رواية هجران القلوب الفصل الرابع 4 بقلم شروق الشمس
هجران القلوب
البارت 4
الكاتبة شروق الشمس
.............................
شايلهم ذخر حسبالي بيهم خير
طلعت غلطان ابد كل خير مابيهم
وشايلهم ثگل بمتوني صار سنين
نسوني بلحظه ابد مالحظه ناسيهم.
كرهوا حتى اسمي الچان يملي الكون
بس اني عكس … افرح ابطاريهم
باعوني برخص بس بقوا غالين
وصرت مكروه اني الچنت غاليهم
خليهم بعد ماحاجه حمل امتون
خفيف ابلا حمل وبلا حچيهم
البشر يغلط اكيد واعترف غلطان
من حبيت ناس الحقد عاميهم
_______________________
علي....
بيومهة صار عدنة عزه بلا ميت
شلون تتزوج علية ومنو هاي جايبهة من لشارع لو اني لو هي صار ملاخهم من لروس بقيت ماخذ وضع لمتفرج ابوية خيرهة لو تكعدين بكرامة لو اطلعين وحدج باوعت علية تستنجد بية بنضره استهزاء كلت نفس لموقف ونفس لضربة بس امي جان عدهة كرامة وخلتة يتوسل بيهة بس انتي للاسف بلا ضمير وكرامة همج لفلوس وبس لمي لباقي من كرامتج احسلج
صعدت فوك وعفتهم بقو جهالهة ل 5.. 3ولد و2 بنات وعاشو نفس معاناتي ومعانات نرجس بس لفرق همة امهم وياهم واحنة بدونهة
ام محمد....؟ لك علي ماتشوف ابوك شلون يفرق بينة
علي.... بيوم هم انتي هيج سويتي وهسة رجعلج
تتشمت ولك
الله مايضرب بعود
احس الله اخذ حق طفولتنة من رجعلهة نفس لضربة بقة حقي حق تعبي ورزقي بقيت اتحسب عليهة بكل وقت حسبي الله ونعم الوكيل وجانت هاي لكلمة تهجم بيوتهم بس مايحسون بقيت اتردد اهواي على خوالي بس مو دائماً اتواجد وياهم بسبب شغلي لاول اتعب كلش اهواي بس جمعتلي مبلغ محترم صار لسقوط وحرب لشوارع صح شالتني لغيره الارضي وطني بس بالتالي كلنة مبيوعين بي ابوية مايگعد راحة من عرفت بي هيج وراح وية اهل لفرهود عفتهم ورحت يم خوالي مااريد اكل حرام بس مااستقريت بشكل تام يمهم جنت خايف على امي ونرجس ابوية بمره طالع مااعرف شلون متصوب برجلة دز علية ورحت نسوانة ثنينهن شامراتة بالهول وملتهيات بنفسهن وصارن يتسابقن على لحمل ولولادة وصارو فيلق عند ابوية شكد سوه بية بس كلبي ينكسر علية اخذتة للحمام سبحتة وغيرت على جرحة وزينت لحيتة خليت مرتة لصغيره تسويلة اكل
كال الله يرضة عليك ابني
باوعتلة بنضرة شفقة كلت والله لا يرضة عليك على عذابي وتعب لسنين وحرماني من امي كل هذا لسوي مجرد براء ذمة لا اكثر
تتصدق علية
شتحسبهة احسبهة
بس ابري ذمتي لا اكثر
لا عبالك يجي يوم واسامحك لا انت ولا مرتك
ليش ابني
ليش تسأل ليش ههههه اكو شي ماسويتو بية اكو اداه ماضربتني بيهة
اي جنت اربيك
اشششش لا تبرر عذر اقبح من فعل تربيني اني هههه تربيتي تشرفكم كلكم من ساسكم لراسكم
بشنو قصرت امي وهيج جازيتهة ليش جنت تحن للكل اله احنة لا
ليش خليت نقص بية وغصة بكلبي كلمة بوية من اشوف اب وابنة انقهر لان انت ابوية اذا جروحي طابت كلبي شيطيبة لصارلك عبره علمود تعرف انت شنو بالنسبة الهن مجرد بس بنك للصرف لا اكثر
جنت اتمنة تحن علينة وتراعي اللة بينة اتمنة تجي وتعد اسمنة من ضمن جهالك اتمنة صينية تلمنة وياك بس اكول حسبي الله ونعم الوكيل
طلعت بره البيت نهاية لليل رجعت شفت عركتهم كابة وكاتلهن بعكازتة مرت الايام متشابهة نسوانة صارن احسن بعد لكتلة الاكلنهة
بديت اميل اهواي على خوالي وجياتي للبيت قلة لا سألني. ولا كال وين انت خلصت سنة وبدت سنة ونرجس هسة صارت سادس وعين الله عليهة كلة متفوقة احسهة بنيتي وصديقتي بيوم رحت اشوف ابوية دخلت للبيت شفتهة روضة مو بيت شفت 10 جهال منو والمن هههههه طلعو اخواني وخواتي گرت عيني حتى اسماهم مااعرفهة
يابة راح اروح يم. امي اعيش اهناك بعد بيتك صاير روضة
ليش اني شايفك مستفاد منك علمود تروح
مااجيت اخذ اذنك بس انطيك خبر لو مهما يكون انت ابوية يلة باامان الله
وين لك تعال
يابة خلي احترام بيناتنة احسن
تعلمني الاحترام انت
استغفر الله العظيم
ابن لقندرة تستغفر بوجي
شتريد هسة
تعب لسنين لصرفتهن عليك انت واختك
......... ههههههههاي واصفگ بيدي تحجي صدك ياتعب تحجي عنة نسيت لو اذكرك نجي نتحاسب لو شتريد
اي انطيني من تعبك وروح
انت جاي تحجيهة تعبك يعني مالتي مو انت انطيتنيا
اي خالتك تعبت بيكم حك تعبهة
هه خالتي اي ليش لا تريد كلشي تفرضة علية تريد بكلشي تتحكم حتى بكلامي مانسيت سوالفهة بس محترم عمرهة هسة وقبل جنت مو كدكم كافي كلة عيب وحرام واحترم تعبت منكم كلشي تريدونة بكيفكم وعلى مزاجكم
منو انتم واحترمكم واقدركم انتو الي ماقدرتو
طفولتي وحملتوني اكثر من طاقتي مايوم اجيت يمك واله احنة متعاركين
واني شسوي خالتهة بيهة مرض سرطان ولازم اعالجهة
هسة صدوك اكول الله اخذ حقنة منكم
تتشمت ولك
لا حشه يابة اني اتشمت
وهسة تنطيني
لا ماعندي فلوس يلة في امان الله واي شي تحتاج لا ادك علية واذا صار بيك شي عادي اجي اباريك لان انت ابوية مجبور بيك بس غيرك. لا خلي اطلع ولدهة يشتغلون جنت بعمرهم اشتغل واخلي بيدهة بااااي
ماخليتة يحجي بعد طلعت ودعت كلشي بهذا لبيت ضميت اجروحي وطلعت منة كلشي مااريد منه بعد طويت صفحة لماضي وبديت صفحة جديدة وية امي واختي
كعدت فتره وية خوالي بس احس نفسي مضايق نسوان خوالي ممرتاحات ولا اني ممتعود عليهن
احم اكول يمة
هلا. يبعد امك
حجية ليش مانطلع ونستقر وحدنة
ليش يمة متضايق
اي واللة يمة اريد اخذ راحتي وياكم وثانياً اريد اعتمد على نفسي ماتريدين تشوفين جهالي
اكيد يمة يوم لمنى عندي اكحل عيني بجهالك
انشاللة يالغالية كلشي تريدينة يصير بس بالتداريج
اني راح اشوف بيت نأجرة ومن اللة يرزقني اشتريلج بيت
يمة لو خيمة وانتم يمي راضية
حجيت وية خوالي بالاول اعترضو بس اني مصمم لازم استقر لكيت بيت بفرع خوالي صغير يكفينة غرفتين ومطبخ وهول وصحيات اخذتة ايجار بس جان شوية متروك صبغتة ورتبتة صار يخبل خوالي اثثو نص واني كملت لباقي صح مستعملات وقليلات بس لضروريات اخذناهن بس عاهدتهة من الله يفرجهة علية كلشي اجدده الهة والي هي تتمناه اخذه الهة اخذت امي
يلة يالغالية دخلي لبيتج
اللهم صلي على محمد وآل محمد عاشت ايدك وليدي
حبيبتي تستاهلين الاحسن انشاء الله بالمستقبل
الله يخليك الية سالم كلشي مااريد
نرجس... امممممم واني بابة اكو الية غرفة
انتي كل لبيت الج بنيتي بس اعذريني لبيت صغير انتي وامي بغرفة وحدجن وعد مني بس اللة يرزقني واخذ بيت اول غرفة اجهزهة مالتج وشرط على ذوقج
انت احلى اب بالدنية
ولج كافي خنكتي
ها يمة لازم تغارين
يا فوك حكة دكة ولك غير انت تعبان
اخذتهن ثتينهن لحضني لا حبيبتي راحتي بيكم يلة يمة سويلنة عشة من ادينج لحلوه وانتي ياغزالة ساعديهة اني امدد ارتاح شوية
مرت الايام لا جديد ينذكر وبقيت بالنهار اشتغل وبليل وية خوالي علمود اسيطر على المصرف
بيوم بالليل اجه رجال وياه اثنين بنات وحده چبيره ولثانية جانت صغيره بعدهة بس احسهة ذابت بكلبي تمنيتهة بنتي طبوشة وسمره لشعر مي فرنسي ولخشم احمر من لبرد وجانت كلش هادئة هذا لرجال دائما يجي يمنة بس مااعرف شسمة تسالم وية خالي وسأل علية بنتة لچبيره رجعت للسياره بس لصغيره تفتر وراه
شسمج
ليش
هيج احب اتعرف عليج
بس عيب بابة ميقبل
امممم وينة ابوج
هذاااك هوه
هذا صديق خالي
اي اعرف انته منو
اني علي
بس انت طويل
هههه لا بس انتي قزمة
لا اني صغيره
بالمدرسة هزت راسهة ب اي
يا صف اشرت باايده لمدبدبة 3
ثالث
لا نجحت للرابع
اي عفية بالشطوره بس تبينين صغيرونة
هسة متكوليلي شنو اسمج
ترفع حاجبه چؤ
ليش
مو كتلك بابة ميقبل
اجه ابوهة ها سيد اليوم ملتهي وية لصغيره
اي واللة حجي غير نرحب بضيوفنة
اي واللة عاد ولنعم منكم
بس يابة ماتقبل تكول اسمهة
هههه ليش.
تكول بابة ميقبل
فتحت عيونهة وحجت بابة انت مو تكول عيب لغريب نحجي وياه ونكله اسمنة
اي حبيبتي عيب بس هذا مو غريب هذا وليدنة
اممم ماشي اني زهره
اتشرفنة ست بستهة براسة وهي
خلت ايدهة على حلكهة وشهكت عيب لا تبوسني بابة
ههههههه ولج فضحتينة
موعيب تبوسني
اي واللة حكج علية يابة
راحو وهل طفلة ذابت بكلبي تمنيت عندي مثلهة بنية صح هي رابع بس الي يشوفهة يكول 2 ابتدائي راحو وبقيت انتظر جيتهم كل يوم
بهاي لفترة قدمت للجيش ولتحقت لان راتب لجيش احسن ويساعدني اهواي بقيت 40 يوم بالتدريب ونزلت للبيت جنت مشتاق لامي وكلبي ميت عليهة بقيت يومين بالبيت وماطلعت منة ابد ثالث يوم رحت وية خوالي وسبحان الله جان تجي نفسهة لطفلة وابوهة بس اختهة مو وياهم ابوهة رجال خير اخذني بالاحظان وتحمدلي بالسلامة
هلو زهره شلونج
زينة الحمداللة
تعاي اكعدي لحد مايخلص لطلب مالتكم
لا بابة ميقبل
لا بابة روحي اكعد لحد مااخلص بس سيد يرحم والديك سويلهة. لفة لان ممتغدية واله منكم تتغده
يابة تدلل لحلوه علينة وابيدي اسويهة
شكرا عمو لسيد
لعفو يابة.
اخذتلهة لفة وكعدت يمهة اي شلونج
زينة
ولمدرسة
زينة
شاطر لو لا
اي كلة عشرات اخذ
اي عفية بالشطوره اباوعلهة تاكل بكل نزاكة وعلكيفهة ونظيفة بكلبي كلت عاشت ايدهة لمربيتج
مديت ايدي لجيب وطلعتلهة قراصات شكل فراشة
شوفي شجبتلج
واو كلش حلوات شكرا
اخذيهن
لا بابة ميقبل
واذا اني اكله
بكيفك
رحت كلت الابوهة حجي هاي لورده مالتك ماتقبل لهدية مالتي شلون اله انت تقبل
ها سيد مشكور ليش كلفت نفسك
لا واللة بس اخذت الاختي وتذكرتهة
يرحم والديك ياطيب اخذيهن بابة
هزت راسهة واخذتهن بودي اكرطهة على نزاكتهة هي كالت شكراً سيد الله يرزقك
لعفو يرحم والديج على هاي لتربية اذا اجيتي بعد مرة اعرفج على صديقتي
منو هي
هاي بنيتي اسمهة نرجس
يعني عندك ابنية
اي بس هي اختي
اهو دخت شلون بنيتك وشلون اختك
من تجين بعد افهمج
لا اكول لبابة يفهمني
اي خوش
يلة بابة زهره نروح
اي بابة باي عمو لسيد
بحفظ لرحمن بنيتي
بعدهم يمشون واسمعهة تستفسر على نرجس
رجع ابوهة ههههه سيد يرحم والديك شكايللهة دوختني وكلشي مافتهمت
على شنو
انت مو كلت عندك بنتك اختك يعني شلون ومچتفة ايده وتباوع علية.
اي هاي اختي اني مربيهة وتكلي بابة واني احسهة بنتي
اهااااا اي افتهمت يعني مثل عبداللة وعزوز هوه خالي واني اكول صديقي واخوية
اي بابة هسة افتهمتي
اي اي فتهمت يلة امشينة
بقيت صافن على ذكائهة واضحك
بهاي لفترة شددت على نرجس لان امتحانات وزارية والحمداللة نجحت للاول متوسط بجداره رجعت للدوام وخلصت سنتين ونص بيهن قررت اكمل دراسة علمود اترقة احسن ماباقي جندي وصدك قدمت خارجي وخلصت ثالث متوسط والحمداللة نجحت من لدور الاول
ومقدمت اوراقي علمود لترقية مرت الاشهر وكلشي ماكو جديد باايام اجازتي اطلع وية خوالي صبح وليل زياده خير بيوم بره واكف واجتي بنية شابة وياهة مره مو كلش جبيره شايفين لخيزرانة هيج جانت عود ريحان وتمشي احس تمشي على گلبي بقيت صافن عليهة طول رشاقة انوثة طاغية حنطاوية وية كل خطوة تركص على كلبي
