رواية عاكف وسيبال اكرهها الفصل الثالث عشر 13 بقلم سعاد محمد

رواية عاكف وسيبال اكرهها الفصل الثالث عشر 13 بقلم سعاد محمد

الثالثه عشر+13

فوجىء عاكف بدخول رنيم الى حفل الزفاف لينظر

.................

وقفت سيبال مع أخيها وأختها

ليقول سمير أخيراً حضرت فرحك أنا من كتر ما رفضتي عرسان بحجج فارغه قولت مش مكتوب ليا أكتب كتابك

لتضحك وتقول شوف يلا كبرتك وخليتك وكيلى فى كتب الكتاب يا سموره

ليضحك قائلاً بمزح أنت وكيلك ربنا أنت حد يقدر عليكى على رأى بابا الله يرحمه أنت المفروض كنا سمناكى سبيله على أسم جدتك أم ماما أنت قويه زيها

لتبتسم بسخريه فعن أى قوه يتحدث فلولا وقوف القدر معها لأصبحت من ضمن عاشيقات الوغد المتباهى عاكف الفاروق الليله.

ضحكت فاتن تقول شايفين حسام ابنى قاعد جنب ماما مش عايز يقوم من جنبها

ليقول سمير قصدك قاعد يسبل للبنت الصغيره الى قاعده مع ام مؤيد أبنك خبيث ويظهر هيعيد أمجاد أبوه

لتضحك فاتن وتقول وليه السيره الزفره دى أحنا فى فرح

بس بقولك البنت تستاهل شبه عمتها اموره زيها

لينظرسمير بأتجاهها ويقول هى عمتها قمر قمر أيه دى تقول للقمر قوم وأنا أقعد مطرحك

لتغمز فاتن لسيبال وتقول واضح أن سموره هيطلع من فرحك بعروسه

لتضحك سيبال وتقول أهى دى بقى نسخه منى والمفروض كانوا يسموها سبيله دى الوحيده الى وقفت تدافع عن أمها ومخافيتش

لتقول فاتن بضحك لأ واضح أن ماما داعيه عليك

ليبتسم سمير قائلاً بمزح ياريتها تكثف الدعى وتبقي من نصيبي بقولك أيه ما تجى نروح نقعد جنبهم يمكن تفرحوا بيا كمان الليلة وانتي يا سيبال ارجعي عند مؤيد

لتبتسم بود وتعودللجلوس جوار مؤيد

...............

ذهب يسرى الى تلك الطاوله التى تجلس عليها تغريد برفقة والدتها وأخيها اللذان أتيا بناءً على دعوة سيبال

ليجلس جوارها ويتحدث قائلاً بسخريه عقبالك يا تغريد أكيد الجوازه التانيه تكون أفضل من الأولى وتلاقي الى يعوضك

لتصمت تغريد

وتتحدث والداتها بدعاء يارب يعوضها بالى يقدرها ويسعدها بس حضرتك مين

ليرد يسري معرفا نفسه أنا يسرى الفاروق عم العريس

أتشرفت بمعرفة حضرتك

لتبتسم بهدوء وتقول أنا أسماء والدة تغريد وكمان أنا الى مربيه سيبال مع تغريد

ليقول بتهكم يازين ما ربيتى

أستأذن أنا علشان أرحب بالعروسه دى عروستنا الأولى وعريسها الأول.

لتفهم تغريد تلميحات يسرى لها ولكنها تتجاهلها فهى لا ينقصها تلميحات غبيه يكفى نيران قلبها المشتعله.

..............

عادت سيبال الى الطاوله التى يجلس عليها مؤيد برفقة عمه ساجد وزوجته وأبنته

لتقول تهانى زوجة عمه بسخريه لها أنت سايبه مؤيد وقاعده بعيد عنه وواقفه مع مين

لترد سيبال أنا كنت مع أخواتي ومتزعليش قوى أدينى رجعت أقعد جنبه وبعدين بكره يزهق من قعدتى جنبه

لتشعر سيبال بشعور سىء أتجاه هذه المرأة فهناك فرق كبير بينها وبين شرين حتى فى الملابس فتلك ترتدى ملابس ملائمه لعمرها اما هذه فتتصابى بملابسها

لتقول تسنيم بس واضح أنك أنتى واخواتك مرتبطين ببعض يعنى واضح أن أخوكى أصغر منك ومع ذالك خلتيه هو وكيلك بكتب الكتاب

لترد سيبال سمير أخويا شال مسئوليه من وهو عمره أربعة عشر سنه بعد وفاة بابا

لتنظر تسنيم اليه بأعجاب وتقول وهو بيشتغل أيه

لتردسيبال هو فى السنه الاخيره فى كلية الهندسه ديكور

لتبتسم تسنيم وتقول زيى يعنى أنا كمان بدرس الديكور يعنى ممكن نشتغل مع بعض فى يوم

لتبتسم سيبال وبداخلها تشعر أن تسنيم يبدوا عليها الاعجاب بسمير ولكن لاتعرف لما لديها احساس أنها النسخه النسائيه من غطرسة وغرور وتعالى عاكف .

تحدث ساجد قائلاً كويس لاقيتى لك شريك تفتحوا مكتب مع بعض ويقول بسؤال وسمير بيروح مكتب يدرب فيه على تصميم الديكور علشان ياخد خبره

لتردسيبال لأ لأنه بيشتغل فى شغل الدهنات والتشطيبات مع مقاول عندنا بالمنصوره فهو بياخد خبره من أرض الواقع

لترى نظرة تعالى من تهانى فابتسمت سيبال.

..................

جلست فاتن وسمير جوار والداتهم

لتقوم نجاة بتعرفهم لثريا

وتقول دى فاتن بنتى الكبيره وام حسام ودا سمير ابنى

لتبتسم ثريا وترحب بهم

لتقول ودى صهيبه بنتي ودى سهيله زى حفيدتى

ليأتى من خلفها ذالك الشاب يقول بمزح هى فعلا حفيدتك أنتي مش عمتي ولا مرات أبويا أنتى والدتي

لتضحك ثريا وتقول ودا يبقى مجد أخو صهيبه

ليميل سمير على فاتن ويقول سهيله وصهيبه انا حاسس أنى بتفرج علي فيلم من أيام الجاهليه

لتبتسم فاتن وتلكزه وتقول أسكت لا يسمعوك

ليقول مجد وهو ينظر الى فاتن نسيتى تعرفنى عليهم

لتقوم بتعرفهم ثريا وتكمل يبقوا أخوات سيبال عروسة مؤيد

ليتجاذب الحديث معهم وعيناه منصبه علي فاتن ومعجب بهدوئها ويشعر معها بالألفه وهى كذالك

لتقول ثريا واضح أن حسام طفل زكى وهادى

ليرد سمير أيوا حسام فيه من طباع مامته كتير الهاديه ودا الى خلى سيبال توديه يتعلم الكارتيه وبتقول علشان يقوى شخصيته

لتقول ثريا أمال باباه فين مش حاضر معاكم

لتشعر فاتن بالحرج

ليقول سمير فاتن منفصله عن بابا حسام من خمس سنين

لتتأسف ثريا بحرج أنا اسفه

لترد فاتن لأ محصلش حاجه وكونى منفصله ميقللش من شأنى بالعكس أنا حسيت أن شأنى على بعد ما أنفصلت

لينظر مجد اليها بأعجاب من ثقتها بنفسها وبداخله شعور سعيد

نظر سمير الى حسام يقول بمزح وكابتن مصر مش يعرفنا على الموزه الى معاه

ليبتسم مجد

ليقول حسام له مش طنط ثريا عرفتك عليها ولا هى رخامه وخلاص يا سموره

ليبتسم الجميع على رده

ليقول سمير بمزح تربية سيبال هقول عليك دول كانوا من شويه بيقولوا شعر فيك

لتقف سهيله وتتجه الى سمير وتمد يدها له وتقول بطفوله انا سهيله مجد حليم البنهاوى يا عمو سموره

ليبتسم سمير ويقبل يدها ويقول تشرفت بمعرفتك ياعسوله أهو دا الأدب مش زى ناس تانيه أكيد مامتك مربياكى على الأدب

ليلمح نظرة حزن بعينها

لتقول صهيبه بتأثر مامتها ملاك عند ربنا

ليفهم سمير ويقول معتذرا هى ملاك عند ربنا فى السما وأنت ملاك عندنا فى الأرض

لتبتسم الصغيره

ليجلسوا معا يتحدثون بجو من الألفه ونظرات العيون بين فاتن ومجد.. وسمير وصهيبه لا تفهم معناها هل هى بدايه قصص حب جديده أم شىء أخر ستوضحها الأيام.

...... ........

فوجىء عاكف بدخول تلك الوقحه الأخرى ميسره لتتجه إليه بأبتسامه ليقف يرحب بها لتميل عليه وتقبله من وجنتيه ليبتسم بخبث فهو يعرف من دعتها لتتشفى فيه

لتقف رنيم وبقلبها حرقه تود حرق تلك الوقحه

وتسحب عاكف وتقول بغيره واضحه مش تعرفنى على الحلوه

ليرد عاكف دى ميسره الوجه الاعلانى الجديد

لتمد ميسره لها يدها وتقول بس أنا عارفاكى انت الوجه القديم

ليشعر عاكف بأشتعال النظرات بينهم وارادة كل واحده الفوز به

ولكنه اليوم يشعر أنه أمير مهزوم من الحب ها هى ثانى أمرأة يحبها و تتخلى عنه وتختار غيره.

ليأتى إليه شامل مبتسما يميل عليه يقول بهمس أيه الموزتين هيموتوا بعض بسببك أنت مش عاتق فوت حاجه لأخوك انا سنجل

ليبتسم عاكف وبداخله يتألم ويقول بهمس ياريتك تاخدهم الاتنين وتفارقينى

ليردشامل يا عم فكك مالك أيه الى حصل ومعصبك كده

ليرد عاكف بتبرير كاذب محصلش حاجه أنا تعبان جاى من السفر ومرتحتش بس دا سبب عصبيتى

لينظر شامل إليه وهو يعلم أنه يكذب فهذا واضح عاكف لأول مره يقع بالحب ويبعدها القدر عنه لتصبح لأخيه. ليهمس لنفسه بتحسر ويقول يبدوا أن هناك غيره من يتعذب بالحب مثله.

.................

عاد يسرى يجلس جوار زوجته شيرين التى تجلس برفقة عاكف جونيور يبتسمان ويمرحان و يستمتعان معا

ليقول بتهكم أنا بقول أوافق على مشروع الحضانه الى عايزه تفتحيها المثل بيقول فاقد الشىء لا يعطيه بس واضح أنك بتحبى الأطفال

لتشعر بألم من تلميحه لها بأنها وصلت لسن اليأس ولم تعد قادره على الانجاب وتغير معاملته لها

فسابقا كان يخاف أن يتحدث عن الانجاب لوجود عله لديه أما الان فهو تأكد أنها فاتها قطار الانجاب ولم تعد العله منه وحده

لتصمت بألم وهى تنظر الى عيناه التى تتجه الى ثريا

أرملة أخيه التى عشقها يوماً ولكن فاز بها أخيه او بالاصح أقتنصها مقابل قطعة أرض باعها لوالدها وكانت هى ثمنها.

........................

ذهبت سيبال برفقة مؤيد الذى يدفع مقعده المتحرك الى مكان جلوس ثريا التى تنظر عيناها من بداية الفرح الى ذالك العاكف وتود الذهاب اليه وتضمه بحضنها وتستنشق رائحته التى قد تحى قلبها فهى فلم تفارقه بأرادتها فكان الاختيار صعب بين البقاء بسجن أل الفاروق والزواج من ذالك المنافق يسرى بعد أن ترملت أو الهرب من السجن والفرار من العذاب التى ظلت به لأكثر من عشر سنوات لكن كان الثمن باهظاً هو أبنيها بعد أن أجبرها أبراهيم الفاروق وسلب منها أبنيها ولكنها لم تيأس وحاولت أسترجاعهم لكن إبراهيم الفاروق أبعد عاكف عنها وادخل الحقد بقلبه أتجاهها وزاد بدخوله مدرسه عسكريه. لكن شيرين هى من كانت تعطى لها أخبار أبنيها بالخفاء. وقربت بين مؤيد ووالداته فمؤيد من صغره كان ضعيف البُنيه وهذا كان لصالحه ليبعد عنه قسوة إبراهيم الفاروق. وييقى مع عاكف يسقيه القسوه والجحود علي الجميع عدا مؤيد الذى قايض حريته برفهيته حتى لا يلوث قلبه بجحود جده

....

وقف مجد بأحترام لتجلس سيبال جوارهم تقول لثريا أنا سعيده جداً أن حضرتك شرفتى الفرح وحضرتى

لترد ثريا أنا الى بشكرك علي السعاده الى شيفاها فى عيون مؤيد وكمان بشكرك انك طلبتى من مؤيد حضورى يمكن لو مش رغبتك بحضورى كان مؤيد ممكن ميدعنيش

ليبتسم مؤيد

لتقول صهيبه لأ يا ماما مؤيد طيب واكيد كان هيدعينا

لتبتسم سيبال وتقول أنا بصراحه قولت لمؤيد يأكد على حضورك لأنى من يوم ما شوفتك فى العزبه وأنا نفسي أتعرف عليكى لأنى حسيت أننا بنشبه بعض بس انتي قمر طبعاً أنما على قدى بس يمكن نفس الشخصيه مبنحبش الظلم

لتقول صهيبه ببسمه ودوده أنا يشرفنى أنك تكونى مرات أخويا وكمان صديقتي العزيزة

لتبتسم ثريا لسيبال بأمتنان فيبدوا أنها تريد تجمع الأخوه

........

كان هناك من يشتعل قلبه وهو يرى سيبال تحتضن ثريا وتجلس برفقتها ويبتسمون ويمزحون كم يريد أن ينتهى هذا الكابوس ويصحو ا ليجد عكس ذالك

يحدث

.............

بعد قليل تركت سيبال ومؤيد تلك الطاوله ليتجهوا الي طاولة عاكف

ليقف لها شامل لتجلس محله

لتقول بمزح مش عارفه ليه كل ما أروح لطاوله يقف لى حد واقعد مكانه

ليضحك شامل ويقول أحنا المفروض الى كنا نجى لعندك وأنت تقعدي على البيست

لتقول سيبال أنا مبحبش التكتيفه علشان كده قولت لمؤيد انا مش عايزه كوشه وهنقعد بين المعازيم

وكمان علشان تبقى حاجه مميزه بفرحنا ونفتكرها بعدين

ليضحك شامل ويقول فعلا فكره مميزه

لتنظر سيبال بأتجاه عاكف وتقول عقبال فرحك يا عاكف قريب انشاءاللة

ليبتسم عاكف لها بسخريه وتهجم ويقول بمغزي لأ أنا ماليش فى الجواز كفايه مؤيد غلط غلطة عمره وأتجوز

لتفهم سيبال مغزى حديثه وتتبسم وتقول يمكن يكون دا أكتر شىء عمله صح بحياته كلها وفى الوقت المناسب

ليمسك مؤيد يد سيبال ويقبلها بعشق ويقول بنيه طيبه فعلا دا أكثر شىء صح عملته فى حياتى وكنت أتمنى أعمله من زمان

لتبتسم سيبال له بود

لتقول سيبال لعاكف وبعدين ما لكش حق تقول على الجواز غلطه كده هتخلى الإتنين الى قاعدين جنبك يأخدوا فكره غلط عنك سواء كانت رنيم أو مسخره اوه أسفه قصدى ميسره عمتا يا بنات وتقول بمغزى مش بنات برضو أنا كنت جايه بنفسى علشان أقولكم ان خلاص الحفله هتخلص ولازم ارمى بوكيه الورد وبدعيكم تقفوا ورايا وأنا برمى بوكيه الورد يمكن واحده منكم تلقفه ويبقى الدور عليها ونفرح فيها قصدى بيها قريب

لتبتسم ميسره وتشعر رنيم بسوء أتجاهها فهى يبدوا أنها تستفز عاكف.

بعد قليل وقفت سيبال ترمى بوكيه الورد لتتلقفه صهيبه

لتبتسم لها سيبال وكذالك سمير

لينتهى الفرح وتصعد سيبال برفقة مؤيد الى الجناح المحجوز لهم بنفس الفندق.

..........................

وقفت رنيم تتدلل على عاكف لتصطحبه لقضاء الليله معها ولكنه رفض بحجة أنه متعب من السفر ويريد الراحه النفسيه.

ليتركها ويبتعد قليلا

ليأتى شامل إليه ويقول أيه مش هتروح الڤيلا ولا هتروح مع واحده من الإتنين

ليرد عاكف لأ هروح الفيلا أنا عايز أنام أنا من أمبارح منمتش أنت عارف أنى جيت من السفر علي مفاجأة الفرح وهلكان

ليشعر شامل ببؤس صديقه

ليقول ما تجي تبات عندى بعد منلعب شويه بلاى أستشن الواد كوكو قالى أشتري له شوية ألعاب جديده وبيلعب بيها وبيكسبنى تعالي نلعب بيهم شويه

ليقول عاكف لأ أنا هروح خليها لوقت تانى ليتركه ويغادر

ليتعجب شامل من حالة عاكف فهذه أول مره يراه بتلك الحاله الزاهده لمتع الحياه ويريد التخلى بنفسه.

....................

دخلت سيبال خلف مؤيد الى ذالك الجناح المحجوز لهم

لتقف جواره

ليمسك مؤيد يديها ويقبلهم بشوق ويقول اليوم دا أنا كان نفسى فيه من أول مره شوفتك فى قاعة المحاضرات

لتبتسم له ليشعر برجفة يديها بين يديه

لتسحب يديها وتقول بلطف أنا هدخل أغير فى الحمام

ليبتسم لها لتأخد ملابس معها وتتجه الى الحمام

دخلت الى الحمام.. لتقف وتسند ظهرها على باب الحمام وتضع يدها على قلبه تهدئه وتغمض عينها بألم تخبر نفسها لما عرض عاكف عليها الزواج اليوم.

لما أزداد فى جرحها لوكان عرضه عليها يوم أن ساومها كانت قبلت وصدقت حبه لها حتى لو كان بالكذب لكن الان لا تقدر أن تقبل منه الصدق.

...............

جافى عيناه النوم وهو يتخيلها تبادل أخيه المشاعر وتطارحه الغرام

ليتذكر حين تركته صباحا بالفندق بعد أن رفضت الزواج به

ليذهب الي طبيب مؤيد الذي يتابع حالته

دخل عاكف على الطبيب مهيب بعد الناصر بالمشفى ليقف الطبيب يستقبله بترحيب

ليقول عاكف له مباشرة أنا جاي النهارده وعندى سؤال أنت الوحيد الى عندك أجابته

ليرد الطبيب وايه هو

ليقول عاكف أنت عرفت طبعا ان مؤيد هيتجوز النهارده

ليبتسم الطبيب ويقول ايوة هو قالى أمبارح بعد جلسة العلاج الطبيعي وكمان دعاني وأنا باركت لهو اعتذرت له لانى هيكون عندى عمليه

ليرد عاكف بس دا مش سؤالى

سؤالى هو مؤيد عنده قدره أنه يتجاوب مع ست معاه

ليرد الطبيب ويقول انا مش فاهم قصد حضرتك

ليقول عاكف أنا قصدى العلاقه الزوجيه مؤيد عنده مقدره انه يمارسها

ليرد الطبيب بعملية مبتسما ويقول بالتأكيد هو عنده القدره مؤيد معندوش اعاقه جسديه تمنعه لان ببساطه مؤيد فقد الحركه بقدم واحده فى البدايه بس مع التعامل الخاطىء فى نقله من مكان الحادث للمستشفى هو الى زود من الاصابه عنده بدليل أنه كان بيشعر بالألم وبيطلب منى أعطائه مسكنات بس أوقات كتيره انا كنت برفض لخطورتها عليه بس هو كان بيستعملها من ورايا

بس مع ظهور حبيبته فى حياته مره تانيه حسيت انها أعادت له الدافع أنه يحاول يستغنى عن المقعد المتحرك

وكمان وقوفه على رجليه مره تانيه يأكد صحة كلامى

ليشكر عاكف الطبيب ويرحل.

عاد من تذكره يحرق العذاب قلبه وهو يتخيلها مع مؤيد.

....................

خرجت سيبال من الحمام تردى زيا خاص بالصلاه

لتجده يبتسم لتقول له تحب أساعدك تدخل تتوضى

ليرد مؤيد مبتسماً ويقول لها لأ أنا متعود أتوضى لوحدى

ليدخل الى الحمام ليتوضىء

بعد قليل خرج مؤيد ليأمها للصلاه حتى إنتهى لتميل له ليضع يده على رأسها يدعوا دعاء الزواج

لتقول له بخجل أنا ثوانى هدخل الحمام وأرجع تانى

بعد وقت صغير خرجت من الحمام بعد أن أبدلت ملابسها الى منامه خضراء ناعمه قصيره وفوقها مئزرها لتجده يجلس بالفراش لتقترب وتصعد الى الفراش جواره

ليحرك نفسه ويقترب منها ليضمها إليه ويبدأ بتقبيلها قبل هادئه على جميع وجهها الى أن وصل الى شفتيها ليقبلهم بعشق ويزيح المئزر من على جسدها بهدوء

ليعتليها

لتدفعه فجأه عنها ليبتعد عنها

لينظر إليها يجدها تبكى

ليقول لها بهدوء مالك . لتصمت

ليقول لها.بكسره أنا أسف

لترد عليه أنا الى أسفه بس صدقنى مش هقدر أنا كل الى بطلبه منك شوية وقت

ليرد مؤيد بسؤال سيبال انتي فى فى حياتك واحد تانى

لتصمت

ليقول مؤيد بألم أنا وعدتك أنك تحبنى زى ما انا بحبك ومقدرش ألومك انتي مخدعتنيش

لتنظر إليه بأمتنان لتفهمه لها

لتلعن قلبها لم لم يحب ذالك النبيل وعشق ذالك الوغد الذى كان السبب بعذابها وعذاب أخيه فهى حين قبلها مؤيد أغمضت عينيها لتتخيل من يقبلها هو عاكف

لتفتح عيناها سريعا وترفض مبادلة مؤيد مشاعر كاذبه هى تعلم أنها ستكون ملعونه من الملائكه

لكن فى نظرها ملعونه أفضل من خائنه.

الاغنيه دى أعتذار سيبال ل مؤيد

الرابع عشر من هنا

تعديل المقال