رواية دلال وشهم الفصل الثالث عشر 13 بقلم جمانه السعيدي
بشار شيخنا جيتك هاي على عيني وراسي بس الرائ مو اليه وحدي لازم اخذ رائ اخواني انطيني مهله يومين واني ارجعلك خبر
بشار انشاء الله يصير خير
بشار لليل جمع خوانه وبدا يسولف عليهم
بشار اليوم شهم دزلنا خبر مستعد يدفع اي مبلغ ويأخذ دلال شنو رائيكم
هشام شعندا شهم ذابح نفسه عليها
حسن اني اكول نطيها اله لان ماطول نهى عليه بعد محد يتقدم اله
بشار ما اطيها اله لو يعلك عيونه اني اكول نطلب منه مبلغ تعجيزي ونسوي كعده لو يدفع هذا المبلغ لو يفك النهوه
حسن مبلغ تعجيزي يعني شكد مثلا مليون
بشار شوف هذا مليون شني نطلب ٣ مليون اكيد مراح يدفع هيج مبلغ
احسن بنيه وبت الناس الواصله مهرها ٥٠٠ مراح يكدر يدفع هذا المبلغ وهيج نتخلص منه
جمانه السعيدي
هشام واذا دفع شلون
بشار بابه شبيك منيله هيج مبلغ هو جابله كم فلس وياه من لبنان وطشرهن سياره وشترا معمل مهجور
لو يموت مراح يكدر يجمع هيج مبلغ فهمتو
واذا دبر هذا المبلغ بعد احسن ناخذ كل واحد مليون ونشتري كل واحد بيت ونكعد بي
ونشرط على دلال بعد ماتجي هنا ولاتوصل ابد
هشام هاي هي اتفقنا
بشار عباله انطي دلال بلسهل لو يموت اذا مآ اشلع كلبه شلع
ثاني يوم راح بشار وصل خبر للشيخ
والشيخ كال اني اخابرهم واشوف يقبلون لو لأ
وصل الخبر الشهم وشهم كان مابقي عندا من الفلوس غير مليون ونص بعد ما اشترا المعمل والسياره
والفلوس الي خسرهن حتى يعدل المعمل
راشد خويه لايكلف الله نفسا إلا وسعها انت سويت الي عليك عوفها الدلال
شهم تحجي صدك اعوفها تحت رحمة هذا المجرم علمود الفلوس
الفلوس احنا انجيبها موهي تجيبنا
الحجيه يمه منيين اجيب هذا المبلغ هواي هذا المبلغ ياسس شركه وانت تريد تنطي الواحد مثل بشار
تعبك وضيمك والغربه هناك ومحرومين منك تجي بكل سهوله تقدمه الواحد مثل بشار يا ريت يستاهل
جمانه السعيدي
شهم اسمعوني كلكم اني الفلوس ماتهمني دلال اهم
كل يوم تنكتل وتتعذب ويجوز يصير بيها شي
واني اكعد اتفرج
مستحيل من باجر اشوفلي دلال وارجع ابيع المعمل حتلو اخسر بي المهم دلال تطلع من ذاك السجن
ثاني يوم طلعت وعرضت المعمل على كم واحد اني اشتريته مليونيين ونص ومآ وصل غير مليون ونص
وابد ماترددت بعته وجبت الفلوس واجيت
وراسا خابرت الشيخ
شهم الو شيخنا السلام عليكم
الشيخ وعليكم السلام
شهم وياك شهم عرفتني
الشيخ اكيد عرفتك اهلا وسهلا
شهم شيخنا الفلوس حاضرات اريد توصل خبر للجماعه
اي يوم فارغين يستقبلونه
الشيخ بويه بس هيج هواي
شهم لاشيخنا مو هواي عليها
بس اريد اطلب منك طلب من تكعد الزلم ونتفق اني راح احضر سيد حتى يعقد النا واريدها بثوبها العليه
واريدها تطلع وياي لان اني ما اامن باخوها
ماعندا كلمه ابد
الشيخ صار اني راح احضر الزلم حتى تكون شاهده على هذآ الكلام ومرتك تاخذها وياك
شهم اي فدوه شيخنا ولو تعبناك ويانه
الشيخ تعبك راحه وليدي
جمانه السعيدي
الشيخ رحت ووصلت خبر البشار وضل مصدوم ومامصدك
راح يحصلون هيج مبلغ
بس بعد ماكو مجال يغيرون رائيهم ابد
بشار راح الشيخ ودخلت على دلال
دفرته وكتله كومي
كامت وهي ترجف باعي شهم اشتراج مني
واني بعتج علي لان انتي هاي قيمتج
تحضرين نفسج
بس نتفق ترحين ويا وممنوع تاخذين اي شي من البيت
بس ثوبج العليج فهمتي
بعدين لزمني من شعري قوي وكال
شي ثاني رجلج ماتعتب هذا البيت مره ثانيه
وتنسين عندج اهل وعندج ام اذا شفتج يوم من الايام هنا اكتلج خلاص فهمتي
دلال شلع شعري بايده صحيح جنت اتالم بس فرحت عمو شهم راح يخلصني من بشار
راح اطلع من هذا السجن
شهم تحدد الموعد بعد يومين طلعنا بلسياره اني وراشد واقبال
والسيد الي راح يعقد النا
دخلنا شايلين المبلغ وبشار يريد ياكلني بعيونه
بس كعدنا اشرت للشيخ يخطبها اليه
بدا الشيخ يحجي وخلص وكال هذا المبلغ الي طلبتو
مهر طفر بشار واخذه
الشيخ هسه السيد يكطع مهر
شهم بدا السيد يحجي واني ودي اكله بسرعه سيدنا ولامصدك دلال راح تصير اليه
عقدنا وكملنا والشيخ كال اريد عروستنا تروح ويانه
واحنا كلشي ماطالبين منكم
بشار يله وينج حضري نفسج
اقبال لبستها العبايه ولفيته وانتضرنا لمن طلعو الزلم كلهم
التفت دلال على امها وحضنتها وبجت
دلال يمه على عيوني فراكج الله يحرم كلمن راح يحرمني منج
ام دلال تبجي ودلال تبجي
شهم طلعت وانتضرتها يم السياره ولله مشتاق الها صار كم شهر ماشايفها
دلال حاضنه امها وتبجي وراسا عاط بيها بشار
يله فضيها ولي وديري بالج تفكرين ترجعين هنا ثاني مره فهمتي
اقبال سحبت دلال من حضن امها وهي تبجي وتناشغ
ومشينا طلعنا
شهم طلعت دلال يابويه هاي دلال هيج صاير بيها
ضعفانه وجوه عيونها اسود
وحاله يبجي الكافر
فتحت الها الباب وصعدت صعدت اقبال وراشد وطلعنا
شهم دلال شلونج اشوفج تعبانه اخذج للمستشفى
دلال اهي اهي لا مابيه شي
جمانه السعيدي
وصلنا للبيت ودخلنا وهي راسا شبكت الحجيه وكامت تبجي وكعت العبايه من راسها شعرها مكطع واكو كدمات
زرك بوجها واديها جروح
اشرت الاقبال كومتها من مكانها واخذتها للحمام سبحت وبدلت
شهم علما سبحت اني حضرت اله اكل بس ماقبلت تاكل ابد صعدت الغرفته نامت
الحجيه يمه شهم مبروك وبلعافيه منك المال ومنها العيال
الله لايطي بشار شمسوي بلبنيه
لو محكومه بسجن هم مايعذبونه هيج
همزين خلصت منه
شهم الله يبارك بيج حجيه اني هسه يله ارتاحيت من رجعت دلال للبيت الحمد لله والشكر
نزلت اقبال من يمها من فوك
شهم باجر اريدج تشتريلها ملابس جديده
هاااا ملابس اللوان ما أريدها تلبس اسود ابد فهمتي
اقبال انشاء الله
جمانه السعيدي
حضرت اقبال العشى واني اخذت اله عشى وصعدت
حاولت اندها راسا فزت مرعوبه وخايفه
شهم أسم الله شبيج هذا اني شهم جبتلج العشى
دلال ما اكدر اكل حلكي كله مطكك وراسي يوجعني
شهم اكلي شويه
دلال حلكي مطكك ما اكدر
شهم اني راح اخلي اقبال تسويلج شوربة حليب
واني راح اروح اجيبلج علاج وارجع
نزلت لكيت اقبال شايله التليفون وتصيح الو ألو
شهم منو
اقبال ولله ما ادري هاي صار كم يوم يجينا اتصال وبس ارد يسدونه
شهم يمعوده ناس فارغه ماعدها شغل وعمل
اريدج تسوين شوربة حليب الدلال حلكها مطكك واني راح اجيب الها علاج واجي
اقبال صار عشر دقايق وتكون جاهزه
اخذت السياره وطلعت جبتلها علاج ورجعت
لكيت اقبال توكل بيها
شهم عفيه اريدج تاكلين وتتقوين هاج هذا العلاج
ويا عصاره ادهني الجروح الي بجسمج
خل اقبال تدهن جسمج
إذا اليه معزه عندج اكلي ويصير قويه وانسي كلشي صار
خل كلشي ورا ضهرج
اعتبري نفسج انولدتي اليوم ولاتخلين الذكريات تعكر مزاجج فهمتي
دلال صعب صعب انسى اني مريت باسوء الضروف
مرت عليه ايام سوده
ما اعرف شلون اجازيك لو انطيك عيوني ما اجازيك ابد
