رواية دموع السيف الفصل الثالث 3 بقلم هايدي الصعيدي
سيف نزل القاهرة متوشح بالسواد والحزن الي طغي ع ملامحه وكان ف استقباله سالم والحارس الشخصي تميم واخوه فارس ومعاهم مها وياسمين
+
جريت مها عليه حضنته وهي بتبكي بحرقه بعد ما سيف قالها الخبر يوسف ده كان ابنها التاني ..
+
سيف حضنها ودموعه نزلت تحت نضرته الشوبارد وهو لحد دلوقتي مش مستوعب ان صاحب عمره خلاص مات ومش هيشوفه تاني ...
2
قرب سالم وربت ع كتفه : شد حيلك يا سيف ربنا يرحمه ..اهدي يا مها كله بتاع ربنا
+
: ونعم بالله
+
قالتها مها وهي بتحاول تسيطر على نفسها
+
سيف باس دماغ امه بعد ما اومأ لسالم وقرب منه فارس وحضنه وهمس بحزن : انا مش عارف اقولك
ايه بس انا جمبك ومعاك انا عارف اني عمري ما هوصل لمكانته عندك بس اعتبرني مكانه ف اي وقت هتحتاجني هتلاقيني ربنا يرحمه يا سيف
2
سيف ربت علي كتفه وبعد عنه اول ما شاف تبوت يوسف خارج ودخل عربية نقل الموته سيف انهار وبقا مش قادر يمنع شهقاته بص لامه بقهر
+
: يوسف مات يا ماما يوووسف صاحبي رااح انا لحد دلوقتي مش عارف اقول لامه ازاي هدخل علي مراته الي منتظراه يرجع بتبوته.. انا السبب انا
الي خدته معايه انا الي جبته من شغله انا السبب
8
مها ببكي :متقولش كده يا حبيبي دا قدر ومكتوب بس يا حبيبي عشان خاطري وخاطري يوسف مش بيحب يشوفك حزين عشان خاطره متعملش في نفسك كده وبعدين ده قدره وحياته لحد كده وكلها اسباب يا بني شد حيلك ولو ع الخبر انا كنت مضطرة اعرفهم عشان ميتفجعوش وانت داخل عليهم بتبوت كان لازم يعرفو بدل ما الفجعه تبقا اكبر ويقدرو يتحملوا المصيبه يا بني
+
سيف قلع نضرته ومسح عنيه و وشه بقهر وهو بيومأ : يلا يلا يا امي عشان الحق ادفنه ف النور صحبي مش بيحب العتمه
7
انهي كلامه وجهش ف البكي تانيه وهو بيركب العربيه جمب فارس ..
+
ومها وياسمين مع سالم وتميم وطلعو علي بيت يوسف ووراهم العربيه الي شيله تبوت يوسف ..
+
وصل بيه عند بيتهم وهو سامع الصريخ والعويل واعلاهم صوت مريم حببته وصحبته ومراته
الي طلعت تجري ع جثة جوزها زي المجنونه ..
+
مريم بعويل يقطع نياط القلب : يوووووووسف ااااااه يا حبيبي موت وسبتني لمين يا يوسف عيااالك ي ابو سيف عيااالك.. موووت من غير ما اشوفك يا غااالي موت ف الغربه يا حبيبي حقك عليا حقك عليا يا يوسف
4
قربت منها مها وياسمين الي بعدوها عن التبوت بالعافيه وسيف قرب شاله هو وتميم وفارس
وبعض الجيران ودخل بيه البيت
+
وبعت جاب المغسل والكفن وسيف مقدرش يقف ع غسله بعد ما شاف منظر امه ومراته وهو حاضن عياله وبيطلب سماحهم والعيال صغيرة ومش مستوعبين ..الا سيف الكبير .
+
خلصت الدفنه وتنصب العزا واهل سيف موجدين وسيف بعد ما وقف ف عزا صاحبه خد بعضه
وراح المدافن بعد العشا ووقف ع قبر يوسف
+
سيف ببكي : انا جيت ابات معاك مش هسيبك تنام لوحدك يا صاحبي مش هسيبك يا يوسف ف اول ليله ليك تحت التراب يا غالي مش هنساك عمري كله يا ابو سيف
10
وقعد جمبيه على القبر وبقا يتكلم وكانه قدامه ومره يضحك ومره يبكي بعد ما مسح وشه : انا شكلي هتلبس بسببك ياض وانا بكلم نفسي زي المجانين
8
وفضل قاعد قدام قبره لحد ما الصبح طلع سلم عليه ومشي امه رنت عليه وهو خارج المدافن.
+
مها بقلق : انت فين يا سيف من امبارح اختفيت وبرن عليك تليفونك مش مجمع شبكه ليه تخوفني عليك يا ابني
+
سيف بحزن : كنت بايت مع يوسف يا ماما
+
مها بصدمه : بايت معاه فين يا حبيبي
+
سيف بدموع : بايت معاه ف المكان الي خده منه
+
مها لطمت : يالهوووي بايت ف المقابر من امبارح يا سيف انت مش خايف علي نفسك يا بني
+
سيف بغصه : غصب عني مش قادر اصدق لحد دلوقتي ان يوسف راح
+
مها بحزن : وحد الله يا حبيبي وحد الله يا سيف مش كده يا ضنايا
+
سيف اتنهد : لا اله الا الله يا امي
+
مها بلهفة : ربنا يخليك ليا يا سيف يلا تعالي بقا شوية انت وحشني اوي ونفسي اقعد معاك كتير يلا مستنياك نتغدي سوي هعملك ورق عنب زي ما بتحب
+
سيف ابتسم بهم : والله ما ليا نفسي حتي اتنفس بس حاضر عشان خطرك يا حببتي
+
وقفل مع امه وخد العربية وطلع على فيلا سالم الالفي وقف قدام البوابة الي عليها حرس وبصوت عالي نسبيا
+
: افتح البوابه دي ي بني
+
الحارس الجديد : مين حضرتك
+
سيف بنرفزه : مين حضرتي انجز ي بني وفتح البوابة انا مش ناقص ع الصبح
+
الحارس بلغ الريس بتاعهم وجيه تميم مفكر فيه مشكله وفتح البوابه وخرج وقرب من العربيه
+
تميم بجديه : سيف باشا اعذرني الحارس جديد ميعرفش حضرتك اتفضل وسع يا بني منك ليه اتفضل
+
سيف اومأ ببرود ودخل بالعربية ونزل ف فيلا يرمح فيها الخيل واراضيها مالا نهاية دخل البهو وكانت مها ف ستقباله ومعاها ياسمين الي لمحها تميم وبصلها بغضب ولف وشه ..
1
دخل سيف وقعد في الصالون بحيل مهدود من ساعة موت يوسف وعينه مدقتش النوم حط صوابعه علي عضم منخيره بإرهاق
+
ياسمين : حمدلله ع السلامه يا سيف شد حيلك
+
سيف رفع راسه وبتسم بهدوء : الله يسلمك يا حببتي
+
