رواية يتيمة المشاعر الفصل العشرين 20 بقلم الكاتبة نور ال زيادة
نورزان: اني حاليا دااعيش اجمل شعور، خصوصا من اشوف لهفته وغيرته عليه من يوم ألي اجت مشيه عليه وللأن هو يعيد ويزيد بالسالفه، وخايف يجي احد ياخذني منه مااعرف ليش هيج يحس؟ ومن شنو خايف؟
حاليا بالنسبه ألي ماكو رجل بالدنيا يملي
عيني غيره، بس مااكدر اكله هل شي
لان للأن هو يعبر عن مشاعره بصوره
غير مباشره، اني متفهمه وضعه لأن خاطب
ورا كم يوم اتصل عليه بالليل، وكان كلش
مهموم
رافي: شلونج نورزان؟
نورزان: الحمد الله ،،،وانته؟
رافي: الحمد الله، شنو قاطعتج عن دراستج ؟
نورزان: لا خلصت، رافي، ليش احس صوتك بي
شي، اكو شي مضوجك؟
رافي: لامابيه شي
نورزان: ليش دااحسك مهموم؟
رافي: ااااااه، والله بس انتي حاسه بيه، وتعرفيني
حتى من صوتي
نورزان: يعني شكي بمحله، شنو صاير وياك؟
رافي: راح اتخبل اول مره احس نفسي هيج
مربط، ماجاي اعرف اخلص من وسن
ابويه كل ماافتح ويا الموضوع يصير عصبي ويتخربط وهذيج بلا احساس، لوغيرها وحده، اطم راسها بالتراب، على الحجي الحجيته وياها
نورزان: الله كريم لتغث روحك، اصبر وان شاء الله تنحل
رافي: شصبر بعد مو خلص صبري
نورزان: من شوكت ماعندك صبر شدعوه مستعجل يجي يوم وتخلص منها
رافي: والله مستعجل اريد انجمع ب الأنسانه الأحبها
نورزان:ذبت وخجلت وماعرفت حتى اتنفس اكتفيت بالسكوت
رافي: ها وين صرتي؟
نورزان: ها،،، وياك موجوده
رافي: اي موجوده ضلي غلسي، ضلي خلي اشوف لشوكت
نورزان: شنو قصدك؟
رافي: لاهيج، شكلج نعستي،واستلامج ضعف روحي نامي وراج دوام من الصبح، واني ألي الله
نورزان: ليش هيج تحجي رافي؟
رافي: ماكو شي ياعيني، روحي نامي لتشغلين بالج
يجي يوم وافهمج ألي بيه ولو اعرفج فاهمه ومغلسه حتى تشلعين گلبي
نورزان: سلم وراح، واني اضحك، على كلامه صدك اني مسويه نفسي مغلسه
****
سمر
_
ها رافي هم كاعد وحدك، شنو اليوم مااتصلت بنورزان؟
رافي: لاهسه حجيت وياها، بس ماطولت
كم كلمه
سمر: ليش خوما صاير شي؟
رافي: لا مبينه نعسانه وماردت اضغط عليها
سمر: بعدك ضايج من كلام الوالد مو؟
رافي: شلون مااضوج احنا بياعصر حتى انجبر اخذ انسانه مااريدها؟
سمر: حقك والله يلوم ألي يلومك، زين شنو راح تسوي؟
رافي: مابقالي غير حل واحد وراح انفذه وشيصير خلي يصير
سمر: ديربالك تتهور، وتسوي شي، يأذي ابويه
رافي: لا لتخافين
سمر: زين انته ليش هيج مستعجل، شجاك؟
رافي: انتي تكوليلي مستعجل وهذيج، ألي مغلسه من احجي وياها، تكلي مستعجل
سمر: ها هنا الحجي، الضاهر اليوم غاثتك؟
رافي: مو غاثتني،،،، بس تسوي نفسها متفهم كلامي واني ادري كلش زين هيه شكد ذكيه،
ومتعبر عليها سالفه،بس عاجبها حركان دمي
سمر: ههههه هاي تاليتك، نورزان، تحرگ دمك؟
رافي: ياحرگان دم، سامطه ابو ابويه، واني اعرف كلش زين هي هم عدها مشاعر اتجاهي
سمر: اي فعلا اني هم بديت احس هل شي
نضراتكم صارت مفضوحه ليش اكذب اني كنت مئيسه من ناحيتها بس ربك جبر بخاطرك، وخلاها تحس بيك
رافي: شوكت تفض هل السالفه، واعترفلها، وأتاكد
من مشاعرها اني ماارتاح ألا اسمعها منها
سمر: وانته ليش تنتضر صارحها
رافي: يعني تشوفين طبيعي، اصارحها بحبي
واطلبها للزواج، واني خاطب وحده ثانيه شلون رهمتيها؟
سمر: بس هي تعرف طبيعة علاقتك ويا وسن
رافي: حتى لو ،،اني اعرفها لنورزان، متستوعب الموضوع لأن عدها كرامه مو مثل، هل الحيه وسن،لازم افضها، لأن ماضل عندي صبر
اريد اتأكد من مشاعرها، واخطبها
مااعرف ليش خايف، واكو شي، بداخلي
مثل الغصه،
سمر: ياستار لتخوفني يمعود، شجاك؟
رافي: مااعرف، يجوز لأن ديجوها خطابه
خايف اخسرها، اكو خوفه بداخلي
سمر: كل يوم اتفاجىء صايره بيك كنت احسك انسان حدي وكتوم وبلا مشاعر احسك جبل ميهزك ريح، ماكو شي يأثر بيك بس من حبيت صرت اشوف بيك شخص جديد تذكر ابد مايوم كعدنه وسولفنه وفتحت گلبك لأي أحد
رافي: شسوي فاض بيه مااكدر بعد اكتم بداخلي
شفتي، طول عمري اضحك على ألي يحبون تالي صرت عاشق ولهان، وحتى النوم نسيته
يمكن لو احديجي يكلي فد يوم اعيش هل شي
اضحك عليه، واكله بأحلامك
سمر: الله يهدي سركم ويجمعكم، وتعيشون احلى
ايام، ومن يجيكم اطفال، تسولفون قصتكم
واني اكلهم ابوكم كان ميعترف بالحب
تالي، صار مينام من الحب
رافي: اي خوش عاد انتي وسيف هاي فرصتكم
بلشوا بيه،
سمر: هههه اي طبعا، بعدك شنو شايف
حاولت اغير من مزاجه، بس الضاهر كانت محاولاتي عقيمه، رافي، ألي بحياته ماعرف شنو خوف اليوم خايف، لايخسر الانسانه ألي يحبها
وليش اكذب اني هم خفت ويا لأن اعرف حضنا بالحب ان شاء الله يطلع حضه مثل احمد
وينجمع بلي يحبها
.
ثاني يوم راح على بيت عمي حجه وياهم، وفسخ
الخطبه، عمي تخبل، ووسن سوتها مناحه
بس هو كان مصر، وفهمهم، اذا وصلتوا لوالدي
وصار بي شي، انتو المسؤولين، ولتصدكون اسكت، هددهم وطلع، اجه مرتاح بس مااعرف ليش اني ألي مامرتاحه
_اي رافي وهسه شنو الخطوه الجايه؟
رافي: اليوم بالليل احجي ويا نورزان، خلص صار الوقت اخلي النقاط على الحروف
سمر: ان شاء الله خير
احنا ونتكلم سمعنه صوت والدي
ابو رافي: رافي يابه وينك
رافي: هنا ها يابه خيرك؟
ابو رافي: بابا، هذا المشروع ألي لازمي بأربيل
صايره بي مشكله، ولازم نحلها، وألا ينسحب
منه المشروع ويسلموا لشركه ثانيه
رافي: اي هسه اتصل اشوف شنو السالفه
ابو رافي: ياابني والله تعبان، مالي خلك
مشاكل، عوف الاتصال، وروح شوف شنو السالفه
وحلها
رافي: يابا، اجل الموضوع كم يوم واروح
ابو رافي:(بتعب) شنو السالفه زدت عليكم
تريدون تخلصون مني؟
سمر: ليش بابا هيج تحجي؟
ابو رافي: متشوفين اخوج طلب بسيط ميرضى يسوي، عبالك كايله روح للمريخ
يعني مشروع، اذا مااحل مشكلته يروح مني
واخسر خساره چبيره، وهو يريد يأجل الموضوع
رد كمل كلامه بعصبيه ...
ملازم لتروح اني هسه لام غراضي ورايح
ولو اموت يطبني مرض
رافي: صدك چذب اني شكلت لتضوج من الصبح راح اروح،
ابو رافي: لا ابني هسه توكل لتأجلها، حتى حجزت بالطياره، حتى لتتعب من الطريق، وتوصل اسرع
مامرتاح للسالفه والله اذا خسرت هل المشروع
اروح بيها
رافي: لا يابه اسم الله ، راح اروح وامري ل الله
سمر: صارت ركضه ماعرفت شلون ألم لم ملابسه
هو كلش ضاج حقه خربت مخططاته
كتله ...
_اكلك رافي، لتضوج اتصل بنورزان وخبرها
رافي: ادري سمر هو هل الكلام ينكال بالتلفون بربج شلون دبرتيها؟
سمر: زين بشرها خلصت من وسن ولمحلها
رافي: اي هو هم هيج ماضل عندي صبر بعد
سمر: اتصل على نورزان كذا مره مترد، الضاهر بالمحاضره،
ها مترد؟
رافي: اي ماكو الضاهر بالمحاضره ماضل وقت راح ادز ألها مسج،
سمر: ارسل ألها مسج وفات سبح وبدل حتى يروح للمطار، لأن مابقى وقت،للطياره صعد ابويه للغرفه كلي...
_عندي حجي ويا رافي على انفراد
عفتهم وطلعت كلت بس لا درا بموضوع الخطبه
طلعت ومااعرف شنو حجه ويا
بعدها نزل هو ورافي، وكله اني اوصلك للمطار
رافي ماوافق،،، بس الوالد اصر كله ضايج اريد اغير جو، ودعنا رافي وطلع
******
نورزان: خلصت محاضره وطلعت لكيت رافي
متصل بيه كذا مره، استغربت لأن هو بالعاده يتصل من براء لو سمر
بعدين شفته داز مسج فتحته كاتب ...
(هلو نورزان، اتصلت بيج حتى ، احجي وياج بس صار عندي شغل وراح اروح لأربيل، ومن ارجع عندي كلام مهم وياج يخصنا ثنينا )
من قريت الرساله فرحت كلش، وعرفت شنو قصده من كال من ارجع عندي كلام مهم وياج
اتصلت بي ماحصلته، كلت يجوز، بالطريق
اتصلت على سمر وفهمتني كل السالفه، وطلع فعلا مسافر، تمنيتله يعودلي بسلامه،صح فرحت لأن تخلص من وسن بس مااعرف ليش مامرتاحه
ورا يومين بالليل، بعد العشا كاعدين، اجه عمو نبيل علينه
استغربنه زيارته بهيج وقت ، بس بنفس الوقت، گلبي راد يطلع من مكانه من فكرت، انو احتمال رافي فاتح ويا الموضوع وجاي يخطبني
افكار ضلت تروح وتجي براسي، وتأكدت شكوكي
من صاحوني وكلولي عمج نبيل يريد يحجي وياج
فتت كعدت واني خجلانه
ابو رافي: بنيتي نورزان، ميحتاج اكلج انتي شكد غاليه عندي،والله احسبج وحده من بناتي واريدلج الخير مثلهن
يابنتي اهل قبل يكولون، اخذ الانسان ألي يحبك
وشاريك، ومستعد يوكف بوجه الدنيا علمودك
نورزان: هو يحجي واني بداخلي الفرحه ماسايعتني
تأكدت شكوكي والموضوع هو نفسه ألي ببالي
كمل كلامه...
ابو رافي: اي عمو اني اليوم جايج، اوصل رساله
وماعلى الرسول الاالبلاغ اكو شاب اجاني اسمه حسام طلب مني اتوسط يمكم
نورزان: اني سمعت هل الكلام عبالك ضربه اجت على راسي، اني وين افكر وهو طلع على شنو جاي
كمل كلامه
ابو رافي: عمو انتي ويايه دتسمعيني؟
نورزان: اي عمو اتفضل اسمعك
ابو رافي: بنتي الولد شاريج ومستقتل عليج
وتوسل بيه حتى احجي وياج، اني من اجه مااخذت بكلامه، وكلت مااجي احجي وياج ألا، اسال عليه انتي بنيتي، خوما اورطج
سالت عليه كلها تحلف براسه، شنو من ولد
شنو من عائله،
الولد خريج قانون بس راح وصار...... يعني هم رتبه و هم شهاده وحال ومال وحتى شكله مرتب، مين
مااجيبه يطلع كامل والكمال لله توسل بيه وكلي شيريدون اني حاضرتريد بيت وحد عندي بيت، تريد تدرس حاضر من تتخرج اني بنفسي افتحلها
صيدليه، شتفصلون اني البس
نورزان: اسمع الكلام ومستغربه سبب ألحاح
هل الانسان
ابو رافي: والله يابنتي لو جاي طالب وحده من بناتي لااكله كبع واخذ، وين اكو بهيج وقت
هيج نصيب
ها يابنتي شكلتي،؟ حتى تصير الفرحه فرحتين
ام زيد: خير ان شاء الله، ؟
ابو رافي: خير،، خير، ،،بدينه نجهز لرافي، بس
يرجع من اربيل، قرر يتزوج
ام زيد: الف مبروك والله يتمملهم
ابو زيد: الف مبروك
ابو رافي: الله يبارك بيكم يوم لزيد
زيد: اشكرك عمو وانته حاضر
ابو رافي: هو بس ازوج رافي يبقى سيف وانته
نفرح بيكم
سيف من درا اخو راح يتزوج كام يصيح بقى
سيف الاصغر منه
ام زيد: هههه هاي سوالف سيف ولايجوز زين
ابو رافي شوكت العرس حتى نجهز، نفسنه؟
ابو رافي: البارحه حجزت القاعه الأسبوع الجاي
العرس حتى الغرفه اختاريناها، الباچر توصل، حتى نشدها عود تعالي وياام رافي، ساعديها وشوفيها انتي هم عمته
ام زيد: اي ان شاء الله اكيد شلون مااجي
واجيب چكليت هم رافي يستاهل
ابو رافي: اي والله مااخفي عليج هو ماكان مقتنع
حتى قرر يفسخها للخطبه،بس حجيت ويا وقنعته وهو مستعد يعوف الدنيا كلها علمودي.هل ولد بار ابد ميرفضلي طلب،، وكلي لعد ماكو داعي بعد تطول،راح اروح وانتو بلشو جهزو ومن ارجع نتزوج
ابو زيد: الله يحفضه ياريت كل الولد مثله جيل هسه ميسمع كلام
ابو رافي: اي والله صح هاي مو اخوته مو مثله
هو ابد ميكلي لا،، لهذا قررت اسويله عرس، يسوه عداله من هسه انتو اول المعزومين مو هل الخميس ألي بعده
ام زيد: قريب،،، تلحكون تجهزون بهل وقت؟
ابو رافي: اليوم راحت ام رافي ووسن وامها
جهزوا، والغرفه باجر تجي والقاعه انحجزت...
شنو بقى، ؟خلصنا، بقت بس النواعم ورافي راح يشتري القوط من اربيل
نورزان: اسمع الكلام واحس الدم نشف بعروگي
على لحضه يمكن يغمى عليه،
ريام: سمعت الكلام وانصدمت بس تمالكت نفسي
من انتبهت لنورزان، سرحت بغير عالم ووجها صار اصفر، اذا اني انصدمت هي شنو وضعها؟
قررت اتلافى الوضع قبل لينتبهون
وكلتلها...
_يله كومي شرحيلي رياضيات، ضل درسنا على النص جريتها وكومتها ايدها صايره ثلج
ابو رافي: بنيتي مثل ماوصيتج فكري زين
واشتري ألي شاريج، ومستعد كل شي يسوي علمودج
نورزان: اسمع كلامه واهز براسي، وريام
تسحل بيه اصلا بديت احس رجلي متشيلني،
ياربي، اذا كان هذا كابوس صحيني منه، لأن بعد ما اتحمل
صعدتني ريام واني بصعوبه اصعد رجلي متشيلني بعد لحد ماوصلت للغرفه احس حتى نفسي ضاق
ريام: نورزان حبيبتي اهدي ليصير بيج شي
نورزان: شهده، فهميني، ألي سمعته سمعتي
لو اني متوهمه، معقوله راح يتزوج؟معقوله كل ألي عشته وهم ؟وهمت روحي بي كل هل الوقت؟ موهومه بحبه، وهو راح يتزوج غيري؟
ريام: لانورزان، ممعقوله، هو صح مااعترفلج
بس كل تصرفاته وكلامه، وحتى براء
تكول يحبها
نورزان: براء اي براء، جبتيها اتصلي بيها بسرعه حتى نعرف صدك لو كذب
ريام: هي براء خانسه صار يومين، خلي اتصل واشوف
اتصلت عليها ..
نورزان: ها ماردت؟
ريام: دنتضري، هسه دك
نورزان: فتحي سبيكر خلي اسمع
براء: الو هلو ريري
ريام: هلو شلونج اشو ماكو صار يومين؟
براء: لاهيج ماكو شي
ريام: براء متأكده ماكو شي؟
براء: شنو قصدج؟
ريام: جدج يمنه وسمعنه اخبار صدك خالج رافي
الاسبوع الجاي عرسه؟
براء: ها، مم، اا
ريام: فضيني هسه وقت الها مالتج، صح لو لا
براء: اي الضاهر صح
ريام: ولج شنو الضاهر؟
براء: هو علساس متفق ويا جدو وجدو حجز القاعه وجهزو اليوم،وعلى أساس الباجر تجي الغرفه الضاهر خالي استسلم وقرر يرضي جدي
لأن ميريد يخسره
نورزان: اني سمعت هل الكلام وماضل عقل براسي سكين وذبحتني،بيها اريد اتنفس بعد مااكدر
حسيت روحي بدت تطلع
ريام: احجي ويا براء وانتبهت نورزان وضعها
تخربط، بسرعه ودعت براء وسديته رحت عليها
نورزان شبيج يمعوده، ولج راح تموتين
طز بي، خلي يولي جبت مي وصرت ادير بأيدي واغسل وجها،، نورزان اعرفج قويه لتصيرين هيج
نورزان: ليش هيج سوا لييششش، ؟ صار يومين اتصل مغلق،عرفت اكو شي...بس ماتوقعت يغدر بيه، ...معقوله هنت عليه؟معقوله كل كلامه ونضراته وحنيته وخوفه كله وهم،؟ معقوله يضحك عليه؟حتى قبل ليروح دزلي مسج كلي من ارجع عندي كلام مهم وياج يخصنا ثنينا معقوله هو هذا الكلام،؟قصده يكلي راح اتزوج واني كنت احبج بس مااكدر اكسر كلمة ابويه؟
ريام: لتضوجين، احسن انكشف من هسه
مو هو اذا كلمه تودي وكلمه تجيبه من ابوه
خلي يولي من هسه
نورزان: ولج ريام رافي مو هيج
ريام: لا ابد مو هيج؟؟؟ لعد صارله اشهر منو خاطب بنت عمه حتى يرضي ابوه، يمكن اني وماادري؟ألي يخطب حتى يرضي ابوه،، يتزوج هم
اهم شي ليصير شي بأبوه لو يعرف يذب نفسه بالنار
نورزان: مااعرف مااعرف مدا استوعب الامر
كاعدين ورا شويه والدي صاحنا
_ولج ريام عزه بعيني، شوفي وجهي شلون راح انزل
ريام: كومي غسلي وعدلي وجهج
نورزان: غسلت وعدلت وجهي ونزلنه
ابو زيد: سمعتي كلام عمج، الولد مصر وشاريج
وللأمانه هو خوش قسمه
زيد: نورزان مره بحياتج لتعتبريني عدو اعتبريني
اخوج ادري تكرهين بس صدكيني راح احجي لمصلحتج
نورزان: بحياتي مااعتبرتك عدو انته ألي تعاملني
مو زين
زيد: اسمعيني، الولد شاريج، ومستعد كل شي يسوي علمودج،ادري مامقتنعه وحقج، ماالومج
بس اكو فكره ان عجبتج نفذيها ماعجبتج انسي كلامي وعوفي
نورزان: اي شنو هيه؟
زيد:وافقي عليه ونسوي بس قراية فاتحه و حلقه
منعقد،تعرفي عليه، اقتنعتي، نكمل مااقتنعتي وماارتاحيتيله،نفسخ الخطوبه ،وكلمن يكعد بمكانه قابل، شنو مجبورين؟
بس ها ماكو طلعه سوا الى ان تتاكدين منه وتعقدون يله
ابو زيد: خوش فكره بس فعلا ماكو طلعه
نورزان: بس اذا بعدين ردت افسخ راح تعتبر عليه
خطبه شلون؟
ام زيد: اني مامقتنعه
زيد: ليش يمه لأن متحبين امه بالله هذا عذر؟
اصلا نشترط عليه يكعدها بيت وحد، معززه مكرمه
ام زيد: ماادري،
زيد: لتخافين عليها نورزان سباعيه، وبعدين اذا فسخت الف واحد يتمناها مو قبل ايام بيت خالتج رادوها لأبنهم، هو كل كم شهر يجيها واحد
يعني متبور مو هو غيره يجي
ريام: الله يرحم انته شكد متناقض قبل فتره كلتلها.تاليتج تبورين وتكعدين على گلبنا
زيد: انت معليج وبعدين كنت اتشاقى، اني اخوكم الوحيد لتصدكين بيوم افكر بغير مصلحتكم وسعادتكم،لو شنو يصير بينا، تبقن خواتي ومسؤوليتي
ابو زيد: عفيه ابني،
نورزان: خلصنا كلام وصعدت الغرفتي اول ماخليت راسي على المخده نزلت دموعي ألي تعبر عن خيبت املي، من اقرب انسان ألي بحياتي،
وغدره ألي، بجيت الى ان تعبت ونمت وصحيت على صدمه اكبر !!!
