رواية دقة قلب الفصل الحادي عشر 11 بقلم مروة حمدي

رواية دقة قلب الفصل الحادي عشر 11 بقلم مروة حمدي 

دقه قلب

مروة حمدى ومني عبدالعزيز

والخاطرة اهداء من الجميله ملاك نوري .

العشْق أنْت

الرُوح أنْت وقَلْبي أنْت

وعَقْلي أنْت وسَعَادَتي أنْت

وأُحبك أنْت كما أنْت لأنَك أنْت⁦⁩

البارت الحادي عشر.

الجميع ينظرون إلي المأذون منصتين لما يقوله .يجلس بعيون دامعه وابتسامه فرحه علي وجهه وهو يستمع إلي تلك الكلمات من المأذون يري فرحة في وجه الجميع بالرغم من تلك الزيجه الغريبه الا تلك الفرحة كفيله بإعادته للماضي كشريط سينما مشوش بين الماضي والحاضربين ذكريات مشابهة واختلاف في تلك النظرة الموجودة على وجوه الجميع .

تشوش اعادة لقبل خمس سنوات أثناء جلسة عائليه تجمع كل أفراد أسرته رفع عينه يري اقتراب حفيده الأكبر القريب الي قلبه خالد بابتسامته الجميله لتظهر تلك الغمزاتين علي وجهه الخمري يستمع إليه بإنصات فرحا بتلك السعادة التي تزين وجهه .

خالد : أنا عندي خبر حلو هم في الحقيقة خبرين الأول اني الحمد لله قدرت ألقي علاج لحاله تيته وان شاء الله هتعمل عمليه بعد كام يوم مع دكتور صديقي من المانيا .

فرحه كبيرة اجتاحت الجميع التفوا حول الجدة بسعادة فاخيرا سيتحقق الحلم بشفاها

ليمسك خالد كوب زجاجي ومعلقه صغيرة يضرب بها علي الكوب لينصتوا له مجددا

الخبر التاني ليصمت برهه يري لهفة الجميع لسماع ما يقوله .

ليتحدث سريعا .

انا خلاص قررت أخطب حنين بنت الدكتور احمد السلمي استاذي وصاحب مستشفيات السلمي .

بالرغم من فرحه وسعادة الجميع فاخيرا اكبر احفاد العائله قرر الزواج إلا أن تلك الفرحة كانت مكسورة قام الجد يبارك له وتلتهامباركات الجميع له توجه خالد إلي جدته يقبل يدها وجبينها

خالد:بعد العملية بتاعتك هتقدري تقفي مرة تانيه وقتها انا هعمل الفرح علي طول .

تنهيدة قويه دون صوت خرجت منه لكن شعر براحه بعدها ليعتدل في جلسته يستمع إلي المأذون يتحدث .

الفاتحة علي نيه التوفيق وما اتفقتوا عليه قالها المأذون وهو جالس و طلب من موكلي العروسين أن يمدوا يدهم لبعض .

ثم ام بعد

بسم الله الرحمن الرحيم .

ومن آياته أن خلق لكم من انفسكم أزوجاً لتسكنوا إليها وجعل بينكم مودة ورحمه .

صدق الله حد العظيم .

قال رسول الله صلي الله عليه وسلم

من رزقة الله بزوجه صالحه فقد اعانه الله علي شطر دينه فليتق الله في الشطر الثاني .

يقول الرسول ص

إذ جائكم من ترضونه دينا وخلقا فزوجوة .وقال ايضا

تنكح المرأة لاربع لجمالها وحسابها ومالها ودينها فاظفر بذات الدين تربت يداك .ليعود إليه التشويش مرة أخري

يوم طلب تلك التي خطفت قلب حفيده.

هاشم .. دكتور أحمد أحنا يشرفنا طلب ايد كرمتك الانسه حنين لحفيدي خالد.

ليقابله الرد الذي ذهب ابتسامه وجهه .

أحمد السلمي .. أكيد الدكتورة حنين بنتي تزيد شرف للى هيتجوزها وأنا بعتبر خالد محظوظ لارتباطه بيها وأكيد حبي لبنتي طبعا اول واهم سبب يخلوني أوافق علي الجواز مع اني كنت رافض موضوع ارتباطها قبل ما تنهي دراستها ولكن تعلقها بخالد هو ال خلاني اتراجع واوافق

هم بالرد لكن الصدمه من رد حفيده الجمته نظر إلي حفيده وتلك الفرحة علي وجهه تراجع عما يدور براسه ينظر إلي أبناءه يري علامات الضجر علي وجههم .

خالد .. أكيد أنا محظوظ بحنين يا دكتور أحمد.

أحمد .. بما أن الكل متواجد أحب أقول علي كام طلب حنين طالباهم .

خالد مرة أخري يخطف الكلام من علي لسانه.

تحت أمرك يا دكتور واكيد لو طلبت نجمة من السماء أنا هجبها ليها .

أحمد .. حنين بنتي الوحيدة وانا مربيها كويس أوي

واي حاجه تطلبها بتكون أمر بالنسبالي أنا كنت حابب انكم تتجوزوا وتعيشوا هنا بس حنين رفضت عشان خالد يكون علي حريته .

الجد .. طبعا ده شئ أساس الزوجه هي ال تعيش في بيت زوجها مش العكس .

أحمد .. أكيد يا سيد هاشم لكن دي بنتي الوحيدة وده بيتها وكل ما املك من بعدي ليها .

الجد .. ربنا يخليك ليها يادكتور بس الصح الزوجه في بيت زوجها وكمان خالد ليه دور كامل خاص بيه في بيت العائله تقدر حنين تختار الديكور والفرش علي ذؤقها .

أحمد .. بغطرسه بنتي الدكتورة حنين رفضه الحكايه دي وسبق وقالت لخالد الكلام ده .

هاشم .. ببعض الحدة قصدك ايه مش فاهم .

أحمد.. قصدي أن حنين طالبه بيت منفصل لوحدها بعيد عن بيت العائله وبكده تكون لا اختارت تعيش هنا عندي ولا عندكم محبتش تزعل طرف من الأطراف .

عامر .. بعد ما وجد التوتر الذي ساد ، تحت أمرك يا دكتور في جنبنا فيلا جميله أن شاءالله تعجب حنين

وتجهزها علي ذؤقها وبكده يكون ليها بيت خاص بيهم .

احمد .. لا حنين بنتي عوزة مكان بعيد عن العائلتين عشان تحس بالاستقلالية مكان بعيد عن الطرفين

هاشم بنفاذ صبر هو فين المكان القريب من الطرفين ده .

خالد .. المكان ال حنين تختاره أكيد أنا موافق عليه

في طلبات تانيه يا دكتور أحمد .

أحمد. .. لا دي شكليات مش طلبات ، الشبكه والمهر

أكيد بنتي متتقدرش بمال الدنيا وانا سايب ده لتقديرك وذؤقك .

ليفيق مرة أخري يبتسم وهو يستمع لكلمات المأذون

ردد خلفي يا سيد كارم .

كارم .. إني استخرت الله العظيم وزوجتك موكلتي وابنتي البكر الرشيد ملاك كامل ابو المكارم على كتاب الله وعلى سنة رسول الله وعلى الصداق المسمى بيننا عاجله وآجله والحضور شهود على ذلك والله خير الشاهدين.

ملاك تستمع لكلمات عمها التي يرددها استوقفتها كلمه ابنتي ملااك كامل عينها اغروت بدموع تتذكر كلمات والدها وهو يخبرها بذالك اليوم عن أمنيته ودعاه بأن يراها عروس بفستانهاالابيض رجفه احتلت قلبها وهي تنظر إلي عمها كارم لتغمض عينها وتفتحها مرات متتاليه كأنها تري والدها أمامها يضع يده بيد عامر لتفر دمعه مع ابتسامه وجع لتثبت نظرها عليه تخشي ان تغمض عينها يتبخر طيف والدها .

فؤاد .. عينيه مراقبه لملاك يتابع كل حركاتها وتلك الدمعه التي هربت من عينها نظرها مثبت تجاه عمها لاترف بجفن عنه .

لينظر تجاه مريم ويحمحم بصوت مسموع ليلفت انتباهها يخرجها من شرودها لتنظر له مستفهمه ليشير لها براسه علي ملاك لتقترب من ملاك تضع يدها علي كتفها تضمها لها وتزيح بيدها تلك الدموع التي تسيل علي وجنتي ملاك .

لينتبها الي صوت المأذون مرة أخري وهو ينادي علي عامر .

استاذ عامر ردد خلفي

عامر شارد يتذكر مثل هذا الموقف

يقف عامر بجوار ابنه ليطلبه والد حنين يتحدث معه

ليستمع الي صوت همسات واضحه

احمد :ايه ال بيحصل ده يا خالد ازاي عامل توكيل لولدك أنه يكون وكيلك في الجواز ازاي تقبل علي نفسك وعليا الوضع ده انت لدرجه دي مستصغر نفسك ،انا لا يمكن اوافق علي كده ولا اعرض نفسي ولا بنتي للاهانه دي لازم تتصرف .

ليصعق من رد خالد ، المتراخي قبيل حنين وأبيها

خالد:اسف يا دكتور أحمد كان لازم اعرفك من الاول بس

انا وحيد والدى وكنت حابب أفرحه .

أحمد .. تفرحه في أي حاجه الا انه يكون وكيلك وكمان التوكيل عام ومع أي مشكله يطلقها بالتوكيل ده من غير ما يعرفك حتى.

خالد .. لا لا متقلقش عمر بابا ما يعمل كده وكمان أنا وحنين متفاهمين جدا وأي خلاف ما بنا نقدر نحله من غير ما يكبر وحد يعرف بيه.

احمد .. بردة اصرف لا يمكن اوافق علي كده واعرض بنتي للاهانه دي .

خالد .. بخضوع تحت امرك أنا هكون وكيل نفسي .

عامر بغصه في حلقه وسكين بقلبه لموقف ابنه المخز

ابتعد عن الحفل حتي لا يعلم أحد ما حدث ويرفع الحرج عن ابنه وهو يطلب منه تزويج نفسه دون التوكيل له .

خرج عامر بعد أن أخبر زوجته أن هناك مشكله كبيرة بالخارج سوف يخرج لحلها حتي لا تؤثر علي عقد القران واذا سال خالد عليه تخبره بأنه يذهب هو لعقد قرانه بنفسه .

استاذ عامر يا استاذ عامر

عامر .. هااه

المأذون اين ذهبت يا اخي ردد خلفي

عامر اسف شردت شويه

تنظر مريم له بشفقه تذكر يوم عقد قران خالد علي حنين وما أخبرها به بعد عودتهم للمنزل وهي تري ملامح وجهه الحزينه وعدم النوم طوال الليل يلتف يمين ويسار لتلح عليه ليخبرها ما سمعه وصدمته في وحيده

لتتنهد بحزن لتتسمع مرة أخرى لكلمات المأذون يطلب منه أن يردد خلفه لترى الراحه مرسومه على معالم وجهه دمعه من عينها تنزل ببطء تكاد تحرق وجنتها ابتسامه علي وجهها ولكن بداخلها حزن يكاد يفتك بها علي وحيدها لتنفض تلك الدمعه بسرعه تنظر الى ملاك تتسع ابتسامتها تدعو بقلب يغمره السعاده وهي تستمع الي صوت زوجها يردد خلف المأذون شتان بين تلك الزيجه وذاك بالرغم من عدم وجود وحيدها الا أن الجميع تظهر على وجوههم السعادة بسخاء

المأذون ردد خلفي

عامر : إني استخرت الله العظيم وقبلت زواج موكلتك البكر الرشيد ملاك كامل أبو المكارم لموكلي خالد عامر هاشم الخديوي على كتاب الله وسنة رسول الله وعلى الصداق المسمى بيننا عاجله وآجله والحضور شهود على ذلك والله خير الشاهدين.

رددوا خلفي

حنان كأنها أفاقت الان من دوامه تعصف بها وهي تتذكر بعد انتهاء شقيقها من عقد قرانه الاول وهي تهم باحتضانه وتقبيله حتى تبارك له ، لتقف حنين بسرعه تضمه لهاوعينها علي عين حنان ترسل إليها رساله واضحه وتنظر لها نظرة كلها تحدي كأنها تخبرها أصبحت بعيده كل البعد عنه وإن تنسي أخيها ،وبزواجها منه فقدت أخيها للابد لينتفض قلبها بالم وهي تتذكر تجاهل شقيقها لها وعدم الاهتمام لها وزاد من ضم حنين يهمس لها بفرحته بزواجهم لتفيق علي صوت دعاءالماذون وهو يدعوا ويقول

بارك الله لهما وبارك عليهما وجمع بينهما في خير. وبعدها اختطف فؤاد المنديل ليضفي البهجه بين الجميع وهو يقول عقبال البكاري .

رحاب ممسكة بيد يوسف تشتد عليها وهي مغمضه عينها تهز رأسها كأنها تنفض ذكري من راسها .لينتبه لها زوجها ليربط علي يدها يطمئنها وجزبها يضمها اليه يمحوا تلك الذكري التي مرة براسها .

مروة .. غير الجميع فور انتهاء المأذون من الدعاء أطلقت صوت صدح بالفيلا صوت ابتسم له الجميع بسعاده وهي تزغرت تلك الزغروته التي تخرج ما بجوفها من حزن وألم عاد إليها بتلك الذكري بزواج أخيها من حنين ترفع صوت تلك الزغروته لتذهب ما مرت به بعيدا عن ذاكرتها .

ياسين يقترب منها ضاحكا ايه المواهب الجديدة دي كانت مستخبيه فين معملتهاش يوم كتب كتابنا .

لتضحك مروة علي كلمات زوجها معقوله كلامك ده

هو في عروسه بتزغرت لنفسها .

ياسين . طبعا فيه من فرحتها بعريسها تعملها .

مروة .. أنا مكنتش وقتها مركزة غير في البدله ال كانت هتاكل منك حته وبصه البنات عليك كنت عاوزة ااقلع عنيهم لتطلق زغروته أخري عاليه بفرحه لتهمس بعدها ودي ليك وكده خاالصين

ياسين .. نعم من اولها هتخمي أنا ليا عندك كتير ، وحق عرب لازم يخلص النهاردة .

مروة .. بعدين نتكلم ونشوف حق العرب ده مين فينا هياخدوا من التاني قالتها وهى تلكزه بزراعها .

ياسين .. ياخوفي يابدران بعد ده كله وقت الجد تطلع تنام .

ليخرجوا من همسهم علي صوت فؤاد

فؤاد .. ايوه كده يا مروة عايزين نفرح .

لينظر له ياسين بغيرة يكاد يفتك به

ليهمس فؤاد لنفسه ايه ال وقعني مع العائله المجنونه دي .

ليلتف ياسين لها وهي تحاول أن تطلق زغروته أخري ليخرسها وهو يقول اعمليها وهتلاقي لسانك علي ايدك .

لتضع يدها علي فمها وتغلقه علي هيئه السحاب

تحدث نفسها حبيبي مجنون ويعملها .

الجده .. نهضت من مكانها اقتربت من ملاك تبارك لها

الجده مبروك يا حبيبتي فرحتي بيكي النهارده متتوصفش وتطلب من اسماء أن تحضر العلبه التي أعطاها لها قبل قليل لتفتحها وتخرج منها سلسال مشابه لذلك الذي اعطته لرحاب .

الجده .. السلسله دي انا عملت منها لحفيداتي كلهم ولمرات خالد وانتي غاليه عندنا وبجوازك من اغلى الغالين زدتي غلاوة تلبسيها في رقبتك ومتقلعاش خالص ربنا يجعلها خير حافظ ليكي.

لتحتضنها ملاك وتقبل يدها .

كارم .. تنهد بفرحه بعد سماع كلمات الجده لملاك تبخر جزء من خوفه عليها فكلام الجده وفرحتها الظاهرة علي وجهها ونظرات الفرحه التي راءها علي الجميع تأكد من راحت ابنته وابنه أخيه بينهم .

ليبتسم علي صوت اسماء مهلله وهي تضم ملاك بسعاده وهي تتحدث أنا فرحانه اوي ياموكا ينظر للجميع وهم يباركون لها بسعاده ومحبه نابعه من قلوبهم بصدق كان موجود وقت عقد قران خالد للمرة الأولى لم يرى مثل هذة الفرحه على وجوهم وقتها ليتنهد براحه ليجد فؤاد يربط علي كتفة اطمن يا كارم بيه العائله دي مافيش زيها حاجه متتوصفش في حبهم لبعض وترابطهم واتاكد أن ملاك بنهم في امان .

كارم:انا عمرى كله معاهم اكتر واحد عرفهم كويس الحمد لله يابنى بس لسه قلقان من ال جاى

فؤاد :ماتقلقش الصعب عدى وال جاى خطوة خطوة هنعديه

وعلى الرغم من أن كلام فؤاد بث فيه الطمأنينة بعض الشئ إلا أنه احس بحزن داخلي لحال عائلته .

اقترب من ملاك يضمها اليه ويبارك لها ترتمى فى حضنه ترى معالم الراحه على وجهه ابتسامة ولمعه بعينيه أكدت لها انها فعلت الصواب .

الجد .. ايه حضرولنا العشاء وفين الشربات عوزين

المأذون يقول علينا بخله ولا ايه.

المأذون: بيت الخديوي معروف بأنه بيت كرم وجود .

ليجلس الرجال يتحدثون وتذهب السيدات للداخل .

المأذون: بضحك اخدوا العروس ولم توقع حتي الآن

الجد 'يوسف خد الدفتر ومضي ملاك .

فؤاد مسرعا أنا ياجدوا ال همضيها .

لينظر اليه الأخوين نظره قاتله ، ليعلل بسرعه ملاك متزبزبه ولازم تثق في نفسها وتمضي باريحيه دون تدخل حد ولاتحس انها مضغوط عليها وعلشان اكون متابع اكتر لرد فعلها .

الجد .. عندك حق يا بني ادخل معاه يا يوسف

يذهب كل من فؤاد ويوسف .

يوسف .. بحده رجعت امته ولما رجعت معرفتناش ليه حتي لما سفرت مقلتش بعدت ولا كأننا نعرف بعض ، والصبح ماكنش في مجال نتكلم حتي السلام معرفناش نسلم علي بعض .

فؤاد .. اسف كان في ظروف أجبرتني علي البعد وانت اكتر واحد فاهم السبب.

يوسف .. غصب عني وقتها .

فؤاد .. أنا فاهم ومقدر واديني رجعت كنت بحاول اتصل بس خوفي كان ااقوي مني بس القدر رجعني هنا من تاني الباقي زي ما انت شايف .

يوسف .. ينظر له بابتسامه ماكرة عملتها ازاي دى مع اني مش فاهم التفاصيل بس متأكد أنها افكارك وترتيبك وخلى بالك مش هتعدي بالساهل على خالد .

ليضع فؤاد يده علي رقبته وينظر ليوسف باستفهام جو تفتكر ابن عمك هتوصل معاه لفين .

يوسف بابتسامه شامته تخيل بقي ال هيحصل بعد خمس سنين بعد راجعله بعروسه هههههههههههه نفسى اكون موجود وقتها.

فؤاد .. الله يطمنك ا اااخ نسيت اباركلك على الحمل الف مبروووك ربنا يتمم على خير

يوسف :الله يبارك فيك يافؤاد

فؤاد :وعلى كده ده رقم كم

يوسف ببسمه رقم واحد يافؤاد رقم واحد ولله الحمد

ليربط فؤاد على كتفه يستاهل الحمد ربنا يتمملك فرحتك على خير ياجو ويباركلك فيه

يوسف تسلم يافؤش ماقولتليش عندك ايه اولاد

فؤاد :لسه مااتجوزتش

يوسف :ااااايه

فؤاد :ماتشغلش بالك لسه النصيب ماجاش

ليقف مرة واحد ليلتف له يوسف

يوسف .. وقفت ليه .

فؤاد .. ياريت تستأذن منهم قبل ما ادخل .

يوسف .. ينظر له بإعجاب فؤاد كما هو لم يتغير حتي بعد كل تلك السنوات بالغربه .

ليتاخر قليلا ليعود له ودخل فؤاد خلفه .

فؤاد ..يقرب الدفتر من ملاك وبيده القلم لتساله ملاك .

ملاك ..اعمل ايه .

فؤاد .. تمضي انك موافقه علي جوازك .

ملاك .. تنظر له ليومي براسه ويشجعها لتأخذ منه القلم وتقوم بالامضاء لتتحدث ببغته بعد كده هيحصل ايه .

لترد امال وهي تجلس بجوار الجده وفؤاد يقف جوارهم .

بعد كده هتروحي لبيت جوزك خالد .

لترد ملاك .. يعني كده انا وأبيه خالد بقينا خلاص متجوزين رسمى .

لتهمس امال بصوت مسموع وهي تقول يا لهوي ابيه امال كتب الكتاب وال حصل كان ايه .

ليربط يوسف علي كتف فؤاد الله يرحمك مقدما أبيه خالد ده انت هتترووق هههههههههههه

فؤاد ..بهمس أخرتى علي ايد بيت الخديوي .

الجده تتحدث بصوت منخفض لفؤاد .

فؤاد يابني دي بتقول أبيه هينفع الوضع ده بنها وبين خالد .

فؤاد.. اطمني ياتيته أبيه دي هي سر المفتاح خالد منها هيحس بالمسئوليه ناحيتها و سيبي الباقي للأيام وليا ويكمل هامسا لنفسه لو كنت لسه عايش .

ليجلس الجميع بعد رحيل فؤاد وبقاء يوسف يتحدث مع رحاب ويتسا ل عن موعد الطبيه .

لتقف آمال مرة واحد خلف يوسف ليفزع احنا اتاخرنا اوي يدوب نلحق .

يوسف .. بزهول اتاخرنا .

لتقترب رحاب منه ايوه هنروح أنا وأنت وطنط أمال .

يوسف لنفسه باين كده أن كلام ياسين بيحصل ربنا يستر من ال جاي ويصبرني عليه .

رحاب تقترب من ملاك تضمها إليها وتستأذن منها بذهابها للطبيبه.

ملاك .. ريري حببتي انتي تعبانه .

امال .. لا مش تعبانه يا وش السعد رحاب حامل .

ملاك .. حامل يعني في بيبي ببطنك قالتها بفرحه وشغف وهي تضع يدها علي بطن رحاب .

امال .. تبعد يدها عن رحاب براحه يا ملاك علي رحاب .

بيضحك الجميع علي خوف امال الزائد .

لتضع ملاك يدها بعفويه علي بطنها وعينها تبتسم .

الجده تتابع مايحدث لتدعى ربها بأن يتتم ما تريد .

لتقترب مريم من ابنتها حبيبتي كنت حابه أكون معاكي بس انتي شايفه الظروف .

رحاب .. حبيبتي ياماما أنا كان نفسي اكون معاكم للآخر بس انتي شايفه ال بيحصل بنفسك .

مريم تربط علي كتفها استحملي يا حببتي من فرحتها دول خمس سنين .

يرحل يوسف وآمال ورحاب تاركين الجميع يداعون لهم بأن يكمل فرحتهم علي خير .

______________________

استغفر الله العظيم .

امير خرج من المنزل يتحدث في هاتفه

امير .. خلاص انا علي وصول عشر دقائق وهكون بالمطعم يقود سيارته بسرعه يشعر بأن الطريق

لا ينتهي ينظر في ساعة يده يشعر بمرور الوقت

ولازال الطريق طويل ،بعد قليل وصل إلي المطعم ترجل من سيارته اعطي المفتاح لعامل ليقوم بصفها

ليدخل المطعم

يخطو بقدمه للداخل يمشط المكان بعينيه ليجدها تجلس على إحدى الطاولات فى المنتصف يتقدم منها بانبهار لتقف عند اقترابه تحييه يتفحصها بجرئه غير معهوده عليه فلقد جذبه فستانها الاسود الهادئ ذو الأكمام يتخلله فواصل من الجلد يصل حتى ركبتها يحدد منحنياتها بدقه مع زينه وجه كامله تطلق لشعرها العنان تضع عطر ذو رائحة جذابه ليمسك بيدها كالمغيب يقبلها امير: ايه الجمال ده كله

سلوى بابتسامه ولهه فلقد أسرتها طلته كليا :مرسى على ذوقك

ليشير لها بالجلوس وهو لايزال يمسك بيديها أعينهم متصله يخرجهما مماهما فيه صوت النادل

النادل :احم حضراتكم تحبوا تطلبوا ايه

امير:تحبى تشربى ايه

سلوى :اى حاجه فريش

امير:اتنين عصير فريش واحنا منتظرين ضيوف

النادل :المدام أدتنا خبر يافندم ليرحل بعدها

امير:على فكرة انتى فعلا شاطرة فى شغلك اوى

سلوى :دى شهادة اعتز بيها بس لسه اول يوم مش يمكن تغير رايك بعد كده

امير :تؤ أنا ليا نظرة برضه

لتضحك عليه بخفه لتنتبه على دخول الوفد المكان

سلوى :الجماعه وصلوا

ليقفا فى استقبالهم وسط عبارات المديح من قبلهم لسلوى بجمالها وأناقتها وهى تشكرهم بثقه عاليه بنفسها على تلك المجامله اللطيفه ليجلسوا جميعا حول طاوله

أحد الضيوف :فلندخل مباشرةً فى الموضوع فليس هناك وقت لنضيعه لتتول سلوي الترجمه ببراعه

امير ينظر لها بانبهار وتحدث لهم ولا نحن أيضا

لتتول سلوي الترجمه بين الطرفين

ليتحدثوا فى العمل والتفاوض حتى الوصول لتسويه مرضيه للطرفين بعد ساعتين متواصلين من الحديث ليستاذن الوفد بالذهاب لارتباطهم بمواعيد أخرى مع اتفاق بإرسال العقود غدا للامضاء

بعد ذهابهم

سلوى:صعبين جدا بيتناقشوا فى اقل التفاصيل

امير وده ال بيميزهم والشغل معاهم اضافه لينا

لتصدح موسيقى هادئه بالمكان ينظر حوله يجد كل ثنائي ذهب للرقص ليضحك ضحكه خافته بسخريه يتذكر حضور زوجته حنان معه فى أحد الحفلات الخاصه بأحد رجال الأعمال

امير: نونه بقولك ايه ماتيجى نرقص

حنان :ياخبر ياااامير لا طبعا اتكسف أنى ارقص وسط الناس دى كلها

امير يابنتى ماهو كله بيرقص تعالى بس وسيبى نفسك

حنان لا امير لما نروح نبقى نروح ونرقص زى مااانت عايز

امير بضجر خلينا واقفين نتفرج

لينتبه على صوت جانبه

سلوى ال واخد عقلك

لينظر لها قليلا ليقف يمد يده لها

امير :سيمى ترقصى

سلوى بالتأكيد

ليصطحبها إلى حلبه الرقص ممسك بيدها يتمايلان على أنغام الموسيقى الهادئه كالمغيبان

يدلف سمير لذات المطعم مع أحد أصدقائه يتفحص المكان حوله لتتسع عينيه وهو يرى امير يراقص احداهن بتلك الحميميه تعطى له ظهرها

سمير فى نفسه ده امير ومين دى ال معاه معقوله تكون مراته بس لا مااعتقدش أن امير ال اعرفه هيسمح لمراته تخرج بالهيئه دى

أثناء دورانه بها يشهق سمير وهو لايزال متابع لما يحدث

سمير بهمس سيمى سيمى يااامير ليقول بصوت عال. خارج إرادته غبى

صديقه:غبى مين ده

سمير بقولك ايه المكان ده مش عجبنى يالابينا

صديقه مش عجبك ازاى ده روعه واكل تحفه اصبر بس

سمير بحده انا ماشى عايز تعقد خليك هروح مكان تانى

صديقه بالراحه بس جاى معاك استنى ههحاسب

اطلع بس جهز العربيه وانا ههحاسب ليدفعه دفعا للخارج

صديقه :لولا أننا فى مطعم كنت قولت بتوزعنى

سمير خفيف يالا ليكمل بعد رحيله صدقت فيها البيه ناسى نفسه خالص قالها وهو يراقب امير المغيب عمن حوله ليحاسب النادل ويلتفت عليه مرة أخرى قبل أن يرحل

سمير لازم تفوق يااامير لازم كده هتضيع ياصحبى

تنتهى الموسيقى وتصدح اصوات التصفيق من حولهم لياخذوها ويعودوا مرة أخرى لطاولتهم يحاول امير استجماع شتات نفسه بينما سلوى لا زالت مأخوذة بتلك الهالة المحيطه به لتنظر الى شاشه هاتفها

سلوى:يااااااه الوقت اتاخر اوى لازم امشى

امير:اوك هوصلك

سلوى :بجد مرسى لذوق حضرتك بس انا معايا عربيتى

امير:انسى مش هينفع اسيبك ترجعى فى الوقت ده لوحدك وخصوصا أنى السبب فيه اقصد الشغل

سلوى :صدقنى مش هينفع

امير :خلاص روحى بعربيتك. وانا هكون وراكى بعربيتى وكده اكون مطمئن

لتؤمى له برأسها وتخرج أمامه ويرحل هو خلفها

طوال الطريق تنظر له سلوى من مرآه سيارتها تشق ابتسامتها وجهها لأول مرة يهتم أحدهم بأمنها وسلامتها

بينما امير يلحق بها بسيارته يحتاجه شعور غريب تجاهها شعور يرووقه كثيرا

لتقف سيارتها أمام إحدى البنايات العاليه بتلك المنطقة الراقيه لتترجل بعد اصطفافها تدلف للداخل لتقف لتلتفت برأسها له تجده لا زال فى سيارته لتودعه بيديها ليشير لها وهو ممسك بهاتفه لتستمتع لصوت رنات هاتفها واسمه على الشاشه

سلوى خلاص وصلت مرسى كتير تقدر تتفضل تعبتك معايا

امير اطلعى شقتك وشاوريلى من فوق

لتنظر بحاجب مرفوع وضحكه صغيرة

امير بأمر لا يقبل النقاش ياااااالا

لتصعد سريعا لشقتها تفتح الباب بمفتاحها تزيح الخادمه من طريقها تدلف إلى الشرفه لتنظر له تجده يقف خارج سيارته متكئا عليها لتطلب ليجاوبها وهو يرفع رأسه لأعلى

سلوى تمام كده

امير تصبحى على خير

سلوى وانت من اهل الخير

ليصعد سيارته راحلا ببسمه والأخرى لا تزال تقف تنظر فى أثره حتى اختفى لتدلف لغرفتها تبتسم باتساع

_____________الحمد لله

تذهب ايه للمطبخ تشرف على الخادمات وتدلى لهم بالتعليمات

ايه:بصوا ياجماعه هتحضروا سفرتين السفرة ال بره الرجاله وانتى وانتى هتدخلوا جوه عند البنات تجهزوا الطربيزات وتحضروا سفرة للستات مش عايزة غلطه تمام

اكبر الخادمات سنا:ماتقلقيش ياست ايه كل حاجه هتبقى تمام ربنا يجعلها جوازة الظهر ويرزقه بالخلف الصالح يارب لتمم ايه على دعاءها بقلب صادق

تذهب ايه عند مجلس الرجال تخبرهم بأن العشاء أصبح جاهزا ليقوم الجد ومعه أبناءه. مرحبين بالمأذون وفؤاد وكارم

وبالداخل تجلس السيدات يتناولن طعامهن بضحك وتهامس فيما بينهم لتميل ايه على حنان

ايه :حنان فين امير كل ده يوسف وياسين رجعوا من بدرى

حنان :عنده شغل يااايوش وهيتاخر بره لتربط ايه على يديها

ايه:ربنا يهدى سركم يابنتى لتقابلها حنان ببسمه على تلك العمه الطيبه والحماالحنون التى حظت بها

لتميل ايه على مريم من الجهه الاخرى

ايه :مريم بقولك هو مش المفروض نقعد مع ملاك ونفهمها تتصرف ازاى انهاردة

مريم باستغراب ماااتكلمنا كلنا معاها وفهمناها وطمنها هنتكلم فى ايه تانى

ايه:, يابنتى خالد بقاله كتير بعيد عن الستات وملاك الله اكبر جمال وانوثه

مريم انتى تعرفى عن خالد كده أبنى متربى كويس مالوش فى الكلام ده

ايه ابنك فى الاول والاخر رجل وده لاعيب ولا حرام دى مراته ممكن تحصل حاجه بينهم وقتها لازم تكون فاهمه

مريم تصدقى من كتر مناغشتك انتى وآمال لبعض بهتت عليكى حاسه انى آمال ال بتتكلم

لتمد ايه رأسها قليلا ماما ماما

الجده بهمس ايه فى ايه

ايه بقول لمريم اننا المفروض نشرح لملاك طبيعه العلاقه ال بين الزوجين ازاى علشان ماتتخضش وتخاف ومريم مش موافقة

الجده يابنتى طبيعه العلاقه بين الرجل والست حاجه بالغريزة

وفى حاله خالد وملاك هتيجى بالمودة والحب ال هيتزرع

فى قلوبهم مش هتحتاج وقتها لحد يشرحلها وخالد هو ال هيطمنها ويفهمها

مريم سمعتى أهدى بقا

لترفع ايه يدها يارب يفهمها بسرعه نفس اشيل بن خالد بين ايديا قريب لتؤمن الجده على دعاها بحرقه لتضحك مريم من قلبها تضرب كفا بالاخر

__________سبحان الله عدد ما كان

وصلت رحاب وآمال ويوسف لعيادة الطبيبه النسائيه لتخبرهم المساعدة بانتظار الطبيبه لهم منذ وقت طويل وتفسح لهم المجال للدخول

الطبيبه اهلا اهلا اتفضلى يامدام رحاب على السرير هنا اتفضلوا حضراتكم

يجلس كلا من يوسف ووالدته

الطبيب وهى تضع السائل على بطن رحاب زى ماقولتيلى واتس متأخرة عن معادها اسبوعين

لتؤام رحاب برأسها ايوه وعملت التحليل من يومين الصبح زى ماقولتى وصورتهولك

الطبيبه وهى تتفحص شاشه التلفاز أمامها :تمام اهو ظاهر قدامى اهو لتقف آمال مسرعه عقب سماعها كلام الطبيبه لتقف جانبها

امال فين هو فين مش شايفه حاجه بينما يوسف لحق بوالدته ليجد رحاب تنظر لشاشه أمامه بعيون دامعه ضاحكه ليمسك يدها لينظر إلى ماتنظر إليه

الطبيبه اهو النقطه السوداء الصغيره دى لينظر يوسف لما أشارت له بشغف يده تضغط على تتشبث بيد زوجته لتتشبث هى الأخرى بيده ترأف الطبيبه بحالهم وهى ترى دموع رحاب ونظرات زوجها

لتنطف آمال فجاءة هو ممكن ناخد صورة صغيره

رحاب ياريت ينفع يادكتورة صوره ماما والعيلة. تشوفها

اكيد ممكن اتفضلى انزلى بس بالراحه فى شويه تعليمات لازم نخلى بالنا منها الفترة الجايه لتجلس الطبيبه تدون بعض الملاحظات ويوسف يساعد رحاب بالنزول

آمال خير يادكتورة فى حاجه قلقتينى

الدكتورة:خير ماتقلقيش بس واضح أن الحمل حصل فى الأيام الأخيرة والجنين عند عنق الرحم فلازم راحه الفترة ال جايه مش لازم يحصل اى مجهود على الأقل شهر قدام لتنظر ليوسف ليؤمى برأسه

آمال التسع شهور هنومها على ظهرها

الدكتورة:غذاء والادويه دى والأهم تمشى على المثبت بانتظام والراحة النفسية قبل اى شئ واشوفها بعد اسبوعين نشوف. النبض ليشكروها بشده

خارجين من البنايه الفرحه لا تسع آمال يوسف يرى الفرحه ولكن هناك أيضا لمحه من الحزن ليصعد زوجته للسيارة وياخد والدته جانبا

يوسف ماما

آمال نعم ياحبيبى

يوسف كنت حابب أنى اخد رحاب لمطعم ونتعشى بره يعنى نخرجها من ال هى فيه

آمال باندفاع لا طبعا الدكتورة قالت راحه تامه

يوسف هنمشى العربيه بالراحه

آمال الغذاء لازم يكون كويس ومضمون والمطعم اكله مش مضمون

يوسف مطعم سبع نجوم واخد الجوده

آمال بس يابنى

يوسف نسيتى الدكتور قالت نراعى حالتها النفسيه وخرجت من غير عشاء من البيت

آمال امرى لله يالا بينا على المطعم. لينظر يوسف لها وهى تصعد السيارة ببلاه وفم مفتوح.

_____________

بعد انتهاء العشاء ورحيل المأذون

فؤاد .. عمو عامر حضرتك عارف خالد متواجد فين .

عامر .. ينظر في ساعه يده اكيد في الشركة هتصل بالأمن يبلغوني اول ما يخرج من الشركة

اخرج عامر هاتفة واتصل علي الأمن

عامر .. حسين ياريت تبلغني اول ما خالد يخرج من الشركه .

حسين فرد امن بالشركه .. خالد بيه خرج من بدري يا فندم بعد ما وصل بعشر دقايق ليغلق عامر الهاتف عاقد حاجبيه يتساءل ترى ماذا حدث ليميل على فؤاد خالد ساب الشركه وخرج

فؤاد بحيرة طب وحضرتك عندك فكره عن مكانه دلوقتى

عامر بحسرة فى بيته يابنى خالد مش بيخرج غير على شغله وبس وبعدها يرجع على سجنه على طول

فؤاد بحزن على رفيقه لايعقل أن حادث أوصله لهذه الحاله صديقه مثقل الكاهل يحمل على أكتافه مايتجاوز تحمله

فؤاد وهو يرى القلق يعود إلى كارم .

فؤاد مافيش. وقت نضيعه كارم بيه جدى لينظروا إليه

فؤاد حضراتكم مع عمى عامر وملاك هتتحركوا دلوقتى وتروحوا عند خالد وزى ماااتفقنا

الجد وانت يابنى مش هاتيجى معانا عنده

فؤاد ماتقلقش ياجدى هو ال هيجينى

أستاذ كارم زى مافهمت حضرتك تشرحله الحاله وتجاوبه على اسئلته كلها ليتابع وهو يبتلع ريقه وتسيبله الكارت بتاعى علشان يتواصل معايا اوم كارم برأسه

يذهب عامر لإحضار ملاك ليوقفه فؤاد

فؤاد:عم عامر ياريت أستاذ كارم يتفضل معاك هيكون افضل ليذهب كلاهما يطرق عامر على باب الغرفه لتفتح مريم ليتحدث دون النظر لها ياريت تنادى ملاك علشان هنتحرك

مريم خلاص دلوقتى

ليشير له برأسه لتدخل ببسمه ودموع تجاهد الا تنزل

مريم ،موكا حبيبتى

ملاك نعم ياماما

مريم يالاياقلبى بيت جوزك مستنيكى لتقف ملاك أمامها يعنى خلاص همشى

مريم وهى تعيد خصلات ملاك للخلف هتنورى بيتك ياحبيبتى

بس انا مش عايزة اسيبكم

مريم واحنا مش هنسيبك وعلى طول معاكى

لترتمى فى حضنها تستمد منه الطمأنينة ومريم حزينه لفراقها لم تحزن يوم زواج اى من بناتها فهم لم يتركوا بالأساس ولكن ملاك الابنه التى ستتزوج وترحل بعيدا عنها لتدعو الله داخلها ان ينير بصيرة ابنها وان يعود كلا من ابنها وابنتها مرة أخرى لاحضانها

لتخرجها من حضنهاتحت تأثر الجميع يالا ياقلبى الجماعه مستنين بره لتقفن الفتيات يودعونها ابتسامه مع دعا كلا من ايه والجده بصلاح الحال لتخرج تجد عمهايقف. بانتظارها لتشعر بالطمأنينة لتتحدث داخلها وهى تنظرله علشانك وعلشانهم وعلشانى. لتبتسم بعدها وتضع يدهابزراعه لتخرج من باب الفيلا تحت اصوات الزعاريت التى أطلقتها الخادمات بأمر من مروة التى أمرت باصطفافهم واطلاقها عند خروجها لينظر ياسين لها لتشير بيدها على الخادمات ليضحك بقله حيله من تصرفات تلك الجنيه

يصعد كارم سيارته وبجانبه والده وفى الخلف كارم يمسك يد أبنته يخف كلا منهم قلقه عن الآخر

بعد وقت ليس بقليل تقف السيارة أمام فيلا ليهبط عامر يفتح الباب لوالده لتتوتر ملاك تنظر لعمها ليحدثها

كارم: ماتخافيش وافتكرى كلام جدتك ومامتك يابنتى وحطى فى بالك أن ده كله علشان مصلحتك لتتذكر دعاء كانت العمه ايه تلقنها اياه طول جلستهم بعد كتب الكتاب

ايه:ملاك ياحبيبتى اول ماتنزلى قدام البيت تقراى الفاتحه وتقولى اللهم الف بين قلوبنا واصلح ذات بيننا واهدنا سبل السلام احفظيه وقوليه كتير لتفعل ملاك ماقالته عند وقوفها أمام الباب لتتلوه عده مرات ليضرب عمهاعامر على جرس الباب بينما بالداخل فخالد ممسك بصورة في يده ونظره مصلت علي الحائط دموعه تسيل علي وجنتيه صوت يخرج بصعوبه

رفع الصورة بيده باتجاة فمه يقبلها قبلات متفرقة

خالد:سامحيني يا حبيبتي أنا السبب في بعدك عني النهاردة خمس سنين علي وفاتك كل يوم فيهم مر عليا بسنه .

اغمض عينيه دمعاته تنزل بسرعه بشده نفسه يعلوا بسرعه غريبه رجع بذاكرته قبل خمس سنوات

يوم زفافه من حبيبته التي أحبها من اول وقوع بصره عليها زفاف ضخم أقام له جده لأكبر احفاده

الذكور ،زفاف اسطوري بكل ما به من مظاهر الاحتفال وشخصيات سياسية واقتصادية وعالية القوم ، زفاف خالد الخديوي حفيد هاشم الخديوي اكبر مصدر فاكهه علي مستوي الجمهورية

وابن عامر الخديوي مدير كبري شركات تصدير الفواكه في مصر شركات الخديوي جروب .

علي حبيبته حنين السلمي بنت الدكتور احمد السلمي

اشهر طبيب في الاسكندريه وصاحب مستشفيات السلمي ،زفاف ضم رجال الأعمال والمستثمرين وأشهر الأطباء .

انتهي الحفل وبعد المباركات والتهنئة ،اصطحب خالد عروسه بسيارته متوجهين ل مكان قضاء شهر عسلهم .

خالد يقود سيارته ممسك بيد عروسه يرفعها الي

فمه يقبلها ، انا اسعد انسان علي وجه الارض النهاردة اخيرا بقينا لوحدنا وهنبداء حياتنا سوا متعرفيش فرحتي كانت ازاى لما والدك وافق أننا ننجوز وتكملي الكليه بعد الجواز.

حنين برقه شديد وصوت كانغام الموسيقى أخيرا يا حبيبي بقينا لبعض .

خالد :ابتلع لعابه قبل يدها التف لها يخطف قبله من وجنتيها وهو يمتدح جمالها الصارخ .

حنين بخوف وصوت مهتز حاسب يا خالد

التف خالد للامام ليرى سيارة نقل كبيره محمله معدات ثقيله قائدها غير عابئ بباقي السيارات جوارةليقلل من سرعه سيارته ليتفادى الاصطدام بها من الامام بصعوبه ليحدث مالايحمد عقباه اثر انفلات الحموله الموجودة على السيارة بالطريق

خالد حنين انزلي بالدواسه بسرعه التف كان القدر اسرع انحرفت سيارته أثر اصتدمها بسيارة جوارها لا يستطيع

السيطرة علي السيارة مع اندفاع سيارة أخري من جهة حنين ليقذف من السياره على جانب الطريق اثناء انقلاب السيارة من شده الاصطدام

لتغمض عيونه بعد صرخته حنيييييين.

يفيق من ذاكرياته علي صوت رن جرس الباب .

يقوم ببطء شديد يفتح يسحب قدميه بصعوبه فهي أصبحت كالهلام يجفف تلك الدموع المنهمرة بيديه

فتح الباب ليجد جده ومعه أبيه وعمه كارم قريب لامه وفتاة لم يتعرف عليها ترتدي فستان ابيض وورود صغيرة لم يتعرف عليها فئ بادئ الامر

الجد : السلام عليكم ورحمة الله .

خالد :ابتعد عن الباب ليد خل الجد ومن معه مستغرب وجود كارم وتلك الفتاة مرددا السلام .

بعد قليل علا صوت خالد ايه الكلام ده يا جدي مرات مين ازاي مراتي وانا اخر من يعلم.

استغفر وا الله لعلها ساعة إيجابه .

الثاني عشر من هنا

تعديل المقال