رواية البائسات الثلاثة الفصل الثاني 2 بقلم نوران احمد
البائسات التلاته 2
بقلمي نوران احمد مليجي
شيماء : اي يا عيال في اي واقفين كدا ليه
شيماء : هو اي اللي هنا احلي بوابه الجامعه كمان بتتشرطي علي الابواب يلا يا اختي
اسماء بوشوشه : احنا ليه عملنا كدا ما كنا خليناها تشوفه وهو بيحضن البت دي اهو نكون خلصنا من الحوار ده وتكون فاقت شويه من الهطل ده
نجلاء : م مش عارفه خوفت علي قلبها وهي داخله علي امتحان هتقلبها مناحه سيبيها علي الله
عدت الايام وكان تامر كل امتحان يغش منها كل الاجابات أما في الامتحانات التقيله الصعبه اللي بتاخد وقت كان بياخد منها الورقه عمل كدا في مادتين تانيين
شيماء بعصبيه : انا المره دي لازم اتكلم معاه انا كدا هعيد السنه بسببه
اول ما قربت منه سمعته
هيثم : ولا انت طلعت جامد بجد استغليت البت احلي استغلال بس البت متعشمه انك تتجوزها باين اوي انها بتحبك هتعمل اي يا برنس اوعي تكون بتحبها
تامر : يا ابني دي واحده بتقول ونبي استغلوني ربنا يكتر من المغفلين وانت فاكر يوم ما احب احب التخينه الفشله دي مستحيل اضحك عليها بكلمتين تطير بيهم وتفرح واخد اللي عايزه ده اخري معاها
مشيت وانا بعيط مصدومه بقا ده اخر الخير
اسماء : مالك يا هبله ثبتك كالعاده صح بت انتي بتعيطي مالك حصل اي
بدأت شيماء تحكي اللي حصل معاها
قامت نجلاء بعصبيه وجريت علي تامر
اسماء : انتي يا زفته اهدي خدي هنا هتفرجي الناس علينا والأمن هينفخنا
جريت بسرعه ودخلت فيه وقع علي الارض وقعت عليه عدلت نفسها وقعدت عليه
نجلاء بضيق : وانت فاكر عشان تخينه هتبقا غلبانه ومنكسره وربنا لكسر عضمك يا عره الرجاله رجاله رجاله اي انت مش راجل اصلا اللي يستغل وياذي بنات الناس عشان مصلحته يبقا مش راجل كسرت بخاطرها اللهي يكسر بخاطرك يا بعيد ولا انا هفضحك في كل الدنيا ياض دقيقه وفتحت لايف تيك توك شايفين يا جماعه كنتم بتسألوني عن أشباه الرجال اهو الحيوان ده منهم وبدأت تحكي كل القصه يا جماعه وصيه وأمانه مني ليكم اللي يشوف وشه يتف عليه
تامر بغضب : قومي روحي هتطلع الله يخربيتك انا مش هسيبك انا هبلغ عنك ده تشهير
كانت اسماء بتبص عليهم من بعيد وبتضحك بهستيريا ابتسمت شيماء وبعد فتره عرفت اني هعيد السنه في 3 مواد هما اتخرجو وانا قاعده مكاني وكرهت الحب
ااه اتاخرت علي المحاضره سلام يا ماما
الام : سلام يا موكوسه ربنا يهديكي ويقربلك الصالح ويفرح قلبك وييجي اللي يعوضه بقا
أما عند اسماء في البيت
الاب : خلاص يا بنتي قدر الله ما شاء فعل ده خير انا مكنتش هكون مطمن عليكي معاه ده انسان زباله
اسماء بدموع : مكنتش متوقعه يا بابا اني اوصل للحاله دي كله بسبب وزني الزفت ده ساعات بتمني اني اروح لربنا يمكن يكون ارحم عليا من عباده كفايه تنمر بقا الكلمه بتوجع اوي اوي يا بابا ازاي الناس مبتحسش ازاي شايفين العيب فيا اني حساسه وبعيط بسرعه ازاي
الاب : متقوليش كدا يا بنتي غلط اللي هيحب هيحب اخلاق وشخصيه وعيله ونسب الشكل مش كل حاجه أما الناس ف هي بتبرر أفعالها بانهم يتهموكي انك حساسه او نكديه وعيوطه المسلم اللي بياخد الرسول قدوه مبيعملش كدا ولا يجرح حد كدا ده نبي الله نفسه يا بنتي وهو بيساوي الصفوف بتاعه الجيش بالعصايه جت في واحد ف قال اوجعتني يا رسول الله الرسول في وقتها قاله اقتص مني يعني مش قال انت حساس وازاي مش قادر تستحمل عصايه وده حاجه بسيطه كسر الخاطر كبير اوي عند ربنا عشان كدا عمل بابا للجنه للي بيجبر الخاطر عمرك ما تصدقي الكلام اللي بيتقال عليكي ده انتي فاهمه
اسماء بدموع : لا يا بابا مبقاش حد يبص للأمور بالشكل ده الشكل هو كل حاجه دلوقتي وافعالهم الغلط بقت هزار وضحك وانا اللي وحشه قليل اللي يفهم كلامك في الزمن ده
الاب : لو تفكير الناس بالشكل اللي بتقولي عليه ميلزموناش ولا يلزمنا وجودهم في حياتنا قومي قومي صحابك جم خديهم وصلو واتكلمو وفكي شويه
دخلت نجلاء و شيماء عليها
نجلاء : حصل اي يستاهل الدموع دي غار في داهيه ييجي غيره عادي جدا
اسماء بدموع : الكلام سهل انتم متعرفوش حصل اي انا ثقتي في نفسي نزلت انا اتكسرت واستنزفت كل طاقتي
شيماء بحزن : احكي طيب حصل اي احنا معاكي وبالمره نعرف قصتك يا استاذ نجلاء بقالك فتره مش مظبوطه ولازم افهم اي حواراتكم دي
اسماء بدموع : هحكيلكم طبعا انتم عارفين اني كنت 60 كيلو لما اتخطبت وخطيبي سافر علي الامارات وغاب سنتين وكان المفروض هيرجع في السنه الثالثه علشان نتجوز بدأ الموضوع اول ما عرفت أنه حجز طيران ونازل وكلمني أن نص ساعه وتيجي تقابليني في المطار وروحت وانا متوتره أنه هيشوفني دلوقتي 100 كيلو هيعمل ايه بس كلام بابا ليا شجعني أنه بيحب شخصيتي ف روحت بثقه لي حبيبي و فلاش باك
نزل سامح ومكنش عارفني اول ما روحت كلمته
سامح باستغراب : الصوت ده مش غريب عليا بس مستحيل اللي بفكر فيه يكون صح انتي اسماء معقول اي الي حصلك بقيتي بحجم الترله كدا ازاي متزعليش مني بس طولك زي عرضك انتي وزنك كام وطولك كام متاكده انك موصلتيش للمربع
اسماء : وزني 100 وطولي 150 هو ده الكلام اللي بتقوله في أول مقابله لينا من سنين
سامح فضل يضحك : يعني فاضل ليكي 50 وتبقي مربع هههههه ولا بقيتي مربع بجد سامحيني ومتزعليش مني بس شكلك مستفز جدا اي المنظر ده
روحنا نوقف عربيه مفيش حاجه راضيه تقف
سامح : طبيعي مين هيبوظ عربيته ويركب فيل معاه بقولك اي روحي لوحدك وانا هروح لوحدي سلام
اتصدمت لما مشي وسابني بجد فضلت اعيط مكنتش متوقعه اول مقابله لينا بعد سنين تكون كدا روحت حزينه وحكيت لبابا
الاب : يمكن بيهزر انتي حساسه شويه اكيد عارفه هو عازمك بكرا علي الغدا مع عيلته كلمني وانا وافقت اكيد هيصالحك يا روحي
اسماء بفرحه : بجد يا بابا يعني أنا الي مافوره يعني شكلي مش وحش
الاب : انتي زي القمر روحي بكرا وان شاء الله خير اكيد هيعوضك علي السنين اللي غاب فيها عنك
روحت تاني يوم وشوفت في عيونهم الصدمه
سامح وهو بيضحك : جبت للعيله كلها ديك اصل احنا اكلتنا علي قدنا وانتي جبتلك واحد لوحدك يارب يكفيكي يا حبيبتي بس
فضلو يضحكو عليها خلصو اكل
اسماء : الحمدلله سفره دايما يا جماعه والله كتر خيركم
سامح بتريقه : طبعا الحمدلله انتي كان شويه كمان وهتاكلينا اي المنظر ده واي لبس العواجيز اللي لابساه ده لا خسي شويه منظرك مقرف جدا
بصتله اسماء بغضب وو
كدا تكون خلصت حلقتنا استنونا في بارت جديد مع السلامه
الثالث من هنا
