رواية الحمال وبنت التاجر الفصل الثالث 3 بقلم جمانه السعيدي
مهيب...ثاني يوم طلعت ادور شغل
هلمره اريد مشروع يخصني وحدي مراح اشتغل جوه ايد اي احد
الفلوس الي مجمعهن علمود زواجي راح ابدي بيهن مشروع
وااجل شغلة الزواج كم سنه منا لمن تتعدل اموري
طلعت ادور اشوف بلسوك شنو أكثر مشروع ماشي
بوقتها كان الفيس توه داخل للعراق والناس متخبله على النت قررت افتح مشروعي بهذا المجال
اول شي رحت ااجر مكان حتى يكون العمل من داخل السوك اسبوع واني ادور محل ااجره
بعدين اكو واحد من داخل السوك عاف المحل لان التحق بلجيش
جماعتي اتصلو عليه علمود هذا المحل بعد مافرغ
رحت واتفقت وياا صاحب المحل واجرته
طلب مني اجار ٣ اشهر مقدم طبعا هو طلب ست اشهر بس اني كتله لا مادفع ست اشهر ايجوز ما يعجبني المكان وانتقل منه يجوز اعوف الشغل ادفعلك ٣ اشهر واذا استقريت ادفعلك اكثر
دفعت ٣ اشهر ليكدام
فلوسي ما يكفن اجيب بضاعه واملي المحل
اني متاكد ابوي مجمع مبلغ جوه ايده تحسبا الاي شي
وكان يريد يزوجني ومحتفظ بهذا المبلغ جمانه السعيدي
مهيب...بابا اريد مبلغ منك اريد ابدي مشروعي والفلوس الي عندي دفعت اجار ورتبت ديكور المكان
ابوي....مصمم ماترجع للشغل وياي كل يوم عمك يسئل عنك يكول يمته يرجع
اليوم يكول اريد اروح اصالحه بلكت يرجع للشغل
احس نفسي تايه بدونه
مهيب....لو يحسبلي كل يوم مليون اجور ماارجع على هاي الاهانه شنو متوقع اموت إذا ما اشتغلت عنده
الشغل بكل مكان وكلمن وشطارته
مثل ماكنت شاطر بلشغل وياا راح اكون شاطر بلشغل باي مجال
مو عبالك اشتغل عنده بااجوري لا عبالك عبد عنده
ماارجع للشغل ويااا لوما يعتذر جمانه السعيدي
ابوي....يابويه انت مكبر الموضوع ترا عادي بنته ويزوجها الاي واحد يريد
مهيب...يرفض باادب يكول اني مااريد ازوج بنتي مو يعيرني بشغلي اني جنت شايل نص الشغل على اجتافي
حمال وداير بالي على البضاعه
واوجه العمال اتعامل وياا عبالك مو عامل عنده
عبالك حلالي واريد اخافظ علي
مارجع ابد خل ينساني
ابوي...بكيفك
مهيب...المهم اريد منك مبلغ وارجعه الك بس مشروعي يمشي
ابوي....مو تدلل الفلوس كلها الك اني ألمن اريدها
طلع ابوي الفلوس وانطاني المبلغ الي اني محتاجه
بعدها سئلت اني منيين ممكن اشتري بضاعه جمله
اخذت العنوان ورحت جبت بضاعه صحيح مو هواي
بس تكفي ابدي مشروعي بيها
بالبدايه ماكان اكو بيع هلكد يمكن لان المكان جديد وبعده ما معروف
اول اسبوع ابد مابعت كلشي لا تليفون ولا شريحه
قررت احرك نفسي شويه
رحت تعرفت على أصحاب المحلات القريبه عليه
وانطيت كل واحد بيهم رصيد ابو الخمسه ووصيتهم حتى يحجون عن البضاعه الي عندي
واذا يجون يشترون مني الهم تخفيض
واي واحد يجي من طرفهم هم اله تخفيض
كتبت قطعه ولزكته على جام المحل
كتبت بيها تنزيلات وكتبت اسعار التليفونات والشريحة
وتنزيل التطبيقات
خليت اسعار اقل من السوك
بدو الزباين يجون للمحل بديت ابيع صح احصل ربح قليل
يمكن هذا الربح يكفي بس اجار ومصاريف
بس ميخالف اذا صارت رجل على اامحل شويه شويه
ارجع ارفع الاسعار منا لمن أحقق الارباح الي اريدها
اول شهر ما حصلت بس رأس المال
ثاني شهر غيرت البضاعه جبت بضاعه اكثر جوده ورفعت الاسعار شي قليل بعدين شويه شويه
بديت اشتغل بس شنو سحبت كل فلوس ابوي
علمود اخلي بضاعه بلمحل
وكمت انطي قسط بس للناس الي اعرفهم حتى البضاعه تمشي صار عندي زباين
وكل واحد جاب واحد والواحد هم جاب واحد
المعامله الحلوه واللسان الحلو يجيب الناس
كمت انطي هديه للي يشتري مني كم قطعه
كفر تليفون او مداليه تليفون
والي يجي يريد شريحه انضفله التليفون واذاعطل بسيط اصلحه بدون مقابل
الحمد لله كمت استغل خير من الله
ابو نورس....مايرجع مهيب للشغل
ابو مهيب....الحمد لله فتح مشروع خاص بي ويشتغل خير من الله
ابو نورس....قابل يحصل بكد ماكان يحصل هنا
ابو مهيب....خير من الله يحصل ويحب شغله حيل
يكعد من الصبح يطلع للشغل
ومايرجع اله بليل حتى الضهر مايرجع للبيت
ابو نورس...الله يرزقه يمكن زعلان مني
ابو مهيب...لا ابد مو زعلان ليش يزعل حقك هاي بنتك
ابو نورس...زين اذا موزعلان ليش مايجي حتى يسلم عليه
ابو مهيب.. مو كتلك يطلع من الصبح للشغل ومايرجع اله بليل
ابو نورس...الله يرزقه
ابو مهيب.. انشاء الله
مهيب...ابوي دائما كان يوصل سلام وسؤال ابو نورس عليه
مااعرف مفتقدني
لو مفتقد امانتي وشغلي لان مستحيل يكون ندمان على للشي الي سواا وياي
المهم اني خلال سنتين يله كدرت اثبت نفسي بلسوك
انتقلت المحل اكبر صار عندي زباين يطلبوني بلاسم
هلكد ما انصح بشغلي
ابد ماابيع شي موزين كلها شغلات توب
الناس كانت تحجي باامانتي بلسوك وتعاملي سهل وياا الناس
سنتين من العمل كدرت أحقق ذاتي
كدرت اجيب سياره بلقسط مو جديده مستعمله بس نضيفه حتى تساعدني اخلص شغلي بيها
كنت اوصل ابوي كل يوم للشغل بس مااتزل ولا ادخل المكان عمله
رغم ابو نورس كان يشوفني
وحتى العمال الي كنت اشتغل وياهم بس توكف السياره يجون يسلمون عليه
يضحكون وياي ويكولون الي انطاك ينطينا
كنت حريص على شغلي وابد ماابذر ولا اتفخفخ
يعني اذا حاجه ماله داعي مااشتريها بس الشغلات الضروريه كمت اجيب بضاعه اكثر من قبل
هاي اخر سنه النورس بلكليه بعدها راح تتخرج
من انتهت هاي السنه سمعت ابوي يكول الامي
ابوي....نروح نبارك البيت ابو نورس بتهم تخرجت
امي...اي نروح ليش لا
ابوي.. انطيج ١٠٠ الف تنطيهن الها هديه ابو نورس انطا
المهيب ١٠٠ من تخرج
امي.. اي واجيبلهم علبة حلويات فاخره اخذها هديه
ويه الفلوس
ابوي...مهيب تروح ويانه
مهيب...لا ماعندي وكت
راحو امي وابوي يباركون النورس على التخرج
امي اجت بس تحجي بجمال نورس ولطافته
طبعا ماتدري اني جاي اسمعها
لان من يوم رفضو هذا الزواج محد يحجي بهذا الموضوع كدامي خاف اضوج لو انقهر
واني هم تناسيت هاي الشغله مهتم بشغلي وبس
بعد تخرج نورس تقريبا بشهر او شهر ونص اواكثر شويه
مااعرف بلضبط شكد تقريبا شهرين
ابوي اتصل كال اني بلمستشفى ابو نورس تخربط
مهيب...اني مادرت بال كلت ابجوز ضغطه صعد او هيج شي
طلعت الشغلي واستمر اليوم عادي
بليل من رجعت ابوي بعده ماراجع
مهيب...وين ابوي
امي...بعده بلمستشفى اليوم ابو نورس ضربته جلطه
مهيب...ياستار ياربي
امي...اليوم محد فتح المجمع ابوك من وصل الصبح
لكا المجمع مقفول اتصل على ابو نورس ردت علي زوجته
كالت نقلنا للمستشفى البارحه بليل
مهيب....اي ابوي شنو مسؤل عنه ليش مايرجع من الصبح السه بلمستشفى يجي يغير ملابسه يرتاح جمانه السعيدي
امي...يكول مااكدر اعوفه وهو بهاي الحاله
مهيب...ابدل ملابسي واروح اجيبه من المستشفى
غيرت ملابسي ورحت للمستشفى لكيت زوجته فقط موجوده بناته ماكو
زوجته شكلها غريب وحزينه حيل عبالك الهم راكبه ياستار
كوه تحجي سلمت عليها ردت السلام بحزن
دخلت ابوي وأكف
مهيب.. هاا يابه
ابوي...عمك ضربته جلطه
مهيب...ليش ضربته جلطه تعبان لو ماكل أكله ضارته
ابوي...مااعرف خل يصير زين ونفهم منه شكو
مهيب...ماسئلت خالتي علي
ابوي....هيه حالته اتعس من حالته
مهيب...يله نرجع للبيت
ابوي...مااكدر اعوفه
مهيب....اني ابقى بمكانك روح بدل وارتاح والصبح ارجع عليه
ابوي...مااكدر اعوفه
مهيب...وين اخو ابو حسن
ابوي...راح وكال باجر ارجع من الصبح هنا
مهيب...يعني اخو تعب وراح وانت ما تقبل تروح
ابوي...اول مره اشوفه هيج اخاف اخسره
مهيب... مابي شي انشاء الله لا تخاف يله اوصلك للبيت اني ارجع ابقى هنا للصبح
موزين عليك التعب لازم ترتاح
بلكوه يله قنعت ابوي يرجع للبيت واني بقيت بلمستشفى
اني وام نورس
مهيب...خليت كرسي قريب علي وكعدت وام نورس كاعده
كبالي
خطيه شكلها كلش تعبان
مهيب...خاله اوصلج للبيت ترتاحين اني باقي هنا لا تخافين
ام نورس....لا مااروح للبيت شسوي بلبيت وابو نورس هنا
مهيب...وجودج مراح يفرق شي اني بمكانج تعاي اوصلج
للبيت
ام نورس...مااطلع اذا مايطلع وياي ابو نورس
مهيب...اجيبلج شي
ام نورس...اي اريد جاي راسي يوجعني
مهيب...صار هسه دقايق نزلت جبت جاي وحب بندول من الصيدليه
وصعدت انطيتها
اني خليت راسي على الكرسي ونمت
وهي بقت كاعده
مفاجئه البارت القادم يمكن نورس راح تصير من نصيب مهيب تابعونا وراح تشوفون شلون
حكايتنا حلوه