رواية الحمال وبنت التاجر الفصل العاشر 10 بقلم جمانه السعيدي
مهيب....اني زعلان
مهيب...لا بعدني زعلان
نورس....اني ضجت لان انت تحجي وياها كدامي
يعني هيج شي مو اكثر اني طوخته مووو
مهيب...بس هاي الهوسه كلها لان حجيت كدامج
نورس....اي توقعت تحبه
مهيب...اي احبها
نورس....باوعت بعيونه هو هم مانزل عيونه
مهيب...استغفر الله واتوب اليه خل اكوم احسن
مبين الشيطان اليله ويانه بلغرفه
اروح انام بمكاني احسن
نورس.كمت افور من العصبيه والاحراج متت من الاحراج
نورس..... اروح ابلل جسمي
مهيب...بدلت ملابسي لا تسبحين الدنيا بارده
لا تتمرضين
نورس....شلون انام متت حر
مهيب....هسه تهدين يله نامي حتى مااريد نحجي بعد
نورس...تمددت وتغطيت
مهيب...تمددت بمكاني اريد اسئلج سوال
نورس....بس لاتحرك كلبي اليوم احترك بما فيه الكفايه
مهيب....على شنو احترك كلبج لا يكون تحبيني
نورس...تفاجئت من السؤال بقيت ساكته
مهيب...هااا اللسانج انبلع
نورس....ليش تسئل
مهيب....لان انفعالج بسبب جنه يكول انتي تحبيني
نورس....واذا
مهيب...واذا شنو مافهمت تحبيني لو لا
نورس....ممكن انام تعبت ولله تعبت
مهيب....نامي اصلا اني لازم احب وانحب حالي حال الناس
نورس...تحب منو
مهيب....انتي مو نايمه شعليج احب منو ترا هاي مسئله
شخصيه وانتي تدخلين بيها جمانه السعيدي
نورس....بلعافيه حب اني لازمتك
مهيب....اني فعلا احب بس منتضر الوقت المناسب
نورس...رجعت كعدت على حيلي وشلت شعري ليفوك
مهيب....شبيج
نورس...ممكن تسكت لان كمت اغلي
مهيب....كمت احجي على كيف اريد استفزها
بله شكد بعد واكدر اخذ حبيبتي شهر شهرين لا يمكن اكثر شويه
نورس....كاعد تحسب يمتى تخلص مني
مهيب...انتي ما تنامين واكفتلي بلبلعوم نامي اذنج يمي
نورس...من باجر اروح الاهلي لا تحسب ولا تعب نفسك
تكدر تزوج بعد باجر
مهيب....هم انتضر البعد باجر هووواي
نورس...كوم كوم هسه دزني الاهلي ما تصبر ميت
تريد بس تخلص مني هبج اني ثكيله عليك
مهيب....بس ابوج هسه شيكول اذا شافج راجعه للبيت بليل
خليها باجر زحمه اليوم كمت اضحك وسديت حلكي
نورس....اهيييي اهييي اهييي كوم اريد اروح بيت اهلي
بعد مااكدر اتحمل اكثر
مهيب....رفعت راسي لكيتها تبجي كاعده على حيلها وتبجي رافعه شعرها فوك ولافته طوبه مخربطه
تبجي وتمسح بدموعها
ماكدرت اسيطر انفجرت بلضحك
هي تبجي وتمسح بدموعها ووجها صار أحمر
واني ميت من الضحك عليها
نورس...اهييي اهيي ليش تضحك عاجبك شكلي بطني كامت توجعني بسببك
مهيب...كمت من مكاني واني اضحك اريد اوكف مااكدر
كعدت على الجربايه من الجهه الثانيه مو من الجهه إلهي كاعده عليها كمت اضحك بصوت عالي
نورس...وسم ليش تضحك اريد اروح الاهلي
مهيب....كوه سكتت لا حبيبتي انتي ولله اضحك وياج
نورس...شنو تضحك وياي قابل اني اضحك وانت تضحك وياي اني ابجي وانت تضحك
مهيب...أعوذ بلله من الشيطان الرجيم اريد اسكت ماكووو
هاي اليله ما ناويه تخلص على خير ابد
اسف حبيبتي قربت عليها ومسحت دموعها
اسف اتشاقا وياج اني اصلا مااكدر استغني عنج ابد
نورس...انت اتحبني نزلن دموعي ومسحتهن
مهيب...لا تبجين ولله حبيت استفزج واشوف ردت فعلج
نورس...اني انقهرت بطني كامت توجعني
مهيب...خلاص بعد مااحجي بهاي الطريقه اذا اضوجين
مسحت دموعها
نورس...اني يمكن صخنت احس نفسي حرانه
مهيب...قربت خليت ايدي على وجها اي انتي مصخنه
خاف موزين عليج هاي الحراره جمانه السعيدي
نورس...اروح اسبح بلكت اصير زينه
مهيب...يصير تاخذين بندول يقلل الصخونه
نورس...اي اريد وحده
مهيب ...جبتلها بندول ودخلت سبحت بقيت منتضرها
طلعت من الحمام جففت شعرها
مهيب...شو خل اشوف الحراره
خليت ايدي عليها لا صرتي احسن
نورس...اي احس نفسي صرت احسن الحمد لله
مهيب...بطنج بعدها توجعج
نورس...لا ما توجعني
تمددت على الجربايه وغطيتها طفيت الضوه بقه بس الضوه الاحمر
تمددت وتغطيت
نورس.... اي احبك
مهيب...جنت توني مخلي الغطه على وجهي نزلت الغطه
....شنو شكلتي ماسمعت
نورس....همزين ما سمعت هيج
مهيب....اني هم احبج سمعتج شنو كلتي
اصلا افعالج فاضحتج كل هاي الدموع ولانفعال
والصخونه كلها علامات الحب
حتى العيد ميلاد والبوسه هااا ركزيلي على البوسه
هاي كلها علامات الحب
نورس...هيج اني فاضحه نفسي
مهيب...الحب ما ينضم ابد
نورس....يعني راح نزوج زواج حقيقي
مهيب....اكيد نزوج زواج حقيقي لان اني تعودت عليج
ومااكدر استغني عنج
اصلا مااعرف احب وحده غيرج انت كعدتي وتربعتي بكلبي
نورس....اني الي مااكدر استغني عنك انت اكثر شي حقيق
بحياتي
نمنا الصبح كعدت نورس اكو لطمت حمه بحلكها من الصخونه
مهيب.. هاي شنو بحلكج
باوعت بلمرايه نورس....هاي لطمت حمه بسبب الصخونه
مهيب...بسببي مو
نورس....لا اني مااتحمل بسرعه اصخن
مهيب...من ارجع اجيب وياي عصاره
نورس...الله يحفظك اليه
مهيب...مرت الايام بسلام كانت هاي الايام احلى ايام عشتها بحياتي قبل كنت اكول اني احب نورس
طلع كلشي مريت بي سابقا موحب
الحب هاي اللحظات الحلوه الي جاي اعيشها اني وياها كل يوم
قبل انام الساعه بلوحده او بلوحده ونص
هسه نبقى نسولف للساعه ٣ او ٤ بليل الحديث وياها ممتع الدرجه ماودي يخلص الوقت
كل ليله عبالك اول ليله اتعرف عليها
الصبح كوه اكعد اروح للشغل وهي تبقى نايمه
الحد مادخلت شهر السادس من الحمل بنهايته
نورس....مهيب
مهيب...عيوني
نورس...صار اتلث ايام الطفل ما يتحرك
مهيب...ايجوز نايم
نورس.. لا احجي صدك مو شقى
مهيب.. اني هم احجي صدك ايجوز نايم
نورس...لا شنو نايم كل يوم يتحرك احس بي
مهيب...ليش ماحجيتي الامي تعرف اكثر
نورس...باجر احجيلها واشوف شتكول
مهيب...انتي متاكده صار كم يوم ما يتحرك
نورس...اي متاكده
مهيب...انتي ليش ماتراجعين كل شهر حتى تتأكدين من سلامته
نورس...يتحرك ومابيه شي ليش اروح واتعب نفسي
مهيب...ممكن اسمع اخلي اذني على بطنج
نورس....اي تعال
مهيب...دنكت خليت اذني على بطنها كلشي مااسمع
نورس...هو ما ينسمع يتحرك
مهيب...باجر من ارجع الضهر ارتاح شويه واخذج للدكتوره
نورس. تعطل شغلك علمودي
مهيب...يوم عصريه مراح تخسر التجاره
نورس...اي تمام
مهيب..... ثاني يوم رجعت الضهر تغديت ونمت
العصر كعدت بدلنا وطلعنا اني وياها جمانه السعيدي
وصلنا للدكتوره دخلت للفحص
نورس.. تعال وياي
مهيب...زحمه المكان بس نسوان اني انتضرج هنا
دخلت جوه اتاخرت بلفحص الي قبلها يدخلن ويطلعن بسرعه
انفتحت الباب طلعت تبجي
المكان متروس نسوان
مهيب...نسيت نفسي رحت عليها بس وصلتني حضنتني وكامت تبجي حيل
مهيب.. ليش تبجين
ماتقبل تحجي حاضنتني وتبجي
مهيب...حبيبتي ممكن اعرف شبيج
نورس...مات مات
مهيب...منو الي مات
نورس.. الطفل بطني مات
مهيب...شنو مات ليش تعاي فهميني اكعدي هنا
نورس...الدكتوره تكول الطفل ميت وحتى ماي ماكو بلرحم واكو فايروس ضارب الطفل
لازم عمليه بأسرع وقت ممكن لان اذا بقا بلرحم
الرحم يتعفن
مهيب.. اروح دكتوره ثانيه
نورس...لا اني شفته بلسونار ما يتحرك اهيي اهيي
مهيب...تعاي ندخل انشوف وين ممكن نحجز للعمليه
نورس..اريد امي اريدها اهيي اهييي
مهيب...ليش تبجين اني وياج مراح اعوفج
اتصلت على امها وحجيتلها كلشي صار ويانه
واتصلت على امي حتى تجي وجيب ملابس النورس
لازم نطلع للمستشفى كبل
راسا اتصل عليه ابو نورس وكال اريد احجي وياا الدكتوره
ابو نورس...اسمعي دكتوره اني الطفل ما يهمني
حياة بنتي عندي اهم
اريد مستشفى اهلي الفلوس مو مهم اريد اشتري حياة بنتي
مهيب...شويه وامي وابوي وام نورس وابوها كلهم اجووو
اجمعنا باب العياده
ابو نورس حجز مستشفى اهلي
اكو دكتوره بلمستشفى مختصه بهيج حالات
من وصلنا دخل عليها ابو نورس
ابو نورس....اسمعي دكتوره بنتي من حانت زغيره جانت عدها مشكله بلقلب صحيح احنا عالجناها بس اني اخاف عليها مااريد بنج عام خاف تموت
بنج موضعي واني اتحمل المسؤليه كلها
الدكتوره اخذتلها سونار ثاني مره واكدت الحجي
الطفل ميت ولازم عمليه بأسرع وقت ممكن
الدكتوره قررت بنج موضعي
طبعا نورس بس تبجي
مهيب... كمبزت يم رجليها وكعدت بلمستشفى
مهيب...ليش تبجين حبيبتي
نورس...خايفه
مهيب...اقري اية الكرسي كولي اللهم اسئلك بلا اله الا لله
محمد رسول الله انت تحفضني
نورس...اهيي خايفه
مهيب...لاتخافين اني مراح اعوفج
نورس...خاف اموت وبعد مااشوفك
مهيب...ياحبيبتي لا تكولين هيج راح اطلعين سالمه
ونزوج ونجيب كومه جهال
اني مااعرف بهاي سوالف الحمل سمعتي الدكتوره تكول ليش ما مراجعه دكتوره ولا متابعه الحمل
يمكن لو متابعه الحمل حان ماخسرنا الطفل
مهيب...دنكت بستها من راسها
نورس...تعال وياي بلعمليه من اشوفك اطمن
مهيب...اسئل الدكتوره اذا تقبل ادخل وياج
رحت للدكتوره كالت ممنوع الغرفه معقمه مايصير
دخلت نورس للعمليه وهي تبجي وخايفه خايفه تموت
بقيناوواكفين بلباب اني اقرا ايات قرائنيه
كلهم كاعدين اله اني مااكدر اكعد اروح وارجع
ساعه بلضبط يله طلعت الدكتوره
