اخر الروايات

رواية يتيمة المشاعر الفصل الخامس عشر 15 بقلم الكاتبة نور ال زيادة

رواية يتيمة المشاعر الفصل الخامس عشر 15 بقلم الكاتبة نور ال زيادة

نورزان: طلبو من والدي يحضر الكعده ألي ابو امير طلبها حتى يحلون المسأله ويطلع ابنه...
كان بالي مشغول، وأتمنى اكون يمهم حتى اعرف شنو ديصير...خصوصا اني السبب بهل الموضوع وهمه لابيها ولاعليها تورطوا
والدي راح او انجبر يروح لأن هو ماكان راضي...
ضليت انتضر ساعات خاله ايدي على گلبي
الى ان اجه والدي بس ماحجه ولاكلمه
واني الخوف والتفكير ماكلني اكل،،
الى ان أندكت الباب وأجتي ام اللعلوم براء كلت الحمد الله فرجت
براء: هاي بنات شلونكم، شخباركم؟
نورزان: عوفينه من الهاي مالتج وبشريني شنو
الصار فدوه مو راح اموت؟
براء: ليش عمو ماكال شي؟
ريام: يمعوده اجه وكلشي ماحجه فضينه عاد
براء: شبشركم سوده ومصخمه، ....صارت مشكله شكبرها وعلكت ألا شويه بالمسدسات تصير
نورزان: عزه بعيني الله ياخذني كله سببي
براء: على كيفج يمعوده دااشاقى وياكم ...كل شي ماصار وفضت وأنحلت..
نورزان: شلون يعني فهميني كل ألي صار بالتفصيل؟
حجتلنا براء كل ألي صار بالتفصيل الممل
من فرحتى ومن موقف رافي ألي كل يوم أتأكد
هو السند والامان ألي ومستعد يضحي بكل شي علمودي...ماحسيت ألادموعي نزلت
براء: ليش هيج نونو اني اجيت افرحج مو
انزل دموعج، وخالو دزني
ريام: ليش؟
براء: كال امنيتي بهل دقيقه اشوف ردت فعل نورزان ولهذا أجيت اشوفها وهو هسه منتضرني بالبيت ادري شنو راح اكله بدال مااكله فرحت وطارت من الفرحه اكله بجت
نورزان: مو بيدي والله لو تدرين شنو ألي عشته
هذيج الايام واني انتضر احد يجي يساعدني
ويحل سالفتي...وبالتالي وكالعاده ماكو غيره هو ألي ساعدني واني بشنو اجازي...بسببي راد يموت، هاي مجازاتي.
براء: لا نورزان لتكولين هيج خالو اذا سمعج يزعل
من هل الكلام
نورزان: سمعنا صوت امي عالي تصيح علينا حتى ننزل نساعدها
براء: يله بنات راح اروح لأن منتضريني
ريام: وين يولي ضلي ماشفناج
براء: غير مره يله باي
نورزان؛ براء اخذت على نفسها من صياح امي واستعجلت حتى تروح اني وريام خجلنا من هل موقف
**
سيف
___
اجتي براء وبلغتنا ألي صار ورافي انقهر من ردت فعل نورزان
رافي: اني سويت هل شي حتى افرحها مو ابچيها
براء: خالو هي من فرحتها بچت ترا مو لأن ضاجت
بس بنفس الوقت هانت عليها روحها لأن كل مره
ماكو غيرك انت ألي تساعدها...انقهرت من اهلها.
سيف: هي شويه تتحسس، بس تلكيها طايره
هسه من الفرح
رافي: اي ان شاء الله
سيف: ورا يومين كان عدنا دوام ...اتصلت بأبو زيد واستأذنت منه علمود دوام نورزان وهو كان عند وعده وكلي تداوم وتعال عليها،،، تشكرني وطلب مني انو اشكر رافي هم
بلغت رافي فرح كلش عبالك جبتله جائزه
ثاني يوم من الصبح مريت عليها وأخذتها
سيف: ياهلا وغلا صباح الخير،هسه يله نورت سيارتي والله وحشه الكليه والسياره من دونج تعلمت عليج
نورزان: صباح النور، وشكرا على كل شي
سيف: انتي اختي ماكو داعي تشكريني
على واجبي اتجاهج
نورزان: والله دتخجلوني بلي تسوا ويايا
سيف: يمعوده قابل شمسوين، وبعدين من نحتاجج قابل متوكفين ويانا يعني مثلا اني هسه مشتهي دولمه معدله من ايدج قابل ترديني ومتسويها
نورزان: اي هذا سيف ألي اعرفه اكبر مصلحجي
بس لعيونك اطيب دولمه اسويلك
سيف: والله كفوا عفيه بالضلعه، وبمناسبة الضلعه، اريد بيها ضلوع
نورزان: حاضر ياأستغلالي، اخليلك بيها ضلوع
بعد اكو اوامر
سيف: لا هاهيه سلامتج، بعدين غير مره عود
اكلج سويلي باجه
نورزان: ولك انته متنطي عين اسكت
لااشمرك منا واني اخذ السياره واروح للكليه
سيف: يمعوده هسه احنا شطلبنا هي دولمه على باجه، على كبه، على برياني، على...
نورزان: بعد، بعد يمعود شجاك،
صرنا نضحك ونتشاقه الى ان وصلنا للجامعه
وكلمن راح بدربه
خلصت المحاضره اتصل بيه سيف كلي عازمج على الريوك طلعت بس لما وصلت تفاجئت برافي كاعد هو وسيف، من شافني ابتسم وبلهفه كام وسلم عليه
رافي: شلونج نورزان ؟
نورزان: الحمد لله بخير وانته؟
رافي: اني هسه كلش زين تعالي كعدي
اليوم سيف البخيل راح يريكنا
نورزان: ههههه اي والله مامسويها قبل
سيف: هيج صار الحجي، الله كريم
ميخالف اني اريكم وانتو غدوني وشرط الاقوزي..ّ
رافي: استغلالي مو بيدك
نورزان: عمو اني اريد اشكرك هوايه على ألي سويته
رافي: ماسويت شي هذا واجبي
نورزان: لا مو واجبك، انته بالحقيقه گرايب امي ...يعني كل ألي سويته اقرب الناس ألي ماسوا
حتى گرايبي ماتدخلو حتى يساعدوني كلهم صدكوا الكلام
رافي: افكس عين كلمن يشوفج بنضره مو زينه
واكص لسان كلمن يحجي عليج ....ومره ثانيه ازعل اذا كلتي اني مو اقرب الناس ألج
نورزان: يجوز انته مو اقرب اقربائي واهلي
بس انته اقرب انسان ألي
(بهل اللحضه نزلت دموعي متحملت حنيته)
--تدري انته اقرب حتى من اهلي، انته سندي واماني، ألي شيصير ويايا ألكا واكفلي بس بنفس الوقت اني سبب اذيتك، كل مشاكلك واذيتك بسببي
رافي: نورزان امسحي دموعج مااحب اشوفها
انتي اقوى من هل الشي ...ولتفكرين يوما ما انتي سبب لأذيتي لا بالعكس انتي اكبر سعاده ألي.
نورزان: كافي تجمل الحقائق، وانته تعرف مو هاي الحقيقه
سيف: انتو احجوا واني اروح اجيب جاي
نورزان: كام سيف وبقيناوحدنا
رافي: اي مو كافي دموع ياعيني
نورزان:(رفعت وجهي وخليت عيني بعينه ألي اشوف بيها الخوف والحنيه) سالته....
_انته ليش هيج تعاملني؟
رافي: ماعندي جواب غير انتي انسانه اكثر من مهمه بالنسبه ألي
نورزان: وهاي الانسانه المهمه بالنسبه ألك دتتسبب بأذيتك وبنفس الوقت ماألي غيرك، وحتى دموعي ألي تمنعني انزلها تعرفها عزيزه عليه و
تعرف مااحب انزلها كدام احد غيرك . ..
بس انته اماني، وكل مخاوفي وضعفي وعواطفي
مااخاف اضهرها كدامك
رافي: هذا كله وتكوليلي، ليش تساعدني وتوكف ويايا انتي متعرفين غلاتج عندي، وهذا كلامج شنو يعنيلي
نورزان: اعرف كلمة شكر متكفي ولاتعبر عن امتناني اتجاهك ....بس ماعندي شي غيرها، حتى اعبر عن امتناني
رافي: لا اكو؟
نورزان: شنو؟
رافي: اريدج تضلين طول عمرج، تشوفيني سندج
وامانج واقرب الناس ألج، لأن هذا اجمل كلام
وشعوربالنسبه ألي ...ومن اسمعه منج احس ملكت الدنيا، وأحس بوجودي بهل الحياة أله معنى
نورزان: لتصدك يجي غيرك وأكله هل الكلام
بس يجوز انته يجي اليوم ألي تمل مني ومن هل الكلام وتقرر تشيل ايدك مني بهذاك الوقت لتلومني.
رافي: أموت وماأشيل ايدي منج، ألا في حال..
نورزان: في حال شنو؟
رافي: في حال انتي ردتي هل شي وطلبتيه
واذا جرحتيني جرح گلبي ميكدر يتحمله وصدكيني مع ذلك اضل اتابعج واساعدج من بعيد
نورزان: هههه مافرقت شي يعني بكل الاحوال متعوفني...صدكني بحياتي ماراح اطلب منك هيج طلب واذا طلبته، فأكون مجبوره عليه، مو لأن بطلت اشوفك سندي واماني
رافي: زين تمام، اتفقنا مو تغيرين بعدين
نورزان: هههه، لاابد لتخاف
سيف: ها خوما أتاخرت عليكم؟
رافي: لا، يله خلي نتريك واروح عندي شغل
نورزان: تريكنا ومتخله كعدتنا من الضحك والكلام
ومشاحنات سيف، حتى الطلاب يباوعون
علينا واني حاولت اكون طبيعيه وانسى كل ألي صار، وبمرور الوقت كلها تنسى اكيد، اذا اضل على كلام الناس ادفن روحي ومااعيش
بعد فتره الوضع بدا يصير طبيعي حتى بالبيت
تراضيت ويااهلي ...والمواضيع انسدت وأنست تماما
وحتى الأقرباء بعد ماعرفوا حقيقة ألي صار
هم تغير كلامهم بس اكيد مو كل الناس لأن اكو ناس يريدون همه هل شي، وحجه عليه، الى درجة يألفون كلام و ماكنت اعرف شنو الكلام ألي يطلع عليه وعلى رافي
مر الوقت وصرت انتبه كل ماافوت بيت عمو نبيل رافي على كد السلام وبعدها يطلع من البيت
وجها مو هو الأولي ويايا، مااعرف احسه حتى يتهرب مني، واني بداخل نفسي اتسائل ياترى شنو بي ؟؟؟
سألت براء، واستفسرت من سيف بطريقه
غير مباشره بس مااخذت جواب شافي
ناس تكول عنده ضغط عمل، وناس، انتي متحسسه وتشوفي هيج
بس لا صار كذا مره، اني اعرفه كلش زين
ودااحس اكو غلط بالموضوع
الى ان اجه اليوم ألي أكدلي كل شكوكي
اليوم ألي حسسني ماعاد ألي احد بهل دنيا
توفى ابن عمة امي وراحوا كلهم للفاتحه
واكيد بيت عمو نبيل هم راحو لأن يصير قريبهم رحنا كلنا وأدينا الواجب
اصروا على امي تضل تسويلهم طرشانه وحلاوه
خاله ام رافي ومنال هم ضلن، واحنا قررنا نرجع
ويا سيف،...ريام كالت راح ابقى ضايجه ومااريد ارجع... اني ضجت ماأحب الهوسه...لهذا رجعت ويا سمر وبراء رحت وياهم لبيت عمو نبيل
وصلنا للبيت شفنا وسن وخواتها قبلنا موجودين
مستقبلتهم مرت احمد هيه ويا كاعدين يمهم
يسولفون بس شافني أنكلبت الخلقه مالتهن ، ماأهتميت كل شويه يسمعن كلام وأعبره
اخر شي وسن صارت تجفص بالكلام
وسن: اكلج نورزان هذا صاحبج ألي اسمه امير
شصار عليه وينه هسه؟
نورزان: صاحبي شنو؟ اشو انتي متعرفين تحجين
اني كلتلها هيج جاوبتني بصوت عالي
وسن:شدعوه هو سؤال شنو هاي قلة الأحترام، على الاقل كولي اني اكبر منج
نورزان: احترمي نفسج حتى احترمج
بعدني مامكمله كلامي سمعت صوت رافي
رافي: نورزززان، شنو هل الكلام؟
نورزان: بعدني مافاتحه حلكي، مباشرتا بدت وسن
تبجي
وسن: والله يارافي سألتها سؤال وبكل احترام
رأسن صارت تتجاوز عليه، واني اكبر منها
رافي: شنو سألتيها؟
وسن: كلتلها الحمد الله من خلصت السالفه وخلصتي من هذا الحقير....وكلتلها خوما ضايقج بعد؟ اشو هايه كبت بوجهي صارت تتجاوز وتغلط
وتكلي انتي مومحترمه ومتعرفين تحجين
نورزان: كل كلامج كذب وتلفيق واني ماكتلج هيج
ولا انتي سألتيني هل السؤال ولا بهل طريقه
بعدني مامكمله كلامي عاط بيه
رافي: نورزززززان،،، تصرفاتج صايره فد مره لا تطاق وعيب تقللين من احترام الاكبر منج مهما كان السبب...وسن بنت عمي وتقريبا بعمري مو صغيره وتحجين وياها بهل الطريقه.
نورزان: انعقد لساني والعبره خنكتني، اول مره يفشلني هيج لا وكدام منو ؟كدام اكثر انسانه هو يعرف متحبني
جاوبته....
_بس اني مامسويه شي يقلل من احترام اي احد
هي ألي تجاوزت عليه وانته صدكتها
رافي: اني وكفت ويا الحق، لااكثر ولااقل..لو من وكفت ضدج ضجتي
سمر: رافي انتبه لكلامك
رافي: واذا ماانتبهت شيصير؟لو تعلمت صح،،غلط اوكف وياها.
نورزان: ماكو داعي، بعد توكف ويايا لابصح ولابغلط
لتضوج ولتصير عصبي
رافي: الضاهر صوجي انطيتج عين وخليتج
تتفرعنين على الكل
نورزان:(باوعت بوجها مصدومه من كلامه وهو مره يباوع بعيني مره يدير وجها)
نورزان: شكرا على كل شي،،،، وحتى على هذا كلامك هم ...اصلا انته صار فتره متغير، الضاهر مليت مني ومن مشاكلي...ما ألومك، بس لتتحجج بوسن وبغيرها وانته تعرف واني اعرف، انته مامصدكهه
عاط بيه....
رافي: نورزااان..اخر مره اكلج احترمي...مادامج بهل بيت تحترمين اهله وكل ضيف موجود
بي
نورزان:(هنا عرفت بعد هل الحوار ماكو شي يرجع مثل الاول، قررت انهي هل مهزله و احجي اخر كلام ويا واطلع من البيت)
_انته تعرفني احترم وتعرف تربيتي، بس اني صرت
مااعرفك
(باوعت بنص عيونه ألي هي تحجي شي ولسانه يحجي شي ثاني، بدت تجمع الدموع بعيني والغصه وصلت لبلعومي )
_انته هسه واحد مااعرفه ولااريد اعرفه،،، انته مو عمي رافي ولاسندي ولااماني ألي بحياته ماحكم عليه قبل ليسمعني...واصلا صار فتره تتهرب من شوفتي...لهذا راح اختصرلك الطريق وأطلع من حياتك ومتشوف وجهي ابد
(مارد ولاكلمه، ضل بس يباوع بعيوني بنضرات
غريبه)
عفتهم ومشيت طلعت من البيت،،،وهنا دموعي انطلقن، ردت اروح للبيت بس تذكرت ماكو احد،،،،
مشيت على الشارع، وقررت اروح، لبيت صديقتي
الى ان يرجعون اهلي، من القهر حتى اختنكت، لو كل الكون غاثني وجارحني ولاهو، من انقهر هو يكون ملجئي وملاذي الشخص ألي يطبطب عليه، زين هسه ألمن اشكي واني سندي واماني اليوم هو سبب جرحي؟
المشكله كان عصبي وعبالك متحامل عليه ويريد حجه ....
اني وامشي افكر، وكل دمعه تنزل امسحها
بديت ادوخ، ماحسيت ألاسياره شخطت و توقفت فجئه!!!
وكعت،على الارض سيطر على السياره ومادعمني بس من وكعت بطل مكسور جرح ايدي من الجانب صارت تنزف بقوه
نزل الولد من سيارته اجه يركض عليه...
ضل يسأل.... شبيج وشنو الصار وخوما تأذيتي
فهمته مابيه شي بس هو اصر يوديني مستشفى
ماوافقت وخفت هم ...هو فهم مخاوفي
_ اختي لتخافين هنا مستوصف عالشارع امشي اوديج علي يداوون جرحج
صراحه ايدي صارت توجعني، والدم اخذني
ماكو حل قررت اروح للمستوصف ويا
***
سمر
_
من صار النقاش بين نورزان و وسن كنت اصلي العصر، ...بس اني اعرف كلش زين وسن مثل الحيه تبخ سمها نسخه من امها واعرف تموت وتتخبل من نورزان..ومتأكده هي ألي تحارشت، واعرف نورزان، متكذب بس تفاجأت من طريقت كلام رافي وياها...
رافي بعد ماطلعت نورزان، شكله تغير ضلت عيونه وراها لحد ماطلعت من البيت اندار على وسن
رافي :موعبالج يابنت عمي فلمج مشه عليه عبرته بمزاجي،
قبل لتحجي وسن كلمه عافنا وصعد فوك
وهي وجها صار ينطي الوان
مثل ماتوقعت مامصدكها لعد ليش هيج تصرف ويا نورزان؟
قررت اصعد ورا وافتهم شنو سالفة اخويه
ألي صار فتره وضعه ماعاجبني...
طرقت باب غرفته اجاني صوته يأذن بالدخول
سمر: رافي اريد احجي وياك...
رافي: سمر عفيه مو وقتها ترا روحي طالعه
سمر: ليش هيج سويت ولتكلي نورزان غلطانه ومن هل السوالف وانت تعرف واني اعرف كل ألي صار فلم من وسن.
رافي: اعرف كلش زين فلم ومايعبر عليه
بس ألي سويته احسن ألي وألها
سمر: مافهمت؟
رافي: سمر كل گرايبنا مطلعين عليه وعلى نورزان كلام
سمر: اي وانته من شوكت تهتم لكلام أحد؟
رافي صارحني بالحقيقه مبرراتك مومقنعه..
انته لو الدنيا توكف كلها بوجهك متهتم مو كلام
يخليك هيج تتصرف بهل الطريقه وتجرحها لنورزان...
ضل صافن بوجهي نزل راسه سكت ورا دقيقه جاوبني ...
رافي: مو بيدي هذا افضل حل لازم ابعد نورزان عن حياتي، افضل ألي وألها
سمر: هو كال هل الكلمتين وافتهمت معناها كل كلام سيف صحيح، اتمنيت اكون غلطانه بس لا
_رافي انته تحب نورزان صح لو غلطانه؟
سكت ونزل راسه
سمر: رافي لتتهرب جاوبني كلامي صح موو؟
رافي: اي تصخمت وحبيتها،، سمر.مو بيدي اعرف غلط،...اعرف مترهم بس ماادري شنو ألي صار ويايا
سمر: رافي شلون فهمني؟انت متتصرف اي تصرف اذا مو بعقلك شجاك؟
رافي: مااعرف من اول مارجعت للعراق واول ماشفتها اصلا ماعبالي هيه من اول لحضه شفتها انبهرت بيها..وكلش عجبتني، بس من عرفت هيه نورزان وهيج كبرانه ومتغيره تلافيت مشاعري وعبرت السالفه...
بس ياسمر كل مااشوفها مااعرف شيصير بيه
انتي تعرفيني لاحبيت ولااعترف بالحب لكن كل مااحجي وياها لو اشوفها، اسرح بعيونها
واروح بعالم ثاني حتى انسى كل الموجودين...
كلشي بيها شخصيتها وكلامها وشكلها كل شي بيها يبهرني طول الوقت اقنع نفسي هذا مجرد اعجاب لأن حلوه
صرت اردد ويا نفسي حتى اقتنع اني وياها منرهم ولازم اطلعها من فكري و اني ربيتها وصغيره عليه وصراحه اقتنع لكن من اشوفها، عقلي يتوقف وماأحس بس بنبضات گلبي ومشاعري تصير هي ألي تمشيني
شوفي صار شكد من اجيت، سنه تقريبا...
خلال هاي السنه، چنت اناضل واجاهد ويا روحي
واقنع روحي انو ماعندي شي اتجاها اصلا رافض حتى الفكره بس ياسمر كل شي أتغير من شفت ابن خالي بخطوبة احمد يتغزل بيها صار عندي شعور اتمنيت لو بيدي اموته....
لو من طلعت من الصالون وشفتها حسيت بشعور بحياتي ماحاسه،حتى خفت عليها عبالك شي يخصني ملكي ويباوعون عليه...أتمنيت اضمها من العالم كله،...وبيومها حتى ضوجتها بس مو بيدي...
تصدكين عفت الحفله وضليت بس اباوع عليها حتى لحد يوصل يمها...
وبالكليه من شفت امير واكف يمها لا هنا، اني نفسي صرت مااعرف نفسي كل منطق وعقل ماضل عندي،...اتأكدت، مشاعري مو عاديه وماحاس بيها ابد بحياتي
سمر: كل هل شي وضامه علينا وتكابر؟
واني اكول رافي عقلاني ميسويها ويحط عينه على ألي رباها
رافي: ميحتاج تبسمريني،،،، ترى اني اعرف غلط...ولومااعرف مااكابر وادوس على نفسي صار سنه
انتي يوما ما كلتيلي راح تحب وبهذاك الوقت اوكف بوجهك وأجه هل يوم انتي تعرفين مشاعرنا موبأيدنا ومنختار ألي نحبهم..
سمر: صح،،،،زين هسه شنو راح تسوي؟
رافي :ما اسوي شي اني اصلا صار فتره اتهرب منها حتى مااضعف ونورزان الأعرفها بعد مااشوفها بعد الصار اليوم
سمر: تحجي صدك رافي!!!؟؟؟ كل ألي سويته حتى بعد متجي وتشوفها؟ زين مافكرت بمشاعرها،؟ ويمكن حتى تكرهك بعد هذا تصرفك
رافي: تعبت والله تعبت..، ماعندي حل اني اجاهد بوجودها...افهميني چنت اكدر اخفي مشاعري...
هسه مااكدر...مجرد اشوفها، صرت افقد
افهمي صرت مفضوح اصلا بس غيرتي عليها كافيه چنت مااعرف شنو كلمة غيره واستهزء بكل واحد يغار واعتبره جهل...صرت من غيرتي اريد اموت الشخص ألي يباع عليها، لو يوصل يمها
تدرين هسه قبل لتطلع باوعت بعيونها دمع كرهت نفسي والله أتمنيت امسح دموعها واعتذر ..لأن دموعها بالنسبه ألي نار تنزل على گلبي ...أتمنيت احضنها، وعلمودها احرگ وسن والخلفوها بصعوبه وكفت وسيطرت على نفسي، ومثلت دورالعصبي عليها ومامصدك كلامها،،،، اصلا كلامها حرگني حرگ ....بس ماكو بيدي حل.
سمر: ضلينا نحجي وهو يكلي عن مشاعره ومواقفه وعذابه طول هل الفتره....
اخويه ألي ميعترف بالحب صار عاشق ومتيم
لكن مع الاسف حب ميجوزله ولاراح ينجمع بلي حبها بسبب العادات والمنطق وفرق العمر
كان يحجي وعلامات الأسى والقهر مرسومه على وجها شويه وتذكرت گمزت من مكاني!!!!
رافي: شكو سمر،،، شصاير؟
سمر: رافي نورزان اهلها ماموجودين بالبيت
هو سمع كلامي وكف وبخوف ولهفه كلي....
رافي:يعني شنو قصدج ماكو مكان تروحله؟
سمر: اي على الاكثر ماكو...
هنا رافي بين عليه الفزوع والخوف طلعنا حتى نشوفها وين راحت
رافي بلي سوا راد يبعدها حتى ليتعذب بحبها لكن بسبب هل شي خسر نورزان وندم ندم عمره !!!؟
تعليقات



حجم الخط
+
16
-
تباعد السطور
+
2
-
close