رواية انثي افعي الفصل الحادي عشر 11 بقلم جمانه السعيدي
ثاني يوم خالتي ام محمود اجتني
ام محمود...ترحين وياي تشترين على ذوقج
ميار...لا خاله انتي جيبي الشي الي على كد امكانيتكم
شي بسيط اني عندي ملابس اشتري شي قليل
ام محمود...لا خاله حقج انتي عروسه ويتيمه حرام ناخذ حقج
ميار...شكرا خاله معاملتكم اليه تكفيني انت اهلي والنعم منكم
أم محمود....لا تكولين هيج هذا واجب علينا
راحت ام محمود واخذت بتها الجبيره وياها حتى تشتري على ذوقها
من طلعت ام محمود ورنا للسوك اني كاعده وخاله الكتاب بحضني وصافنه
صادف يوم جمعه
بس حبيت اكول شي اني بعد وفاة ابوي فرمتت تليفوني ومسحت منه كل الارقام
لان قررت ابطل كل السوالف التعبانه وانتبه النفسي
اندكت باب الغرفه
ميار....ادخل
محمود....صباح الخير
ميار...عدلت كعدتي صباح الخير
صار سنه ونص كاعده بيتهم ابد ما صار اي حديث بينا خلال هاي الفتره غير السلام العادي
اصلا اني كل الوقت بلغرفه ومالتقي بي ابد
هو يجي من الدوام يتغدا ويدخل غرفته ينام يكعد المغرب يتعشى ويطلع وياا جماعته
دخل محمود اكو كرسي بلغرفه عدله وكعد علي
اني بقيت مدنكه
محمود....اريد اوضحلج شي مهم اني هذا الزواج انفرض عليه صح انتي بت عمي بس انت لعبتي لعب قبل
وهاي الأشياء مستحيل اكدر انساها ابد
ابوي يلح عليه علمود اقبل بهذا الزواج
ميار...شنو الي جابرك ارفض
محمود...صار اربع اشهر ارفض وابوي معاند الحد ما بزعني
ميار...اني شنو المطلوب مني
محمود...ما مطلوب منج شي اني عندي شروط حتى يتم هذا الزواج
ميار...كلت بكلبي اي صا بيها شروط استاذ محمود كام يشرط العن الوكت الاغبر الي خلاك تتشرط عليه
... اي اسمعك
محمود...تليفون ماكوووو طلعه من البيت ماكو اله اني لو امي وياج
محمود....كلشي اكول علي تكولين حاضر مااريد اي نقاش
فهمتي لو لا
راح يصير اسمج على اسمي ومااريد غلط من اي نوع
فهمتي لو لا
ميار....اني هم مغصوبه على هذا الزواج لان ماعندي احد
لو اهلي موجودين جان ما وافقت
بس الخاطر عمي اني قبلت
ومع ذالك اني موافقه على كل شروطك
هاك هذا تليفوني اصلا اني مااحتاجه خلي يمك حتى تطمن اني ماعندي تليفون ولا اكدر احجي وياا اي احد
واذا علمود الطلعه لاتخاف اني كرهت الناس كلها
ومااريد اطلع
حتى الامتحان اذا ماتريد ماامتحن
محمود...تمام هيج اتفقنا اخذ التليفون وصل للباب
التفت عليه بقه شي واحد مهم بلنسبه اليه
ميار....رفعت راسي شنو
محمود...كبل انتي كنتي تعرفين ولد هواي وكل يوم طالعه وياا واحد بلنسبه القضيه الشرف
اذا طلعتي مو بنيه بليلة العرس يكون آخر يوم بحياتج
اموتج خلاص ومحد راح يلومني
عريس اكتشف عروسته مو بنيه
ميار...حسيت كلبي انعصر والعبره خنكتني
كوه حجيت كتله لا اطمن اني محد مقرب عليه
محمود...تمام خليج تذكرين كلامي
ميار...ماكدرت اسيطر على دموعي حسيت نفسي رخصيه
اي واحد يجي ينقص مني
ماعندي اهل يحموني وعندي ماضي غير مشرف
يجبرني اقبل بشروط محمود واسكت جمانه السعيدي
اجت خالتي جايبه ذهب يخبل كلاده زنجبيل برم المداليه تخبل على شكل مربع منقوش وبي شناشيل من جوه
ومحبس كلش نازك وتراجي طوال زناجيل اتلاثه ونهايتها طوبات وحلقه ضخمه كلش حلوه
جايبه ملابس نوم اربعه حلوات تراكات ثنيين
رداء اسود كلش حلو دشداشات اثنيين شالات اربعه
عطور ومكياج
كلشي كان حلو وراقي
بس اني مو فرحانه بسبب كلام محمود
وبسبب وضعي بيت عمي مضطره اقبل بكلشي اسكت
ماعندي حل ثاني
بدو بيت عمي يجهزون للعرس ويرتبون بلبيت
جابو غرفة نوم كلش حلوه صعدوها فوك بغرفة محمود
شكد اتوسلت بيه خالتي اغير ملابسي اعوف الاسود
بس اني ما قبلت الحد يوم الحنه
اخذتني خالتي للصالون حفيت وميشت شعري
عدلت كصت شعري
ام الصالون من شافتني ضايجه
دنكت عليه سئلتني انتي مغصوبه على هذا الزواج
ميار...لا
....ليش هيج شكلج حزين
ميار....لا مو حزينه ماكو شي
طول فترت التجهيز للعرس اني مااشوف محمود اله صدفه
يعني اذا نزل يريد يطلع لو كاعد على الاكل
ماصار بينا اي حديث غير ذاك الحديث الي اخذ تليفوني بي
اني ماسويت حنه اجيت من الصالون
دخلت غرفتي وكعدت وسكتت
محمود سوا حنه تخبل وعزم كل اصدقائه
خالتي سوت صينيه خلت بيها حنه وجكليت وشموع
جابتها يمي بلغرفه
كامن البنات يهلهلن خالتي حنت اديه
باستني من راسي جمانه السعيدي
خالتي...انتي بنيتنا ومراح نقصر وياج بشي يايمه اضحكي افرحي ويانه ترا محمود كلبه طيب وماكو منه
ميار.. ابتسمت علمودها وله اني كلبي مقبط
ثاني يوم اخذتني خالتي للصالون مكياج وتسريحه
كان الاتفاق الزفه من الصالون
اتصلت خالتي على محمود اجا هو وعمي واجن وياا أربع سيارت ببهن اصدقائه
باوعت على محمود حالق ولابس قاط بيجي وقميص ابيض
طالع شكله كلش حلو
اول مره هيج انتبه علي
طلعتني خالتي برا الصالون هو اجا لزمني من ايدي
صعدنا بلسياره
ليكدام عمي والسايق واني وياا كعدنا ورا
افترينا بلشوارع شويه جمانه مرحبا
بعدين رجعنا البيت عمي بس دخلنا للبيت اخذنا كم صوره بعدين محمود طلع برا
واني خالتي صعدتني الغرفتي البيت صار هوسه من الناس
صعدت الغرفتي نزعت الحذاء لان كانت خيل مضايقتني
كعدت على الجربايه خالتي نزلت هي والبنات لان البيت
متروس ناس
بقيت كاعده وحدي
اجت رنا ...اجيبلج عشى
ميار...لا مااشتهي
بقيت كاعده اكثر من ساعه وحدي فتحت الكنتور
رتبت ملابسي فتحت الخانه الثانيه شفت ملابس محمود
مرتبه بطريقه تخبل
والعطور خالهن بلخانه مو على الميز مبينات راقيات شميتهن
سمعت البنات يكولن راح يزفون العريس
صعدت خالتي
خالتي. ليش مااكلتي
ميار.. مو جوعانه
خالتي.. بس يصعد محمود اصعدلكم عشى
ميار...اي
خالتي.. خوما خايفه
ميار.. اي شويه
خالتي...لا تخافين اني اوصي محمود عليج
لا تكولين اني وحيده وماعندي ام اني امج اي شي تحتاجينه بس كولي
اذا اتاذيتي بس صيحي عليه
ميار...انشاء الله
صعد محمود بس شاف خالتي كال
محمود...هاي امي هنا واني ادور عليج جوه
خالتي....دير بالك على ميار على كيفك وياها مو تخوفها
محمود...شنو كدامج وحش هي وصيها عليه
طلعت خالتي
محمود...اتعشيتي
ميار...لا ما تعشيت معدتي توجعني
محمود....هسه تصيرين احسن من التوتر هيج يصير وياج
تبدلين
ميار...اي هسه كمت من مكاني وكفت كدام ميز المرايه
فتحت البركع
وهو راح نزع القاط ولبس دشداشه بيضه
طلع من الغرفه يجيب العشى اني نزعت البدله ولبست سيت ابيض
رجع شايل صينية الاكل كلش بيها
خلاها بلكاع وكال تعاي تعشي
ميار..من شفت الاكل معدتي كامت توجعني اكثر
ميار..مااريد اكل انت بلعافيه
محمود...ليش ما تاكلين
محمود...معدتي توجعني مااكدر اكل من اجوع اني انزل واكل
محمود...براحتح
كعد ياكل شبع كلش نزل الاكل جوه
خالتي سئلته عليه اكلت لو لا
محمود.. لا مااكلت تكول معدتي توجعني
بعدا محمود جوا وخالتي صعدت
خالتي ليش مااكلتي حبيبتي انت حتى ما تغديتي
من الصبح اتريكتي لسه كلشي مااكلتي
ميار.. معدتي توجعني مااكدر اكل
دخل محمود للغرفه
خالتي .. هسه اخلي عمج يجبلج علاج
محمود...لا تنخبصين هسه تصير زينه
خالتي....ما ماكله من الصبح
محمود...واذا ما ماكله شنو يعني هذا الاكل جان كدامها ليش مااكلت
ميار...خاله هسه اصير زينه ماكو داعي عمي يجيب علاج
طلعت خالتي محمود طفى الضوه واجا يمي على الجربايه
من شفته صعد على الجربايه
معدتي كامت توجعني اكثر من قبل توترت
محمود...اذا تعبانه او مالج خلك مااقرب عليج
ميار...اي تعبانه مااكدر
محمود...الليله اعوفج بس لا تنسين كلامي
ميار....هاي شبيك محمود ليش هيج تحجي وياي شنو شايفني كدامك رخيصه تعال اتأكد بنفسك
اني بنيه ومحد مقرب عليه
محمود.. نامي كلشي راح يبين
ميار... انت مومعقول
تغطى ونام
من شفته نام امنت واسترخيت على الاخر
ولو كلامه حيل ضوجني ماعنده احساس
تمددت شويه الوجع شويه خف
الضاهر فعلا معدتي توجعني من التوتر والخوف
مدري لان هذا الزواج مو على هواي
مدري من كلام محمود جمانه السعيدي
المهم بقيت احوس ماكدرت انام اول مره انام وينام يمي احد
انطيته الغطه وجبت غطه ثاني هم ماكدرت انام
النوب حسيت نفسي جوعانه
كمت نزعت السيت ولبست تراك فتحت الباب على كيف
ونزلت
لكيت الكل نايم ماعدا خالتي كاعده بلمطبخ ترتب بقايا الاكل الي بقا من العرس
خالتي...هااا خو ما عندج وجع لو محمود اذاج
ميار...ما قرب عليه لان معدتي توجعني
خالتي...ميخالف العمر كله كدامكم جوعانه
ميار...اي ميته جوع
خالتي.. تعاي هذا لحم غنم مايع يخبل تعاي اكلي
ميار...كعدت على ميز الطعام وخالتي خلت كدامي ماعون مليان لحم وخبز وزلاطه وخضره كشرتلي برتقاله
من شافتني اكل
خالتي...مبين الجوع
ميار...اي ولله كلش جوعانه
خالتي..الف عافيه شوفي انتي من تختلطين شكد حلوه تصيرين ليش عازله نفسج
استرخي وخلي محمود يتعود عليج
ترا الدنيا ماشيه ماتسوه هاي العزله