رواية جنون الحب الفصل الثاني عشر 12 بقلم يارا عبدالعزيز
جنون الحب
البارت الثاني عشر
حس ان قلبه هيرقص من فرحته كان مشعلق ايده فى الهوا كان لسه هيحضنها ولكن سرعان ما افتكر كلامها قلبه اتقط..ع شال ايدها من على رقبته وهو بيبعد
بصتله بصدمة شديدة و و'جع اشد
فارس بدموع وعصبية مفرطة : انا مش لعبة يا حور قلبى مش لعبة فى ايدك ترميها وقت اما تبقى عايزة وتوطى تجيبها وقت اما تبقى عايزة مشاعرى اللى اذ'تيها برفضك ليا احساسى وقت اما قولتى ابن عمى وبس اما قولتى ان اللى بينا كان غلطة وان ثمرة حبى ليكى واللى دلوقتي موجودة جواكى كانت غلطة كل دا مكنش لعبة الست حور المالكى تمشيها على مزاجها
حور بألم من كلامه : انا عارفه انى غلطت بس والله ما كنت اعرف مشاعرى من ناحيتك كل اللى عملته دا مكنش بمزاجى ولا كان بقصدى انا اسفة سامحينى ما انا طول عمرى بغلط وانت بتسامحنى مش انا بنوتك صح مش انت كنت ديما بتقول كدا
فارس حس ان قلبه بيت'قطع من دموعها و الوجع اللى شافه فى عينيها ولكن وجعه هو كان اكبر واللى عملته كان اكبر
: متأخر اوى يا حور متأخر اوى
حور : يعنى ايه
فارس : يعنى هنطلق وهتجوز غيرك هتجوز واحدة تقدر حبى ليها
حور وهى بتضر'به فى صدره وبتتكلم ببكاء : هتعرف تحب غيرى قلبك هيشوف حد تانى غير حور حور اللى فضلت موجودة فى قلبك ١٨ سنة هتعرف تحب غيرها انطق قولى هتعرف
فارس وهو بيمسك أيدها : اهدى اهدى يا حور اهدى عشان متتعبيش
حور ببكاء وهى بتحضنه : متسبنيش يا فارس والله ما هقدر اعيش من غيرك
حس ان قلبه بيرقص من فرحته بنطقها اسمه لى اول مرة قربها منه دموعها اللى وا'جعة قلبه كل حاجه بتقوله قولها انت اد ايه بتعشقها ولكن الصراع الكبير اللى ما بين قلبه وعقله مخليه مش عارف ياخد قرار عذ'اب قلبه اللى شهده على ايدها بيقوله بلاش تسامح بالسهولة دى
فارس بجمود واللامبالاة عكس ما يوجد بداخله : يلا عشان اوصلك البيت انتى لازم ترتاحى
حور برقة وطفولة وهى مش عايزة تسيبه : مش هروح فى حتة الا اما تسامحينى
فارس : بطلى عند يا حور ويلا متأ'ذيش نفسك
حور بعند وتحدى : انا مش هستسلم
كملت وهى بتشاور على قلبه : وهخلى دا هو اللى يكسب فى الاخر عشان حور مينفعش تبقى مع حد تانى غير فارس عشان فارس روحها وقلبها وعقلها وكل حاجه فى حياتها
فارس بأببتسامة وهو بيحاول يدريها عنها : طب ممكن تسبينى بقى عشان نمشى انا مش عايزاك تفضلى هنا كتير
حور بطفولة : انت عامل شبه المغناطيس مش عارفه ابعد عنك
فارس فى نفسه : والله ولا انا عارف بس لا لازم اقوى افتكر كل اللى عملته فيك مش بالسهولة دى يا حور مش بالسهولة دى
شال ايديها من عليه وهو بيبعدها عنه اتكلمت بحزن والم شديد
: لدرجة دى تمام
لا حول ولا قوة الا بالله العلي العظيم 
مشيت قدامه حطيت ايدها على الباب بغضب وهى بتحاول تفتحه بس كان مقفول اتكلمت بغضب و دموع
: مش بيفتح ليه دا
فارس وهو بيروح عندها وبيفتح الباب
: عشان مقفول يا حور عشان مقفول وبعدين هتعيطى عشان الباب مقفول
حور بطفولة : فارقة معاك يعنى اعيط ولا لأ
فارس بالامبالاة: اكيد طبعاً مش بنت عمى
حور بغضب : ومراتك وام ابنك ايه لاغيت كل دا
فارس : والله انتى اللى لاغتيه مش انا انتى اللى قولتى قدام الكل ان ابيه فارس يبقى ابن عمى وبس مش هو دا اللى حصل
حور بغضب طفولى : ااااااااه انا قولت كدا بس دلوقتي هنقول للكل اننا متجوزين انا عايزة الكل يعرف
فارس بعند : وانا بقى مش عايز اصل ايه لازمتها واحنا كدا كدا هنطلق يعنى
حور بغضب : يبنى متنرفزنيش يبنى هز'علك
فارس وهو بيرفع حاجبه
: ابنك وهتزعلينى دا انا ٣٤ سنة ودكتور يتقالى كدا من عيلة
حور : متقولش كدا انا مدام الدكتور فارس المالكى وكلها كام شهر وهبقى مامت ابن الدكتور فارس المالكى
فارس بقسوة عكس ما بداخله: حالياً لكن بعد فترة هتبقى ام ابنى وبس يا حور وبنت عمى
بصتله بو'جع شديد ودخلت العربية وهى حابسة دموعها بالعافية
استغفر الله العظيم الذي لا اله الا هو الحي القيوم و اتوب اليه
فى عربية فارس
فارس : امك بترن
حور بخوف شديد : يلهوى زمانها عرفت انى خرجت
فارس بعصبية مفرطة : انتى مقولتليهاش
حور : ايوا خرجت من وراها لو كنت قولتلها مكنتش هترضى تخلينى اخرج
فارس بعصبية مفرطة وغضب : انتى ناوية تمو'تينا كلنا من الخوف عليكى انتى مش عارفه ان امك مريضه سكر وحاجة زى كدا ممكن تروح فيها
حور ببكاء : متتعصبش عليا
اتجاهلها وهو بيرد على فونه بسرعة
عزة بخوف شديد : فارس انا مش لاقية حور صحيت من النوم ملاقتهاش فى اوضتها
فارس : اهدى يا مرات عمى حور معايا وهى كويسة متخافيش
اتنهدت براحة وهى بتاخد نفسها : الحمد لله طب هو انتوا فين
فارس : احنا جايين اهو نامى انتى وارتاحى
عزة : تمام
اللهم صلى وسلم وبارك على سيدنا محمد وعلى اله وصحبه اجمعين
بعد نص ساعة كانوا وصلوا البيت حور نزلت النقاب وقفوا قدام بيت عزة
فارس : انتى رايحة فين ادخلى يلا
حور : انا هطلع شقتى
فارس: شقتك!!
حور : ايوا شقتى مش المفروض ان محل اقامة الست بيت جوزها وانا بيت جوزى فوق مش هنا
فارس بجمود : دلوقتي بقيت جوزك
حور : ااه جوزى وابو ابنى
فارس وهو بيقر'ب منها وهى بتبعد لحد اما لازقت فى الحيطة همس جنب ودنها
: يعنى اخاد كل حقوقى منك دلوقتي عادى
حور وهى بتحط ايدها على صدره بضعف غمضت عينيها قر'ب منها بحب كبير افتكرها وهى بتقوله ان كل حاجه حصلت ما بينهم مكنتش برضاها وانها ندمانة اتكلم بألم شديد
: مبقتش عايزاك يا حور بقيت بقر'ف منك
فتحت عينيها بألم شديد وهى بتبعده بقوة كانت هت'قع من على السلم بس مسك ايديها بخوف
: حاسبى يا حور
حور ببكاء : بقيت بتق'رف مني مبقتش عايزنى كنت سابتنى اق'ع وامو'ت ومكنتش تقولى الكلام دا
فارس بألم : اللى انتى حاسة بيه دا نقطة فى بحر اللى عيشته بسببك سنين
حور ببكاء وهى بتبص فى عينيه وبتتكلم بصوت عالى
: وانت دلوقتي بتعاقبنى قولى انك بتعاقبنى شوية وبعد كدا هتسامحنى قولى ان اللى قولته دلوقتي كان من ورا قلبك حتى لو هتكدب عليا بس طمنى بالله عليك متسبش قلبى كدا قولى انك مش هتسبنى يا فارس رد بالله عليك وقول اى حاجه متسبنيش للو'جع اللى انا حاسة بيه دا
بصله بجمود عكس اللى جواه هو بيتو'جع على عياطها اكتر منها
خرجت عزة على صوت حور
عزة بخوف : انتوا بتتخانقوا ولا ايه مالك يا حور بتعيطى ليه
فارس : انا طالع انام عشان عندى شغل بكرة الصبح يلا عشان مدرستك
حور بحزن : تمام
عزة : مالك يا حور ايه اللى حصل يبنتى
حور : مفيش يا ماما انا كويسة يلا عن اذنك
طلع فارس و حور طلعت وراه
دخلوا الاوضة فارس دخل الحمام يغير هدومه وطلع لاقها نايمة بهدومها بص لملامحها بحب كبير مرر ايده على وشها بحنية مفرطة ومسك ايديها بحب
: بعشقك يا روح وعقل فارس بس مينفعش تبقى بالسهولة دى يا حور لازم تتأكدى من مشاعرك ولازم انا كمان اخاد فرصة عشان انسى كل اللى عملتيه فى قلبى
نام جانبها وهو بيسحبها لحضنه وبيحط ايده على بطنها بحنية مفرطة وبيحاول يحس حركة ابنه ابتسم على غباءه
: انا بعمل ايه دا لسه فى الشهر الاول اكبر بقى عشان الصراحة همو'ت واشوف ماما وهى بطنها كبيرة كمل وهو بيبص لحور بحب
: هتبقى زى القمر واحلى
مسك فيها بقوة وهو بيش'بع منها اتكلم بهمس وهو بيد'فن رأسه فى عنقها
: وحشتينى وحشتينى اوى يا حورى
فضل يتأمل ملامحها لحد اما نام
فى الصباح صحي فارس لاقها لسه نايمة قام يحضر الفطار بعدها بشوية صحيت حور ملقتهوش قامت ولاقته واقف فى المطبخ حض'نته من ضهره واتكلمت بهمس
: صباح الخير يحبيبى
قلبه بدأ ينبض بشدة من قربها شال ايديها وهو بيتصنع الجمود بصتله بحزن كبير
فارس: البسى عبال ما احضر الفطار واجيبه
حور بحزن : طب اساعدك
فارس: الدكتورة قالت لازم ترتاحى ارتاحى وانا هحضره
حور برقة : تمام
خلصوا فطار وخرجوا من البيت وهم نازلين على باب العمارة قابلوا بنت كانت داخلة العمارة وكان معاها شنطة سفر
ندى بأببتسامة ورقة : فارس ازيك وحشتنى اوى
حور بصتلها بغيظ وغيرة وهى بتقبض ايديها وبتبصلها من فوق لتحت : انتى مين بقى يحلوة
ندى : انا ندى بنت خال فارس
وفجأة سمعوا صوت جاى من وراهم
: ومراته المستقبلية بعد ما يطلقك أن شاء الله
يتبع......
البارت الثالث عشر
جنون الحب
سمية : ومراته المستقبلية بعد ما يطلقك إن شاء الله
بصيت لمصدر الصوت اتجمعت الدموع فى عينيها حسيت ان قلبها بيتـ مزق من فكرة انه ممكن فعلا يطلقها ويتجوز غيرها بصيت لندى بغيرة شديدة وضيق حسيت انها عايزة تقتـ'لها
حور : هيتجوزها ازاى طب وأنا
سمية : انتى مسمعتيش الجملة كويس ولا ايه بعد ما يطلقك ولو انه عادى لو اتجوزها عليكى بس انا عايزة ابنى يخلص من الماضى ويبدأ حياة جديدة مع واحدة تقدره
حور بصتلها بألم شديد اتكلمت وهى بتبص لفارس
: وانت رأيك ايه فى الموضوع
فارس بحزن على حالتها: بلاش نتكلم فى الموضوع دا دلوقتي يا حور يلا عشان متتأخريش على الحصة الاولى
حور قربت من ندى بغضب شديد ومـ"سكتها من طرحتها بقـ"وة
: تعالى انتى بقى انتى عايزة تاخدى جوزى منى يا خاطـ"فة الرجالة
فارس وقف فى نصهم وبعد حور عنها بالعافية اتكلم بعصبية مفرطة
: حور حور كفاية سـ"بيها
ندى وهى بتظبط طرحتها : ايه دا هو فيه ناس كدا دى مراتك ازاى يا فارس معقول انت تتجوز واحدة كدا
حور بغضب وهى بتحاول تروحلها بس فارس مسـ"كها
: وانا مالى يعنى يختى روحى شوفى نفسك فى المرايا ملكيش منظر دا انتى محتاجين ينفـ'خوكى بمكينة نفخ مبقاش غير عـ"صـاية المقشة هى اللى تتكلم
فارس مسك حور من ايديها وهو بيحاول يسيطر على الموقف
: يلا يا حور واحنا اسفين يا ندى
اخد حور بسرعة من قدام ندى وخرج بيها برا العمارة
اللهم صلى وسلم وبارك على سيدنا محمد وعلى اله وصحبه اجمعين
سمية : معلش يبنتى امسحيها فيا
ندى بغضب : وانتى ذنبك ايه بس يا عمتو انا مش عارفه انا عملتلها ايه يعنى انتى مش قولتى انهم هينفصلوا بيا أو من غيرى
سمية : ايوا بس هى بنت مدلعة شوية هقول ايه العـ"يب على ابنى اللى دلعها بزيادة لحد اما شافت نفسها على الكل المهم انتى جاية من السفر تعبانة يلا تعالى ارتاحى فوق
ندى : تمام
حور وهى بتبعد ايد فارس عنها بغضب
: اوعى كدا سيب ايدى
فارس وهو بيحاول يتحكم فى عصبيته وبيمسح على وشه
: ايه اللى عملتيه جوا دا
حور بغضب : عايزاها تقولى انا هتجوز جوزك واقف اسكتلها دى تحمد ربنا انى مقتـ"لتهاش بأيدى كملت وهى بترفع سببتها فى وشه
: والله العظيم يا فارس يا مالكى اى واحدة بس هتفكر كدا مجرد تفكير فيك هيكون اللى عملته فى بنت خالك دا اقل حاجه تتعمل فيها جاية تاخد جوزى منى وعايزنى اسكتلها خاطـ"ـفة الرجالة دى
فارس بأببتسامة اظهرت وسامته
: خلاص خلاص ايه ماسورة وانفتحت قدامى قدامى على العربية
لا حول ولا قوة الا بالله العلي العظيم
فى عربية فارس
فارس : وبعدين يا ست هانم هى مش الدكتورة قالت الحركة الزيادة خطر عليكى تقومى تضـ"ربيها
حور بأببتسامة وهى بتحط ايديها على كتفه وبتتكلم بدلع و رقة
: يعنى انت كنت خايف عليا ومش خايف عليها صح
قلبه بدأ ينبض بشدة اثر حركتها ورقة صوتها اللى بتـ"جننه
فارس وهو يتصنع البرود : كنت خايف على ابنى
حور بصتله بغيظ : رخـ"م وفصيل
كملت وهى بتعيط : انت هتتجوزها وهطلقنى
فارس : بطلى عياط يا حور مش كل حاجه تعيطى عليها كدا
حور : طب رد عليا وطمنى وقولى ان احنا هنعيش مع بعض مبسوطين وندى دى مش هتبقى موجودة
فارس: فكرى دلوقتي فى دراستك وبس بعدين نبقى نتكلم فى الموضوع دا يلا وصلنا انزلى
حور بعصبية: هو انت وامك سبتولى فرصة انى افكر فى دراستى باللى بتعملوه فيا
فارس: امك تقريبا ان ماما كان معاها حق انا دلعتك زيادة عن اللزوم يلا انزلى يا هانم هتتأخرى
حور بحزن : انا اسفة يا فارس
تجاهلها ونزل من العربية ببرود خرجت وراه وهى حابسة دموعها من سوء معاملته ليها
استغفر الله العظيم الذي لا اله الا هو الحي القيوم و اتوب اليه
فى المدرسة فضلت حور سرحانة فى الحصة بتاعت فارس
هنا بهمس : مالك يا حور
حور بصوت حزين : مفيش يا هنا انا تمام
فارس بغضب و جدية : حور وهنا المرة الجاية هتنطردوا برا اخر تحذير
حور بغضب ودموع : وعلى ايه يا مستر انا هخرج دلوقتي
كانت لسه جاية تخرج من الباب
: استنى عندك لو خرجتى مش هتدخلى حصتى تانى
حور بحزن وصوت مكتوم من العياط: مبقتش تفرق حور مبقتش عايزة مجموع ولا حتى عايزة كلية الطب
بصلها بحزن على التشاؤم اللى شافه فى عينيها وطريقة كلامها اتكلم بحنية مفرطة تحت نظرات الاستغراب من كل الطلابة اللى قاعدين
: طب ادخلى يا حور واسف لو اتعصبت عليكى ادخلى بقى واقعدى يلا
ابتسمت و دخلت قعدت جنب هنا
هنا بغمزة : ايوا يا عم يسهله بيعشقك وابصم بصوابعى العشرة على اللى بقوله
حور : تفتكرى
هنا : متأكدة يباشا
حور : هبقى احكيلك كل حاجه حصلت فى الفسحة عشان انا محتاجكى اوى يا هنا
هنا بأببتسامة وهى بتحط ايديها على كتفها: وهنا عيونها ليكى يا قلب هنا
فارس: نكمل الحصة الجاية تقدروا تتفضلوا الفسحة بدأت
سمعوا بنتين وراهم بيتكلموا
: شفتى قمر ازاى يخـ"ربيت وسامته
حور سمعتهم وكانت لسه هتقوم بس هنا مسكتها بسرعة
هنا : اهدى خلى الشهرين اللى بقينا فى المدرسة دى يعدوا على خير
مسكت نفسها عنهم بالعافية
: تفتكرى يكون متجوز
: معتقدش اصل مفيش فى ايده دبلة فأكيد مش متجوز
: صح حقيقى يبخت اللى هتتجوزه
مكنتش قادرة وكانت لسه هتقوملهم ولكن رحمهم منها خروجهم للفسحة
حور فى نفسها بغيرة : مش ملحقة عليه لا فى بيت ولا فى مستشفى ولا حتى فى مدرسة انقبه يعنى عشان محدش يتغزل فى جماله اللى بيسحر دا ولا اعمل ايه
فضلوا هنا وحور قاعدين و فارس كان بيلم حاجته اضايق لانه مبيحبش حور تعقد مع هنا بعد اللى عملته فيها خرج وهو بيتوعدلها
هنا : هاا يستى احكى
بدأت حور تحكى لهنا كل حاجه حصلت
هنا بصدمة شديدة : مستر فارس جوزك وانتى دلوقتي حامل منه
حور : مش وقته صدمتك دلوقتي اعمل انا ايه دلوقتي فى خاطـ"فة الرجالة اللى هتعقد معانا فى العمارة دى
هنا وهى بتحط ايديها على دماغها وهى بتفكر
: تعمل ايه يا هنون تعمل ايه طبعا متسمحليهاش تاخد جوزك منك
حور : ازاى بقى يا فلحة بقولك مقررين انهم يجوزهم كملت بألم شديدة وهى بتعيط
: بعد ما يطلقنى
هنا اخدتها فى حضنها وبدأت تطبطب عليها
: طب اهدى والله هنلاقى حل
حور ببكاء: مش قادره والله يا هنا حاسة ان قلبى هيقـ"ف من كل حاجه بتحصل انا مقدرش اعيش من غيره ومقدرش اشوفه مع واحدة تانية غيرى انا عارفه انى غلطت بس ليه يعاقـ"بونى العقاب القاسـ"ى اوى دا
فارس كان واقف على الباب وبيسمع كلامها
كان عايز يدخل ياخدها فى حضنه
فارس فى نفسه : مش هبقى لغيرك عشان انا اصلا مقدرش اعيش من غيرك انتى وبس يا حورى
مقدرش يشوف دموعها كتير دخل الفصل واتكلم بجدية
: ممكن تسبينا لوحدنا شوية يا آنسة هنا لو سمحتى
هنا : تمام يا مستر
اخدها فى حضنه ومسك فيها بقوة فضلت تتنتفض جوا حضنه وصوت شهاقتها بدأت تعلو وهى ماسكة فيه بشدة وخايفة من فقدانه
فارس وهو بيطبطب عليها: هششش اهدى خلاص
حور ببكاء: متسبنيش ومتتجوزش ندى والله ما هتلاقى حد يحبك ادى
فارس بحزن : مش هعرف يا حور مش قادر انسى سبيها للوقت الوقت كفيل ينسينا
حور : انا مستعدة استناك عمرى كله بس تبقى معايا انا مش مع حد تانى قلبك يفضل مفيهوش غير حور وبس ومتشوفش غير حور وبس
فارس فى نفسه : حتى لو عايز انساكى يا حور مش هعرف للاسف انتى متعرفيش انتى ايه بالنسبالى
حور : سكت ليه هتتجوزها
فارس : ممكن دلوقتي تركزى بس على دراستك خلاص الامتحانات قدامها شهرين دا اللى لازم تفكرى فيه وبس
حور وهى بتمسك فيه اكتر وبتغمض عينيها : مش عايزة حاجة غيرك مش عايزة ادخل طب انا عايزاك انت وبس عايزة نرجع زى ما كانا عايزة اشوف حبك خوفك حنيتك قولى والله انا كل دا هيرجع وانا هستنى بس قولى انه هيرجع
فارس بحنية مفرطة : قولتلك سبيها للوقت خلاص بطلى عياط بقى
وقتها هيثم عدى من قدام الفصل وشافهم بصلهم بخبـ"ث وغيرة شديدة وطلع فونه و صورهم
هيثم بشـ"ر : عامللى فيها البنت الملتزمة المنتقبة وانتى مقضـ"يها معاه والله لهوريكوا انتوا الاتنين
حور طلعت من حضنه بخجل شديد
فارس بحنية مفرطة : انا هقفل الفصل عليكى عشان تمسحى دموعك وتعدلى نقابك ماشى
حور : تمام
فارس كان متجه ناحية الباب وهيثم اول اما شافه جرى قفل الباب وقفل شبابيك الفصل طلع مناديل من جيبه وراح قعد جانبها نزلها النقاب وبدأ يمسحلها دموعها برفق وحنية مفرطة
حور : هات وانا همسحهم
فارس : هشش اسكتى خالص متتكلميش وبطلى عياط عشان متتعبيش
طلعلها سندوتشها من الشنطة
: يلا كلى عشان تاخدى دواكى انا حطتهولك فى الشنطة عشان عارف انك بتنسيه
حور بأببتسامة على حنيته المفرطة: تمام
فارس: يلا انا هخرج انا بقى ومتعيطيش تانى ماشى
حور : ماشى بحبك
اكتفى انه يبتسم مسك راسها بأيدها وقـ"بل رأسها بحنية مفرطة حسيت انها قلبها هيطلع من مكانه من فرحتها بقربه منها وحنيته عليها بصلها بأببتسامة
فارس بحنية مفرطة: يلا عايزة حاجة
حور : سلامتك
خرج من الفصل وقفل الباب وراه تحت نظرات الحزن الشديد منها
حور بحزن طفولى : حتى مقاليش وانا كمان
ابتسمت وهى بتحط ايدها على جبتها بحب كبير
: بس فيه امل انا متأكدة انه لسه بيحبنى اوعدك انى هنسيك كل حاجه يحبيبى ومش هسمحلك تبقى لغيرى
خلصوا اليوم الدراسى على خير و فارس اخد حور فى عربيته
اللهم لا اله إلا أنت سبحانك إني كنت من الظالمين
: اهلا اهلا هيثم بيه بنفسه عندنا
هيثم : بقولك ايه عايز اطبع الصور دى
: دى صور عشان الانتخابات
هيثم بخبث : انتخابات ايه اهم واهم اطبعهملى انت بس صور كبيرة وصغيرة وكتر فى العدد على اد ما تقدر هيتوزعوا على مدرسة كاملة
: تمام يا هيثم بيه ابقى عدى عليا بكرة الصبح يكونوا خلصوا
هيثم : هعدى عليك قبل ما اروح المدرسه
: تمام يباشا تحت امرك
هيثم بشـ"ر : كويس انى صورت الفصل معاهم عشان يتأكدوا انها حور اللى معاه لانها الوحيدة المنتقبة فى بنات سنة تالتة والله و وقعتى يا ست حور ابقى ورينى بقى هيطلعك وهيطلع نفسه منها ازاى
