رواية مربية اولاد عمي الفصل الثالث 3 بقلم نوران احمد
مربيه أولاد عمي 3
بقلمي نوران احمد مليجي
فتحت عيوني بتعب لقيت نفسي علي سرير وانا مش فاهمه اي اللي جابني هنا بس سمعت صوت من بره بيقول
خوفت بعد ما سمعت صوته مسكت شومه كبيره واول ما الباب اتفتح ضربت بكل قوتي وقع علي الارض
ريم : يا مصبتي خلصتي علي الواد اللي حيلتنا ده احنا هنخلص عليكي
ركان : اهدي اهدي يا ريم وخلينا نطمن علي إياد
زينه بخوف : انا انا والله والله مكنش قصدي كنت خايفه كنت بحسب اصل
ريم : هتفضلي ترغي كتير ساعدينا ننيمه علي السرير
بعد ما حطوه علي السرير
زينه : انا اسفه لكل حاجه حصلت وشكرا جدا بس ممكن امشي لو فضلت ممكن يبقا في مشاكل عن اذنكم
ريم : نعم نعم نعم نعم يا اختي تعملي المصيبه وعايزه تمشي مش هتتحركي من هنا لحد ما يفوق ولو مفقش هطلب ليكي البوليس
زينه : بوليس اي يا زقرده انتي البغل بتاعكم نايم اهو وبيشخر كمان بقولك اي فكك مني انا اصلا هربانه مني
ريم بابتسامه طلعت سلاح من جيب إياد : ههههه وانا كمان وبحب العلب واجرب حاجات كتيره اوي تلعبي معايا يا حلوه
زينه بخوف : لالا انتم مش أطفال انتم مافيا ازاي تكونو كدا يا عيال
ركان : متخافيش والله احنا طبيبن بس مفيش حد معانا في البيت غير إياد خليكي معانا لحد ما يفوق لو سمحتي
ريم : بس يلا بطل عبط وانتي قومي يا بت اعمليلنا ناكل جوعانين
زينه : انت متأكد ان دي اختك وانها طفله بجد مش تشكيل عصابي مثلا وخطفين الراجل الغلبان ده
ركان : هي معاها حق بصراحه واحده بتتسحب الفجر تدخل بيت غريب وهي بتترعش بخوف اكيد مجرمه وعامله مصيبه
زينه بصدمه : انتم أطفال ازاي ده انا فيا براءه عنكم متبرقيش كدا هروح اعمل كل صحيح لازم تكونو اخوات بس الواد ده أطيب منك علي فكره
ريم : بس يا رخمه واخلصي بدل ما اخلص عليكي
زينه بصدمه : اي اللي عامل كدا في المطبخ ده محتاج اعاده تدوير والبيت زي الزفت ازاي بيت كبير كدا مفيش فيه خدم اللي يشوف من بره يقول حاجه جامده واللي يدخل جوه يقول زريبه
ريم : اشتغلي وانتي ساكته بطلي برطمه ركان سألت عم عوض جاب الحاجه ولا لا
ركان : اه جبها بس انتي طلبتي الحاجات دي ليه
بصت لزينه وابتسمت بشر
زينه : اي اي النظره دي نعم بقولك اي انا مش مرتاحه ليكي بقولك اي انا اكبر منك ولو انتي مجنونه ف انا اجن منك علي فكره بقا
وبعد ساعه
كانت ريم و ركان بياكلو وزينه بتنضف وبتدهن المطبخ
زينه : يارب توب عليا من الشقا عارفه يا مقروده انتي اللي مصبرني عليكي حاجه واحده انك طفله للاسف مش عارفه اشتكيكي مستنيه الأخ التاني ده يصحي بقا بس يارب يصحي قبل ما ضهري يتقطم
ريم : انتي بترغي كتير ليه ما تشتغلي وانتي ساكته شويه الله
ركان : تسلم ايدك الاكل حلو اوي علي فكره كنت جعان اوي
زينه : بالهنا علي قلبك يا حبيبي وبعد ساعات كانت زينه رجعت المطبخ جديد
ريم وهي بتتفرج علي التليفون : اي ده خلصتي بسرعه كويس اصل نفسي اكل حاجه حلوه ممكن تعملي كيك وتخلصي بسرعه وتبدئي تنضيف انتي متعرفيش ان اللي بيقبل يعيش في زريبه يبقا حيوان
زينه بعصبيه : قولي لنفسك مفيش حيوان في البيت ده غيرك ده انتي عيله صعبه اوي اي شغاله عند اهلك انا
برقت ريم ورفعت السلاح : اه وهتسمعي الكلام اخلصي بسرعه بقا
وبعد ساعات
زينه بتعب : كفايه كدا اتغدتو واتعشيتو وحليتو والبيت كله بقا بيلمع دلوقتي روحو نامو يلا فين اوضكم اكيد عندكم بكرا مدرسه صح يلا
ريم : انا داخله انام اصلا عشان تعبانه مش عشان بسمع كلامك علي فكره واه صح انا قولت لعوض البواب يحط حرس علي البيت واي حد يفكر يدخل او يخرج هيتطخ علي فكره يلا يا ركان
طالعو اوضتهم وهي معاهم
زينه : انا مش عارفه ازاي انتي طفله بس لازم تسمعو قصه قبل النوم بصولها الولاد متأثرين بس حاولو ميبينوش كانو مبسوطين باهتمامها بيهم
زينه : خلصت قراءه روايه ليهم وقررت اروح انام وارتاح بقا صحيت تاني يوم الصبح علي صوت فرقعه في كل مكان اتفزعت وقومت بسرعه وقعت علي الارض من حاجه علي الارض عاملين مقالب بس بعدت عنها وعملت سندوتشات وطلعو للمدرسه وكملت نوم
بعد ساعات جم العفاريت
ريم : يلا بقا قومي عايزين ناكل وعايزين حاجات حلوه وركان عنده امتحان بكرا ومش عارف حاجه
زينه : يبقا لازم نذاكر يلا بينا علي المذاكره واحكولي حصل اي النهار ده معاكم في المدرسه
بصو ريم و ركان لبعض وهما مصدومين اول مره حد يسالهم وطلعو يجرو حاولت افوق وادور عليهم
دخلت تدور عليهم في كل مكان ملقتهمش دخلت الحمام ولقيت جردل ميه اترمي في وشها اتخضيت و قلقت و شلت ركان
زينه : انت كويس خلي بالك من نفسك في ميه ممكن تقع وتتعور
اتأثر ركان : أنتي مش متضايقه مني عشان غرقتك ليه قلقانه عليا
زينه : عشان انت زي اخويا الصغير ولازم اخاف عليك برغم افعالكم اللي زي الزفت يلا قولي فين اختك
ركان : لو لعبتي معايا وكنت مبسوط اوي منك هقولك مكانها
في بيت الدهشوري
احمد بعصبيه : كيف تهرب معنديش رجاله عاد بت مفعوصه تخلي رجاله بشنبات تايهين اكده لو البت مجاتش عندي خلال ساعات عخلص عليكم واحد واحد عتفهم انت وياه غورو
شاهنده : اي يا احمد بيه البت كنها غفلتك عاد مش اكده معصب حالك اكده ليه تغور واحده وتيجي بدالها عشره مش اكده
احمد : البت دي غير دي عاصتني وعتحب تروح للي خلجها ولا اني اجرب منيها عشان اكده رايدها
شاهنده : شكلها عتفهم عاد لما هربت منيك امال لو عاشرتك كانت خلصت علي حالها ولا اي
احمد : اي رايك اني عجيبها حتي لو اضطريت اتجوزها عليكي وعرميكي بره الدوار غوري من كدامي
بصتله شاهنده بشر وهي بتقول : عجتلك عييجي يوم واجتلك يا ولد الدهشوري علي عمري اللي ضاع ومعتحسش واصل بس بعد ما أحرج جلبك والبت دي هخلص عليها اني وانتم والزمان طويل
طلع احمد البلكونه واتصدم : بجا انتي اهنه كل الوجت ده وانتي جدامي ومعرفش جيتي لجدرك يا حلوه وقال بصوت عالي مصلحي اجمع الرجاله والسلاح خلال ساعه كل حاجه تكون جاري اهنه
في الجنينه
كانت زينه بتلاعب ركان
ركان : مكنتش عارف اني هكون مبسوط اوي كدا لما اركب عجله
زينه : ولسه في العاب كتير اوي هنلعبها بس بعد المذاكره فين أختك بقا خايف كدا ليه متقلقش هحميك
ركان : استخبت في اوضه إياد بس متقوليش اني قولت حاجه ماشي
هزت راسها بالموافقه واول ما دخلت الاوضه جردل دقيق وقع عليها
ريم بعصبيه : انت اللس فتنت عليا وخنت الوعد ولعبت معاها شوفتك سيبيني اضربه الواد ده لازم يتربي
زينه : مش لما تتربي أنتي الاول يا مفتريه ده اخوكي الكبير اهدي واتهدي شويه تعبت فرهدتيني وفجاه سمعو صوت رجاله كتير و اسلحه وناس بتتهجم علي البيت وعايزين يدخلو بالقوه والبوابه اتكسرت
استخبو الولاد في حضنها بخوف وهما بيعيطو
دخل احمد الاوضه ومسك زينه من شعرها
احمد : واخير التجيتك يا ولد المركوب اني عندمك علي كل حاجه وقرب منها اكتر وفجاه
