رواية المشاكسات الثلاثة كاملة وحصرية بقلم نوران احمد
المشاكسات التلاته 1
بقلمي نوران احمد مليجي
شهد بعصبية : بت انتي وهي مش ناقصه هبل علي الصبح اي اللي بتقولوه ده ده مستحيل انسي منك ليها
ريماس بفرحه : انا متحمسه جدا وموافقه علي الفكره دي يلا بينا علي فكرة أنا جهزت الشنطه اصلا ها هنمشي امتي
شهد بعصبية : هتجيبولي شلل الله يخربيتكم بت انتي وهيه ممكن ندخل السجن ده تزوير لا ومش بس كدا التلت حلاليف اللي في البيت دول لو عرفو هيرزعونا علقه مش هنشوف الشارع اصلا من بعدها مش ناقصه يا ماما انتي وهيه يلا يا حلوين ننزل وبلاش هبل
ماسه : اصبري بس دي مساعده بهدف الانسانيه ونساعد اخواتنا البؤساء دول خلي عندك قلب
ريماس بتمثيل : ااااااه انسانيه اوي وتساعدي اختك البائسه اللي عندها جفاف عاطفي ده ده انا اخر مره شوفت راجل كان من سنه يا شيخه حرام عليكي
شهد بضيق : بت اتلمي واحترمي نفسك شويه عيب كدا فين الحياء
ريماس : لا بقولك اي انا هنا اتكلم براحتك انا زهقت من البيت ده مش بنشوف الرجاله فيه إلا في العيد مره اي الظلم ده نفسي حد يشقطني وانا اشقطه ونبقا مشقوطين كدا يا ناس ياااااااه احساس فظيع
شهد : ده احساس مقرف زي اللي بتحسه كتك القرف غوري انتي وهيه اهليكم لو عرفو هنتنفخ
ماسه : انا فاهمه خوفك بس اديكي شايفه مفيش شغل في البلد وانا عايزه الخير لتوامي ماهر وهروح بداله الشغل حتي لو في الصحراء انتم مش موافقين براحتكم بس محدش يفتن
شهد : ما هو في الصحراء فعلا يا متخلفه اخوكي مهندس وبعدين هتعيشي في صحراء مع رجاله انتي متخيله يا متخلفه إزاي اعرف حاجه زي دي واوافق عليها اصلا قال مفتنش قال
ريماس : الله رجاله انا رايحه وش هروح مكان توأمي رائف ده احنا مش بس اخوات ده احنا تؤام يا بنتي لازم اقف جنبه واروح الشغل بداله امااال
شهد : اقتنعت انا كدا أن قلبك علي اخوكي ها اااااه متعصبه من تصرفاتكم الهوجاء دي
ماسه : طب ممكن تهدي شويه وفكري بعقل بجد كلنا هنستفاد وممكن نرجع بالعرسان
شهد : اللي بتعملوه ده غريب ومش طبيعي اللي بتعملوه ده فيه اي عقل اصلا ولو طلعتوا بعرسان وانتم بشكل اخواتكم الرجاله التوأم يبقا في مشكله
ماسه : احم ما علينا من ده يعني هو طبيعي صالح ابويا ووفاء أخته وامك يا شهد وشيماء اختهم وام ريماس التلاته عيالهم يتولدو في يوم واحد لا ومش بس كدا كل واحده جابت تؤام ولد وبنت احنا ولاد خال وخاله ولازم نقف مع بعض
شهد : شهاب اخويا لو عرف باللي هنعمله انا مش عارفه ممكن يعمل فيا اي وفيكم ما هو انا مش هتعاقب لوحدي
ماسه : سيبيها بس كل واحد في اخواتنا مشغول مع اللي مخطوب ليها اي المشكله لما نساعد
شهد : كله بسبب ماهر الزفت كان لازم يخدهم ويسهرو بره احتفالا اهو عمل حادثة بيهم وهيقضو شهر كامل في الجبس
ماسه : قضاء وقدر هنعمل اي بقا اللي حصل نساعدهم ولا نقعد في وشهم عشان نتعقد اكتر
شهد : انتي فاكره اهلنا هيوافقو هنقنعهم ازاي أننا نسافر الشباب هيخلصو علينا ولا أننا نسافر
ماسه : سيبي الموضوع ده عليا الموضوع سهل قوي بصي احنا كلنا في بيت عيله فالموضوع هيكون سهل شويه ان احنا نقنع جدو وبابا لو اقتنعوا هيضطرو الامهات انهم يسمعوا الكلام نقول لهم بقى ان احنا رايحين في شغل تصاميم وكده وعايزين نراجع على الشغل بتاعنا فهنضطر نسافر لحد ما المشروع بتاعنا يخلص
ريماس : ايوه بجد حلو اوي اخير هنغور من وشهم فاكره يا ماسه اصلا لما دخلنا هندسه كانو هما الثلاثه معانا ولو حد بس قرب يكلمنا كلمه كانوا بيدبوا معهم خناقه وخصوصا شهاب عصبي زياده عن اللزوم و غيور اوي دايما بيعمل لنا مشاكل كده ما كانش بيسمح لي حتى اني ابص على ولد ولا ولد حتى يبص عليا غاوي قطع ارزاق كده حسبي الله ونعم الوكيل
شهد بضيق : ما تحسبنيش على اخويا يا مهزقه هو بيحمينا هو معاه حق انت اهدي شويه ايه مش قادره عايزه تتجوزي للدرجه دي
الجده بصوت عالي : يا بنات يلا الغدا جاهز انتوا اتاخرتوا قوي كده ليه
شهد : حاضر يا تيته جايين حالا بس ثانيه واحده بس خمس دقائق وهنكون عندك
نزلوا البنات على السفره تحت واتفاجئوا باهاليهم بيتكلموا
احمد ابو شهد : انا ورايا شغل في شرم وهضطر اسافر ومش هقدر اسيب نرمين مراتي هاخدها معايا وطبعا بما ان صالح وحسين معايا في الشركه ف هما كمان هييجوا معايا وطبعا هيجيبوا مراتاتهم معاهم فاحنا هنسافر احنا الثلاثه كام شهر كده على ما نخلص الشغل اللي فاضل لنا وهنبقى نيجي والبنات في عهدتك يا ماما انتي وبابا خلو بالكم منهم
الجده : ما تخافش يا حبيبي البنات في عنيا عيالكم كلهم في عيني ما تقلقوش عليهم هتمشو أمتي أن شاء الله يا حبيبي
احمد : ان شاء الله بكره الصبح هنمشي العربيه هتكون مستنيانا معلش هنتقل عليكي يا ماما بقا
الجد : روحو يا ولاد بس ما تتاخروش وانا عارف كويس ان الحكايه مش الشغل و بس ها وغمز لهم
ضحك الكل على تصرفات الجد واتكسفوا الابهات ومشيوا
بصت ماسه لشهد وريماس وابتسمت بخبث
ثاني يوم الصبح ماسه بدموع مصطنعه : هتوحشوني اوي ما تتاخروش علينا بجد انا مش عارفه هنقضي الايام دي كلها من غيركم ازاي بس هتوحشوني اوي بجد حضنوهم وودعوهم ومشيو راحو اطمنو علي اخواتهم
شهاب بضيق : اي اللبس الزفت اللي انتي لابساه انتي وهي ده اوعو تكونو خرجتو كدا
ماسه : بقولك اي يا ابو الصحاب هدي اعضائك شويه اشحال ما اعضائك مدشمله ومتجبس اهدي
ريماس : ههههههههه هيحصلي حاجه من الضحك مش قادره بصراحه سبحانه اللي هدك بالشكل ده هههههههه
شهاب بغيظ : انا بس ربنا يديني الصحه وانفخكم بس اصبرو عليا يا كيادين
ماهر : ماسه عيب الكلام ده ميصحش كدا شايفين شهد محترمه وساكته ازاي اتعلمو شويه
شهد : ماهر
ماهر : نعم يا حبيبتي يا محترمه يا هاديه يا رزينه
شهد : انت جيت تدخل 2024 دخلت بوشك ده اوتوبيس مشلفطك يا جدع اي المنظر ده
ماهر : تصدقي انا انسان مهزق اني بتعامل معاكي يا عره انا غلطان انتم التلاته اشكال زباله ما يعلم بيها الا ربنا
رائف : بقولكم اي مش ناقص صداع اخرسو شويه دماغي وجعتني او اطلعوا
ماسه : احنا قولنا نطمن عليكم قبل ما نروح ورانا مشروع المفروض نخلصه ف هنسافر البحر الاحمر فتره
ماهر : تطمنو علينا ولا تشمتو فينا هيجيلكم يوم بس اصبرو عليا يا جزمه منك ليها
رائف ببرود : من أمتي وانتم متعينين اصلا عشان يبقا وراكم شغل اي اتعينتو من ورانا كمان
شهاب بضيق : ايوه صح امتي خرجتم اصلا من البيت معقول خرجتو من غير استاذان
ماسه بهمس لريماس : اهو اخوكي الذكي الوحيد اللي فيهم هيقفشنا ابو شكلك انتي واخوكي يا شيخه حسبي الله ونعم الوكيل فيكي انتي وهو
ريماس : وانا مالي انا يا لمبي عملت اي ده شافط كل الذكاء من وانا جنين مظلومه يا ناس
ماهر بضيق : ما تنطقي يا شهد اي اللي بيحصل وجوز المقاطيع دول كلامهم صح ولا
شهد. : يا عم والله انت جاي العنوان الغلط انا اتكلمت ولا فتحت بقي حتي مليش دعوه اختك اهي هناك اهي الخبطه أثرت علي دماغك ولا اي ابعد عن شهد الله يبارك ليك
ماهر : لاماخذه يا شهد انتي عارفه دول مفتريين ولازم اعمل اي اكشن كدا قدام الشباب ف انتي اللي فيهم ضعيفه بقا ف قولت اثبت وجودي معاكي بس
شهد : اكشن اي يا شيخ اتوكس انت عارف تتحرك
ماهر : اصيله يا شوشو بيعجبني فيكي انك عمرك ما جيتي علي الجرح ابدا
رائف بغضب : من الاخر انتي وهي هتترزعو في البيت مفيش خروج والكلام انتهي و
كدا تكون خلصت حلقتنا استنونا في بارت جديد مع السلامه
بقلمي نوران احمد مليجي
