رواية نيران الحب الفصل التاسع والثلاثون 39 والاخير بقلم اماني المغربي
نيران الحب 
({39} االخاتمة لان الناس كلها اجمعت أن النهاية وحشة وانا اعترف كانت غلطة مني اني نهتاها بالشكل دا
({39} االخاتمة لان الناس كلها اجمعت أن النهاية وحشة وانا اعترف كانت غلطة مني اني نهتاها بالشكل دا اتمني الخاتمة تنال اعجبكوا
لا حولا ولا قوة إلا بالله العلي العظيم
اتنهدت منه..... بفكر في إلي حصل لينا زمان
لفها واضعا جبينه علي جبينها.... احنا مش قولنا ننسا الماضي
حضنته وبكت.... مش قادرة ي مراد مش قادرة اصل إلي حصل لينا مش شوية خاصة لما شفت عز النهاردا كل الذكريات إلي اندفنت رجعت صحيت تاني انت مش شايف عز نسخة طبق الأصل من إلي اسمة منير
حاوط مراد وجهها ومسح دموعها.. اششش بطلي عياط و انسي كل حاجة ورميها ورا ظهرك وبعدين انا معاكي أن عز بقا شبه الزفت إلي اسمة منير بس هو كلة انا شخصيتة وأسلوبة وكل جاحة بتقول انه ابني فبلاش تفتحي الموضوع دا تاني لأني ما صدقت عز اتقبل الموضوع واتفهم اني انا إلي مربية ومش ابوه الحقيقي فارجوكي ي منة انا ما صدقت عز رجع تاني فبلاش نفتح في صفح الماضي
هزت رأسها بالموافقة وحضنتة
ابتسم مراد وحضها و تتطلع إلي الأولاد وهم يحتفلون برجوع عز
ليبتسم و يرجع بذاكرتة إلي الوراء ٢٥ سنة
فهد .... حمد الله بسلامة ي أبطال
مراد .. الله يسلمك ي فهد بية انا بجد مش عارف اشكرك إزاي
فهد ..دا وجبي ي مراد بيه وبعدين انا معملتش حاجة انتو إلي كُنتوا أبطال انا كنت مجرد عامل مساعد
فهد .. صحيح إي أخبار اخت حضرتك
اتنهد مراد .. الحمد الاه بقت احسن والجنين أنقذوا
فهد .. ربنا يقومها ليكوا بسلامة استأذن من حضرتك لان سيف وسميرة مستنيني عشان ننهي الإجراءات تبع القضية
مراد... إذنك معاك
توجة مراد إلي منة ويحضنها.. انتي كويسة
حضنتة ودمعت. ايوة بس خايفة قوي علي كوثر
مراد.. ما تخفيش ي حياتي هو مش الدكتور طمنا وقال انها بقت كويسة
هزت رأسها ثم تسندها علي صدرة و يغمي عليها
مراد بخوف. مننننة منة ليحملها ويجري بها علي اقرب اوضة للكشف
كان بيتر يجلس ممسكا بيد كوثر الغائبة عن الوعي وينظر لها بحزن متذكرا عندما كانت غاضبة منة
فلاش باك
بيتر.. احم احم
نظرت له بطرف عينيها ونظرت إلي الكتاب
مسح شعرة. ربنا يستر
اقترب منها واضعا قبلة علي خدها .. ممكن افهم الجميل زعلان لي
دون أن تنظر له... مافيش
اخذ الكتاب.. لا زعلانة من ساعة ما سبتك وانتي زعلانة
وقفت وربعت إيدها.. كويس إنك خدت بالك
لفها له... في إي كوثر مش احنا اتفقنا نكون صرحة مع بعض
كوثر بغضب مبعدة يده.... قول لنفسك
بيتر بحدة .. في إي ي كوثر إي شغل العيال دا إلي عندم قولية من غير لف ودوران انا اصلا فيا إلي مكفيني
هزت رجلها بعصبية ومسكت دموعها... شغل عيال مافيش ي بيتر ما فيش روح نام وسبني اقراء رواياتي
اتنهد بيتر بتعب وحاوط وجهها بحنان....... لي عاوزة تحطي بينا حواجز بعد ما صدقنا إنها اتشالت
ابعدت يدة وقالت بغيرة وعتاب... مش انا إلي بحط انت إلي بتحط ممكن افهم مين الرقم إلي انت مسجلة حياتك واول مرن نسيت كل إلي حواليك
ضحك بيتر
لتغضب كوثر أكثر... بتضحك طب طلقني ي بيتر انا اصلا الي اني رديت اتجوز واحد قد ابويا
توقف بيتر عن الضحك و احتدت عينة... قد إي
اترجعت بخوف الي الوراء عندما بداء يقترب منها
بلعت ريقها. ليشدها من زراعها لتقع في حضنة ويرفعها لمستواه همس... انتي قولتي انك شيفاني قد ابوكي صح
هزت رأسها بالنفي مع صعوبة تنفسها
لمس خدها برقة. اومال شيفاني إزاي
ضغط علي خدها لتتألم قليلا ليهمس بحدة ...شيفاني إزاي ي كوثر
بلعت ريقها.... شيفاك عملاق ملون
ابتسم لها ووضع حبينة علي جبينها... وانا شيفك طفلة
اتغاظت كوثر.. طفلة في عينك بق دا كلة وطفلة
اقترب منها.... واحلي طلة في حياتي
دفن رأسه في عنقها.... الرقم إلي كلمني مكنش غير اختي سميرة
كوثر بسعادة ...بجد
ابتعد عنها واعطي لها ظهرة. ايوة ولو م مصدقن ممكن تاخدي ووتتأكدي
حضنتة.. مصدقاك وحياتك عندي مصدقاك
ابعد يدها بحزن مصتنع .. بس انا زعلان لانك شكيتي فيا برغم اني كنت لسا معترف ليكي بحبي
وقفت أمامة رافعة حاحبها عاقدة يدها علي صدرها ..... وانت مفكر لما اشوفك مسجل علي موبيلك واحدة بحياتي ولا كمان بتقولي دي أهم منك اعملك اي احضنك و ولا ابوسك
حملها التنين ي روحي التنين
رفعت رجلها في الهواء .. ابعد ي بيتر عشان انا لسا زعلانة
قبلها بسرعة... والجميل لسا زعلان لي
تعلقت في عنقة .. عشان عاوزك تحبني انا اكتر من اي حد
اقترب منها .. ودا إلي بيحصل ي طفلة قلبي
كوثر بدلع... بيتو
وضعها علي الفراش.. عيونة قلبة
كوثر وهي مازالت متعلقة في عنقة..... عاوزه المس الصقف
اقترب منها.. حاضر بس بعد ما اقولك كلمة سر
باك
قبل كف يدها....وحشتيني مش ناوية تقومي
كوثر بين النوم واليقظة. بيتر
اقترب منها سريعا. قلبة
فتحت عيونها ووضعت يدها علي بطنها وعيطت... ابننا
مسح دموعها.. كويس ابننا كويس
كوثر .... احضني ي بيتر
لبي طلبها لتبكي داخل احضانه فما مرت به ليس بقليل
سبحان الله وبحمده سبحان العظيم
مراد بخوف .. طمني ي دكتور منة اخبارها كويسة
د..... ماةتقلقش ي مستر مراد مدام منة كويسة الضغط بتاعة كان مرتفع شوية بس الحمد الله هي والجنين بخير
مراد بصدمة.. جنين
د..... هو حضرتك ما تعرفش مدام منة حامل في شهرين
مراد بسعادة.. مكناش نعرف
د.... علي العموم الف مبروك واتمني بلاش تتعرض لا ي ضغط او إي أنفعال لان دا هيعرض الجنين لإجهاض عن إذنك
منة ... اه هو إي إلي حصل
مراد بحدة.... إلي حصل ي هانم ما ينفعش يتقال هنا
تجمعت الدموع في عيونها.. مالك ي مراد انت بتكلمني كدا لي
ابتسم مراد ومسح دموعها..... كنت ناوي اهزر معاكي بس حبيبة قلبي ما بتتححملش الهزار
ضربتة علي صدرة.. والله انت غتت وانا مش هكلمك تاني
حاوط وجهها. اهون عليكي طب ابني ولا بنتي إلي في بطنك هيقولوا عليا إي
وضعت يدها علي جبينة ... انت سخن ي حياتي كوثر هي إلي حامل مش انا
اقترب منها. صححي معلوماتك ي روحي كوثر وانت كمان شهور هتجبلنا كتاكيت صغيرة
وضعت يد علي فمها من الصدمة ويد علي بطنها... بجد ي مراد بجد يعني انا حامل منك يعني انا شايلة حتة منك
عيطت من الفرحة ليمسح مراد دموعها.. هو إنتي في الحزن بتعيطي والفرح بتعيطي
حضنتة منة ... اعمل اي بقا نصيبك كدا
اقترب منها.. واحلي نصيب
اوقفتة.. مراد عيب احنا في المستشفي حد يشوفنا
مراد. إلي يشوفنا يشوفنا واحد فرحان وبيبارك لمراتة هما اش دخلهم هما
صلو علي النبي
علي .. ادخلي ب ماما ادخلي ي روجين
االام.. ..كتر خيرك ي بني صحيح ربنا كريم خد مننا ياسر ربنا يرحمة وبعتتك لينا بدل عنة
لينظر كل من روجين إلي بعضهم
لتكمل الام حديثها.. تعرف ي بني انا كنت دايما بدعي ربنا أن روجين تلاقي الشخص إلي يقدر يحبها ويحتويها ذي ما ياسر كان بيعمل عشان كدا ربنا استجاب لدعوتي وبعت لينا ياسر تاني الحمد الله
ابعدت روجين نظرها عن والدتها فمجرد ذكر اسمة مر شريت حياتها معاه لتبكي تشعر بأن كل ما حدث معها صار بالأمس وليس من خمس سنين
علي ... إن شاء الله ي امي اكون عند حسن حظك تعالي بقا أنيمك لان اليوم كان صعب
دخلت روجين اوضتها وظلت تبكي ليتبعها علي ويحضنها لتبتعد سريعا كاتمه صرختها
علي اهدي ي روجين اهدي انا علي علي ي روحين
لترتمي في أحضانة وتبكي بحرقة كما لم تبكي يوما
ربط علي ظهرها بحنان . عيطي عيطي براحتك وطلعي كل إلي في قلبك لاني مش هسمح ليكي تعيطي تاني
لا حولا ولا قوة إلا بالله العلي العظيم
سميرة.. الحمد الله كدا اطمننا علي الكل واتأكدنا أن منير هياخد جزاتة هو وإلي ورأة بعد ما وصلنا للفديوهات واسماء الناس إلي بيشتغلوا معاه
فرحانة اكتر أن احنا قدرنا ندمر الفديوهات إلي كان بيهدد بيها البنات
سيف انت معايا
سيف .. ها اه معاكي
سميرة. مالك ي سيف حسا أن في حاجة حابب تقولها
وقف سيف العربية.. بصراحة اه بصي ي سميرة انا مقدر تعبك واجتهادك في الشغل بس انا مش هقدر استحمل أن مراتي تكون في القائد بتاعي
بلعت سميرة ريقها. يعني إي ي سيف
سيف بجمود.. يعني ي انا ي الشغل
تجمعت الدموع في عيونها ونظرت له بكسرة.... ورقة طلقي توصلي ي حضرة الرائد عن إذنك
انصدم من إجابتها لقد توقع انها سترضي بعد ما اخبرتة من قبل بأنها تعشقة قبل ما هو يراها اصلا ظن انها ستختارة هو
مسك ايدها قبل ما تنزل.. يعني إي يعني انتي فضلتي الشغل عليا
سحبت يدها وقالت بجمود...... ذي ما انت فضلت غرورك وكبريائك عليا عن إذنك
غضب.. في ستيهن داهية بكرة ترجعي ليا وانا ساعتها إلي هرفضك
ابتسمت بسخرية هذا هو الذي تعشقة كيف لم ترا ذالك الجانب من شخصيتة
تركتة لتبكي علي حالها اما هو يسوق بأسرع سرعة
خبطت علي الباب وهي تبكي لتفتح لها والدتها الباب
ليدب الرعب قلبها ... مالك ي سميرة إي إلي حصل
حضنتها سميرة وبكت اكثر ليخرج والدها بخضة
انوار . مالك ي روح بابا
ارتمت في حضنة..... هو لي بيحصل معايا كدا أنا تعبت لي كل ما ا فرح واقول خلاص الدنيا ضحكت ليا ترجع تسود من تاني..
ابتعدت قليلا عن والدلها.. هو انا وحشة للدرجادي ي بابا
لتشدها انها في حضنها.. قطع لسان إلي يقول عليكي كدا ي روحي
لتنصدم سميرة من كلامات والدتها
لتبتسم الام بحزن.. أنا عارفة انك مصدومة من كلامي و عارفة انك بتحسي اني بكرهك بس غصب عني أنا كنت بحزن عليكي لما اشوف كل البنات الي في سنك اتجوزوا وبيهتموا بنفسهم مع انهم حلوين وانتي كل يوم بتهملي في نفسك وين الجواز بيعدي
كنت بحاول اقسي عليكي واقلل منك ممكن تفهمي و تهتمي بنفسك
سميرة .. ببكاء انا مكنتش عاوزة غير كلمة حلوة كش غلطتي أن ربنا خلقني سمرا ومش حلوة
حضنتها امها وبكت. اسفة ي روح قلبي اسفة انا انا عارفة اني بقسوتي معاكي ظلمتك بس دا إلي ابويا وامي ربوني علية أن الحنية والطيبة ما تخلقش غير اطفال ضغاف وعدمين شخصبة
بكت سميرة...قصدك القسوة ما بتخلقش غير اطفال معندهمش ثقة في نفسهم ومعقدين نفسينا
قبلت كل وجهها.. سمحيني ي روحي سامحيني انا آسفة اسفة علي كل لحظة كنت بعملك فيها بقسوة تعرفي لما طلعتي من الببت عرفت قد إي انا كنت بقسي عليكي وظلماكي سامحيني ي بنتي
سميرة .... مسمحاكي مسمحاكي من أول ما بابا قالي انك عملتي إلي عملتية يوم عنتر عشان تكملي التمثلية
مسحت دموعها.. انا عرفت انا دلوقتي طلعت ممثلة شاطرة منين
حضنتها وظلوا يبكوا مع بعض ليبتسم الاب فاخيرا سميرة شعرت بحنان والدتها
استغفر الله العظيم
في نص اليل
ضرب سيف رأسه في دريكسيون العربية.. غبي غبي وطول عمرك هتفضل غبي انا إزاي عملت كدا ي متخلف متخلف
ساق العربية بإتجاة بيت سميرة وهو يشتم حالة كيف قال لها ذالك
خبط علي الباب بقوة
ام سميرة. ي ساتر يارب جيب العواقب سليمة يارب
سيف بتعب ... احم انا اسف بس ممكن اشوف سميرة
من الخلف ابو سميرة. اتفضل ي بني سميرة في اوضتها
ام سميرة...يدخل فين اكيد هو السبب في الحاله إلي هيا فيها دي
الاب بحزم.. ادخل ي بني شوف مراتك وانتي تعالي ي ام سميرة نتكلم جوا
دخل اوضتها ونظر لها بحزن اقترب منها ومسح علي شعرها
لتفتح عيونها...سيف
سيف بحزن. قلبة
حضنتة وعيطت ...انا بكرهك بكرهك ظلت تضرب علي صدرة .. انا بكرهك ي سيف بكرهك انت اي إلي جابك
زقتة.. يالي غور
مسك ايدها وحضنها.. انا اسف اسف د
حاوط وجهها ودموعه بداءت تنزل... انا بجد اسف انا كنت غبي واهبل لما قولت ليكي الكلام بس غصب عني شفت اهلي فينا امي كانت متمقنة في شغلها و شاطرة اما ابويا كان علي قدة في شغلة فسبتنا سبتنا عشان شغلها انا كنت محتاجها بس هي سبتني انا عشان اقدر اكمل حياتي خليتها ميتة عشان اقدر اكمل حياتي
انا اسف
مسحت دموعة وقبلت وجه.... اشش دموعك غالية عليا
حضنها.. انا اسف انا معرفش إزاي شبهتك بيها انتي غيرها غيرها في كل حاجة انا بحبك ي سميرة بحبك قوي سامحيني
سميرة.. وانا بحبك قوي ي روح سميرة
بعد عدة شهور
كوثر.. عاااااا مش هولد إلي لما بيتر يكون هنا هاتوا ليا بيتررررر
اقتحم بيتر الأوضة وهو بينهج. أنا اهو ي قلبي
عيطت وشاورت له
مسك ايدها ومسح دموعها ... انا معاكي اهو ي حياتي اهدي
مسكت رقبته وصرخت.... لو مت ي بيتر واتجوزت عليا هجيلك في احلامك واحولها لكوابيس انت فاااهم
ضحك بيتر... فاهم بس أولدي بقا عشان تشرف أميرتي
هزت رأسها بالنفي وعيطت.. لا انا مش عاوزاها انت هتحبها اكتر مني هي مطلعتش ولد لي انا بكرهك
بداءت تخترف بسبب الابرة.... انا مش عاوزة اولد انا هحبسها جوا عشان انت ما تحبهاش
مراد ... بتعيطي لي دلوقتي
منة بعياط... انت مش شايف اختك بتصرخ وكدا لي انا خايفة انا مش عاوزة اولد
ضحك مراد.. ههه خلاص ي قلبي نخلية جوا ونخلله هو واختة اصل بصراحة انتي طولتي قوي دا انا مش عارف ولاد..... مش راضين يخرجوا لي مع انك حامل قبل البت كوثر
ضربتة علي صدرة.... اولا ما تشتمش اطفالي الحلوين ثانيا اختك ولدت في شهر ٧
همس لها .. طب ما تيجي اولدك بدري
ضربتة.. سافل وقليل ادب
حضنها مراد وضحك
سليم وكريمة عيال مراد +عز
نور وشمس ومروان عيال سيف
إسراء ومليكة عيال بيتر
تمت ٧/٣٠
بما إن محدش حب او فهم اخر جزء من النهاية قررت اعمل خاتمة
انا قولت مش هعمل حزء تاني ومع ذالك ختمت ببداية جديدة لقصة اولادهم
لاني مش عاوزة حد ينتظر اجزء التاني لانه في علم الغيب ممكن يتكب وممكن لا
بصراحة هي ممكن اخر جزء بتاع الاطفال هو إلي م فهموم بس تقريبا الحزء الاول كدا اتفهم
رعد.الي هو منير اتقبض علية
أماني ماتت
الخير انتصر علي الشر
كل واحد عاش مع حبيبة ما انا مش لازم يعني انهي زي باقي الروايات كل واحد عمل إي بعد الخطف لاني خليتها زي قصة سميرة هي إلي بتحكيها اسفة لو كنت خيبت أملكوا في النهاية بس من وجه نظري النهاية عجبتني اتمني تتغاضوا عن جزء أولادهم واعتبر نهاية الرواية لما سميرة خلصت سرد القصة خاصة اني تعبانة ومش قادرة اكتب اكتر من إلي قدمتة ليكوا
اسفة كمان مرة اني لغبطت كتير منكوا ويارب يكون الكل حب الخاتمة
