رواية مربية اولاد عمي الفصل الخامس 5 بقلم نوران احمد
مربيه أولاد عمي 5
إياد : معايزش اسمع صوتك واصل كومان عتتبجحي عليا سكت كثير جوي علي افعالكم من اهنه ورايح مفيش خروج من اوضتكم غير لما اجول فاهمين
بصتله ريم بصدمه ودخلت تنام أما ركان كان بيبص بخوف
زينه : انا اسفه كل ده بسببي وحاسه بيكم عارفين لما كنت صغيرة ملقتش اي حد حواليا كنت وحيده في مكان مفيش فيه نور ولا بشوفه عشت القسي والوجع الدنيا دي خلتني اعيط كتير اوي ومكنش في ايد بتطبطب عليا ابدا كنت في ملجأ لازم اشتغل كويس عشان اخد حته عيش اكلها او اسمع كلمه حلوه كنت بشوف الناس مع اهلها وازعل اوي ليه معنديش اهل او صحاب او اي حد في حياتي اتبهدلت كتير اوي بس انتم علي الاقل عندكم عم بيحبكم وبيخاف عليكم مقدره طبعا انكم اكيد خايفين يبعد عنكم زي اهلكم بس باللي بتعملوه ده هو مش هيحب يكون معاكم عارفه انكم بتحبوه
ريم بدموع : اول مره يضربني انا حاسيت دلوقتي بس اني مليش اب ولا ام يحموني
زينه وهي بتحضنها : غلطانه يا قلبي ده بيحبك اوي طيب لو عندك قطه جميله وانتي بتحبيها ولقيتيها راحت تاكل اكل بايظ ومصممه مش هتزعقي ليها
ريم : ايوه اكيد عشان خايفه عليها بس هو مش عمل كدا هو فضلك انتي وحبك انتي اكتر مننا
زينه : مستحيل هو عمل كدا عشان خايف عليكي الناس تقول كلام وحش عنك وتزعلي او ان ربنا يزعل منك عشان اذيتي حد غلبان هو عايز يعلمك انا ربنا موجود وشايف افعالنا ولازم نبقا كويسين تفتكرو بابا وماما مبسوطين دلوقتي
ركان : اكيد لا احنا بقينا نعمل حاجات كتير وحشه هو ربنا زعلان مننا
زينه : اي حد زعلناه لازم نعتذر منه ونصلي وندعي وربنا بيسامح وبيحب كل عباده وأستاذ إياد لما يشوفكم طيبين وبتعملو الخير وكل يوم تفاجاوه بحاجه حلوه عملتوها هيحبكم اوي وهيحب ييجي بدري يقعد معاكم وعمر ما واحده ممكن تدخل تغيره عليكم مفيش اغلي منكم
ريم : أنا اسفه علي اللي عملته النهار ده بس ممكن تساعديني نخليه يحبنا
زينه : اكيد طبعا يا حلوين وهنام معاكم كل يوم واول ما نصحي بعتذر بسرعه اتفقنا
ريم وركان بفرحه : اتفقنا
صحيو تاني يوم عملو الفطار مع بعض
ريم بابتسامه : بصي بسرعه يا زينه الموضوع كبير اوي اوي
بصت زينه لقت الدقيق في وشها
زينه : اه يا زقرده يا جزمه مش هسيبك ومسكت الدقيق وجريت وراها وهي بترشه جه في وش إياد
زينه بصدمه : اهدي يا كبير ومتتعصبش ده طيش شباب عادي ثواني والاكل هيكون جاهز علي ما تغير
إياد بضيق : معرفش اجولك اي عاد بس ده اخر فرصه ليكي اعجلي اكده
طلع اوضته وهو بيفكر فيها وبيبتسم بتلقائيه
إياد : جري اي يا ابن الجبالي حرمه عتوجعك في شباكها عاد لع ده ميحصولش واصل
نزل الفطار
إياد : ليه واجفه بعيد اكده تعالي اجعد عناكلو مع بعض لجمه
زينه بابتسامه : ده بجد ماشي بس الولاد عندكم حاجه لازم يقولوها دلوقتي يلا
ركان وريم : احنا اسفين يا ابيه مش هتتكرر تاني
فضل شويه ساكت وقام مشي
زينه : متقلقوش هو مسامحكم بس مكسوف يقول يلا تحبو نعمل اي النهار ده
ابتسمو الاطفال بخبث وطلعو يجرو
زينه : هو اي ده مالهم دول
فجاه اتحدفت ببلونه ميه واتغرقت طلعت تجري وراهم
زينه : اصبرو عليا يا جزم جايينها بلعب انا هوريكم وملت جردل بلالين بميه وفضلو يدور علي بعض ويحدفو بعض وهما بيضحكو
عدت ساعه كانت زينه ماشيه بتتسحب فيها واول ما حست بحركه حدفت البلونه بسرعه غرقت إياد
زينه : احيه انا اسفه انت ليه حظك وحش معايا كدا متبصليش بعصبيه كدا انت اللي غلطان مش انا
قرب منها إياد بعصبيه اتزحلق ووقع حاولت زينه توقفه وقعد جنبه
إياد بغضب : اني معرفش اي لازمتك في الدوار عاد تحبي اجيب واحده تخلي بالها عليكي وعليكم ولا اي كنك نسيتي نفسك يا واكله ناسك انتي اهنه خدامه وبس تخدمي وبس الحركات اللي عتعمليها دي عشان تلفتي انتباهي معتاكلش معايا عارفكم زين يا بنات البندر رخيصه وحركاتكم كيفكم رخيصه
بصتله زينه ودموعها في عيونها وجريت علي اوضتها
دخل عليها ريم وركان
ريم : دي مش طبيعته ولا طبيعي انه يقول كلام وحش كدا سامحيه اكيد كان مضغوط
ركان : لو فضلتي تعيطي هعيط معاكي متزعليش بقا انا هخاصمه بس بكرا بقا عشان النهار ده عيد ميلاده
زينه وهي بتمسح دموعها : بجد عيد ميلاده اصلا مكنتش هوافق انك تخاصمه وخلي عارفه يا ريم ان حرام تاذي حد ملوش ذنب بالكلام مهما كنتي مضغوطه غلط واصلا انا مش زعلانه يلا نقوم نعمل حاجه حلوه عشان حفله عيد الميلاد وانتم هتروقو البيت معايا علي ما احضر الحلويات يلا اتحركو
ريم بوشوشه : شكل البت وقعت في الحب ولا اي يا زميلي
ركان : لو ده حقيقي انا موافق جدا علي ارتباطهم احنا واثقين فيها وبنحبها بدل ما تيجي واحده تانيه تطلع عينا
ريم : اممم يبقا لازم نخليه يقع في حبها هو كمان سيبني افكر في حاجه
وفي مكان تاني
شهنده : جوليلي يا واكله ناسك الواد المخبول بتاع الفوتوشخ ده جهز الصور
سناء : ايوه يا ست الهانم كل حاجه جاهزه وعتجيهم علي المغربيه اكده بس اني مفهمش ليه عايزه تبوظي سمعتها
شهنده : عشان تتزاح من طريجي اني وجوزي طول ما هيه اهنه معكونش مرتاحه واصل واياد معيسمحش لحد يخلي البت دي عنده واكده اخلص منيها مرتاح مين اللي عيرن عليكي عاد
سناء : ده المصوراتي عيجول ان الصور وصلت الدوار بس اني سمعت ان البيه الكبير جايب ناس يخطفو البنته دي
شهنده بصدمه : عتتصنتي بردك معتبطليش واصل بس اكده ممكن البت تكون عنديه بسهوله معرفتيش ميته عيخطفها
سناء : تجريبا اكده بكره يا ست الناس
شهنده : زين جوي معيلاجيش حدي واصل عشان يخطفه اكده خطتي نجحت واهو ساعدت البنته وجوزي
سناء : دايما جلبك ابيض يا ست هانم
عند إياد دخل البيت ولقي المكان ضلمه وفجاه اتفتحت الانوار وطلعت زينه بالتورته وهي بتقرب منه العيال كعبلوها وقعت والتورته علي وشه
زينه : والله انا اسفه كل ده بيحصل من غير قصد
إياد بابتسامه : اكده خدتي حجك مني واني معسكتش علي اللي بيحصول ده واصل بس اني معاي ضيفه خطيبتي واهلها سمر ادخلي علي ما اغير خلجاتي
دخلت سمر وأبوها وامها وبصو بقرف لزينه والعيال
وقربت سمر من زينه وضربتها قلم قوي : ده عشان تشوفي شغلك كويس يا بت ومتنسيش نفسك وانك واقفه قدام اسيادك تحترميهم شكل إياد حبيبي معرفش يربيكي كويس أصله طيب بس انا اللي هربيكي من هنا ورايح ولو مش عجبك يا حلوه غوري من هنا تقدري تقولي كدا اني بطردك
ريم بغضب : لتكوني فاكره نفسك ست البيت مثلا وكلامك هيمشي انتي ملكيش اي لازمه هنا مجرد ضيفه تقيله علي القلب وبس ضربتها سمر بالرجل في بطنها وقعت علي الارض قربت منها زينه بخوف وظهر إياد وقال بعصبيه و
وكدا تكون خلصت حلقتنا استنونا في بارت جديد مع السلامه
بقلمي نوران احمد مليجي
السادس من هنا
