من سيد ضَهير وصار سلام حار بينهم

-سيد ضَهير بتفاجئ: شوكت أجيت شو مكلت

-كردوس: حبيت اسويلك مفاجئة عضيدي

-سيد ضَهير: شلون عرفت بخطوبتي

-كردوس: سيد فرهود كالي

تقرب سيد عباس يسلم على كردوس صديق السيد ضَهير

-سيد عباس: شكد مشتاقلك

-كردوس ترا سمعتك من خربطت

-سيد عباس: غير هيَ هاي الهوسة مالتك

-كردوس: هو ميعرف يركص يكول الكاع عوجة، بعدين شنوهاي صاير شضخمك

-سيد ضَهير: داخل چيم علمود النسوان حتى ينعجبن بجسمه

(استمروا بالكلام والضحك)

وفجأة

شغل عباس قصيدة

-: ماتدري ماتدري لأجلك ارخص عمري

-ومتاني يالغالي والله وخلص صبري

-مشتاكة مشتاكة روحي أنة مشتاكة

-عيونك تذوبني لو صدفه نتلاكة

-: يمشيلة يمشيلة، أي دلالي يمشيلة

-كل نبضة البگلبي يخلوها تحجيلة

-ماريدة ماريدة، غيرك فلا اريدة.

الكُل صار يركص ويضحكون على سيد عباس شلون متفاعل بالركص ومتحمس اكثر من سيد ضَهير

-: وبعدها تقدموا اهل العريس وبدت الأجواء الحفلة الى أن وصلت للعقد والسيد

-السيد: أبنتي زوجتُك ضَهير أبن عواد أذا موافقه كولي نعم أنت وكيلي

-دُرر: ولج وردة استحي

-وردة: ولج كولي نعم أنت وكيلي فضيها عيب

-دُرر بتوتر: نعم أنت وكيلي

-: خلصت مراسيم العقد وصاح السيد

-صلوا على محمد وآل محمد تم بعون الصالحات زواج مبارك أن شاءالله

-سيد ضَهير: تسلم سيدنا يبارك بيك

-: صاروا يباركون الضهير والدُرر

كام يسلم السيد ضهير على والد دُرر

ويكُله والدها

-أبو دُرر: أنطيتك ذهب عينك عليه امانة بركبتك درتي اليوم الدين

-سيد ضَهير: أن شاءالله بعيني حجي أن شاءالله كد الأمانة واخليها بعيوني

-وردة: هلو هلوو صارت مرة خيتي مبارك حبيبتييي

-دُرر: الله يبارك بيج يوم الالج

-: التمن البنات وصارن يسلمن ويحظنن دُرر ويباركن الها

-دُرر: الله يبارك بيجن يوم الألجن وافرح بيجن بنات

-البنات: أمين

-أم ضَهير: بنات رح يطب العريس البسن

-: دخل ضَهير وسلم على أمة وعمته أم دُرر

أول ما شاف دُرر أختفت الابتسامة من شدة الأنعجاب...

سلم عليها وباسها من راسها

-سيد ضَهير: شلونج درة

-دُرر بأبتسامة: الحمدلله

التفت ضَهير الى دُرر متفاجئ منها

-اللهم صلِّ على محمد وآل محمد شهل جمال

-: ضحكت بخجل ونزلت راسها

- دايمة أن شاءالله هل بسمة الحلوة

-شكرا

-شو رفعي راسج خل اشوف عيونج

-ها شفتهن بدون عدسات

-اصلا مايحتاج چنهن شماغي هسه

-أبتسمت دُرر وضلت تباوعله

-: تقرب السيد الضهير راد يبوس خدها وقاطتهم أم دُرر

-صلاوات عالنبي ماصدك شهل جمال

شهل جمال سيدنا شنو هل طله العربيه الأصيله

-الله يسلمج عمتي

-: وأندار مسرع العيون دُرر يباوع

-سيد ضَهير بهمس: شفايفج هذن لو كرز؟

-دُرر بأبتسامة: كرز

-سيد ضَهير بصوت خافت: يحفظج الي

دُرر

-نعم

-تدرين عباس اخويه فرحان أكثر مني بره يركص بكل ماعندة

-هههه ياهوة الصغير مو؟

-اي هذا الصاحلكم الله من وكعتي انتي ووردة

-هاي شنو شايفني؟ من وكعت

-اي من جرتج وطبيتن بالطين زلك

ياا، يعني هذا عباس اخوك؟

-اي عبيس مدللي هذا اني ربيته

-الله يحفظة بس مكلكل

-هههه لاولج عيب

-والله يركض وراي چان

-غير حلوة هسة يركض بعد وره وردة

-شكد عمره هوه؟

-19

-أكبر منة وردة

-ها چا ما تفيدة خل يصفى ويه الحيطان

-شلون يعني

-بعدين تعرفين گلبي

وبين الضحكة والسالفة

أتفاجئ الكُل من سمعوا صوت الطلق صياح الزلم.....

الخامس من هنا

تعديل المقال