رواية البائسات الثلاثة كاملة وحصرية بقلم نوران احمد
البائسات التلاته 1
بقلمي نوران احمد مليجي
في بيت بسيط
شيماء : كل يوم نفس الاسطوانه بزمتك مزهقتيش يا ماما بقا
الام : ومش هزهق ابدا لحد ما يتعدل حالك وتنجحي وتخسي شويه يا بت ده انتي كنتي الاولي علي دفعتك تتوكسي الوكسه دي ازاي
شيماء : خلاص خلاص بقا يا وليه قومت اهو
متستغربوش انا واسماء ونجلاء كنا دفعه واحده في كليه تجاره كانو الكل بيسمونا شله البكبوظات وبيتنمرو علينا انا شيماء عمري 22 سنه سقط في الجامعه مره بسبب التنمر بطلت الروح الجامعه ف سقط مشكلتي هي اني تخينه وصحابي بردو زيي
خليني احكيلكم فلاش باك
في الجامعه
نجلاء : عيال عرر لازم اضربلي اتنين تلاته كدا علي الصبح عشان يتهدو
شيماء بدموع : انا عايزه اخس بقا انا زهقت مش كل شويه حد يتريق علينا نفسيتي خلاص انا بقيت اكره نفسي وحياتي
نجلاء : بقولك اي يا حيليتها احنا حلوين زي ما احنا مش شويه الزباله دول هياثرو فينا اجمدي كدا وخلي عندك ثقه في نفسك يا اختي اتخن منك وماشيين بكل ثقه وادخلي واتكلمي كدا انا احب اتكلم عن نفسي محدش يتكلم عني انا نجلاء مسمينا شله البكبوظات عشان تخان شويه اي يعني خلقه ربنا متخرجه وبدور علي شغل
اسماء : لو هنخس هيبقا لنفسنا يا نجلاء مش عشان اي حد واحنا فعلا لازم نفكر في الموضوع ده الله بتاع الكريب ده تحفه تعالو جربو
انا اسماء قصتي مختلفه شويه عن شيماء عمري 22 سنه وبعاني من نفس المشكله اني تخينه
شيماء : ما شاء الله عليكي هي دي الاراده المطلوبه وبعدين انتي خلاص اتخطبتي وخطيبك بيحبك عايزه اي من الدنيا تاني
اسماء : الله اكبر في وشك يا بعيده مش كل اللي بنشوفه بيكون حقيقه يا شيمو المظاهر بتخدع كتير
شيماء : بصو بصو تامر هناك اهو الله حلو اوووووي بحبه يا ناس بحبه اوي بصو بصو جاي عليا ازاي وهو مبتسم ضحكته جنان بس شكله معجب صح
نجلاء بضيق : مبحبش الهطل اللي فيكي ده واضح جدا أنه بيستغلك غير كدا مش هيبص في وشك ولو بالصدفه حتي
شيماء : ياااه علي السواد والغل بطلو حقد وغل بقا مستكتره عليا أنه يحبني ليه مشبهش ولا مشبهش ولا عشان هو احلي مني ومدوب بنات الجامعه
اسماء : نجلاء معاها حق وانا شايفه كدا بردو بس براحتك يا شيماء خوضي التجربه وابقي تعالي عيطي لينا هنستناكي في مكانا يلا يا نجلاء سلام
بصت عليهم وهما بيبعدو بضيق وصل ليها تامر بابتسامه
تامر : عامله اي يا قمر فينك يا بنتي وحشاني جدا بقالي كتير مش بشوفك ممكن خدمه
شيماء بابتسامه : كويسه جدا انت اخبارك أي كويس وبعدين ده انت تؤمر علي طول
تامر : الحمدلله كنت بس محتاج منك تساعديني اصل ماما في المستشفى ومش هعرف اخلص التكاليف اللي الدكاتره بيطلبوها ممكن تخلصيه مفيش اجدع منك في الجامعه اطلب منه بصراحه
شيماء بفرحه : ولا يهمك هخلص ليك كل اللي مطلوب متقلقش خالص الف الف سلامه علي مامتك ابقا طمني عليها
تامر : اكيد اكيد هطمنك شكرا جدا علي المساعده عن اذنك بقا
شيماء : استنا هو طيب اي اللي مش عملته بالضبط عشان اخلصه
تامر : ها معملتش اي تكليف من اول السنه ليه مال وشك متضايقه ولا اي لو متضايقه خلاص شكرا مش عايز حاجه
شيماء : لالالا ابدا مفيش حاجه انا بس مستغربه اصل اخر معاد للتكاليف بكرا
تامر بابتسامه : معلش بقا همتك معانا سلام يا قمر
رجعت تاني للبنات
نجلاء : ها يا خايبه طلب منك اي المره دي ما هو ميعرفكيش غير عشان حاجه
شيماء : اي اللي عرفك اصلا الكلام ده مش حقيقي علي فكره
نجلاء : قولت ليكي يا بنتي مش هيبص في وشك الا لو عايز حاجه مش مصدقاني
شيماء : ده ده بيناديني بالقمر هو بيحبني علي فكرة بس مكسوف يقول
اسماء : خليها عايشه في الأوهام لحد ما تتلبي منه في يوم من الايام
شيماء بضيق : انتم عيال محبطه انا ماشيه روحت البيت وفضلت سهرانه اخلص تكليف تامر ومعرفتش انام اليوم ده خالص لحد ما خلصتهم ولبست بسرعه عشان متاخره علي الجامعه مكنتش مركزه ولا شايفه قدامي طبعا مش مطبقه طول اليوم لحد ما روحت عنده وابتسمت وادتله التكاليف فرح وانبسط جدا
شيماء : ضحكته هونت عليا تعب سنين فرحته عندي بالدنيا
نجلاء : محنووووووو بقولك اي فوقي يا متخلفه والله بيستغلك اجيبلك مكرفون والف في الجامعه اقول نفس الجمله يمكن تفوقي
اسماء : فكك منها يا بنتي براحتها بقا
عدت الايام ودخلنا علي الامتحانات وقبل الامتحان لقيته بيرن عليا رديت بفرحه
تامر : انا اسف جدا اني بتصل عليكي بس فعلا محتاج اتكلم معاكي انتي اللي بلجا ليها في اي مشكله بتحصل معايا ساعديني
شيماء : خير يا تامر قلقتني مالك انت كويس حصل حاجه انت بس تؤمر وهعملك اللي انت عايزه
تامر : انا ملحقتش اذاكر خالص ممكن تساعديني في الامتحانات هقعد وراكي بكرا ماشي ومتكتبيش علي الورق اسمك لحد ما اخلص نقل منك اتفقنا يا قمر
شيماء : اتفقنا يا عيون القمر وقفل السكه انت بس تؤمر يا حليوه انت هااا علي الحب وعمايله
اول امتحان كان صعب جدا بجد وتقيل اتفاجات في نهايه الوقت أنه سحب الورقه مني بسرعه وحدف ورقته حاولت بسرعه احل اي حاجه وحليت الي اقدر عليه والباقي كان الوقت خلص وانسحبت الورقه وقفت مصدومه وقعدت اعيط
نجلاء : شايفه المتخلفه سحب منها الورقه اكيد ملحقتش تحل البت شافتها وحكتلي
اسماء : ربنا يستر عليها بجد ده احنا كان املنا فيها تتعين في الكليه بس بعد الاستغلالي الحقير ده كله راح بس تستاهل هي اللي عامله كدا في نفسها
مشيت نجلاء بسرعه ناحيه شيماء اللي باصه قدامها وعماله تعيط وهو مشي وسابها
نجلاء بعصبيه : ازاي مزعقتيش و قولتي المراقبين عليه الحيوان ده وربنا اقعد عليه ما اسيبه الا وهو بيطلع في الروح
مسحت دموعي وقالت : لالا اكيد هو ميقصدش يا نجلاء انا انا هروح وراه افهم الموضوع اكيد مش قاصد
مشيت شيماء
اسماء : البنت دي متخلفه وهتضيع نفسها بجد زعلانه عليها والله لولا انها غلبانه ما كنت عتبت الجامعه دي تاني الا عشانها وعشان متحسش انها وحيده اكتر
في كافيه
شيماء بدموع : تامر ممكن نتكلم هو هو انت ليه عملت كدا
تامر : اتفضلي لو علي موضوع الورقه ف انا استنيتك كتير اتاخرتي في الحل مكنش قدامي طريقه غير كدة اصل كلمت ماما عليكي وعايزه تشوفك وهي تعبانه خالص ف مكنتش عايزها تتعب لما تعرف اني سقط في ماده ممكن تروح فيها حالتها مش مستقره خالص
شيماء بفرحه وهي بتمسح دموعها : اسفه اني ظنيت فيك حاجه وحشه بس لو سمحت متسحبش الورقه مني بالشكل ده تاني وانا هديلك الي انت عايزه
تامر : اكيد وعد يا حبي المهم متزعليش بقا وروحي لصحابك
جريت شيماء بسرعه علي البنات : قالي يا حبي مش مصدقه بجد قالي يا حبي
نجلاء : وحده هتخليه يجيب امتياز عايزاه يقولك اي كله ضحك علي الدقون
اسماء : علي فكرة كلمه حبي دي عند الشباب زي ماشي يعني عاديه جدا انا خطيبي بيقول لصحابه يا حبي
شيماء : ده واحد مشكوك في أمره ملناش دعوه بيه
ضربتها اسماء بضيق وروحو
بصت اسماء لبعيد واتصدمت وبصت لنجلاء اللي كانت مصدومه ومتضايقه جدا وجريو وقفو قدام شيماء بسرعه ووو
