رواية ازمة ثقة الفصل الثالث 3 بقلم جمانه السعيدي
عشتار...حضرنا العشى اني واحلام وكعدنا تعشينا
كان حاس اكو شي مو تمام
كملنا العشى شربنا جاي
جواد...يله عشتار نرجع للبيت
عشتار...اي بس اجيب جنطتي
علي...بعد وقت
جواد...لا اريد ارتاح اني حيل تعبان يله عشتار استعجلي
عشتار ...جبت جنطتي وطلعنا اني ويااا
خايفه امشي بلا وعي
جواد يمشي كدامي واني عيني علي واتخيل ردت فعله
اذا عرف اني مايصير عندي اطفال
اكيد مراح يقبل يكمل وياي ساعته اني وين اروح
احس نفسي مثل الكاع اليابسه مابيها فايده
جواد حلو وشخصيه ومثابر مستحيل راح يقبل يبقى بدون اطفال
المن يشتغل وتعبان غير حتى يكون اسره
منا لمن وصلنا للبيت واني وياا ماحجينا اي شي
نمشي واحنا ساكتين
وصلنا للبيت اني دخلت غيرت ملابسي وهو اجا وراي
كعد على الجربايه وكال شبيج
انتي وضعج هليام مو طببعي ممكن اعرف شصاير
لا تتوقعين اني مشغول ومجاي احس بيج
انت من فتره وضعج ابد مو طبيعي فهميني اذا مشكله انحلها اني وياج
عشتار...بس سمعت كلامه نزلن .موعي منا ومنا
ماكدرت ابقى واكفه اجيت كعدت بصفه
جواد...ليش تبجي فهميني
عشتار...مسحت دموعي ورديت علي
اني اني اني
جواد..انتي شنو فهميني
عشتار...رجعت مسحت دموعي وتحسرت اني سويت تحاليل وزرع علمود موضوع الاطفال جمانه السعيدي
جواد...اي كملي
عشتار....اني مايصير عندي اطفال ٣ دكتورات اكد اني مايصير عندي اطفال اهيي اهييي
جواد...هاي هي انت تبجي وحاركه روحج علمود هاي الشغله
عشتار... تعرف شنو مايصير عندي اطفال يعني ماكو مني اي فايده
بقائي بهاي الدنيا ما منه لي فائده
البنيه تبقى كل عمرها تحلم تزوج ويصير عدها اطفال
واني هذا الحلم بلنسبه اليه مراح يتحقق طول العمر
جواد....اولا هذا الموضوع بعد وكته احنا ماصار هواي من ازوجنا
اني حاليا مااريد اطفال اريد اكبر شغلي
اريد اصير تاجر جبير من بعدها نفكر بهذا الموضوع
اذا رب العالمين مكني احتمال نطلع للخارج تتعالجين
شوفي مو كل يوم الواحد يوكع بانسانه تفهمه وتفهم طبعه
انسانه تريحه
واني اعتبر نفسي لكيت كنز
انتي مثل مااريد واحب وموضوع الاطفال هذا بعدين راح نلكاله حل لمن نكون متفرغين اله
عشتار...قرب عليه مسح دموعي حضني وباسني من راسي
جواد...اسكتي ابد مااريد اشوف دموعج
ولا اشوفج بهاي الحاله مره ثانيه مفهوم
عشتار...حسيت كلامه مثل البلسم ونزل على روحي
كنت خايفه لا يعوفني
ساعته اموت من صدك
بس اتفاجئت بردت فعله
صحيح اني مانسيت هذا الموضوع بس احاول اتناسا
بين يوم ويوم اروح الاهلي هم اطمن على امي هم الاعب على ابن علاوي
صاير بخبل وعنده لعبات اجنن
بعد زواجي بسنتين امي أكلها المرض وماتت
هلمره صدك كنت احس نفسي وحيده
الكلب الحنيين الي كان يواسيني راح
انهاريت من البجي وكأني كنت منتضره هاي الفرصه بفارغ الصبر
حتى ابجي مو بس على امي ابجي على حالي هم
صح اني ونجوى اختي كان اكو بينا تواصل
بس هي عدها عالمها الخاص بيتها وزوجها الي يحبها
واطفالها الي مالين عليها حياتها
اما اني جواد من عرف اني مايصير عندي اطفال
ابتعد عني اكثر
طول النهار بر البيت
واذا رجع للبيت رحع تعبان بس يريد ياكل وينام
والكلام بينا يخص العمل وبس
لا اكو لحظات حب ولا رومانسيه ولا لحظات خاصه بينا احنا الاثنين
مرات من يرجع ابدل واتمكيج واتعطر واحاول أقرب علي
مو قصدي العلاقه بكد ماقصدي احس بلحظات حنيين ويااا
اني كلش مفتقده الحب والاهتمام
بس هو كان يتحجج بلتعب وينام
احس نفسي كبرت ١٠٠ سنه قبل اروح الامي واسولفلها كلشي وافرغ حزني يمها
احجيلها كلشي واني مطمنه هي عدها استعداد تسمعني
وتصبرني وتنطيني طاقه حتى اتحمل
هسه وبن اروح جمانه السعيدي
زوجت علي حامل اغلب الوقت بيت اهلها
لان ماتكدر الابنها وهي حامل تروح ببت اهلها وعلاوي من يرجع من الشغل يجيبها ويااا
واختي من اتصل عليها بلتليفون تكون مشغوله بلبيت او بلجهال
كنت عايشه فراغ عاطفي فضيع
ووحده لا تطاق
المصيبه الي وكعت بيها بهاي الفتره واني ماادري
جواد كام يحوم على حصتي بيت اهلي وحصتي من البيت الثاني
اجاني من غير طريق
جواد...هلو حبيبي مشتاق
عشتار...بقيت صافنه أشرت 
هاي عليه
هاي عليه جواد...منو حبيبتي غيرج انتي شعندي غيرج
عشتار...ابتسمت وكلت بكلبي يالله جواد فرغلي شويه
جواد...وين تردين انروح اني وياج احس انتي ضايجه
عشتار.. تحجي صدك
جواد...واني يمتى مكذب عليج
عشتار...اي مكان بس اطلع اغير جوا
ثاني يوم طلعنا الكربلا كنت طايره وما مصدكه نفسي
لان هاي الفتره وصلت مرحله انهاريت من كد الوحده الي عايشه بيها
كمت احجي وياا نفسي
بقينا يومين ورجعنا
من بعدها رحنا البغداد ومرينا على اختي بقينا بيتهم
ليله ورجعنا البيتنا جمانه السعيدي
عشتار.. الله عليك جواد تحبني
جواد...ازعل عليج اذا تكرر هذا السؤال مره ثانيه طبعا احبج واموت عليج شعندي غيرج
انتي زوجتي وحبيبتي وبنتي
عشتار..عشت اسبوعين كلهن حب ورمانسبه واوقات حلوه
كنت طايره من الفرح
كل يوم اكول اني شكد محضوضه
وكعت بواحد مثل جواد حنيين وطيب
ولاهم من كلشي ابد ماهمه موضوع الاطفال ولا سئل عنه
اني شكد محضوضه بهذا الرجال
اكيد هذا سر دعاء امي اليه
من بعدها بدا اسلوب الاقناع والتحايل
واني غشيمه كلشي مااعرف مو مثله هو ابن سوك ويعرف كل هاي الدروب
اجاني بيوم وهو ضايج
عشتار...ليش ضايج شكووو
جواد..هيج ماكو شي
عشتار...شلون ماكو شي لازم اعرف
جواد...ماكو شي
عشتار... قربت علي حضنته مو اني حبيبتك ليش أضم عليه
جواد.. اي انتي حبيبتي واكثر من حبيبتي
انتي روحي وكلبي وعيوني الي اشوف بيهن
عشتار...بسته من خده وكتله يله احجيلي اني مالي احد غيرك وانتي مالك احد غيري
عبالك مخلوقين واحد للثاني
جواد.. اشكر رب العالمين الي خلقج وكملج بعقلج وجابج بطريقي
عشار...تعال اكعد واحجيلي
جواد....اريد اكبر مشروعي حاولت اخذ قرض بس ماكدرت
ردت اي احد ينطي فلوس واني انطي عليهن ربح
اريد اكبر شغلي تعرفين هذا شغلنا معتمد على الفلوس
الي عنده فلوس بكبر بسرعه
اني شاطر بهاي الشغله بس محتاج فلوس
ومااعرف منيين اجيب هيج مبلغ
عشتار....هاي شلون مشكله يعني شكد محتاج
جواد...شغلة ملايين يعني فد خمسين مليون اواكثر اقل شويه
مو شغلة كم فلس
عشتار.. مااعرف صدك حيره
جواد...اخوج علاوي ماعنده يقرضني
عشتار....لا ماعنده هيج مبلغ
جواد...مايكدر يدبر النا هيج مبلغ حتلو يحسبهن من حصتج من البيت
عشتار.. حصتي من البيت
جواد...اي انتم مو عدكم بيوت ثنيبن انتي اللج حصه منهن اذا يكدر يساعدنا مبلغ وانتي توقعين تنزلين عن حصتج
اني لازم اكبر مشروعي وانتي راح تدخلين وياي شريكه بلنص
احسن مااجيب شريك من برا ياخذ تعبي على الجاهز
انتي أولى بهاي الفلوس
خلال سنه راح ترجعين فلوسج واكثر
عشتار...يعني شلون اطلب من علي فلوس اني اعرف هو ماعنده هيج مبلغ
جواد....طالبي بحصتج بيت اهلج ترا لا عيب ولا حرام
يعني هو كاعد ياكل راتب امج وياكل ايجار هذاك البيت
ينطيجن انتي واختج كل وحده حصتها حتى هو هم يعرف حصته شنو
ترا مابيه شي عادي انتي محتاجه حصتج من بيت اهلج
عشتار...باجر اروح العلي واحجي ويااا واشوف ردت فعله شنو
جواد...بس مو تكولين جواد دزني
كولي اني اريد افتح مشروع اشتغل راتب المعلمه كلشي مايجيب
عشتار...تمام باجر انشاء الله
ثاني يوم رجعت للبيت تغديت اني وجواد
طول ماكاعدين ناكل جواد يحفزني حتى اخذ حصتي
من علي ويعلمني شراح اكول
للعصر رحت بيت اهلي لكيت علي طالع بقيت منتضرته لمن رجع
عشتار.. عندي موضوع اريد احجي وياك بي
علاوي....اي تفضلي حبيبتي
اذا محتاجه شي من عيوني
عشتار... اني اريد افتح مشروع خاص بيه وحدي
تعرف الراتب قليل
واني حتى طفل ماحصلت وراح اموت من الوحده طول النهار بلبيت وحدي كاعده
جواد رجال مشغول طول النهار يرجع بليل تعبان يريد ينام
خلفله علي ساكت علمود موضوع الاطفال وصابر عليه
الي مثله ازوج من زمان
علي...شنو المطلوب مني
عشتار...اريد حصتي من هذا البيت وذاك
بقه علي صافن عليه اتفاجئ من طلبي
عشتار...ليش سكتت اني جاي اطالب بحقي ما طلبت منك شي
علي....فاجئتيني انتي تردين ابيع بيت ابوي حتى تاخذين حصه
عشتار....اي اني محتاجه فلوس حتى افتح مشروعي
علي.. اني ماعندي فلوس بس شلون ابيع ببت اهلي
عشتار....ترا هذا حقي يعني اذا مو هسه بعد كم سنه اني هم اريد حقي
علي....انتي تحجين وياي وكانما اني حرامي مو اخوج
عشتار.. مااعرف اني اريدك تقيم هذا البيت وذاك وتنطيني حصتي وياريت تستعجل لان اني ماعندي مجال
عفته وطلعت حسيته اخذ على خاطره مني
بس اني جاي اطالب بحقي مجاي
اخذه منه شي مو اليه
بس رجعت للبيت لكيت جواد منتضرني
جواد.. هاااا خير
عشتار....كلشي تمام انطيته خبر يقيم البيوت ثنيبنهن وينطيني حصتي
جواد...اي عفيه بس نستلم الفلوس نكبر شغلنا نفتح معرض جبير وانتي راح تكونين شريكه وياي
وتساعديني جمانه السعيدي
ثاني يوم اتصلت عليه نجوى على التليفون الارضي
نجوى.....هلو عشتار
عشتار.. هلو حبيبتي
نجوى...ممكن افهم شبيج
عشتار...شبيه
نجوى...علاوي زعلان عليج بكول تحاجيني ولا عبالك اخوها عبالك حرامي
تكلي استعجل اريد فلوس
عشتار.. وليش علي منزعج حقي وطالبت بي
نجوى....شنو حقج منو ماكل حقج شنو هلاسلوب الخايس هو هالاخ شنو حصتج شنو حصتي
هذا الببت راح يبقى مفتوح النا كل الوقت
الزعلانه المريضه الي عدها مشكله
علاوي حنيين وزوجته حبابه ليش تردين تخربين بينج وبين اخوج كولي يالله
عشتار....اني اريد حصتي هو وزوجته كاعد بلبيت
اني شنو مستفاده
شنو زعلانه شنو مريضه اني عندي بيت ومستقره
لا محتاجه اروح البيته ولا اكعد ويااا
اريد اكون مستقبلي
نجوى...لا انتي اكيد تخبلتي ولج ماعدنا بس هذا الاخو
يافلوس يابطيخ علاوي كلبه طيب
تذكرين شلون جان يصرف عليج من جنتي تراجعين
ليش انتي تنسين بسرررعه
عشتار... ترا اول وتالي احنا لازم ناخذ حصصنا
انتي اذا ماتردين حصتج بكيفج اني اريد حصتي
هذا اخر كلام عندي
نجوى...شكول اكول بس الله يهديج جمانه السعيدي
عشتار.. قطعت علاقتي بعلي وكمت مااروح البيت اهلي
وجواد كل يوم يحرضني حتى اخذ حصتي من اخوي
وكلما يحرضني جواد اتصل على نجوى حتى تلح على علي
يستعجل بلبيع اني اريد حصتي
بعد شهر من الكلام بهذا الموضوع علي جاب واحد قيم البيوت ثنيبنهن
نجوى اتنازلت عن حصتها العلي
نجوى رجلها تاجر وعدها خير من الله ما محتاجه هاي الحصه
بس اني جان الشيطان يوسوسلي اخذ،حصتي
اخير شي علي باع البيت الثاني وعاف البيت الي ساكن بي
وانطاني حصتي كامله
رحنا اني وياا وجواد راح وياي ونجوى اجت حتى تتنازل عن حصتها العلي
وقعت بلمحكمه وأخذت حصتي من الفلوس
وباقي فلوس البيت بقن العلي خلاهن بلمصرف
اني مو وقعت على التنازل اني وقعت تنازل عقد الاخوه بيني وبين علي
لان علي بعد الأسلوب الجايف الي عاملته بي
وملحتي على اخذ حصتي منه بهاي الطريقه
قرر يقاطعني وبعد مايحجي وياي
